Kū-iok Í-sài-a-su Tē gō͘ chiuⁿ

Presentation on theme: "Kū-iok Í-sài-a-su Tē gō͘ chiuⁿ"— Presentation transcript:

1 Kū-iok Í-sài-a-su Tē gō͘ chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-sài-a-su Tē gō͘ chiuⁿ 舊約 《以賽亞書》 第五章 Isaiah

2 Í-sài-a-su 《以賽亞書》 Isaiah Tē gō͘ chiuⁿ 第五章 Tē 1 chat 第一節
Goá beh ūi-tio̍h goá só͘ chhin-thiàⁿ--ê chhiùⁿ-koa, sī goá só͘-thiàⁿ--ê ê koa, lūn i ê phû-tô-hn̂g. Goá só͘ chhin-thiàⁿ-ê ū phû-tô-hn̂g; tī chin pûi ê soaⁿ-thâu. 我beh為tio̍h我所親疼ê唱歌， 是我所疼ê ê歌，論伊ê葡萄園。 我所親疼ê有葡萄園； tī真肥ê山頭。

3 Í-sài-a-su 《以賽亞書》 Isaiah Tē gō͘ chiuⁿ 第五章 Tē 2 chat 第二節
I khai-khún hit ê hn̂g, tû-khì chio̍h-thâu, chai siōng-téng ê phû-tô-chhiū, tī hn̂g-lāi khí chi̍t chō lâu, koh ku̍t chiú-khut tī-hia, ǹg-bāng kiat hó ê phû-tô, bô phah-sǹg kiat iá phû-tô. 伊開墾hit-ê園，除去石頭， 栽上等ê葡萄樹，tī園內 起一座樓，koh掘酒窟tī-hia，ǹg望 結好ê葡萄，無phah算結野葡萄。

4 Í-sài-a-su 《以賽亞書》 Isaiah Tē gō͘ chiuⁿ 第五章 Tē 3 chat 第三節
Lín khiā-khí Iâ-lō͘-sat-léng--ê, kap Iû-tāi lâng ah, taⁿ chhiáⁿ lín tī goá kap goá ê phû-tô-hn̂g tiong, phoàⁿ-toàn tio̍h m̄-tio̍h. Lín khiā起耶路撒冷ê， kap猶大人ah， taⁿ請lín tī我kap我ê葡萄園中， 判斷tio̍h m̄-tio̍h。

5 Í-sài-a-su 《以賽亞書》 Isaiah Tē gō͘ chiuⁿ 第五章 Tē 4 chat 第四節
Goá ūi Goá ê phû-tô-hn̂g só͘-choè-ê í-goā, iáu ū sím-mi̍h thang choè ah? Goá ǹg-bāng kiat hó ê phû-tô, cháiⁿ-iūⁿ hoán-tńg kiat iá phû-tô ah? 我為我ê葡萄園所做ê以外， iáu有甚麼thang做ah？ 我ǹg望結好ê葡萄， 怎樣反tńg結野葡萄ah？

6 Í-sài-a-su 《以賽亞書》 Isaiah Tē gō͘ chiuⁿ 第五章 Tē 5 chat 第五節
Taⁿ Goá kā lín kóng Goá beh tùi Goá ê phû-tô-hn̂g cháiⁿ-iūⁿ kiâⁿ; Goá beh thiah--khì lî-pa, hō͘ i siū thun-bia̍t; thiah-húi ûi-chhiûⁿ, hō͘ i siū thún-ta̍h. Taⁿ我kā lín講我beh對 我ê葡萄園怎樣行； 我beh拆去籬笆，hō͘伊受吞滅； 拆毀圍牆，hō͘伊受thún踏。

7 Í-sài-a-su 《以賽亞書》 Isaiah Tē gō͘ chiuⁿ 第五章 Tē 6 chat 第六節
Goá beh hō͘ i hong-hoè, bô koh siu-chéng, bô koh thû-thoáⁿ; hoán-tńg hoat chhì-á kap chi̍t-lê; Goá iā beh bēng-lēng hûn bô lo̍h-hō͘ tī i ê téng-bīn. 我beh hō͘伊荒廢， 無koh修整，無koh 耡剷； 反tńg發刺á kap蒺藜； 我也beh命令雲無落雨tī伊ê頂面。

