客語日客家歌曲教唱 鍾芳廉

各年級客家歌曲教唱一覽表 上學期 下學期 一年級 二年級 三年級 四年級 五年級 六年級 叔公 飛行機 揚葉ㄟ 喞尼鼠 農家樂 面帕粄 羅畢仔碰米埕 算雞腳 叔公 飛行機 二年級 時間係麼个 伯公下 揚葉ㄟ 喞尼鼠 三年級 農家樂 面帕粄 畫眉鳥 排排坐唱山歌 四年級 摘一片白雲 檳榔樹 圓粄花 床前明月光 五年級 再行再行轉个彎就到六堆 下南調 客家世界 風 六年級 朋友 挑擔歌 問卜歌 捱還記得

（一年級上學期） 1.羅畢仔碰米埕 羅畢仔 碰米埕 小人仔等糖吃 麥芽糖 栳番豆 掩頓耳公碰一聲 聲聲句句按好聽滿地金花 聲聲句句按好聽 滿地金花

2.算雞腳 一隻雞仔一隻腳 一隻兔子四支腳 兩隻雞仔四隻腳 兩隻兔子八支腳 三隻雞仔躲雞基 雞角五隻走相踘 阿婆進來蹦蹦跳 怎會變呢按多腳 一隻雞仔一隻腳  一隻兔子四支腳 兩隻雞仔四隻腳  兩隻兔子八支腳 三隻雞仔躲雞基  雞角五隻走相踘 阿婆進來蹦蹦跳  怎會變呢按多腳 一二三四五六七  怎吔算嚕算毋清 二十二二二十四  多喂阿婆一雙腳

（二年級上學期） 3.時間係麼个 時間係麼个 時間係阿婆白白个頭拿毛 時間係麼个 時間係媽媽粗粗个手巴掌 時間係麼个 時間係姊姊讀書時寫情書 時間係麼个 時間係捱等唱一條山歌過加幾年再來聽

4.伯公下 伯公下十八家，朝朝起來望水花 冇米煮，煮泥沙 冇床睡，睡天下 冇被蓋，竹葉遮 冇菜食，食樹芽

（三年級上學期） 5.農家樂 天光咧 男女老幼 大家忙，女人上山 採茶青， 男人落田 來蒔秧，細人趕緊 上學堂， 水牛赤牛 滿山崗，嘿荷荷 嘿荷荷， 希望年冬 好收成。噹噹鐘聲響噹噹鐘聲響 下課了　 男女學生 笑洋洋 一、二年生 吊晃槓　 三、四年生 囥人尋 五年六年 搞扯鈴　 笑聲融融 滿操場 嘿荷荷　嘿荷荷　嘿荷荷　嘿荷荷 希望下課時間長 噹噹鐘聲響　噹噹鐘聲響 放轉了 先生學生 真無閒 遽遽集合 來排列 先生路上 來指揮 嗶嗶一響 兩邊看　 大車細車 規矩停 嘿荷荷　嘿荷荷　嘿荷荷　嘿荷荷 希望交通 盡安全

（三年級上學期） 6.面帕粄 甲：唉！當晝吃麼个！ 乙：面帕粄 甲：好喔！ 乙：頭家啊！來兩碗面帕粄！ 第二段甲、乙：頭家啊！再來兩碗面帕粄！ 面帕粄面帕粄，緊食都還愛 山珍海味唔當一碗面帕粄 一撮粄仔，韭菜揉豆菜 汆了兩下，變那青又脆 香蔥碎肉醬，兩片靚肉放 哇！香噴噴呢面帕粄饗人流口延 So Su 加辣醬味道越至香　 呼！　燒噢！　哈！　辣囉！ 管得伊燒又辣，兩懠大汗又細汗 Fi Li Fu Lu 兩下二就扒淨淨　好食！ 口白：來　喲！　來去身匡田唇哪！

（四年級上學期） 7.摘一片白雲 摘一片白雲裏粽个，送分天神討姐喂 摘一片白雲送分風，送分涼風做生日 白雲接著天連地，山上就係伊屋家 捱要坐著白雲飛，自由自在真歡喜

8.檳榔樹 高高喂檳榔 瘦瘦喂樹梗 枝枝筆直樹梢葉尾 青毛一頭排排企排隊 唔使再向前看齊 應會立定不會齊步走 只有分先生罰金 高高喂檳榔　瘦瘦喂樹梗　枝枝筆直樹梢葉尾 青毛一頭排排企排隊 唔使再向前看齊 應會立定不會齊步走 只有分先生罰金 盡企盡高唔曉閃位大家笑佢太傻直 真硬直 冇要緊啦 佢講這係 伊个歡喜

