歡喜念歌詩 本土兒童詩歌 介紹kah欣賞 豐榮國小 曹麗華 2011.07.02.

Presentation on theme: "歡喜念歌詩 本土兒童詩歌 介紹kah欣賞 豐榮國小 曹麗華 2011.07.02."— Presentation transcript:

1 歡喜念歌詩 本土兒童詩歌 介紹kah欣賞 豐榮國小 曹麗華

2 壹：淺談本土兒童詩歌 一、本土囡仔歌 (一)囡仔歌的起源 (二)本土囡仔歌包括 1.傳統囡仔歌， 2.現代創作囡仔歌。
(三)：「傳統囡仔歌」的特色

3 (四)：何謂「創作囡仔歌」----現代人創作的囡仔歌
(五)：囡仔歌kah童謠的異同 (六)：囡仔歌的定義 (七)：囡仔歌的特徵 (八)：音樂性的來源 (九)：囡仔歌的創作的要點

4 二：本土童詩 (一)：「本土童詩」kah「本土囡仔歌」比較起來，有三個特色。 (二)：童詩的起源kah發展 (三)：廣義的童詩包括三個範圍： (四)：童詩的定義 (五)：童詩的特質 (六)：詩味的來源

5 (七)：介紹幾種童詩類型 (八)：兒童詩的功用 (九)：童詩按怎寫 (十)：按怎培養寫作的能力

6 貳、兒童詩歌欣賞 靜夜思 李白 床前明月光， 疑是地上霜。 舉頭望明月， 低頭思故鄉。

7 登鸛雀樓 王之渙 白日依山盡， 黃河入海流。 欲窮千里目， 更上一層樓。

8 楓 橋 夜 泊 張繼 月落烏啼霜滿天， 江楓漁火對愁眠。 姑蘇城外寒山寺， 夜半鐘聲到客船。

9 春曉 孟浩然 春眠不覺曉， 處處聞啼鳥。 夜來風雨聲， 花落知多少。

10 回鄉偶書 賀知章 少小離家老大回， 鄉音無改鬢毛衰。 兒童相見不相識， 笑問客從何處來。

11 ABC狗咬豬 傳統唸謠 ABC狗咬豬， 阿婆仔坐飛機， 跋一下冷吱吱。 叫醫生， 來甲伊醫， 醫一下跤骨大小支， 醫一下跤骨大小支。

12 大箍呆 傳統唸謠 大箍呆哎喲白目眉，無人請你著家己來。 來來大箍呆炒韭菜，燒燒一碗來， 冷冷阮無愛。 大箍呆炒韭菜，燒燒一碗來，
大箍呆 傳統唸謠 大箍呆哎喲白目眉，無人請你著家己來。 來來大箍呆炒韭菜，燒燒一碗來， 冷冷阮無愛。 大箍呆炒韭菜，燒燒一碗來， 大箍呆，到今你才知，到今你才知。

13 火金姑 傳統唸謠 火金姑來食茶，茶燒燒，食芎蕉。 芎蕉冷冷，食龍眼。 龍眼愛撥殼，換來食藍菝仔， 藍菝仔全全籽， 害阮食一下落喙齒，
火金姑 傳統唸謠 火金姑來食茶，茶燒燒，食芎蕉。 芎蕉冷冷，食龍眼。 龍眼愛撥殼，換來食藍菝仔， 藍菝仔全全籽， 害阮食一下落喙齒， 害阮食一下落喙齒。

14 台灣出甜粿 喂、喂、喂，台灣出甜粿。 甜粿真好食，台灣出木屐。 木屐真好穿，台灣出鵁鴒。 鵁鴒會講話，台灣出棉被。 棉被甲會燒，台灣出芎蕉。
芎蕉真大枇，台灣出蕃薯。 蕃薯會止飢，台灣出飛機。 飛機真爻飛，台灣出鼓吹。 鼓吹真爻陳，台灣出炸彈。 炸彈真厲害，歹人毋敢來。

15 秀才秀才騎馬弄弄來 秀才秀才騎馬弄弄來， 佇馬頂跋落來，跋一下真厲害。 喙齒疼，糊下頷。 目睭疼，糊目眉。 腹肚疼，糊肚臍。 嘿真厲害。

16 貧憚仙 一天過了又一天， 身軀無洗全全鉎， 走去溪仔洗三遍， 毒死烏魚數萬千。

17 普渡歌 普渡來，欲做戲， 吩咐三，吩咐四， 吩咐親家親姆，十五來看戲。 對竹跤，厚竹刺， 對溪邊，驚跋死， 對大路，嫌費氣， 無，著攏勿去。

18 澎恰恰的鼻孔大 施福珍 澎恰恰、澎恰恰、 澎恰恰的鼻孔大， 澎恰恰的鼻孔大。 因為細漢的時候， 用指頭挖鼻孔， 挖到鼻孔黑弄弄， 實在嚇死人

19 台灣小吃 大頭仔大頭仔生後生，後生生了賣肉羹， 肉羹結歸丸，大頭仔講伊欲賣肉圓。 肉圓歹吃無人買，大頭仔賣碗粿。
碗粿冷吱吱，大頭仔氣著賣花枝。 花枝花枝真臭矂，大頭仔換來賣米糕。 米糕燒滾滾，大頭仔講伊欲賣米粉。 米粉滾袂爛，大頭仔不知欲按怎？