8 Í-sài-a-su 《以賽亞書》 Isaiah Tē gō͘ chiuⁿ 第五章 Tē 7 chat 第七節
In-ūi bān-kun ê Iâ-hô-hoa ê phû-tô-hn̂g chiū-sī Í-sek-lia̍t-ke; I só͘ hoaⁿ-hí ê chhiū chiū-sī Iû-tāi lâng; I só͘ ǹg-bāng--ê sī kong-pêng, hoán-tńg ū pō-gio̍k; só͘ ǹg-bāng--ê sī kong-gī, hoán-tńg ū kiò oan-óng. 因為萬軍ê耶和華ê葡萄園就是 以色列家；伊所歡喜ê樹就是猶大人； 伊所ǹg望ê是公平，反tńg有暴虐； 所ǹg望ê是公義，反tńg有叫冤枉。

9 Í-sài-a-su 《以賽亞書》 Isaiah Tē gō͘ chiuⁿ 第五章 Tē 8 chat 第八節
Ū chai-ē ah, hiah-ê ēng chhù chiap chhù, ēng chhân chiap chhân, tì-kàu bô lâu khàng-toē--ê; chhun lín ka-kī khiā hit ê kéng-lāi. 有災厄ah，hiah-ê 用厝接厝，用田 接田，致到無留空地ê； chhun lín家己khiā hit-ê境內。

10 Í-sài-a-su 《以賽亞書》 Isaiah Tē gō͘ chiuⁿ 第五章 Tē 9 chat 第九節
Goá chhin-hī thiaⁿ-kìⁿ bān-kun ê Iâ-hô-hoa kóng, Tek-khak ū choē-choē toā koh súi ê chhù-the̍h chiâⁿ-choè pha-hng, bô lâng khiā-khí. 我親耳聽見 萬軍ê耶和華講， 的確有choē-choē大koh súi ê厝宅 成做拋荒，無人khiā起。

11 Í-sài-a-su 《以賽亞書》 Isaiah Tē gō͘ chiuⁿ 第五章 Tē 10 chat 第十節
Saⁿ-cha̍p bó͘ ê phû-tô-hn̂g chí-ū chhut chi̍t pa-te̍k ê chiú; chi̍t hō-mûi-jíⁿ ê chéng-chí chí-ū siu-sêng chi̍t i-hoat ê bí-niû. 三十畝ê葡萄園 只有出一pa-te̍k ê酒； 一hō-mûi-jíⁿ ê種子 只有收成一i-hoat ê米糧。

12 Í-sài-a-su 《以賽亞書》 Isaiah Tē gō͘ chiuⁿ 第五章 Tē 11 chat 第十一節
Chai-ē ah, hiah-ê thàu-chá khí-lâi, hòng-chhiòng lim kāu-chiú, ti̍t-ti̍t kàu mî chhim, sīm-chì kàu in-ūi chiú hoat-kông. 災厄ah，hiah-ê透早起來， 放縱lim厚酒， 直直到暝深， 甚至到因為酒發狂。

13 Í-sài-a-su 《以賽亞書》 Isaiah Tē gō͘ chiuⁿ 第五章 Tē 12 chat 第十二節
In tī iân-toh toâⁿ-khîm toâⁿ-sek, phah-kó͘, pûn-ta̍t-á, lim-chiú, bô siūⁿ--tio̍h Iâ-hô-hoa ê só͘-kiâⁿ, ia̍h bô liû-sim I ê chhiú só͘-choè-ê. In tī筵桌彈琴彈瑟、 phah鼓、pûn笛á、lim酒， 無想tio̍h耶和華ê所行， 亦無留心伊ê手所做ê。

14 Í-sài-a-su 《以賽亞書》 Isaiah Tē gō͘ chiuⁿ 第五章 Tē 13 chat 第十三節
Só͘-í Goá ê peh-sìⁿ in-ūi bû-ti siū lâng lia̍h-khì; in chun-kùi ê lâng chin iau-gō, kui-tīn ê peh-sìⁿ ke̍k-kî chhùi-ta. 所以我ê百姓 因為無知受人掠去； in尊貴ê人真iau餓， kui陣ê百姓極其嘴乾。

15 Í-sài-a-su 《以賽亞書》 Isaiah Tē gō͘ chiuⁿ 第五章 Tē 14 chat 第十四節
In-ūi im-kan khoah-toā i ê só͘ ài, khui i bô hān-liōng ê chhùi; in ê êng-kng, in ê chèng-lâng, in ê chhia-hoâ, kap in tiong-kan khoài-lo̍k ê lâng, lóng lo̍h tī hit lāi-bīn. 因為陰間闊大伊ê所ài， 開伊無限量ê嘴；in ê榮光， in ê眾人，in ê奢華，kap in中間 快樂ê人，lóng落tī hit內面。

