行政院客家委員會補助辨理 推動客語薪傳師傳習計畫 快樂輕鬆學客語班 桃園縣中平國小 薪傳師 羅紫云

相見歡—客語相借問 一、自我紹介 我係羅紫云 今年十歲 我肖獅仔 我讀中平國小 三年三班 我跈阿爸、阿姆戴。(阿公、阿婆) 我屋下有五儕人。 我係羅紫云 今年十歲 我肖獅仔 我讀中平國小 三年三班 我跈阿爸、阿姆戴。(阿公、阿婆) 我屋下有五儕人。 我當好食粄條。

二、相借問--- 看到人愛摎人相借問。 1.食飽吂？ 2.恁久無看著。 3.恁早、恁早萋、恁會早。 4.正來尞。

靚靚傳說八月中秋 1.賞月—月光在舊曆八月十五係一年當中最圓、最亮个時節。 2.嫦娥奔月个古。 3.吳剛剁樹仔。 4.玉兔舂藥仔个古。 5.做麼个愛食月餅呢？ 6.做麼个有焙肉呢？

中秋節 中秋節 月光光 月餅圓 文旦香 陽台頂 風盡涼 大人看月光 細人焙香腸

客家人飲食文化 源由------長年戴在山頂，物資缺乏。 一、美食---鹹、香、肥為特色。 二、米食---由蓬萊米、糯米、秥米為材料。

生活用語1--食 01.問：食飽吂？------食朝(朝晨)、食晝(當晝)、食夜(暗晡夜)。 答：食飽咧。 02.問：你朝晨食麼个？ 答：我朝晨食豆奶摎包仔。 03.問：十二點了好食晝了！ 答：好~大家共下來去食晝。 04.問：食飽夜共下來去逛街好無？ 答：好！共下去較有伴。 05.問：肚屎枵了，來去點心店食點心！ 答：好！我愛食粄條，你愛食麼个？

生活用語2--食 01.甲：我摎你講哦！我最好食酸膏奶。 乙：麼个安著酸膏奶！ 02.甲：地豆米傍飯當扯飯。 乙：扯飯係扯飯，菜脯卵還較理想。 03.甲：現下，大家節能減碳，多菜少肉咧！ 乙：着！所以煠菜搵豆油，係最健康个食法。 04.甲：食飽夜，吾姆當好泡茶。 乙：吾姆乜係。毋過佢好食釅茶。 05.甲：吾婆當好擂擂茶做食點心。 乙：係哦！擂茶个材料有茶米、地豆、麻仔…。

06.問：我最好食炒麵，你好食麼个？ 答：我最好食炒米粉。 07.問：我阿公當好食粢粑，阿婆當好食艾粄。若个呢？ 答：哦！我阿公好食紅粄，阿婆好食豬籠粄(菜包)。 08.甲：我阿姆當好泡茶摎看報紙，阿爸當好打嘴鼓。若个呢？ 乙：我阿姆當好食零嗒摎看電視，阿爸當好食地豆米。 09.甲：我阿姐好食黃瓠粄，阿哥好食發粄。若个呢？ 乙：你毋記得咧！我無阿哥、阿姐啊！毋過我好食粄圓。 10.甲：放尞日，大家共下去打鬥敘好無？ 乙：好！愛去哪位？ 11.甲：聽講龍潭个一等賞餐廳當 贊！ 乙：著！該有最好食个豬腸炒薑絲！

12.甲：暗晡夜來我屋下分我請。 乙：哦！我知！今晡日你生日哦！食雞卵糕。還好唷！ 13.甲：你最好食麼个水果？ 乙：哦！我最好食水梨，你最好食桃仔着無？ 14.甲：我老妹好食王梨，老弟好食弓蕉。若个呢？ 乙：我老妹好食蘋果，老弟好食柑仔。 15.甲：來！坐！坐！粗茶淡飯定定無麼个好食，莫氣嫌！ 乙：哦！還豐沛唷！有魚、有肉、又有我最好食个粄圓。 16.甲：這尾魚仔係我在陂塘肚釣个唷！仰般？ 乙：有影還萋哦！福壽鲫煮豆鼓，當合味！ 17.甲：聽講，客家人食飯無食糜！ 乙：着！毋過！落水天有食豆仔糜、瓠仔糜、菜脯糜這兜。