20 坐火車遊台灣 李光福 坐火車，遊台灣，桃園買豆干，新竹食貢丸，太陽餅佇臺中站，彰化葡萄上界讚。 坐火車，遊台灣，西螺買豆油，麻油佇北港，
坐火車遊台灣 李光福 坐火車，遊台灣，桃園買豆干，新竹食貢丸，太陽餅佇臺中站，彰化葡萄上界讚。 坐火車，遊台灣，西螺買豆油，麻油佇北港， 台南也有棺材枋，麻豆出名是文旦。 坐火車，遊台灣，美濃出雨傘，旗山香蕉鬆， 夠味的豆醬佇岡山，欲買豬腳去萬巒。 坐火車，遊台灣，臺東釋迦媠，花蓮薯足香， 礁溪會當洗溫泉，愛食李鹹來宜蘭。

21 十二生肖 民俗歌 一鼠賊仔名 二牛駛犁兄 三虎爬山坪 四兔遊東京 五龍皇帝命 六蛇予人驚 七馬走兵營 八羊食草嶺 九猴爬樹頭 十雞啼三聲
十二生肖 民俗歌 一鼠賊仔名 二牛駛犁兄 三虎爬山坪 四兔遊東京 五龍皇帝命 六蛇予人驚 七馬走兵營 八羊食草嶺 九猴爬樹頭 十雞啼三聲 十一狗仔顧門埕 十二豬是菜刀仔命

22 正月正 民俗歌 正月正請女婿入大廳。二月二殺豬公謝土地。 三月三桃子李子雙頭擔。四月四桃子來李子去。
正月正 民俗歌 正月正請女婿入大廳。二月二殺豬公謝土地。 三月三桃子李子雙頭擔。四月四桃子來李子去。 五月五西瓜排甲滿街路。六月六踏水車拍干樂。 七月七龍眼烏石榴必。八月八牽豆藤挽豆莢。 九月九風吹滿天吼。十月十人收冬頭家請長工。 十一月年兜邊家家戶戶咧搓圓。 十二月換新衫來過年。

23 囡仔歌----阿兵哥 阿兵哥， 食饅頭， 食kah4喙齒黑so５so５， 看著小姐軟cio５cio５。

24 囡仔歌----草螟公 草螟公，穿紅裙， 欲叨去，欲坐船， 坐kah4龍眼kinn５， 龍眼綴荔枝，荔枝樹尾紅， 囝婿探丈人，丈人無佇厝，
姨仔koo1狗咬姐夫，姐夫叫伊毋通， 一時後壁咬一空，和尚相打giu2頭鬃， 尼姑抱囡仔出來看人。

25 安平追想曲改編 曹麗華蒐輯編寫 十三十四電頭鬃，十七十八水噹噹， 想be7來嫁ang，又擱揣無人， 揣著一e５美國人，
安平追想曲改編 曹麗華蒐輯編寫 十三十四電頭鬃，十七十八水噹噹， 想be7來嫁ang，又擱揣無人， 揣著一e５美國人， 又擱遮大箍，又擱遮大叢， 喙鬚胡胡驚死人， 原來伊是阿姆斯壯， 啊！伊是一e５太空人。

26 蔥仔 曹麗華 蔥仔蔥仔氣味芳 厝前厝後種幾叢 阿母提伊來khian3芳 煮湯炒菜攏會tang2 炒飯香味四界送 予阮食kah喙留芳
蔥仔 曹麗華 蔥仔蔥仔氣味芳 厝前厝後種幾叢 阿母提伊來khian3芳 煮湯炒菜攏會tang2 炒飯香味四界送 予阮食kah喙留芳 三頓無伊著無kang5

27 烏枋 曹麗華 寫字寫字來寫字 逐家做夥來寫字 畫圖算數免客氣 囡仔寫kah真歡喜 寫毋著嘛免失志 hu2仔連鞭hu2 hu2去
烏枋 曹麗華 寫字寫字來寫字 逐家做夥來寫字 畫圖算數免客氣 囡仔寫kah真歡喜 寫毋著嘛免失志 hu2仔連鞭hu2 hu2去 咱逐家著來捌字 認讀讀冊真趣味 寫字寫字來寫字 烏枋予咱來寫字

28 下課十分鐘 曹麗華 下課十分鐘 學生真無閒 合作社買枝仔冰 運動埕頂跳樹乳 喙乾著愛找水lim 若欲便所毋通忍 等若上課來摃鐘
下課十分鐘 曹麗華 下課十分鐘 學生真無閒 合作社買枝仔冰 運動埕頂跳樹乳 喙乾著愛找水lim 若欲便所毋通忍 等若上課來摃鐘 教室又擱靜靜靜

29 火金姑 曹麗華 一隻火金姑 飛佇田岸路 尾溜閃爍像燈火 親像幫阮來tshua7路 天暗伊著來照路 予阮腳步袂踏錯

30 洗身軀 曹麗華 天暗身軀黑lu lu 緊來浴間洗身軀 先ka 身軀抹雪文 身軀變ka kut liut liut 雙手出力認真lu2
洗身軀 曹麗華 天暗身軀黑lu lu 緊來浴間洗身軀 先ka 身軀抹雪文 身軀變ka kut liut liut 雙手出力認真lu2 手面洗了洗腳骨 鬥工若來洗身軀 身體健康免憂愁

