豐榮親子母語 台語我嘛會 歡喜念歌詩 台語真趣味 曹麗華 100 10.

Presentation on theme: "豐榮親子母語 台語我嘛會 歡喜念歌詩 台語真趣味 曹麗華 100 10."— Presentation transcript:

1 豐榮親子母語 台語我嘛會 歡喜念歌詩 台語真趣味 曹麗華 100 10

2 唱歌會當抒發感情，表達情愛，唱歌嘛會使發洩情緒，得到情感的安慰，透過歌詞，體會無仝人生的酸甘苦澀，透過歌詞，認捌過去台灣百姓的生活、歷史背景kah文化民俗。

3 靜夜思 李白 床前明月光， 疑是地上霜。 舉頭望明月， 低頭思故鄉。
靜夜思 李白 床前明月光， 疑是地上霜。 舉頭望明月， 低頭思故鄉。

4 回鄉偶書 賀知章 少小離家老大回， 鄉音無改鬢毛衰。 兒童相見不相識， 笑問客從何處來。
回鄉偶書 賀知章 少小離家老大回， 鄉音無改鬢毛衰。 兒童相見不相識， 笑問客從何處來。

5 ABC狗咬豬 傳統唸謠 ABC狗咬豬， 阿婆仔坐飛機， 跋一下冷吱吱。 叫醫生， 來甲伊醫， 醫一下跤骨大小支， 醫一下跤骨大小支。

6 打馬膠 打 馬 膠 黏 著 跤　 叫 阿 爸 買 豬 跤 豬 跤 箍 仔 (火君) 爛 爛　 枵 鬼 囡 仔 流 喙 涎

7 大箍呆 傳統唸謠 大箍呆哎喲白目眉， 無人請你著家己來。 來來大箍呆炒韭菜， 燒燒一碗來， 冷冷阮無愛。 大箍呆炒韭菜， 大箍呆，
大箍呆 傳統唸謠 大箍呆哎喲白目眉， 無人請你著家己來。 來來大箍呆炒韭菜， 燒燒一碗來， 冷冷阮無愛。 大箍呆炒韭菜， 大箍呆， 到今你才知， 到今你才知。

8 火金姑 傳統唸謠 火金姑來食茶， 茶燒燒， 食芎蕉。 芎蕉冷冷， 食龍眼。 龍眼愛撥殼， 換來食藍菝仔， 藍菝仔全全籽， 害阮食一下落喙齒，
火金姑 傳統唸謠 火金姑來食茶， 茶燒燒， 食芎蕉。 芎蕉冷冷， 食龍眼。 龍眼愛撥殼， 換來食藍菝仔， 藍菝仔全全籽， 害阮食一下落喙齒， 害阮食一下落喙齒。

9 台灣出甜粿 喂、喂、喂，(ue2)台灣出甜粿。(kue2) 甜粿真好食，(chiah8)台灣出木屐。(kiah8)
木屐真好穿，(chhing7)台灣出鵁鴒。(ling7) 鵁鴒會講話，(ue7)台灣出棉被。(phue7) 棉被甲會燒，(sio)台灣出芎蕉。(chio) 芎蕉真大枇，(pi5)台灣出蕃薯。(chi5) 蕃薯會止飢，(ki)台灣出飛機。(ki) 飛機真爻飛，(pue)台灣出鼓吹。(chhue) 鼓吹真爻陳，(tan5)台灣出炸彈。(tan5) 炸彈真厲害，(hai7)歹人毋敢來。(lai5)

10 秀才秀才騎馬弄弄來 秀才秀才騎馬弄弄來， 佇馬頂跋落來，跋一下真厲害。 喙齒疼，糊下頷。 目睭疼，糊目眉。 腹肚疼，糊肚臍。嘿真厲害。

11 阿財阿財天頂跋落來 你講奇怪無奇怪 我講奇怪真奇怪 請汝大家聽看覓 阿財阿財天頂跋落來 跋一下真厲害真厲害 有目睭，無目眉 有喙鬚，無下頷
有腹肚，無肚臍 你講奇怪無奇怪真奇怪

12 白鷺鷥 白鷺鷥 車糞箕 車到溝仔墘 跋一倒 拾著一仙錢 一錢買大餅 送大姨 一錢khiam7起來 好過年

13 西北雨直直落 西北雨直直落，鯽仔魚欲娶某， 鮕鮐兄拍鑼鼓，媒人婆仔土虱嫂， 日頭暗揣無路，趕緊來火金姑， 做好心來照路，西北雨直直落。
西北雨直直落，白鷺鷥來趕路， 搬山嶺過溪河，揣無岫跋一倒， 日頭暗欲怎好， 土地婆做好心來tshua7路， 西北雨直直落。

