Download presentation
Presentation is loading. Please wait.
1
場景一：想做但無預備安全套 男： 今晚你真係靚， 我好想…… 女： 你有安全套係身咩？ 男： 今日無預備到… 唔駛啦， 我無病無痛…你唔駛擔心喎 女： 我梗係信你， 之不過…用左安全套大家都可以放心， 唔會就住就住，正好多架， 快d落去下面7仔買個啦。 男: 咁煩，左住晒… 買得個套返黎都無晒mood啦… 女: 點會無mood呢？ 不如…我地一齊落去買啦… 買多幾個看門口，以後就唔駛怕啦… 場景二：唔識戴安全套 男： 今晚我地不如 happy 下囉… 女： 好呀，但係你要戴安全套先… 男： 我唔識戴喎… 咁煩…我唔理得咁多… 戴得黎都無晒mood啦 女： 點會呢，你唔識戴， 我地就一齊睇住d公仔學， 好快就識… 男： 真係要戴？？戴安全套有幾安全呀？ 女： 梗係安全過你唔戴啦， 戴左就唔駛擔心會有性病同愛滋病， 而且學戴套都係一種情趣黎架 男： 又好…今次就聽你話呀…張說明書響邊呢？
2
場景三：唔想做 男： 不如我地進一步囉… 女： 唔好啦， 我仲未想咁快發生呢樣野… 男： 我真係好鐘意你， 我會負責任的。 女： 我都好鐘意你，但係 我仲未有心理準備囉…… 男： 有 d 驚喜咪重好…… 女： 但我始終想係一個有 d 準備既時候先做… 你都想同我做得開心架… 男： 咁又係…，我諗我明白既… 場景四：避左孕唔等於預防愛滋 男： 你最近有無避孕？不如我地今晚做愛啦… 女： 我有…你有無安全套帶係身邊？ 男： 無呀，你避左孕咪得囉… 女： 唔係架， 帶安全套係用來預防愛滋呀， 性病呀… 男： 你怕我有病呀？？ 女： 唔係，我都想做得放心， 無後顧之憂。有左又唔好，有病又唔好。係咪？ 男： 咁又係…帶就帶啦。
3
場景五：用套無晒 feel 女: 你帶左個袋先啦… 男: 帶袋？ 唔係呀, 咁邊會有feel架？咁咪即係同d膠做？ 女: 梗係唔會，依家d套好薄好貼， 又有凹凸紋，用左都依然好好feel架， 聽講用左可以做得耐d同勁d架 男: 係真唔係呀? 聽講仲有唔同味道喎… 女: 係啦，你鐘意用咩野味道呀？ 男: 我梗係鐘意……
Similar presentations
