書寫測驗練功篇
考試類型 聽寫測驗(A卷9題；B卷10題) 填空測驗(A卷8格) 語句書寫(A卷1題；B卷2題) 圖文寫作(B卷1題；C卷1題)
聽寫拼音1 聽寫拼音2
聽寫測驗 聽寫漢字1 聽寫漢字2
聽寫測驗 試題觀摩 題目出自 台語能力檢定考試實務導論 隨書所附光碟 5
聽寫測驗資源
聽寫測驗補充資源
閩南語字音字形競賽考古題
二、【塌空測驗】 A卷試用
這是一个學生的自我紹介：「我的名號做陳志明，是 (1) 的，今年7歲。體重30公斤， (2) 129公分，讀國小一年仔。」 空格仔內是伊的性別佮體型
這是老師放學進前交代的代誌：「今仔日轉去愛背國語第六(3)的課文，嘛愛(4)數學10題，尾仔聯絡簿愛予老爸老母(5)。」
阿明敲電話予阿英：「(6)問一下，明仔載 敢愛(7)美術用品? 」
阿華佇公園拄著隔壁的阿叔，問伊：「你敢有閒?廟口有夜市仔，你敢會當(8)我去? 」
空格仔內是伊的量詞， 請寫出適當的量詞， 品名 單位 價數 (新臺票) 棒球 (9) 250箍 羽球桮 (10) 1000箍 球鞋 (11) 1500箍
下跤是王大明欲申請「郵局寄金簿仔」郵局要求伊愛添的資料 姓名：王大明。 身分證號碼：D123456789。 (12) ：78.05.24 戶籍地：嘉義縣大埔鄉埔頂村１號 (13)：0928538238 (14)：520520， 請閣揤一擺520520 空格仔內是伊的基本資料
三、【語句書寫】 A、B卷試用
你若欲留字條予恁阿母，講你無欲轉來食暗頓，你愛按怎寫？
請用下面的語詞寫一段話（大約2、3句就會使），會使隨家己的意思加添語詞，毋過一定愛有遮的語詞：拍無去、皮包、手機仔、證件、佳哉。
學校欲辦運動會矣，老師請你做一張海報歡迎家長做伙來參加，你愛按怎寫？
欲過年矣，請你用寫一段話來感謝老爸老母，你愛按怎寫？
請用下面的語詞寫一段話（大約2、3句就會使），會使隨家己的意思加添語詞，毋過一定愛有遮的語詞：夜市、流喙瀾、好耍、好食物、心適。
請用下面的語詞寫一段話（大約2、3句就會使），會使隨家己的意思加添語詞，毋過一定愛有遮的語詞：狡怪、流目屎、受氣、吼、毋敢。
四、【圖文寫作】 B、C卷試用
臺灣熱天氣溫真懸，天氣真熱。請你用「熱天」做題目，寫一篇短文，描寫你個人對「熱」的印象佮感受，嘛會使寫熱天的情境、適合佇熱天做的活動等等，會當自由發揮。（150-200字之間，答案紙大約10逝）
有人認為物件歹去買新的就好，嘛有人想講會當修理就愛修理，才袂浪費。資源回收到底對咱的社會、經濟抑是環境有啥物重要性？請你用「資源回收的重要性」做題目，寫一篇文章來表達你的看法佮見解（250-300字之間，答案紙大約15逝）
這馬電錢欲起價矣，而且六月份起閣實施「夏日用電計費方式」，按呢電錢會閣愈傷重，咱愛較節約咧，請你寫一篇文章，描寫你個人省電的撇步抑是經驗，會當自由發揮。（150-200字之間，答案紙大約10逝）
咱臺灣話講「也著箠，也著糜」，意思講囡仔若做好咱就共呵咾，毋過若烏白來，就愛好好管教。你對現此時教育單位完全禁止摃囡仔、傷著囡仔自尊心的規定，請你用臺文章表達你的看法，會當自由發揮。 （150-200字之間，答案紙大約10逝）
五、【評論改寫】 C卷試用
名導演兼作家吳念真，佇伊的面冊頂懸呼籲媒體，毋通傷過頭攪擾嫌疑犯的老爸。伊講，做毋著的是一个三十歲的人，毋是老爸。伊知影的，可能比記者較少；伊想欲了解的，比咱攏猶閣較濟；伊的疼，卻是少年記者無法度體會的。這段話受著真濟人的重視佮贊聲，媒體嘛誠實無閣繼續一直去訪問矣。
以上是一段社會新聞的內容，請你針對這篇報導，寫出你對臺灣媒體佮觀眾的評論。 （150-200字之間，答案紙大約10逝）
最近發生佇臺北市兩个高中生共街友潑屎閣囥上網路的事件，引起社會各界的憤慨，雖罔落尾這兩个高中生跪落來會毋著，毋過學校召開臨時學生事務會議決議，決定用嚴重損蕩學校名譽，共二兩个高中生「退學」，這个決定煞引起社會真濟的討論。教育部長表示：「退學」無法度解決問題，臺北市教育局嘛隨行文糾正學校，建議撤銷處分。尾仔學校重新召開「學生獎懲委員會」，決定予學生一个改過的機會。
以上是一段社會新聞的內容，請你針對這篇報導，寫出你對學校、教育單位佮社會的評論。 （150-200字之間，答案紙大約10逝）
最近網路頂傳甲沖沖滾的搶救「高麗菜助農活動」，講有一群足感心的志工，共種菜的艱苦作穡人鬥賣菜，毋但拚佇網路頂面賣，甚至擺攤走予警察逐，尾仔一車一車的高麗菜，攏賣了了。其實若講逐家有注意，就會發覺臺灣逐冬都有
高麗菜、弓蕉、柳丁…生產過量、價數崩盤的問題，逐冬攏愛靠消費者和企業的愛心購買、各單位想盡辦法研發各種加工方式、阿兵哥逐頓攏強制鬥食。上無彩的就是作穡人領政府的的補助了後共菜薅起來漚肥，按呢才會當勉強消化遮的菜蔬果子。
發揮愛心來幫助別人真好，毋過毋知逐家有想過無，按呢敢真正會當幫助臺灣的農業，抑是閣製造了後一擺的「惡性循環」？ 以上是一段生活新聞的內容，請你針對這篇報導，寫出你對臺灣農業產銷失調問題的評論。 （150-200字之間，答案紙大約10逝）