14 羞羞羞 羞羞，羞羞羞，提籃仔撿魚鰡。 攏總撿幾尾呀！攏總撿兩尾。 一尾煮來食，一尾糊目睭，糊目睭。

15 天黑黑 天黑黑，欲落雨 阿公仔舉鋤頭仔欲掘芋 掘啊掘，掘啊掘， 掘著一尾漩鰡鼓， 伊呀嘿都真正趣味 阿公仔欲煮鹹，阿媽仔欲煮tsiann2，
兩人相打弄破鼎 伊呀嘿都啷當鏘當嗆，哇哈哈

16 一天過了又一天， 身軀無洗全全鉎， 走去溪仔洗三遍， 毒死烏魚數萬千。
貧憚仙 一天過了又一天， 身軀無洗全全鉎， 走去溪仔洗三遍， 毒死烏魚數萬千。

17 澎恰恰的鼻孔大 施福珍 澎恰恰、 澎恰恰的鼻孔大， 澎恰恰的鼻孔大。 因為細漢的時候， 用指頭挖鼻孔， 挖到鼻孔黑弄弄， 實在嚇死人

18 台灣小吃 大頭仔大頭仔生後生，後生生了賣肉羹， 肉羹結歸丸，大頭仔講伊欲賣肉圓。 肉圓歹吃無人買，大頭仔賣碗粿。
碗粿冷吱吱，大頭仔氣著賣花枝。 花枝花枝真臭矂，大頭仔換來賣米糕。 米糕燒滾滾，大頭仔講伊欲賣米粉。 米粉滾袂爛，大頭仔不知欲按怎？

19 坐火車遊台灣 李光福 坐火車，遊台灣，桃園買豆干， 新竹食貢丸，太陽餅佇臺中站， 彰化葡萄上界讚。坐火車，遊台灣， 西螺買豆油，麻油佇北港，
台南也有棺材板，麻豆出名是文旦。 坐火車，遊台灣，美濃出雨傘， 旗山香蕉鬆，夠味的豆醬佇岡山， 欲買豬腳去萬巒。坐火車，遊台灣， 臺東釋迦媠，花蓮薯足香， 礁溪會當洗溫泉，愛食李鹹來宜蘭。

20 安平追想曲改編曹麗華蒐集編寫 十三十四電頭鬃， 十七十八水噹噹， 想欲來嫁翁， 又擱揣無人， 揣著一个美國人， 又擱遮大箍， 又擱遮大叢，
喙鬚胡胡驚死人， 原來伊是阿姆斯壯， 啊！伊是一个太空人。

21 身穿花紅長洋裝， 風吹金髮思情郎， 想郎船何往，音信全無通， 伊是行船仔逐風浪， 放阮情難忘，心情無地講， 相思寄著海邊風，海風無情笑阮憨， 啊～不知初戀啊心茫茫。

22 想起情郎想自己， 毋知爹親啊二十年， 思念想要見，只有金十字， 予阮母親啊做為記， 放阮私生兒，聽母初講起， 愈想不幸愈哀悲，到底現在生抑死， 啊～伊是荷蘭啊的船醫。

23 想起母囝的運命， 心肝想爹也怨爹， 別人啊有爹疼，阮是母親晟， 今日青春孤單影，全望多情兄， 望兄的船隻，早日倒返安平城， 安平純情金小姐， 啊～等你入港啊銅鑼聲

24 蔥仔 曹麗華 蔥仔蔥仔氣味芳 厝前厝後種幾叢 阿母提伊來khian3芳 煮湯炒菜攏會當 炒飯香味四界送 予阮食kah喙留芳 三頓無伊著無仝

25 烏枋 曹麗華 寫字寫字來寫字 逐家做夥來寫字 畫圖算數免客氣 囡仔寫kah真歡喜 寫毋著嘛免失志 hu2仔連鞭hu2 hu2去
烏枋 曹麗華 寫字寫字來寫字 逐家做夥來寫字 畫圖算數免客氣 囡仔寫kah真歡喜 寫毋著嘛免失志 hu2仔連鞭hu2 hu2去 咱逐家著來捌字 認讀讀冊真趣味 烏枋予咱來寫字

26 下課十分鐘 曹麗華 下課十分鐘 學生真無閒 合作社買枝仔冰 運動埕頂跳樹乳 喙乾著愛找水lim 若欲便所毋通忍 等若上課來摃鐘
下課十分鐘 曹麗華 下課十分鐘 學生真無閒 合作社買枝仔冰 運動埕頂跳樹乳 喙乾著愛找水lim 若欲便所毋通忍 等若上課來摃鐘 教室又閣靜靜靜