（五年級上學期） 9.再行再行轉个彎就到六堆 達達達達達達達達 春風呀對面吹 達達達達達達達達 揚葉喂雙雙飛 再行再行轉个彎就到六堆 青山綠水來相配 夥房煙樓有登對 中前左右後先鋒堆 一堆一堆來保衛 近看遠看儘量看 歡喜你來陪 達達達達達達達達 心情好真安慰 達達達達達達達達 揚尾仔過山背 好山好水在這位 粄仔菜湯香又肥 吃住坐聊都包在內 一鄉一鄉心相隨 這聊該聊儘量聊 搞到毋想歸

（五年級上學期） 10.下南調 正月裡來梅花開 舊年過了新年來 風吹峨眉霜雪大 綾羅帳內望哥來 二月裡來梅花開 榴樹抽心葉下來 榴樹抽心葉下出 爬床抓蓆望哥來 三月裡來榴花開 手搬花枝望哥來 手攀花枝花還嫩 踏出踏入望哥來 四月裡來柿花開 天下蝴蝶飛下來 天上蝴蝶無下盡 葉下生卵望哥來 五月裡來蓮花開 蓮花頂上觀音來 阿妹燒香唸佛經 心心念念望哥來 六月裡來禾花開 六月伏天望哥來 禾葉尖尖食露水 口含八角望哥來 七月裡來菱花開 牛郎織女來做堆 七月七日來相會 隔河過海望哥來 八月裡來裳花開 八仙過海下凡來 八月下凡來遊嬲 口含八味望哥來 九月裡來菊花開 菊花做酒酒娘來 冷酒冷肉哥食得 冷床冷蓆望哥來 十月裡來麻花開 剪刀剪出錢花來 老妹擔去街上賣 賣花娘子望哥來 十一月裡來雪花開 手拿掃把掃唔開 手拿掃把來掃雪 掃開大路望哥來 十二月裡來枕花開 鴛鴦枕上無人來 鴛鴦枕上無人嬲 時時刻刻望哥來

（六年級上學期） 11.朋友 南風吹 吹過來 鳳凰花開送離別 短短相處莫強求 天下冇不賽的宴席 （六年級上學期） 11.朋友　　 南風吹　吹過來　鳳凰花開送離別　 短短相處莫強求　天下冇不賽的宴席 北風吹　吹過來　北斗東指又一春　 常常相思莫心悲　機會來會重相逢 朋友　汝甘記得　勾指打印共奮鬥　 人生冇苦苦在心中 互相鼓勵來打拼 朋友　汝甘記得　一句承諾一生人　 人生有情　情在心中 成功　失敗　也看開

12.挑擔歌 挑擔要挑來 嘿嘿 竹擔竿哪HO HI HE 中原 過來 渺啊渺 三百年那 腰骨酸 挑擔要 來 嘿嘿 老夥挑過後生 老夥莫嫌來 渺啊渺 有力挑沒 抑盲知 麼人來？ 這下麼人要來娫手共下 起這支中原个擔竿 還有該支唐山个擔竿 麼人來？ 來唉唉唉 麼人知？ 挑擔要挑來 嘿嘿 後生 哪HO HI HE 走上走下來 渺啊渺 到哪位 麼人知 麼人來？ 這下麼人要來娫手共下 起這支硬頸个擔竿 麼个咬薑啜醋个擔竿 麼人來？ 這下麼人要來娫手共下 起這支勤檢个擔竿 麼个耕山耕田个擔竿 麼人來？ 來唉唉唉 你一罵 人就走清清 走清清哩

（一年級下學期） 1.叔公 叔公叔公讀書最用功 行路像鴨公，食飯背碗公，釣魚仔用虫憲 公 叔公叔公昌爺拜天公 閒閒搆耳公，無事挖鼻公 唔過唔過 屙尿饗蟻公

2.飛行機 飛行機，飛行機 飛過樹梢尾 哈卵跌核都唔知 分人拈去包賀禮

（二年級下學期） 3.揚葉ㄟ 揚葉揚葉揚葉ㄟ　飛高飛高飛高高　 船來等　轎來扛 冇花冇花冇花鞋　 唔上唔上唔上轎 冇白扇　遮日頭 阿姐　唔使愁　 嫁到西門的大門樓

4.喞尼鼠 喞 喞！喞 喞！喞尼鼠啊喞尼鼠喞喞喞 喞 喞！喞 喞！喞尼鼠啊喞尼鼠喞喞喞 喞　喞！喞　喞！喞尼鼠啊喞尼鼠喞喞喞　喞　喞！喞　喞！喞尼鼠啊喞尼鼠喞喞喞 跳上跌落　又冇著鞋 輕手輕腳會做賊　 會做賊　哈哈哈哈 三更半夜三更半夜 去偷吃去偷吃　吃到飽嗶背呀　飽嗶背　 喞喞！喞喞！喞喞！喞喞！屙屎兩百亟　喞喞！　喞喞！