31 知本溫泉 曹麗華 知本的溫泉 頂港有名聲 下港有出名 四界的人攏來看 知本的溫泉 地熱出水免燒碳 水質純清無亂tsuann3
知本溫泉 曹麗華 知本的溫泉 頂港有名聲 下港有出名 四界的人攏來看 知本的溫泉 地熱出水免燒碳 水質純清無亂tsuann3 知本的溫泉 日本時代著真有名 逐家相招來作伴 台東知本洗溫泉 包你健康擱快活

32 台東釋迦 曹麗華 釋迦叢 種佇咱台東 樹叢健康擱大叢 現代改良真濟款 軟枝釋迦 大目釋迦 鳳梨釋迦 隨你愛食叨一項
台東釋迦 曹麗華 釋迦叢 種佇咱台東 樹叢健康擱大叢 現代改良真濟款 軟枝釋迦 大目釋迦 鳳梨釋迦 隨你愛食叨一項 恁若來台東 無食釋迦無彩工 今仔乎阮做主人 保證食著在叢紅

33 晚倫西亞 曹麗華 ba lian3 sia3 ba lian3 sia3 華語叫做晚倫西亞 伊是改良的柳丁 咱kah叫做是香丁
晚倫西亞 曹麗華 ba lian3 sia3 ba lian3 sia3 華語叫做晚倫西亞 伊是改良的柳丁 咱kah叫做是香丁 香丁著是香吉士 出產佇泰源的農產 元宵過了開始紅 湯濟肉紅真正芳 台東的名產 食了行氣面色紅

34 泰源文旦 曹麗華 泰源幽谷的文旦 中秋若到滿樹叢 肉質幼嫩氣味芳 伴手送禮買規籠 宅配運銷四界送 中秋團圓食文旦 泰源文旦上界紅

35 金針花 曹麗華 金針山的金針花 一到熱天開真濟 亦好吃亦好賣 亦好看suí送逐家 伊是代表母親的花蕊 永遠將伊放佇心肝底 來kah金針山
金針花 曹麗華 金針山的金針花 一到熱天開真濟 亦好吃亦好賣 亦好看suí送逐家 伊是代表母親的花蕊 永遠將伊放佇心肝底 來kah金針山 一定愛來看金針花。

36 油菜花 曹麗華 寒天收割的田園，毋願予伊來拋荒， 種著綠肥做養分，明年收成著有春。 逐家來種油菜花，蜜蜂蝴蝶iānn iānn飛，
油菜花 曹麗華 寒天收割的田園，毋願予伊來拋荒， 種著綠肥做養分，明年收成著有春。 逐家來種油菜花，蜜蜂蝴蝶iānn iānn飛， 風景優雅真美麗，引來足濟觀光客， 油菜花啊油菜花，化作春泥來護花。

37 池上米 曹麗華 水質清氣池上米，日本天皇嘛愛伊， 米粒飽實抽滿穗，出國比賽得第一。 台東池上米，食了心情真歡喜，
池上米 曹麗華 水質清氣池上米，日本天皇嘛愛伊， 米粒飽實抽滿穗，出國比賽得第一。 台東池上米，食了心情真歡喜， 食了腹肚會開脾，食了心花蕊蕊開。 日日來食池上米，逐家健康食百二。

38 石雨傘 曹麗華 一支小雨傘，恬恬徛佇美麗的海岸。 風吹日曝毋免驚，日出日落雲照影， 湧來湧去免穿杉，海起海浮毋驚寒， 天清雲白好光影。
石雨傘 曹麗華 一支小雨傘，恬恬徛佇美麗的海岸。 風吹日曝毋免驚，日出日落雲照影， 湧來湧去免穿杉，海起海浮毋驚寒， 天清雲白好光影。 一支小雨傘，恬恬倚佇遐， 守護阮的田園，守護阮的故庄， 守護著台灣千百年以來， 祖先打拼疼惜的家園。

39 關山親水公園 曹麗華 糞埽場變suí公園，環保改造換新裝， 改善環境無議論，人人騎車來un庄， 觀光發展強強滾。
關山親水公園 曹麗華 糞埽場變suí公園，環保改造換新裝， 改善環境無議論，人人騎車來un庄， 觀光發展強強滾。 環鎮歩道sé 一lián，散步運動好休閒， 歡喜tshit- thô看風景，心情輕鬆bé憂悶， 減碳生活無輸陣。 孔明車來行透透，親水公園上騷包。

40 放你去飛 曹麗華 想起你 我著目tsiu罩烏雲 目屎撥袂離 花謝落土嘛有聲 你欲走thai3會攏無講啥

41 放你去飛 總是你 逐工歡頭喜面 總是你 逐工攏真趣味 春天花芳 有你心適的歌聲 熱天風送 有你樂暢的笑聲 秋天涼爽 有你拍拼的讀冊聲
總是你 逐工歡頭喜面 總是你 逐工攏真趣味 春天花芳 有你心適的歌聲 熱天風送 有你樂暢的笑聲 秋天涼爽 有你拍拼的讀冊聲 寒天毋驚畏寒 四界攏有你tshit-tho5的形影