27 火金姑 曹麗華 一隻火金姑 飛佇田岸路 尾溜閃爍像燈火 親像幫阮來tshua7路 天暗伊著來照路 予阮腳步袂踏錯

28 洗身軀 曹麗華 天暗身軀黑lu lu 緊來浴間洗身軀 先kah 身軀抹雪文 身軀變kah kut8 liut liut 雙手出力認真lu3
洗身軀 曹麗華 天暗身軀黑lu lu 緊來浴間洗身軀 先kah 身軀抹雪文 身軀變kah kut8 liut liut 雙手出力認真lu3 手面洗了洗跤骨 逐工若來洗身軀 身體健康免憂愁

29 知本溫泉 曹麗華 知本的溫泉 頂港有名聲 下港有出名 四界的人攏來看 地熱出水免燒碳 水質純清無亂tsuann3 日本時代著真有名
知本溫泉 曹麗華 知本的溫泉 頂港有名聲 下港有出名 四界的人攏來看 地熱出水免燒碳 水質純清無亂tsuann3 日本時代著真有名 逐家相招來作伴 台東知本洗溫泉 包你健康擱快活

30 台東釋迦 曹麗華 釋迦叢 種佇咱台東 樹叢健康閣大叢 現代改良真濟款 軟枝釋迦 大目釋迦 鳳梨釋迦 隨你愛食叨一項 恁若來台東
台東釋迦 曹麗華 釋迦叢 種佇咱台東 樹叢健康閣大叢 現代改良真濟款 軟枝釋迦 大目釋迦 鳳梨釋迦 隨你愛食叨一項 恁若來台東 無食釋迦無彩工 今仔予阮做主人 保證食著在叢紅

31 晚倫西亞 曹麗華 ba lian3 sia3 華語叫做晚倫西亞 伊是改良的柳丁 咱kah叫做是香丁 香丁著是香吉士 出產佇泰源的農產
晚倫西亞 曹麗華 ba lian3 sia3 華語叫做晚倫西亞 伊是改良的柳丁 咱kah叫做是香丁 香丁著是香吉士 出產佇泰源的農產 元宵過了開始紅 湯濟肉紅真正芳 台東的名產 食了行氣面色紅

32 泰源文旦 曹麗華 泰源幽谷的文旦 中秋若到滿樹叢 肉質幼嫩氣味芳 伴手送禮買規籠 宅配運銷四界送 中秋團圓食文旦 泰源文旦上界紅

33 金針花 曹麗華 金針山的金針花 一到熱天開真濟 亦好吃亦好賣 亦好看suí送逐家 伊是代表母親的花蕊 永遠將伊放佇心肝底 來kah金針山
金針花 曹麗華 金針山的金針花 一到熱天開真濟 亦好吃亦好賣 亦好看suí送逐家 伊是代表母親的花蕊 永遠將伊放佇心肝底 來kah金針山 一定愛來看金針花。

34 油菜花 曹麗華 寒天收割的田園， 毋願予伊來拋荒， 種著綠肥做養分， 明年收成著有tshun。 逐家來種油菜花，
油菜花 曹麗華 寒天收割的田園， 毋願予伊來拋荒， 種著綠肥做養分， 明年收成著有tshun。 逐家來種油菜花， 蜜蜂蝴蝶iānn iānn飛， 風景優雅真美麗， 引來足濟觀光客， 油菜花啊油菜花， 化作春泥來護花。

35 池上米 曹麗華 水質清氣池上米， 日本天皇嘛愛伊， 米粒飽實抽滿穗， 出國比賽得第一。 台東池上米， 食了心情真歡喜， 食了腹肚會開脾，
池上米 曹麗華 水質清氣池上米， 日本天皇嘛愛伊， 米粒飽實抽滿穗， 出國比賽得第一。 台東池上米， 食了心情真歡喜， 食了腹肚會開脾， 食了心花蕊蕊開。 日日來食池上米， 逐家健康食百二。

36 石雨傘 曹麗華 一支小雨傘， 恬恬徛佇美麗的海岸。 風吹日曝毋免驚， 日出日落雲照影， 湧來湧去免穿杉， 海起海浮毋驚寒， 天清雲白好光影。
石雨傘 曹麗華 一支小雨傘， 恬恬徛佇美麗的海岸。 風吹日曝毋免驚， 日出日落雲照影， 湧來湧去免穿杉， 海起海浮毋驚寒， 天清雲白好光影。 恬恬徛佇遐， 守護阮的田園， 守護阮的故庄， 守護著台灣千百年以來， 祖先拍拼疼惜的家園。

