快樂囡仔詩 彰化縣頂番國小校長 楊振裕 楊振裕 01 古錐囡仔兄 01 古錐囡仔兄 古錐囡仔兄 塗腳咧學行 行到門口埕 聽著粟（ tshik ）鳥仔聲 Ts í ！ ts í ！ tsi ú ！ tsi ú ！真好聽 古錐囡仔兄 驚驚咧學行 跋一倒 哭甲真大聲 阿母講：心肝仔囝 寬寬仔（ khuann-khuann-

Presentation on theme: "快樂囡仔詩 彰化縣頂番國小校長 楊振裕 楊振裕 01 古錐囡仔兄 01 古錐囡仔兄 古錐囡仔兄 塗腳咧學行 行到門口埕 聽著粟（ tshik ）鳥仔聲 Ts í ！ ts í ！ tsi ú ！ tsi ú ！真好聽 古錐囡仔兄 驚驚咧學行 跋一倒 哭甲真大聲 阿母講：心肝仔囝 寬寬仔（ khuann-khuann-"— Presentation transcript:

1

2 快樂囡仔詩 彰化縣頂番國小校長 楊振裕 楊振裕

3

4 01 古錐囡仔兄 01 古錐囡仔兄 古錐囡仔兄 塗腳咧學行 行到門口埕 聽著粟（ tshik ）鳥仔聲 Ts í ！ ts í ！ tsi ú ！ tsi ú ！真好聽 古錐囡仔兄 驚驚咧學行 跋一倒 哭甲真大聲 阿母講：心肝仔囝 寬寬仔（ khuann-khuann- á ）行 毋免驚 連鞭（ Liâm-mi ）你就真 （ gâu ）行

5 02 好朋友 02 好朋友 好朋友 做伙來搩（ kiat ）球 你搩予我 我搩予你 歡喜笑微微（ bi-bi ） 好朋友，手牽手 相招幌（ h à inn ）千秋 我幌 -- 過 - 來 你幌 -- 過 - 去 快樂無憂愁

6 03 行棋 小妹佮小弟 歡喜咧行棋 你食我的馬 我食你的俥（ ki ） 食過來，食過去 實在真趣味

7 04 抽靈籤 04 抽靈籤 – 抽靈籤，卜聖卦 – 祈求神明來點化 – 好代誌，加做寡 – 毋免咒重誓（ tsuā ） – 包你輕輕鬆鬆 – 逐工攏快活

8 05 放風吹 阿兄佮小妹 仝齊放風吹 風吹飛啊飛 飛過白菜園 落落去（ la ̍ k-lo ̍ h-kh ì ) 田中央

9 06 阿爸親像山 06 阿爸親像山 阿爸親像一粒山 為阮日夜咧拍拼 驚阮熱，驚阮寒 一路佮阮來做伴 予阮袂孤單 親愛的阿爸 你是阮永遠的靠山

10 07 阿姨 阿姨阿姨 請你食麻糬 請你看大戲 閣請你講英語 ABC ，狗咬豬 歡喜笑微微（ bi-bi ）

11 08 阿婆 阿婆阿婆來 迌 厝前後壁四界趖（ sô ） 大庄食葡萄 王功食青蚵 閣去廟口看人拍大鑼

12 09 拜拜 七月時仔大拜拜 一家大細做伙來 祈求全世界 風颱地動攏莫（ m à i ）來 逐家平平安安 笑咍咍

13 10 盹龜 10 盹龜 吉啊吉啊毋讀書（ tsu ） 上課愛盹（ tuh ）龜 考試成績倒退攄（ lu ） 阿母共伊講 你若毋讀書 大漢敢會變做一隻 青盲牛

14 11 射飛行機 11 射飛行機 阿兄佮小弟 門口埕摺（ tsih ）飛行機 阿兄摺的有夠媠 射一下飛到厝頂去 小弟摺的頭扁扁 飛無外久一直攲（ khi) 摔（ siak) 落去溝仔邊

15 12 釘干樂 12 釘干樂 大廟前，干樂提來釘 大細漢囡仔真無閒 索仔纏絚（ ân) 相準準 拼力掔（ khian ）出去 干樂圓圓踅（ se ̍ h ）無停 踅無停，有夠猛 親像阮的好心情