42 放你去飛 比賽考試 你總是著第一 運動走標 你嘛是走第一 連欲轉--去 你敢嘛愛搶代先

43 放你去飛 是天公伯仔 看你古錐 欲tshuē你做伴 抑是你佇世間的工課做了啊

44 放你去飛 閹咯雞 攏揣袂著你 Bih相揣 嘛毋知你對叨去 我想攏無 你是走去tue2 bih 總是想講 愛耍的你 是佇kah我滾耍笑

45 放你去飛 到今仔日 我來送你 我的心肝哪會疼袂離 目屎撥袂去 只有一直ka7家己講 你的工課已經做了啊 你已經無艱苦病痛無煩無惱啊

46 放你去飛 風吹風吹 風底吹 風又閣底吹 我愛 放你飛 放你去飛 你是我永遠的-- 心肝寶貝

47 伊是咱的寶貝 陳明章 一蕊花生落地 爸爸媽媽疼上濟 風若吹愛蓋被 毋通予伊墬落黑暗地 未開的花需要你我的關心 予伊一片生長的土地
伊是咱的寶貝 陳明章 一蕊花生落地　 爸爸媽媽疼上濟 風若吹愛蓋被　 毋通予伊墬落黑暗地 未開的花需要你我的關心　 予伊一片生長的土地 手牽手　心連心　咱徛作伙　 伊是咱的寶貝

48 心肝寶貝 羅大佑 月娘光光掛天頂 嫦娥佇彼蹛 你是阮的掌上明珠 抱著金金看 看你度晬 看你收涎 看你底學行 看你會走 看你出世 相片一大疊
心肝寶貝 羅大佑 月娘光光掛天頂 嫦娥佇彼蹛 你是阮的掌上明珠 抱著金金看 看你度晬 看你收涎 看你底學行 看你會走 看你出世 相片一大疊　 輕輕聽著喘氣聲 心肝寶貝囝 你是阮的幸福希望 斟酌共你晟 望你精光 望你才情 望你趕緊大 望你古錐 健康活潑 毋驚受風寒

49 心肝寶貝 鳥仔風吹　攏總會飛　到底為啥會 魚仔船隻　攏是無腳　按怎會徙位 日頭出來　日頭落山　日頭對叨去 春天的花　愛吃的蜂　伊是佇叨位

50 心肝寶貝 鳥仔有翅　風吹有線　才會天頂飛 魚仔有尾　親像行船　希望著愛找 日頭出來　日頭落山　日子攏安呢過 花謝花開　天暗天光　同款的問題

51 小鮭魚 簡上仁 小鮭魚、有勇氣，泅過來、泅過去， 聰明活潑真好奇，快快樂樂走千里。 游到東京洛杉磯，游到倫敦kah巴黎，
小鮭魚 簡上仁 小鮭魚、有勇氣，泅過來、泅過去， 聰明活潑真好奇，快快樂樂走千里。 游到東京洛杉磯，游到倫敦kah巴黎， 游呀游、游呀游，游到世界大都市。 小鮭魚、有志氣，泅過來，泅過去， 乖巧古錐重情意，時時刻刻想鄉里。 思念阿公阿嬤 in ，思念姊妹佮兄弟， 游阿游，游阿游，游回父母身軀邊。

52 寶島囡仔 方南強 我的家庭真趣味， 阿公是河洛人， 阿媽是客人， 媽媽是山東人， 啊我是叨位的人？ 老師講「咱攏是新台灣人」。

53 大舅賣蚵仔 王金選 大舅賣蚵仔 二舅賣芋仔 三舅賣桃仔 四舅賣棗仔 五舅賣糕仔 六舅賣糊仔

54 焢番薯 哺菜頭 來台北 吹冷氣閣食漢堡 佇庄腳 釣水雞 撿土豆 去台北 超級瑪麗住阮兜
庄腳囡仔 路寒袖 住庄腳 焢番薯 哺菜頭 來台北 吹冷氣閣食漢堡  佇庄腳 釣水雞 撿土豆 去台北 超級瑪麗住阮兜

55 十憨歌 施福珍 請 恁 大 家 來 聽 我 講 做 人 毋 通 來 學 十 憨 第 一 憨 種 甘 蔗 予 會 社 磅
十憨歌 施福珍 請 恁 大 家 來 聽 我 講 做 人 毋 通 來 學 十 憨 第 一 憨 種 甘 蔗 予 會 社 磅 第二憨食煙吸風 第三憨娶查某搧東風 第四憨選舉運動 第五憨撞球相碰 第六憨飆車亂闖 第七憨食毒品變憨憨 第八憨飲酒假悾 第九憨食檳榔嘔紅 第 十 憨 博 繳 會 家 敗 人 亡

56 濁水溪 康原 濁水溪，大水濟 古早時，溪尾分三叉 溪水流對西爿的海底 北叉東螺溪 中港西螺溪 南流舊虎尾溪 熱天時，溪埔底 牛拖犁，種西瓜
濁水溪 康原 濁水溪，大水濟 古早時，溪尾分三叉 溪水流對西爿的海底 北叉東螺溪 中港西螺溪 南流舊虎尾溪 熱天時，溪埔底 牛拖犁，種西瓜 大水來，溪擺尾 農民佮西瓜 淹入大溪底 台灣河川上長是濁水溪

57 台灣水果歌 林心智 鳳梨西瓜 鳳梨兄 西瓜嫂 兩個鬥陣真相好 鳳梨頭 西瓜尾 兩个鬥陣粘做夥

58 白蘭花 王明哲 蘭花生佇深山林內 無人地看顧 家己生根 家己發葉 家己芬芳 忍受雨水 受盡冷風 惦佇深山中 猶原開出美麗可愛的笑容
白蘭花 王明哲 蘭花生佇深山林內 無人地看顧 家己生根 家己發葉 家己芬芳 忍受雨水 受盡冷風 惦佇深山中 猶原開出美麗可愛的笑容 白蘭花 白蘭花 花蕊開甲滿滿是 毋驚冷風 毋驚霜凍 釘根石縫中 春夏秋冬 花開花謝 佇阮的故鄉