37 關山親水公園 曹麗華 糞埽場變suí公園， 環保改造換新裝， 改善環境無議論， 人人騎車來un7庄， 觀光發展強強滾。
關山親水公園 曹麗華 糞埽場變suí公園， 環保改造換新裝， 改善環境無議論， 人人騎車來un7庄， 觀光發展強強滾。 環鎮歩道sé 一lián， 散步運動好休閒， 歡喜tshit- thô看風景， 心情輕鬆bé憂悶， 減碳生活無輸陣。 孔明車來行透透， 親水公園上騷包。

38 伊是咱的寶貝 一蕊花生落地 爸爸媽媽疼上濟 風若吹愛蓋被 毋通予伊墬落黑暗地 未開的花需要你我的關心 予伊一片生長的土地
一蕊花生落地　 爸爸媽媽疼上濟 風若吹愛蓋被　 毋通予伊墬落黑暗地 未開的花需要你我的關心　 予伊一片生長的土地 手牽手　心連心　咱徛作伙　 伊是咱的寶貝

39 心肝寶貝 羅大佑 月娘光光掛天頂 嫦娥佇彼蹛 你是阮的掌上明珠 抱著金金看 看你度晬 看你收涎 看你底學行
心肝寶貝 羅大佑 月娘光光掛天頂 嫦娥佇彼蹛 你是阮的掌上明珠 抱著金金看 看你度晬 看你收涎 看你底學行 看你會走 看你出世相片一大疊 輕輕聽著喘氣聲 心肝寶貝囝 你是阮的幸福希望 斟酌共你晟 望你精光 望你才情望你趕緊大 望你古錐 健康活潑 毋驚受風寒 鳥仔風吹　攏總會飛　到底為啥會 魚仔船隻　攏是無跤　按怎會徙位 日頭出來　日頭落山　日頭對叨去 春天的花　愛食的蜂　伊是佇叨位 鳥仔有翅　風吹有線　才會天頂飛 魚仔有尾　親像行船　希望著愛tshue5 日頭出來　日頭落山　日子攏按呢過 花謝花開　天暗天光　同款的問題

40 勸世歌 劉福助 我來唸歌囉，欲予恁聽哩，無欲抾錢啊免著驚兮， 勸咱做人閣著端正， 虎死留名啊人留名兮。
勸世歌 劉福助 我來唸歌囉，欲予恁聽哩，無欲抾錢啊免著驚兮， 勸咱做人閣著端正， 虎死留名啊人留名兮。 講甲當今囉的世間哩，鳥為食亡啊人為財啊兮， 閣認真做人閣著海海，死將何去生何來咿。 咱來出世啊，無半項哩，轉去雙手啊又空空兮， 惦在世間是若眠夢，轉了江山啊讓別人兮。 做人道德囉看愛守哩，榮華富貴啊難得求啊兮， 毋通貪求財子壽，萬事著開化免憂愁咿。 勸恁朋友囉，著做好哩，世間暫時啊來tshit迌兮， 做好做歹是攏有報 天理昭昭啊毋是無兮。 聽歌若有囉，作田人哩，轉去予恁啊，好收冬兮， 閣有坐船欲過外港 包恁順風啊一片帆兮。 世間事業囉，（有）百百款哩，良心做事啊，咱著免操煩啊兮， 事事共人會完滿，囝孫仔代代出狀元咿。

41 一樣米飼百樣人 世間算來歸十億人 五花十色攏嘛無相仝 來講性情品行這幾層 干焦一樣米飼百樣人 有好人有歹人 有巧人有憨人
世間算來歸十億人　 五花十色攏嘛無相仝 來講性情品行這幾層　 干焦一樣米飼百樣人 有好人有歹人　有巧人有憨人　 巧人巧巧逐項攏會曉 有時巧甲會倒翹翹　規身人peh起來跳　憨人直拄直 講話實拄實　 做代誌一凡一　對人無秘密　 人打袂走 狗咬袂號　 歡喜的時陣是擱會車畚抖　 惡人惡惡　惡甲予雞啄 歪哥刺娶心肝烏落落　 三八人半年一千日　先講講袂直 生利人真可貴算盤揹底嘴　 目睭吊秤鎚　有賺歡喜大心氣 了錢七孔攝做堆　 囡仔人番比霸　擤鼻糊蚊罩 查某人愛人褒　講話真囉唆　竹哥鬥菜刀　

42 來講印度非洲的黑人 人高漢草大　親像青仔叢　 嘴齒閣白白　頭毛閣虯虯 皮膚黑lôo sô　 袂輸逐日攏食彼落火炭箍　 美國人鼻啄啄 目睭濁濁　下頦扣扣　 牛排kàu pháng配牛奶　講話ABC 開喙狗咬豬　嘻嘻嘻　 若閣唸落去落落長通拄天 咱人無論黑白亦黃色　做事總愛有原則　 你看做雞對愛tshíng 做人對愛píng　 少年若是袂曉想　吃老閣著毋像樣 有人討吃毋討賺　厝內甘願放底散　 有人傢伙萬貫一堆干焦山 甘願勤儉每日勞苦做牛拖　 來興顧嘴無顧身　