16 Í-sài-a-su 《以賽亞書》 Isaiah Tē gō͘ chiuⁿ 第五章 Tē 15 chat 第十五節
Pi-chiān--ê khut-lo̍h, chun-kùi--ê kàng-kē, ba̍k-thâu koâiⁿ ê lâng iā kàng-kē; 卑賤ê屈落， 尊貴ê降低， 目頭高ê人也降低；

17 Í-sài-a-su 《以賽亞書》 Isaiah Tē gō͘ chiuⁿ 第五章 Tē 16 chat 第十六節
chí ū bān-kun ê Iâ-hô-hoa tùi sím-phoàⁿ lâi chun-choè koâiⁿ, sèng ê Siōng-tè tùi kong-gī hián-bêng choè-sèng. 只有萬軍ê耶和華 tùi審判來尊做高， 聖ê上帝 tùi公義顯明做聖。

18 Í-sài-a-su 《以賽亞書》 Isaiah Tē gō͘ chiuⁿ 第五章 Tē 17 chat 第十七節
Hit-sî iûⁿ-á beh lâi chia̍h-chháu chhin-chhiūⁿ tī ka-kī ê chháu-tiûⁿ; pù-lâng pha-hng ê só͘-chāi, chhut-goā lâng beh chia̍h i. Hit時羊á beh來食草 親像tī家己ê草場； 富人拋荒ê所在， 出外人beh食伊。

19 Í-sài-a-su 《以賽亞書》 Isaiah Tē gō͘ chiuⁿ 第五章 Tē 18 chat 第十八節
Ū chai-ē ah, ēng hu-ké choè soh lâi ín choē-ok, koh chhin-chhiūⁿ ēng thoa-chhia ê soh lâi khiú choē-koà. 有災厄ah， 用虛假做索來引罪惡， koh親像用拖車ê索 來khiú罪過。

20 Í-sài-a-su 《以賽亞書》 Isaiah Tē gō͘ chiuⁿ 第五章 Tē 19 chat 第十九節
In kóng, Goān I kín-kín kiâⁿ, khoài-khoài chiâⁿ I ê só͘-choè, hō͘ goán khoàⁿ-kìⁿ; goān Í-sek-lia̍t ê Sèng--ê só͘ kè-e̍k--ê pek-oá lâi, hō͘ goán chai. In講，願伊緊緊行， 快快成伊ê所做，hō͘阮看見； 願以色列ê聖ê所計畫ê逼oá來， hō͘阮知。

21 Í-sài-a-su 《以賽亞書》 Isaiah Tē gō͘ chiuⁿ 第五章 Tē 20 chat 第二十節
Ū chai-ē ah, hiah-ê chheng pháiⁿ choè hó, chheng hó choè pháiⁿ, ēng àm choè kng, ēng kng choè àm, ēng khó͘ choè tiⁿ, ēng tiⁿ choè khó͘ ê. 有災厄ah， hiah-ê稱pháiⁿ做好，稱好做pháiⁿ， 用暗做光，用光做暗， 用苦做甜，用甜做苦ê。

22 Í-sài-a-su 《以賽亞書》 Isaiah Tē gō͘ chiuⁿ 第五章 Tē 21 chat 第二十一節
Ū chai-ē ah, hiah-ê ka-kī khoàⁿ-choè ū tì-hūi, ka-kī khoàⁿ-choè thong-ta̍t--ê. 有災厄ah， hiah-ê家己看做有智慧， 家己看做通達ê。

23 Í-sài-a-su 《以賽亞書》 Isaiah Tē gō͘ chiuⁿ 第五章 Tē 22 chat 第二十二節
Ū chai-ē ah, hiah-ê ióng-kám tī lim-chiú, ēng lêng-le̍k tiau-hô kāu-chiú--ê. 有災厄ah， hiah-ê勇敢tī lim酒， 用能力調和厚酒ê。

24 Í-sài-a-su 《以賽亞書》 Isaiah Tē gō͘ chiuⁿ 第五章 Tē 23 chat 第二十三節
In in-ūi siū pò͘-lō͘ chiū chheng pháiⁿ-lâng choè gī, chiong gī-lâng ê gī kā i chhiúⁿ--khì. In因為受pò͘賂 就稱pháiⁿ人做義， 將義人ê義kā伊搶去。