59 送 西 瓜 董峰政 即碼少年誠趣味 贈送西瓜表心意 各種瓜仔有意義 實在心適無地比

60 送 西 瓜 紅紅的西瓜表示─愛汝一萬年 黃黃的小玉表示─純純的友誼 圓圓哈密瓜表示─哈甲強欲死 長長的苦瓜表示─苦戀的滋味
無子的西瓜講是─對汝無合意 細條刺瓜仔講是─失戀的標記 擱落來蕃薯講是─袂當愛著汝 紲落來金瓜表示─啥人佮我比 上尾後胡瓜著是─胡言兼亂語

61 送 西 瓜 西瓜傳情甜蜜蜜 逐家送甲真歡喜 生活那像一首詩 本土文化對遮起

62 風 吹 董峰政 風吹！風吹！ 風若吹，著起飛 親像天頂一蕊花 飛去揣白雲妹 替風姨送一張批 自由自在的寶貝 飛予遠遠等人揣 偷偷仔講出心內話

63 貓仔 向陽 貓仔掠老鼠 老鼠毋知bih叨位 只好bih壁邊 佳哉壁邊有磅孔 老鼠一鑽著無去 貓仔貓貓望 望無老鼠走叨去

64 柑仔蜜 向陽 柑仔蜜 紅吱吱 看著真想欲共伊咬一喙 黃昏的日頭 親像柑仔蜜 嘛是紅吱吱 天公伯 真飫鬼 一喙著共伊吞落去

65 阿爸的飯包 向陽 逐一工早起時，天抑未光 阿爹著帶著飯包 騎著舊鐵馬，離開厝 出去溪埔替人搬沙石 每一暝阮攏底想 阿爹的飯包到底啥米款
阿爸的飯包 向陽 逐一工早起時，天抑未光 阿爹著帶著飯包 騎著舊鐵馬，離開厝 出去溪埔替人搬沙石 每一暝阮攏底想 阿爹的飯包到底啥米款 早頓阮kah阿兄食包仔配豆乳 阿爹的飯包起碼嘛有一粒卵 若無按怎替人搬沙石 有一日早起時，天抑烏烏 阮偷偷行入去灶跤內，掀開阿爹的飯包 無半粒蛋 三條菜脯，蕃薯簽參飯

66 台灣圓仔花 藍淑貞 圓仔花 嫷噹噹 大紅紫紅閣粉紅 一粒一粒滿花欉 圓仔花 有向望 毋驚土地歹釘空 四界釘根鑽活縫 台灣的查某人 親像圓仔花
台灣圓仔花 藍淑貞 圓仔花 嫷噹噹 大紅紫紅閣粉紅 一粒一粒滿花欉  圓仔花 有向望 毋驚土地歹釘空 四界釘根鑽活縫  台灣的查某人 親像圓仔花 枝骨軟弱根釘絚 毋驚踳踏毋驚挽 鑽出焦燥的土地 活出一片光炎炎的希望

67 叁、台語詩歌欣賞 勸世歌 劉福助 我來唸歌囉，欲予恁聽哩，無欲抾錢啊免著驚兮， 勸咱做人閣著端正，虎死留名啊人留名兮。
叁、台語詩歌欣賞 勸世歌 劉福助 我來唸歌囉，欲予恁聽哩，無欲抾錢啊免著驚兮， 勸咱做人閣著端正，虎死留名啊人留名兮。 講甲當今囉的世間哩，鳥為食亡啊人為財啊兮， 閣認真做人閣著海海，死將何去生何來咿。 咱來出世啊，無半項哩，轉去雙手啊又空空兮， 惦在世間是若眠夢，轉了江山啊讓別人兮。 做人道德囉看愛守哩，華富貴啊難得求啊兮， 毋通貪求財子壽，萬事著開化免憂愁咿。

68 勸世歌 勸恁朋友囉，著做好哩，世間暫時啊來tshit 迌兮， 做好做歹是攏有報，天理昭昭啊毋是無兮。
聽歌若有囉，作田人哩，轉去予恁啊，好收冬兮， 閣有坐船欲過外港 包恁順風啊一片帆兮。 世間事業囉，（有）百百款哩， 良心做事啊，咱著免操煩啊兮， 事事共人會完滿， 囝孫仔代代出狀元咿。

69 一樣米飼百樣人 劉福助 世間算來歸十億人　 五花十色攏嘛無相仝 來講性情品行這幾層　 干若一樣米飼百樣人

70 一樣米飼百樣人 有好人有歹人 有巧人有憨人 巧人巧巧逐項攏會曉 有時巧甲會倒翹翹 規身人爬起來跳 憨人直拄直 講話實拄實
有好人有歹人　有巧人有憨人　 巧人巧巧逐項攏會曉 有時巧甲會倒翹翹　規身人爬起來跳　憨人直拄直 講話實拄實　 做代誌一凡一　對人無秘密　 人打袂走 狗咬袂號　 歡喜的時陣是擱會車畚抖　

71 一樣米飼百樣人 惡人惡惡 惡甲予雞啄 歪哥刺娶心肝烏落落 三八人半年一千日 先講講袂直 生利人真可貴算盤揹底嘴
惡人惡惡　惡甲予雞啄 歪哥刺娶心肝烏落落　 三八人半年一千日　先講講袂直 生利人真可貴算盤揹底嘴　 目tsiu吊秤鎚　有賺歡喜大心氣 了錢七孔攝做堆　