18. 甲：你食一盤麵，我食一盤麵，大家食到飽bid bid。 乙：係啊！食忒飽，懶震動。 19. 甲：吾阿姆煮个黃瓠飯，當好食。 乙：有影當好食。毋過吾姆煮个芋仔飯乜毋會差。 20. 甲：豬腸炒薑絲、客家炒肉係當有名个客家菜四炒之一。 乙：福菜豬肉湯、排骨炆菜頭係有名个客家菜四炆之一。 參考語詞： 食朝、食晝、食夜、米粉、粄圓、飯篼、包仔、粽仔、芭仔 、木瓜、牛眼、弓蕉、牛奶、甜粄、芋仔、苦瓜、豆仔、 看電影、打球。

生活用語3—衣 01.甲：你愛著麼个衫去學校？ 乙：我愛著短袖摎短褲。 02.甲：今晡日較冷，愛著長袖摎長褲。 乙：好，我知了。 03.甲：這條裙當靚。 乙：着啊！又當合身咧。 04.甲：外背日頭恁烈，出門記得戴帽仔。。 乙：好，我續帶遮仔，驚落水。 05.甲：著恁少，會冷無？。 乙：今晡日當冷，愛著加兜衫。

06.甲：冷天著膨紗衫當燒暖。 乙：哦！我知！裡背肚還愛加一領身底衫。 07.甲：熱天當熱，著短袖仔就做得了。 乙：係啊！有人還打赤膊，有人客來，就做毋得。 08.甲：落來屋肚，請脫鞋，這拖鞋分你著。 乙：啊！你屋下个拖鞋還靚唷！ 09.甲：今晡日，著到恁派頭，愛去食酒係無？ 乙：係啊！着！出門毋好著拖鞋，愛著皮鞋，遽來換。 10.甲：老妹揹書包去學校讀書。 乙：我个書包仔用拖个，毋使揹。 11.甲：阿太好著大襟衫，阿婆好著花布衫。 乙：阿姆好著時裝。

12. 甲：落水天著水衣，著水靴，行路較利便。 乙：正毋會分來往个車仔洩著水。 13. 甲：天時恁冷，愛著大襖婆、戴帽仔。 乙：著到恁賁，像阿不倒。 14. 甲：學生仔愛著學校个運動衫，較有團隊精神。 乙：學生仔愛著淨利、簡單，毋好著花喇必駁个衫褲。 參考語詞： 面衫、底衫、底褲、西裝、洋裝、長褲、短裙、新衫、鈕仔、 屐仔、布鞋、球鞋、打赤腳、笠 麻

生活用語4—住 01.甲：請問你戴哪位？ 乙：我戴桃園縣中壢市。 02.甲：你係戴庄下也係戴街路肚？ 乙：我係戴中壢市街路肚。 03.甲：阿公戴个屋係伙房屋。 乙：着啊！屋前有大紅花，後背有山排，風景當靚。 04.甲：阿叔戴田庄，空氣當好。 乙：屋脣有青禾禾个田，有矮籬笆，有弓蕉樹。 05.甲：阿伯戴鄉下，有草坪，有樹林，當涼爽。 乙：有畜雞、有畜鴨、有種菜、有蒔禾，食个當環保。

06.甲：我戴社區大樓，隔壁鄰舍無當熟識。 乙：還過活動空間忒細。 07.甲：你摎麼儕共下戴？。 乙：我摎阿公、阿婆共下戴，阿爸、阿姆戴都市。 08.甲：阿明，日頭晒屎朏咧。 乙：好 亢床咧，上課會赴毋掣咧！ 09.甲：衫褲著正來，遽去洗面、刷牙齒。 乙：食飽朝正去學校。 10.甲：食飯前愛洗手，食飯後愛湯嘴。 乙：睡目前愛刷牙齒。 11.甲：屋肚暗咚咚，看毋著。 乙：麻煩你開電火好無？。