43 嘛有人規身軀金熾熾 納袋磅壁定定空殼　 嘛有破病面青青　身穿綾羅甲紡絲 有人歹猴愛假gau5　猴穿衣嘛是猴　 嘛有彼落瘋豬假大派 見對查某對袂愛　 三當吃飯配菜莆　甘願儉錢飼查某 勸你毋通傷過憨　你嘛無通傷過放　 勸你毋通傷過鹼 你嘛無通傷過儉　 若是好事來罔做　時機若到著有報 腳踏實地無差錯　精神安慰有所靠　 人講一樣米擱飼百樣人

44 母親的名叫台灣 作詞：王文德 母親是山 母親是海 母親是河 母親的名叫台灣 母親是良知 母親是正義 母親是你咱的春天
母親的名叫台灣 作詞：王文德　 母親是山　母親是海 母親是河　母親的名叫台灣 母親是良知　母親是正義 母親是你咱的春天 二千萬粒的蕃薯囝 毋敢叫出母親的名 台灣敢是遐歹聽 想著心寒起畏寒 二千萬粒的蕃薯囝　袂當叫出母親的名 親像啞吧窒死囝 予人心凝捶心肝 二千萬粒的蕃薯囝 毋通恬恬毋出聲 勇敢叫出母親的名 台灣啊　台灣啊　你是母親的名

45 阮若打開心內的門窗 詞：王昶雄 曲：呂泉生 阮若打開心內的門， 著會看見五彩的春光， 雖然春天無久長， 總會暫時消阮滿腹辛酸。
阮若打開心內的門窗 詞：王昶雄　曲：呂泉生 阮若打開心內的門， 著會看見五彩的春光， 雖然春天無久長， 總會暫時消阮滿腹辛酸。 春光春光今何在， 望你永遠佇阮心內。 著會看見五彩的春光。

46 阮若打開心內的窗， 著會看見心愛彼的人， 雖然人去樓也空， 總會暫時予阮心頭輕鬆。 所愛的人今何在， 望你永遠佇阮心內， 著會看見心愛彼的人。

47 阮若打開心內的門， 著會看見故鄉的田園， 雖然路途千里遠， 總會暫時予阮思念想欲轉， 故鄉故鄉今何在， 望你永遠佇阮心內。 著會看見故鄉的田園。

48 阮若打開心內的窗， 著會看見青春的美夢。 雖然前途無希望， 總會暫時消阮滿腹怨嘆， 青春美夢今何在， 望你永遠佇阮心內。

49 落雨聲 落雨聲 若親像一條歌 誰知影 阮越頭毋敢聽 異鄉的我 一個人起畏寒 寂寞的雨聲 捶阮心肝 人孤單 像斷翅的鳥隻 飛袂行 敢講是阮的命
落雨聲　若親像一條歌　 誰知影　阮越頭毋敢聽 異鄉的我　一個人起畏寒　 寂寞的雨聲　捶阮心肝 人孤單　像斷翅的鳥隻　 飛袂行　敢講是阮的命 故鄉的山　永遠攏徛佇遐　 阮的心晟只有講予山來聽

50 來到故鄉的海岸　 景色猶原攏總無變化 當初離開是為啥　 你若問阮阮心肝著疼 你若欲有孝序大毋免等好額　 世間有阿母惜的囡仔上好命 毋通等成功欲來接阿母蹛　 阿母啊　已經無佇遐

51 你若欲有孝序大毋免等好額　 世間有阿母惜的囡仔上好命 出社會走闖底甲人拼輸贏　 為著啥　家己毋知影 毋通等成功欲來接阿母蹛　 阿母啊　已經無佇遐　 哭出聲　無人惜命命

52 斷腸詩 昨夜殘風傷心雨 今日愁眉割心槽 踏上迢迢感情路 何必越頭問歸途 斷腸詩 解酒意 一字一字啊 訴哀悲
昨夜殘風傷心雨　今日愁眉割心槽 踏上迢迢感情路　何必越頭問歸途 斷腸詩　解酒意　一字一字啊　訴哀悲 三分醉　七分痴　十分相思啊　夢中見 斷腸詩　夢破碎　一片一片啊　撿予你 你無愛　我離開　此情綿綿啊　無了時

53 感情放一邊 詞:林秋離 惦這款世間 行踏感情囥一邊 同情無同情 嘛是自己的前程 會囥佇目睭內的悲哀真正深 想欲講 三兩句跤手軟
感情放一邊 詞:林秋離 惦這款世間　行踏感情囥一邊　 同情無同情　嘛是自己的前程 會囥佇目睭內的悲哀真正深　 想欲講　三兩句跤手軟 人講這款人這世人的命親像一隻風吹　 明仔載毋知欲往佗位飛 我講這款人這世人的愛比人啥物較多　 無人欲著囥底心肝底