72 一樣米飼百樣人 囡仔人番比霸 擤鼻糊蚊罩 查某人愛人褒 講話真囉唆 竹篙鬥菜刀 來講印度非洲的黑人 人懸漢草大 親像青仔叢
囡仔人番比霸　擤鼻糊蚊罩 查某人愛人褒　講話真囉唆　 竹篙鬥菜刀　 來講印度非洲的黑人 人懸漢草大　親像青仔叢　 嘴齒閣白白　頭毛閣虯虯 皮膚黑lôo sô　 勿輸逐日攏食彼落火炭箍　

73 一樣米飼百樣人 美國人鼻啄啄 目tsiu濁濁　下頦扣扣　 牛排kàu pháng配牛奶　講話ABC 開喙狗咬豬　嘻嘻嘻 若閣唸落去落落長通拄天

74 一樣米飼百樣人 咱人無論黑白亦黃色 做事總愛有原則 你看做雞著愛tshíng 做人著愛píng
少年若是勿曉想　吃老閣著毋像樣 有人討吃毋討賺　厝內甘願放底散　 有人傢伙萬貫一堆干若山 甘願勤儉每日勞苦做牛拖

75 一樣米飼百樣人 來興顧嘴無顧身 嘛有人規身軀金熾熾 納袋磅壁定定空殼 嘛有破病面青青 身穿綾羅甲紡絲 有人歹猴愛假賢 猴穿衣嘛是猴
嘛有人規身軀金熾熾 納袋磅壁定定空殼　 嘛有破病面青青　身穿綾羅甲紡絲 有人歹猴愛假賢　猴穿衣嘛是猴　 嘛有彼落瘋豬假大派 見對查某著欲愛　 三頓吃飯配菜莆　甘願儉錢飼查某

76 一樣米飼百樣人 勸你毋通傷過憨 你嘛無通傷過放 勸你毋通傷過鹼 你嘛無通傷過儉
勸你毋通傷過憨　你嘛無通傷過放　 勸你毋通傷過鹼 你嘛無通傷過儉　 若是好事來罔做　時機那到著有報 腳踏實地無差錯　精神安慰有所靠　 人講一樣米擱飼百樣人

77 早安台灣 陳明章 有你的心　牽著阮的夢 走過這條　坎坷的黑水溝 阮的心　向著太平洋講 早安台灣　Formosa

78 早安台灣 一生一個夢 只求台灣會平安 合歡山的百合花 唱著母親的向望 慈心 齊心 堅持 和平 疼惜母親 疼惜囡仔 有錢出錢 有力出力
一生一個夢 只求台灣會平安 合歡山的百合花　唱著母親的向望 慈心　齊心　堅持　和平 疼惜母親　疼惜囡仔 有錢出錢　有力出力 這就是咱台灣 早安台灣　Formosa

79 母親的名叫台灣 王文德 母親是河 母親的名叫台灣 母親是良知 母親是正義 母親是你咱的春天 二千萬粒的蕃薯囝 毋敢叫出母親的名
母親的名叫台灣 王文德 母親是河　母親的名叫台灣 母親是良知　母親是正義　 母親是你咱的春天 二千萬粒的蕃薯囝　 毋敢叫出母親的名 台灣敢是遐歹聽　 想著心寒起畏寒

80 母親的名叫台灣 母親是山 母親是海 母親是河 母親的名叫台灣 母親是良知 母親是正義 母親是你咱的春天 二千萬粒的蕃薯囝 袂凍叫出母親的名
母親是山　母親是海　 母親是河　母親的名叫台灣 母親是良知　母親是正義　 母親是你咱的春天 二千萬粒的蕃薯囝　 袂凍叫出母親的名 親像啞吧窒死囝　 予人心凝捶心肝

81 母親的名叫台灣 二千萬粒的蕃薯囝　 毋通恬恬毋出聲 勇敢叫出母親的名　 台灣啊　台灣啊　你是母親的名

82 毋通嫌台灣 林央敏 咱若疼祖先 請你毋通嫌台灣 土地雖然有較狹 阿爸的汗，阿母的血 沃落鄉土滿四界

83 毋通嫌台灣 咱若疼囝孫 請你毋通嫌台灣 亦有田園亦有山 果子的甜，五穀的芳 予咱後代食袂空

84 毋通嫌台灣 咱若疼故鄉 請你毋通嫌台灣 雖然討趁無輕鬆 認真拍拼，前途有望 咱的幸福袂輸人

85 海翁的宣言 李勤岸 阮無愛閣新婦仔形 ku ku徛佇遐 講家己是一條蕃薯 予豬食閣予人嫌
海翁的宣言 李勤岸 阮無愛閣新婦仔形 ku ku徛佇遐 講家己是一條蕃薯 予豬食閣予人嫌 從今以後阮欲身軀掠坦橫 做一隻穩穩在在的海翁 背向悲情的黑水溝 面向開闊的太平洋

86 海翁的宣言 阮小可曲痀的形狀 毋是底背五千年的包袱 是阮欲ka家己彎做 希望飽滿的弓 隨時欲射出歡喜的泉水 隨時欲泅向自由的海洋
當阮的生存予人威脅 阮會用阮堅實的身軀 piann向海岸 用阮的性命 見證阮的存在