25 Í-sài-a-su 《以賽亞書》 Isaiah Tē gō͘ chiuⁿ 第五章 Tē 24 chat 第二十四節
Só͘-í chhin-chhiūⁿ hé-chi̍h sio tiū-kó, ta-chháu lo̍h tī hé-iām-tiong, chhin-chhiūⁿ án-ni in ê kun beh chhin-chhiūⁿ hiú-noā ê mi̍h, in ê hoe beh chhin-chhiūⁿ tîn-ai pe--khí-lâi; in-ūi in khì-sak bān-kun ê Iâ-hô-hoa ê kà-sī, khoàⁿ-khin Í-sek-lia̍t ê Sèng--ê ê oē. 所以親像火舌燒稻稿，乾草落tī 火燄中，親像án-ni in ê根 beh親像朽爛ê物，in ê花beh親像 塵埃飛起來；因為in棄sak萬軍ê耶和華ê 教示，看輕以色列ê聖ê ê話。

26 Í-sài-a-su 《以賽亞書》 Isaiah Tē gō͘ chiuⁿ 第五章 Tē 25 chat 第二十五節
Só͘-í Iâ-hô-hoa ê siū-khì tùi I ê peh-sìⁿ hoat-choh, I ê chhiú chhun-chhut kong-kek lâi phah in; chiah ê soaⁿ-niá chiū iô-choah, in ê sin-si tī koe-chhī chhin-chhiūⁿ pùn-thô͘. Sui-jiân án-ni I ê siū-khì iáu-bē siau, I ê chhiú iáu chhun--teh. 所以耶和華ê受氣對伊ê百姓發作， 伊ê手伸出攻擊來phah in； chiah-ê山嶺就搖choah，in ê身屍tī街市 親像糞土。雖然án-ni伊ê受氣iáu未消， 伊ê手iáu 伸teh。

27 Í-sài-a-su 《以賽亞書》 Isaiah Tē gō͘ chiuⁿ 第五章 Tē 26 chat 第二十六節
I beh chhut kî-hō, chio hn̄g-hn̄g ê peh-sìⁿ, chhut kháu-hō kiò in tùi toē-ke̍k lâi; khoàⁿ ah, in beh kín-kín cháu--lâi. 伊beh出旗號， 招遠遠ê百姓， 出口號叫in tùi地極來； 看ah，in beh緊緊走來。

28 Í-sài-a-su 《以賽亞書》 Isaiah Tē gō͘ chiuⁿ 第五章 Tē 27 chat 第二十七節
Kî-tiong bô ū ià-siān--ê, bô ū poa̍h-tó--ê, bô ū tuh-bîn--ê, bô ū khùn--ê, io-toà iā bô pàng-sang, oê-toà iā bô phah-tn̄g. 其中無有厭倦ê，無有跋倒ê， 無有tuh眠ê，無有睏ê， 腰帶也無放鬆， 鞋帶也無phah斷。

29 Í-sài-a-su 《以賽亞書》 Isaiah Tē gō͘ chiuⁿ 第五章 Tē 28 chat 第二十八節
In ê chìⁿ chin-lāi, keng iā piⁿ-ân; bé-toê chhin-chhiūⁿ tēng ê chio̍h, chhia-lûn chhin-chhiūⁿ kńg-lê-hong. In ê箭真利， 弓也piⁿ-ân； 馬蹄親像tēng ê石， 車輪親像捲螺風。

30 Í-sài-a-su 《以賽亞書》 Isaiah Tē gō͘ chiuⁿ 第五章 Tē 29 chat 第二十九節
In beh háu chhin-chhiūⁿ bú ê sai, ia̍h chhin-chhiūⁿ soè-chiah sai teh háu; in beh hm̄-hm̄-háu, lâi la̍k in só͘ kā ê mi̍h, thoa-kàu ún-tàng ê só͘-chāi, bô lâng oē kiù tò-tńg. In beh哮親像母ê獅， 亦親像細隻獅teh哮； in beh hm̄-hm̄哮，來la̍k in所咬ê物， 拖到穩當ê所在，無人會救倒tńg。

31 Í-sài-a-su 《以賽亞書》 Isaiah Tē gō͘ chiuⁿ 第五章 Tē 30 chat 第三十節
Hit-ji̍t in beh tùi in hm̄-hm̄-háu, chhin-chhiūⁿ hái hoā-hoā-háu; lâng nā khoàⁿ lo̍h toē, chiū khoàⁿ-kìⁿ ū o͘-àm kan-khó͘, kng-bêng tī hûn-lāi pìⁿ-choè o͘-àm. Hit日in beh對in hm̄-hm̄哮，親像 海hoā-hoā哮；人若看落地， 就看見有烏暗艱苦， 光明tī雲內變做烏暗。