54 不管是男性女性朋友攏交陪　 無論是真心假愛當作燒酒話 毋通來問我過去我會講歸暝　 目屎流kah毋知天色白 人講這款人這世人的命親像一隻風吹　 明仔載不知欲往佗位飛 我講這款人這世人的愛比人啥物較多　 無人欲著囥底心肝底

55 無言花 今夜冷風酸雨來作伴 燈火照影人孤單 寂寞的滋味透心腸 毋知當時天才會光 你我那會遮無緣 離開了後才來思念 親像一蕊無言花
惦惦來開惦惦媠

56 一瞑花開的香味 引阮滿腹的稀微 你敢有聽見花謝若落土 破碎是啥人的心肝

57 離開了後才來思念 親像一蕊無言花 惦惦來開　惦惦媠 一瞑花開的香味 引阮滿腹的稀微 你敢有聽見花謝若落土 破碎是啥人的心肝

58 桂花巷 想我一生的運命　 親像風吹拍斷線 隨風浮沈無依偎　 這山飄浪過彼山 一旦落土低頭看　 只存枝骨身已爛 啊..... 只存枝骨身已爛

59 花蕊較壞嘛開一擺　 偏偏春風等袂來 只要根頭亦原在　 毋驚枝葉受風颱 啥知花　等人採　 已經霜降日落西 啊..... 已經霜降日落西

60 風吹身驅桂花命　 若來想起心著痛 恩怨如煙皆當散　 禍福當作天註定 往事何必越頭看　 Kah伊當作夢一般 啊..... Kah伊當作夢一般

61 紅線 等彼个人 尾指結著紅線 娶阮去看著春天的Sakura 卡新的裳揀一領 目尾水粉斟酌抹 啊～時間亦閣早 蠟燭點幾枝 已經袂記哩啦
等彼个人　尾指結著紅線　 娶阮去看著春天的Sakura 卡新的裳揀一領　 目尾水粉斟酌抹　啊～時間亦閣早 蠟燭點幾枝　已經袂記哩啦　 婚期無人閣再敢問我 無穿彼領新娘裳　 莫怪春天會畏寒　啊～傷風嘛慣習啦

62 牽一个有緣的人　來做伴　 毋通辜負阮苦等的心肝 望啊望春風唱甲　鼻酸嘴也乾　 佇叼位　阮心愛的阿娜達　啊～～ 等彼个人　尾指結著紅線　 替阮趕走寂寞的運命

63 姻緣線甲割予深　 愛哭痣點予無看 等你來　甲阮牽手　甲阮疼 牽一个有緣的人　來做伴　 嘸通辜負阮苦等的心肝 望啊望春風唱甲　鼻酸嘴也乾　 佇佗位　阮心愛的阿娜達　啊～～

64 (獨夜無伴守燈下　春風對臉吹　 十七八歲未出嫁　見到少年家) 牽一个有緣的人　來做伴　 毋通辜負阮苦等的心肝 望啊望春風唱甲　鼻酸嘴也乾　 佇叼位　阮心愛的阿娜達　啊～～

65 世界第一等 人生的風景　 親像大海的風湧 有時猛有時平　 親愛朋友你著小心 人生的環境　 乞食嘛會出頭天 莫怨天莫尤人　 命順命歹攏是一生

66 一杯酒二角銀　 三不五時嘛來鬥陣 若欲講搏感情　 我是世界第一等 是緣份是註定　 好漢剖腹來參見 無驚風無驚湧　 有情有義好兄弟 短短仔的光陰　 Tshit 迌著趁少年時 求名利無了時　 千金難買好人生