（三年級下學期） 5.畫眉鳥 畫眉鳥，唱歌真好聽，唱出歌聲山神合 河水流，來拍手，驚到白雲跌落來 山風吹，來跳舞，嚇到樹葉飄落來 唱唔出白頭公，嘰咕哩咕聲 唱唔出烏頭公，嘰咕哩咕聲

6.排排坐唱山歌 排排坐唱山歌，爺打鼓子打鑼 心舅灶背炒田螺，田螺殼刺到家官腳 家官哀哀叫，心舅哈哈笑

（四年級下學期） 7.圓粄花 紅紅个圓粄花，粒粒花花開在籬笆下 籬笆下 花期長長等妹嫁，等妹嫁時坐牛車 圓粄花啊圓粄花，打扮阿妹 笑哈哈 紅紅个圓粄花，粒粒花花開在籬笆下 籬笆下 花期長長等妹嫁，等妹嫁時坐牛車 圓粄花啊圓粄花，打扮阿妹 笑哈哈 紅紅个圓粄花，得人惜呀得人惜 圓粄甜甜請大家，阿哥吃來想成家 圓粄花啊圓粄花 阿妹今年愛出嫁，阿哥明年做阿爸 做阿爸

8.床前明月光 床前明月光，疑是地上霜 舉頭望明月，低頭思故鄉 麼人麼按像捱，讀書又冇半項 先生先生喊捱背，不會捱就大聲唱 窗外鐘聲響，聞到飯菜香 舉頭看粉牌，低頭思便當 唉唷唉唷ㄎ一ㄚ巴絲，直直丟哇過來 先生先生莫打捱，阿彌陀佛來幫忙

（五年級下學期） 9.客家世界 就像大雨後个天弓，紅鑼花色高掛在空中 希望摁个世界多采多姿，多情多義多笑容 紅男綠女歡歡喜喜 牽手鬧洋洋 這係客家世界祥人个地方 等汝來聊做英雄 阿公啊，挨弦仔，阿婆就來唱山歌 句句唱出客家个智慧 摁係現代个客家人，世界个客家人 摁有豐富又精采个客家文化呦 摁係快樂个客家人，實在个客家人 摁愛剎忙打拚，共心開創客家世界 呦呦得呦 鮮鮮个海水，流向个大海 日久他鄉變故鄉，管汝哪位來

（五年級下學期） 10.風 春天的風， 凉凉吹過來 揚葉ㄟ飛坑起來 牛眼樹 ，一葩一葩開 等伊結子在相逢 春天的風， 凉凉吹過來 揚葉ㄟ飛坑起來 牛眼樹 ，一葩一葩開 等伊結子在相逢 熱天的風， 暖暖吹過來 草蜢ㄟ飛坑起來 禾花開 ，一浪一浪飄 花開來好豐來 秋天的風 ，冷冷吹過來 樹葉ㄟ飛坑起來 木浪樹 ，一葉一葉飄 捱來撿好洗衫褲 冬天的風，冷冷吹過來 水鴨ㄟ飛坑起來 苦棟樹，一片一片開紫花開來好過年

六年級下學期） 11.問卜歌 今夜又是汪汪的月光 月光按靚一切不如昨 阿觀音佛祖 阿媽組娘娘 阿義民爺爺 子弟請問阿 阿觀音佛祖 阿媽組娘娘 阿義民爺爺 子弟請問阿 今夜又是炎炎的端陽 稼埕唱山歌的阿伯今何在 今夜又是鬆爽的中秋 公廳講古的叔婆今何在 今夜又是難得的上元 你屋下的人到哪去 上班的上班 賭博的賭博 簽牌的簽牌 湯圓沒得吃哪

（六年級下學期） 12.人厓還記得 紅紅 鳳凰花 捱還記得，高高 大王椰 捱還記得 記得 行過 草坪，記得 坐過 凳頭（凳頭：板凳） 闊闊 運動場人厓還記得，青青 老竹園人厓還記得 記得 爬過 樹叢，記得 泅過 河壩 還記得啦 喔 還記得囉，還記得啦 喔 還記得 還記得啦 喔 還記得囉，還記得啦 還記得 紅紅 鳳凰花 捱還記得，高高 大王椰人厓還記得 記得 爬過 樹叢，記得 泅過 河壩 還記得啦 喔 還記得囉，還記得啦 喔 還記得 還記得啦 喔 還記得囉，還記得啦 還記得 嗯 還記得