87 阮若打開心內的門窗 王昶雄 阮若打開心內的門， 就會看見五彩的春光， 雖然春天無久長， 總會暫時消阮滿腹辛酸。 春光春光今何在，
阮若打開心內的門窗 王昶雄 阮若打開心內的門， 就會看見五彩的春光， 雖然春天無久長， 總會暫時消阮滿腹辛酸。 春光春光今何在， 望你永遠佇阮心內。 就會看見五彩的春光。

88 阮若打開心內的門窗 阮若打開心內的窗， 就會看見心愛彼的人， 雖然人去樓也空， 總會暫時予阮心頭輕鬆。 所愛的人今何在， 望你永遠佇阮心內，
就會看見心愛彼的人。

89 阮若打開心內的門窗 阮若打開心內的門， 就會看見故鄉的田園， 雖然路途千里遠， 總會暫時予阮思念想欲返， 故鄉故鄉今何在，
望你永遠佇阮心內。 就會看見故鄉的田園。

90 阮若打開心內的門窗 阮若打開心內的窗， 就會看見青春的美夢。 雖然前途無希望， 總會暫時消阮滿腹怨嘆， 青春美夢今何在， 望你永遠佇阮心內。

91 天總是攏會光 鄭智仁 在阮熄燈的前彼時 外面一陣冷冷的風 孤獨的形影擱出現眼前 彼段心酸的無奈時 親像在天邊的流星 予人會數念的流浪代誌
天總是攏會光 鄭智仁 在阮熄燈的前彼時　 外面一陣冷冷的風 孤獨的形影擱出現眼前 彼段心酸的無奈時　 親像在天邊的流星 予人會數念的流浪代誌　 流浪代誌

92 天總是攏會光 猶原是堅定的熱情　 永遠是疼痛的心情 伊常講　 相信暝是袂久長 雷公風雨的暝以後　 看見蕃薯落地生根 相信天總是會光　 總是會光

93 天總是攏會光 窗外是長夜無邊　 掩映的是悲歡的歲月 雖然暗暝是遮呢久長　 但是天總是攏會光

94 落雨聲 方文山 落雨聲 哪親像一條歌 誰知影 阮越頭毋敢聽 異鄉的我 一個人起畏寒 寂寞的雨聲 捶阮心肝 人孤單 像斷翅的鳥隻
落雨聲 方文山 落雨聲　哪親像一條歌　 誰知影　阮越頭毋敢聽 異鄉的我　一個人起畏寒　 寂寞的雨聲　捶阮心肝 人孤單　像斷翅的鳥隻　 飛袂行　敢講是阮的命  故鄉的山　永遠攏徛佇遐　 阮的心晟只有講予山來聽

95 落雨聲 來到故鄉的海岸 景色猶原攏總無變化 當初離開是為啥 你若問阮阮心肝著疼 你若欲有孝序大毋免等好額 世間有阿母惜的囡仔上好命
來到故鄉的海岸　 景色猶原攏總無變化 當初離開是為啥　 你若問阮阮心肝著疼 你若欲有孝序大毋免等好額　 世間有阿母惜的囡仔上好命 毋通等成功欲來接阿母蹛　 阿母啊　已經無佇遐

96 落雨聲 你若欲有孝序大毋免等好額 世間有阿母惜的囡仔上好命 出社會走闖底甲人拼輸贏 為著啥 家己毋知影 毋通等成功欲來接阿母住
你若欲有孝序大毋免等好額　 世間有阿母惜的囡仔上好命 出社會走闖底甲人拼輸贏　 為著啥　家己毋知影  毋通等成功欲來接阿母住　 阿母啊　已經無佇遐　 哭出聲　無人惜命命

97 斷腸詩 阿輪 昨夜殘風傷心雨 今日愁眉割心槽 踏上迢迢感情路 何必越頭問歸途 斷腸詩 解酒意 一字一字啊 訴哀悲
斷腸詩 阿輪 昨夜殘風傷心雨　今日愁眉割心槽 踏上迢迢感情路　何必越頭問歸途 斷腸詩　解酒意　一字一字啊　訴哀悲 三分醉　七分痴　十分相思啊　夢中見 斷腸詩　夢破碎　一片一片啊　撿乎你 你無愛　我離開　此情綿綿啊　無了時

98 感情放一邊 林秋離 惦這款世間 行踏感情囥一邊 同情無同情 嘛是自己的前程 會囥佇目睭內的悲哀真正深 想欲講 三兩句腳手軟
感情放一邊 林秋離 惦這款世間　行踏感情囥一邊　 同情無同情　嘛是自己的前程 會囥佇目睭內的悲哀真正深　 想欲講　三兩句腳手軟 人講這款人這世人的命親像一隻風吹　 明仔載毋知欲往叨位飛 我講這款人這世人的愛比人啥米較多　 無人欲著囥底心肝底

99 感情放一邊 不管是男性女性朋友攏交陪 無論是真心假愛當作燒酒話 無通來問我過去我會講歸暝 目屎流kah毋知天色白
不管是男性女性朋友攏交陪　 無論是真心假愛當作燒酒話 無通來問我過去我會講歸暝　 目屎流kah毋知天色白 人講這款人這世人的命親像一隻風吹　 明仔載不知欲往叨位飛 我講這款人這世人的愛比人啥米較多　 無人欲著囥底心肝底