67 純情青春夢 送你到火車頭　 越頭著做你走　 親像斷線風吹　 雙人放手著來自由飛 阮也有幾句話　 想欲對你解釋　 看是藏佇心肝底較實在

68 阮也有逐天等　 只驚等來的是絕望 想來想去　 袂當辜負著青春夢　 青春夢 咱兩人相欠債　 你欠阮有較濟　 規去看破來tshe2 tshe2　 較實在

69 送你到火車頭　 越頭阮欲來走　 親像斷線風吹　 雙人放手著愛自由飛 毋是阮毋肯等　 時代已經無仝　 查某人嘛有家己的想法

70 甘願是毋捌等　 較贏等來是一場空 想來想去　 仝款辜負著青春夢　 青春夢 唱歌來解憂愁　 歌聲是真溫柔　 查某人嘛有家己的願望

71 阮也有逐天等　 只驚等來的是絕望 想來想去　 袂當辜負著青春夢　 青春夢 毋是阮毋肯等　 時代已經無仝　 查某人嘛有家己的願望

72 歌聲戀情 閃爍的燈光 迷人的歌聲 予阮感覺心茫茫 阮也毋知你是花言巧語 一時對你心綿綿 純情的愛 煞來予你騙毋知 愈想心內愈悲哀
閃爍的燈光　迷人的歌聲 予阮感覺心茫茫 阮也毋知你是花言巧語 一時對你心綿綿 純情的愛　煞來予你騙毋知 愈想心內愈悲哀 燒酒一杯閣一杯 也袂當安慰著阮的心內 你不該不該欺騙阮的愛 為你耽誤好將來

73 繁華攏是夢 一暝夢攏看無你的人 阮的心是夜夜底思戀 情是風中的花叢 去落袂當照希望 阮猶原為你底清香

74 是緣份予雙人伴相隨 是命運伊將咱來放離 風吹一山過一山 揣無心愛的形影 吹袂透阮心內孤單

75 人若是疼著一个無心的人 情茫茫望你半生通也毋通 像東流水　綿綿相思 多情多怨嘆　又閣想起 當作是註定紅塵一場戀夢 偏偏為你　夢也相思 啥的人　啥疼痛　繁華攏是夢

76 愛情的限時批 (女)欲按怎對你講出心內話 想了規暝 較想嘛歹勢 看著你我著完全袂講話 只好頭le5 le5 (男)欲按怎對妳講出心內話
想了規暝　較想嘛歹勢 看著你我著完全袂講話　只好頭le5 le5 (男)欲按怎對妳講出心內話 講我每日較想嘛妳一个 心情親像春天的風底吹 只好寫著一張愛情的限時批

77 ＃(女)啊～　(男)啊～　(合)啊～ (合)批紙才會完全來表達我的意愛 (女)你的溫柔　你的可愛 (男)妳的美麗　妳的風采 (合)予我墜落你無邊的情海 (女)要按怎對妳講出心內話　 講我每日較想嘛妳一个 (男)心情親像春天的風底吹 (合)只好寫著一張愛情的限時批

78 風吹風吹 有人是無行蹤 有人被風笑憨 熱戀的風吹飄來飛去 想袂到遐放蕩 伊親像一陣風 定定無守信用 六月的炎天引阮牽掛 可愛的薄情郎
有人是無行蹤　有人被風笑憨 熱戀的風吹飄來飛去　想袂到遐放蕩 伊親像一陣風　定定無守信用 六月的炎天引阮牽掛 可愛的薄情郎 風吹風吹　風中一張批 寫在夢中的　相思有外濟 緣份由天控制　簡單一句話 情斷無相借問　阮是啥人的

79 有時陣熱烘烘　有時陣足失望 熱戀在風中春來秋去　有情著愛保重 伊親像一陣風　輕輕將阮煽動 六月的夢中猶原相信 有一日再相逢 風吹風吹　風中一枝花 啥人會知　青春tshun外濟 緣份是相欠債　簡單一句話 情斷嘛無計較　阮是別人的 情斷嘛無計較　阮是啥人的

80 家後 有一日咱若老 找無人甲咱有孝 我會陪你 坐惦椅寮 聽你講少年的時陣 你有外gau5 食好食醜無計較 怨天怨地嘛袂曉
有一日咱若老　找無人甲咱有孝 我會陪你　坐惦椅寮 聽你講少年的時陣　你有外gau5 食好食醜無計較　怨天怨地嘛袂曉 你的手　我會甲你牽牢牢 因為我是你的家後

81 阮將青春嫁佇恁兜　 阮對少年著綴你綴甲老 人情世事已經看透透　 有啥人比你較重要 阮的一生獻予恁兜　 才知幸福是吵吵鬧鬧 等待轉去的時陣若到　我會讓你先走 因為我會毋甘　放你為我目屎流

82 有一日咱若老　有媳婦囝兒有孝 你若無聊　提咱的相片 看較早結婚的時陣　你外緣投 穿好穿醜無計較　怪東怪西嘛袂曉 你的心我會永遠記牢牢　 因為我是你的家後 阮將青春嫁佇恁兜　 阮對少年著綴你綴甲老 人情世事嘛已經看透透　 有啥人比你較重要