16 13 覕（ bih ）相揣 花園內 有蝶仔，有蜜蜂 花蕊朱朱紅 小朋友，覕相揣 有的東爿（ p î ng ）覕 有的西爿藏 小妹予人掠著 大聲喝救人

17 14 涼水珠仔 14 涼水珠仔 涼水珠仔阮上愛 透明的腹肚內 有美麗的色彩 大粒的、細粒的 囥（ khg ）囥佇橐袋仔（ lak-tē- á ）內 不時提出來佮朋友比賽 順紲（ s ù a ）共（ kā ）朋友臭蓋

18 15 硌硞馬 硌硞馬，走若飛 走到大肚溪 喙焦欲啉茶 茶啉過 走去南瑤街 順紲載人客 去拜土地公伯

19 16 貓仔掠鳥鼠 16 貓仔掠鳥鼠 貓仔掠鳥鼠 鳥鼠真驚死 趕緊走去覕（ bih ） 貓仔掠袂著 Miau ！ miau ！ miau ！ 大聲發脾氣

20 17 博士博 17 博士博 博士博，蹛（ tu à ）美國 薰吹直直噗（ pok ） 鼻仔啄啄啄（ tok ） 凊彩（ tsh ì n-tsh á i ）講 烏白博（ phok ） 博甲大頭擴（ khok ） 博甲戴紙橐（ lok ）

21 18 愛哭神 18 愛哭神 愛哭神 食飯配胡蠅（ hôo-s î n ） 早睏晏（ u à nn ）精神 無洗喙 無洗面 無人愛佮伊做陣

22 19 落大雨 歇睏日 牽狗去散步 行到草仔埔 拄著落大雨 雨愈落愈粗 身軀沃甲澹糊糊 轉來 煞感冒

23 20 搧尪仔標 20 搧尪仔標 圓圓的尪仔標 媠媠真可愛 疊（ thia ̍ p ）規疊（ tha ̍ h ） 來比賽 出力搧予反（ p í ng)-- 過來 搧贏幾若擺（ k ú i-nā-p á i ） 實在足厲害 趕緊展予逐家知

24 21 騎鐵馬 騎鐵馬，四界踅（ se ̍ h ） 涼風對面吹 好朋友，來相會 歡喜騎仝齊 我做後壁，你做前 快樂好心情

25 22 飛行機 飛行機，天頂飛 毋知伊欲飛去佗（ tu é ）？ 飛過田園飛過溪 飛向遠遠的山脈 一直飛，一直飛 愈飛愈遠 無地揣（ tshūe ）

26 23 食果子 23 食果子 細仔漢的時 阿姨請阮食果子 有葡萄，有荔枝 甜甜甜，好滋味 這馬阮若食果子 攏會想著阿姨 歡喜笑微微 (bi-bi)

27 24 看電視 24 看電視 食暗飽 阿公客廳看電視 電視咧搬歌仔戲 比手畫刀真趣味 搖椅搖啊搖 阿公煞睏去 毋知伊咧看電視 抑是電視咧看 -- 伊？

28 25 紅目兔 25 紅目兔 紅目兔 出門去散步 跳一步、跳二步 來到草仔埔 雞角拄著講：「哈囉！」 牛兄拄著講：「哞！哞！」 田蛤仔歡喜攬腹肚 那唱歌，那拍鼓

29 26 我攏眠夢過 26 我攏眠夢過 山珍海味我食過 名牌服裝我穿過 高級的別莊我蹛過 進口的轎車我坐過 好人好事我做過 全世界的風景我看過 啊！啥物好空（ khang ）的代誌 我攏眠夢過

30 27 魔術師 27 魔術師 魔術師，真厲害 空空的袋仔內 寶貝一項一項變 -- 出 - 來 變乒乓，變紙牌 變手巾仔佮王梨 閣有一隻粉鳥 飛 -- 出 - 來 精彩！真精彩 敢會當共（ kā ）一千箍（ khoo ） 變 -- 出 - 來？

31 28 鹿港媽祖宮 28 鹿港媽祖宮 鹿港媽祖宮 媽祖上蓋興 廟前掛花燈 廟壁畫虎閣畫龍 信徒拜拜真虔（ khiân ）誠 祈求國泰民安 家安寧