12. 甲：阿公在間肚歇睏，老弟在廳下看電視。 乙：阿姆在灶下煮飯，老妹在洗身間洗身。。 13. 甲：有人在無？。 乙：吾爸在屋下，吾姆還吂轉。 14. 甲：我逐朝晨 亢床，愛先去屙屎尿，正掃地泥。 乙：阿婆，我轉來咧，韶早放尞，毋使去學校。 15. 甲：請人客落來坐。 乙：順行，慢慢行快快到，有閒正來尞。 參考語詞： 老屋、新屋、社區、大樓、樓梯、屋頂、窗門、大門、屋前 屋背、屋後背

生活用語5—行 01.甲：天光日你愛去哪位？ 乙：我愛去台北。 02.甲：你愛仰般去台北？ 乙：我愛坐火車去。 03.甲：愛上課咧，你愛去哪位？。 乙：請等一下！我黏時過來。 04.甲：你慢到咧，遽兜！會赴毋著咧！ 乙：毋使鬥緊，安全較重要。 05.甲：駛車仔愛細義。 乙：係啊！早知，喊計程車毋使煩勞停車問題。

06.甲：阿姆騎自行車去上班。 乙：我逐日行路去學校。 07.甲：騎o do baiˋ愛戴安全帽。 乙：駛車愛挷安全帶。 08.甲：老人家坐巴士毋使錢。 乙：係啊！有殘障手冊个乜毋使。 09.甲：坐捷運做毋得食東西。 乙：係無會分人罰。 10.甲：坐火車愛先打單。 乙：打單，就係買票着無？ 11.甲：請問高鐵車頭愛仰仔去？ 乙：我無當詳細，毋過，你做得先看地圖。

12. 甲：桃園有國際飛機場，愛出國盡方便。 乙：去外國像日本、歐洲這兜地方旅行，斯愛在桃園機場坐 飛機。 13. 甲：去高雄做得坐高鐵，當方便、又遽。 乙：去花蓮斯做得坐火車，也做得坐飛行機。 14. 甲：坐火車、高鐵、飛行機、船仔，毋會塞車。 乙：像船仔---藍色个公路，做得加緊開發。 15. 甲：台灣个交通四達八達，實在當利便。 乙：現代最大个蝲 奇網—網路，還摎世界變成地球村。 參考語詞： 公車、轎車、牛車、馬車、台南、桃園、新竹、高雄、台中 、花蓮、台東、雲林

生活用語6—育 01.甲：你逐日去學校做麼个？ 乙：我逐日去學校上課。 02.甲：你在學校，先生教你麼个？ 乙：我在學校，先生教我讀書、寫字、摎唱歌、做人个道理。 03.甲：阿婆逐禮拜三去農會唱歌仔。 乙：阿姐逐禮拜一暗晡愛去學跳舞。 04.甲：阿哥逐禮拜五愛去學電腦。 乙：老妹愛去學畫圖。 05.甲：三年生个學生仔，校外教學愛去哪位？ 乙：聽講，去龍潭聖蹟亭參觀。

06.甲：學校係細人仔个第二隻屋下， 恩俚在學校讀書、學習、 學搞、交朋友。 乙：著！ 恩俚合意安全又快樂个校園。 07.甲：我會用毛筆寫出當靚个毛筆字。 乙：學校个分科教學係日本時代開始。 08.甲：現下學校有鄉士語言个教學。 乙：做得學著台灣本土个地理人文歷史。 09.甲：我知！恁仔細、承蒙你、勞力(客)、多謝(閩)、 m huai su(泰) 、 Thank you。都係謝謝个意思。 10.甲：上體育課做得鍛鍊身體。 乙：有好个身體，人生正係彩色个。 11.甲：現下个細人仔盡好命。 乙：做下在學校求學，經過學校教育。