83 阮的一生獻予恁兜　 才知幸福是吵吵鬧鬧 等待轉去的時陣若到　 你著讓我先走 因為我會毋甘　看你為我目屎流

84 我e５故鄉----士林 人文薈萃，『文』士如『林』e５士林，是阮出世e５故鄉。因為地靈人傑，所以蔣介石先生才會kah4官邸起佇士林，這幾年嘛已經開放予民眾參觀，成做新興e５觀光地區。 捷運淡水線e５通車，更加帶動著士林e５發展，除了士林官邸，出名e５圓山仔頂(芝山岩)，是鄭成功時代開發e５歷史古蹟，欲踏青尋訪，是一e５真好e５戶外教室，士林慈諴宮是國家級e５三級古蹟，是阮士林人e５信仰中心，香火真旺。外雙溪e５中影文化城，是六、七十年代拍文藝片、武俠片e５好所在。故宮博物院收藏e５歷史古物，閣較是舉世聞名，價值連城。 草山即碼被列為陽明山國家公園，是台北人e５後花園，春天看花，夏天歇熱，秋天賞芒，寒天泡溫泉，四季攏好chit4-tho2，亦有國立天文教育館、海洋館攏是真有教育意義e５教育場所。 士林夜市擱卡是「上港有名聲，下港有出名」，食、穿、用，五花八色，應有盡有，士林菜刀俗擱好用，士林豆乾、大餅包小餅、蚵仔煎、水煎包、蜜豆冰、蚵仔麵線‧‧‧等等，攏是真有名e５小吃。 歡迎大家相招來士林chit4-tho2，包汝有食擱又掠，好耍擱有收益。

85 菩薩佇阮兜 我e５阿媽 三歲著予in阿兄背來做新婦仔e５阿媽，佇彼個時代，逐工有做be7完e５工課，擱會予人虐待，佇彼個男女無平等e５年代，新婦根本無啥nih地位，所以阮阿媽嘛無像其他e５姑婆，有通去讀日本學仔，上主要e５原因是阮阿祖驚伊若讀冊，著會偷走去。 俗語講“嫁雞綴雞飛，嫁狗綴狗走，嫁乞食著揹ka-gi斗” ，“做雞著chheng2，做人著peng2”，十七歲著kah阮阿公sa3做堆，m7-na7種田、飼豬、khak竹筍以外，擱愛成6 e５囡仔大漢，一直kak六、七十歲做媽a0，擱ti7飯店作sit。hi時逐工透早去挽蕹菜，寒天a0冷風sit-sit陣，水會堅凍，何況腳愛浸佇水內，因為伊e５粒積揀實，骨力打拼，儉腸net肚，才e7當予囝孫過著較好e５生活。 阿公佇阮小漢e５時，著來過身，阿媽伊一人不但愛huann５家，擱愛操煩大細項代誌。阿媽真痛惜阮遮e５孫仔，雖然阮攏大人大種a0，伊嘛是猶原驚你寒，驚你熱，驚你枵著，逐拜轉去外家，總是會當吃著阿媽親身煮e５料理，吃佇喙內，甜佇心頭，伊對阮e５愛，總是乎阮感覺著無限e５感心kap溫暖。 伊毋捌予阮感覺著做新婦a0 e５悲情，毋捌怨天尤人，嘛毋捌怨嘆一世人歹命，顛倒用慈悲心來看待家己e５人生，有一句話咧講“心寬，路更寬，量大，福更大”〈華語〉，我e５阿媽毋捌讀冊，卻是阮兜e５大菩薩，伊e５智慧kah勇氣真值得lan2敬佩。

86 堅心欲做台東人 自從決定欲來台東蹛e５時陣，真濟台北e５朋友攏嘛認為阮是頭殼壞去，才會想著欲去彼个“雞不拉屎，鳥不生蛋”〈華語〉e５所在，擱講遐的原住民毋知擱會吃人be7？佇十外冬前，台北人對台東e５熟識，猶原擱停佇古早e５時代，今仔日想起來，真是擱好耍擱愛笑。 初初來到台東，足濟台東e５同事共朋友嘛認為恁這對翁某，是毋是倒人e５會a0走路，抑是做出be7見笑e５代誌，才會落跑來遮，真正是啞口teh死囝，有口難言，冤枉哦。 目一下nih8，來台東khia7起已經chiann５十冬啊，想起結婚彼時，著打算欲予囡仔一e５較好e５環境，擱加上阮翁某以前讀冊攏真愛爬山，m7cia台灣頭台灣尾四界行透透，連馬公攏嘛去探過，上尾才決定欲徙來遮，加上阮大官大家kah後頭攏無意見，著安爾搬來即e５人講後山e５所在。 台東e５環境正港是一等一e0，m7na7空氣好，水質讚，人碼是足親切e0，四界闊long3 long3，欲去海邊耍水，欲去山頂chit-tho５，攏嘛足近e0。俗語咧講“福地福人居”遮e５人正港是前世燒好香，才會蹛佇人講“台灣上尾一塊淨土” e５台東。

87 多謝大家 勞力 期待再相會！