100 無言花 陳黎鐘 今夜冷風酸雨來作伴 燈火照影人孤單 寂寞的滋味透心腸 毋知當時天才會光 你我那會這無緣 離開了後才來思念
無言花 陳黎鐘 今夜冷風酸雨來作伴 燈火照影人孤單 寂寞的滋味透心腸 毋知當時天才會光 你我那會這無緣 離開了後才來思念 親像一蕊無言花 惦惦來開惦惦媠 一瞑花開的香味 引阮滿腹的稀微 你敢有聽見花謝若落土 破碎是啥人的心肝

101 無言花 你我那會遮無緣 離開了後才來思念 親像一蕊無言花 惦惦來開 惦惦媠 一瞑花開的香味 引阮滿腹的稀微
你我那會遮無緣 離開了後才來思念 親像一蕊無言花 惦惦來開　惦惦媠 一瞑花開的香味 引阮滿腹的稀微 你敢有聽見花謝若落土 破碎是啥人的心肝

102 桂花巷 吳念真 想我一生的運命　 親像風吹拍斷線 隨風浮沈無依偎　 這山飄浪過彼山 一旦落土低頭看　 只存枝骨身已爛 啊..... 只存枝骨身已爛

103 桂花巷 花蕊較壞嘛開一拜　 偏偏春風等袂來 只要根頭亦原在　 毋驚枝葉受風颱 啥知花　等人採　 已經霜降日落西 啊..... 已經霜降日落西

104 桂花巷 風吹身驅桂花命　 若來想起心著痛 恩怨如煙皆當散　 禍福當作天註定 往事何必越頭看　 Kah伊當作夢一般 啊..... Kah伊當作夢一般

105 紅線 森祐士 等彼个人 尾指結著紅線 娶阮去看著春天的Sakura 卡新的裳揀一領 目尾水粉斟酌抹 啊～時間亦擱早 蠟燭點幾枝 已經袂記哩啦
紅線 森祐士 等彼个人　尾指結著紅線　 娶阮去看著春天的Sakura 卡新的裳揀一領　 目尾水粉斟酌抹　啊～時間亦擱早 蠟燭點幾枝　已經袂記哩啦　 婚期無人閣再敢問我 無穿彼領新娘裳　 莫怪春天會畏寒　啊～傷風嘛慣習啦

106 紅線 牽一个有緣的人 來做伴 毋通辜負阮苦等的心肝 望啊望春風唱甲 鼻酸嘴也乾 底叼位 阮心愛的阿娜達 啊～～ 等彼个人 尾指結著紅線
牽一个有緣的人　來做伴　 毋通辜負阮苦等的心肝 望啊望春風唱甲　鼻酸嘴也乾　 底叼位　阮心愛的阿娜達　啊～～ 等彼个人　尾指結著紅線　 替阮趕走寂寞的運命 姻緣線甲刮予深　愛哭痣點予無看 等你來　甲阮牽手　甲阮疼

107 紅線 牽一咧有緣的人　來做伴　 嘸通辜負阮苦等的心肝 望啊望春風唱甲　鼻酸嘴也乾　 底叼位　阮心愛的阿娜達　啊～～

108 紅線 (獨夜無伴守燈下 春風對臉吹 十七八歲未出嫁 見到少年家) 牽一个有緣的人 來做伴 毋通辜負阮苦等的心肝 望啊望春風唱甲 鼻酸嘴也乾
(獨夜無伴守燈下　春風對臉吹　 十七八歲未出嫁　見到少年家) 牽一个有緣的人　來做伴　 毋通辜負阮苦等的心肝 望啊望春風唱甲　鼻酸嘴也乾　 底叼位　阮心愛的阿娜達　啊～～

109 世界第一等 李安修、陳富榮 人生的風景 親像大海的風湧 有時猛有時平 親愛朋友你著小心 人生的環境 乞食嘛會出頭天 莫怨天莫尤人
世界第一等 李安修、陳富榮 人生的風景　 親像大海的風湧 有時猛有時平　 親愛朋友你著小心 人生的環境　 乞食嘛會出頭天 莫怨天莫尤人　 命順命歹攏是一生

110 世界第一等 一杯酒二角銀　三不五時嘛來鬥陣 若欲講搏感情　我是世界第一等 是緣份是註定　好漢剖腹來參見 無驚風無驚湧　有情有義好兄弟 短短仔的光陰　tshit 迌著趁少年時 求名利無了時　千金難買好人生

111 純情青春夢 陳昇 送你到火車頭　 越頭著做你走　 親像斷線風吹　 雙人放手著來自由飛 阮亦有幾句話　 想欲對你解釋　 看是藏佇心肝底較實在

112 純情青春夢 阮也有逐天等　 只驚等來的是絕望 想來想去　 袂凍辜負著青春夢　 青春夢 咱兩人相欠債　 你欠阮有較多　 歸去看破來切切　 較實在

113 純情青春夢 送你到火車頭　 越頭阮欲來走　 親像斷線風吹　 雙人放手著愛自由飛 毋是阮毋肯等　 時代已經無仝　 查某人嘛有家己的想法

114 純情青春夢 甘願是毋捌等　 較贏等來是一場空 想來想去　 仝款辜負著青春夢　 青春夢 唱歌來解憂愁　 歌聲是真溫柔　 查某人嘛有家己的願望

115 純情青春夢 阮也有逐天等　 只驚等來的是絕望 想來想去　 袂凍辜負著青春夢　 青春夢 毋是阮毋肯等　 時代已經無仝　 查某人嘛有家己的願望

116 多謝逐家，勞力！