12.甲：家庭教育比學校教育，還較重要。 乙：可惜，家長都毋記得有家庭教育咧。 13.甲：在家愛有孝阿公、阿婆、爺哀。 乙：尊重兄弟姐妹、和挼相處，生活正會和樂。 14.甲：在學校這个大家庭。 乙：還較愛尊敬先生，愛護同學，認真學習，做人个道理。 15.甲：我係一個五年級个學生仔。 乙：我係知上知下有禮貌，盡知人我个好學生仔。 16.甲：上自然課，我知當多常識。 乙：瞭解生命个變化，尊重生命，發揮愛个表現。 17.甲：我毋會品相人，鄙視人。 乙：因為我係有讀書个有品德个 人。

18. 甲：我會 帣手弱勢个同學，做佢个先生。 乙：着！助人為快樂之本。 參考語詞： 學習、讀書、照顧、認真、講演、煞猛、指導、承蒙

磨粄歌 年節喜慶鬧連連 張燈結彩在門前 你斷粄脆搶頭前 我挼粄圓圓又圓 粄圓粄圓大粄圓 你做个粄圓紅又圓 粄圓粄圓細粄圓 客家粄圓樣樣鮮 年節喜慶鬧連連 張燈結彩在門前 你斷粄脆搶頭前 我挼粄圓圓又圓 粄圓粄圓大粄圓 你做个粄圓紅又圓 粄圓粄圓細粄圓 客家粄圓樣樣鮮 鹹粄甜粄菜頭粄 發粄水粄大紅粄 豬籠粄就係菜包粄 艾粄就係生鬚粄 還有一種最有名个粢粑粄 磨粄仔磨粄仔磨磨磨 大家共下來磨粄 磨粄仔磨粄仔磨磨磨 大家來食客家粄

生活用語7—樂 01.甲：禮拜日你想去哪尞？ 乙：我想摎同學共下去，石門水庫个石門山，蹶山。 02.甲：你食飽夜愛做麼个？ 乙：我食飽夜愛做功課摎打電腦。 03.甲：阿公、阿婆逐日去老人會唱歌仔，當快樂。 乙：阿公、阿婆一禮拜去一擺樂齡教學中心染布仔。 04.甲：阿姆食飽夜，泡茶看電視係佢个興趣。 乙：阿哥當好野球，佢講：打野球係佢个快樂之源。 05.甲：阿爸逐朝晨當早 亢，去學校打太極拳。 乙：又做得交著當多朋友。

06.甲：我最好个係摎同學共下打嘴鼓。 乙：著！盤舍書 恩俚兩儕鬥搭。 07.甲：阿姐最好个係跳芭雷舞。 乙：跳起來像一隻白天鵝。 08.甲：打極樂仔，緊轉當生趣。 乙：該係老弟个最愛。 09.甲：打扮靚靚跈阿公、阿婆去唱歌仔。 乙：係老妹个最快樂事情。 10.甲：我屋下人，逐年會出國去旅行一擺。 乙：做得放鬆心情、增加知識、增廣見聞，正毋會像井 肚个蛤蟆。 11.甲：逐禮拜日，阿爸度 我兜去蹶山。 乙：鍛鍊身體，吸收新鮮空氣。

12.甲：我生日該日，我會陪著阿姆，分阿姆快樂。 乙：因為該日係阿姆个苦難日，阿姆當歡喜。 13.甲：我見擺堵到人，就會摎人問好、相借問。 乙：大家都阿腦我，恁有禮貌，我感覺盡歡喜。 14.甲：我當好摎大家分享我个最愛。 乙：大家都阿腦我，恁得人惜。 15.甲：有兜人好看電影、逛街、看表演。 乙：有兜人好看書、畫圖、寫文章、打嘴鼓。 16.甲：一樣米畜百樣人，各有各个生活方式、自由。 乙：毋過，自由毋好妨害別人，正係真正个自由。 17.甲：我屋下各人个娛樂方式有一息無共樣。 乙：毋過，共下去旅行係大家个共同興趣，所以，當和樂。

參考語詞： 唱歌、跳舞、看電影、泅水、打嘴鼓、囥人尋、種菜