Kū-iok Í-se-kiat-su Tē jī chiuⁿ

Presentation on theme: "Kū-iok Í-se-kiat-su Tē jī chiuⁿ"— Presentation transcript:

1 Kū-iok Í-se-kiat-su Tē jī chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-se-kiat-su Tē jī chiuⁿ 舊約 《以西結書》 第二章 Ezekiel

2 Í-se-kiat-su《以西結書》 Ezekiel Tē jī chiuⁿ 第二章 Tē 1 chat 第一節
I tùi goá kóng, Jîn-chú ah, lí khí-lâi khiā, Goá beh kap lí kóng-oē. 伊對我講，人子ah， 你起來khiā， 我beh kap你講話。

3 Í-se-kiat-su《以西結書》 Ezekiel Tē jī chiuⁿ 第二章 Tē 2 chat 第二節
I tùi goá kóng-oē ê sî, sîn chiū ji̍p goá ê lāi-bīn, hō͘ goá khiā--khí-lâi; goá chiū thiaⁿ-kìⁿ hit-ūi tùi goá kóng-oē--ê ê siaⁿ. 伊對我講話ê時， 神就入我ê內面， hō͘我khiā起來； 我就聽見hit位 對我講話ê ê聲。

4 Í-se-kiat-su《以西結書》 Ezekiel Tē jī chiuⁿ 第二章 Tē 3 chat 第三節
I tùi goá kóng, Jîn-chú ah, Goá chhe lí khì kàu Í-sek-lia̍t cho̍k, kàu poē-ge̍k ê pang-kok, in sī poē-ge̍k Goá ê; in kap in ê lia̍t-chó͘ ûi-ke̍h Goá, ti̍t-kàu kin-á-ji̍t. 伊對我講，人子ah， 我差你去到以色列族， 到悖逆ê邦國，in是悖逆我ê； in kap in ê列祖違逆我， 直到今á日。

5 Í-se-kiat-su《以西結書》 Ezekiel Tē jī chiuⁿ 第二章 Tē 4 chat 第四節
Chiah ê kiáⁿ bīn-phê kāu, sim ngī; Goá chhe lí khì in hia; lí tio̍h tùi in kóng, Chú Iâ-hô-hoa án-ni kóng. Chiah-ê kiáⁿ面皮厚，心硬； 我差你去in hia；你tio̍h對in講， 主耶和華án-ni講。

6 Í-se-kiat-su《以西結書》 Ezekiel Tē jī chiuⁿ 第二章 Tē 5 chat 第五節
In kiám-chhái thiaⁿ, kiám-chhái m̄-thiaⁿ, (in-ūi in sī poē-ge̍k ê ke), beh chai tī in tiong-kan tek-khak bat ū sian-ti. In kiám-chhái聽，kiám-chhái m̄聽， (因為in是悖逆ê家) ， Beh知tī in中間 的確bat有先知。

7 Í-se-kiat-su《以西結書》 Ezekiel Tē jī chiuⁿ 第二章 Tē 6 chat 第六節
Jîn-chú ah, sui-jiân ū chháu-chhì chi̍t-lê tī lí hia, koh lí tiàm tī giat-á-thâng ê tiong-kan, lóng bo̍h-tit kiaⁿ in, iā bo̍h-tit kiaⁿ in ê oē; in sui-jiân sī poē-ge̍k ê ke, iáu-kú bo̍h-tit kiaⁿ in ê oē, iā bo̍h-tit in-ūi in ê bīn-māu lâi kiaⁿ-hiâⁿ. 人子ah，雖然有草刺蒺藜tī你hia， koh你tiàm tī蠍á蟲ê中間， lóng莫得驚in，也莫得驚in ê話； in雖然是悖逆ê家，iáu-kú莫得驚 in ê話，也莫得因為in ê面貌來驚惶。

8 Í-se-kiat-su《以西結書》 Ezekiel Tē jī chiuⁿ 第二章 Tē 7 chat 第七節
In kiám-chhái thiaⁿ, kiám-chhái m̄-thiaⁿ, lí choè lí chiong Goá ê oē kā in kóng; in-ūi in sī ke̍k-kî poē-ge̍k ê. In kiám-chhái聽，kiám-chhái m̄聽， 你做你將我ê話kā in講； 因為in是極其悖逆ê。

9 Í-se-kiat-su《以西結書》 Ezekiel Tē jī chiuⁿ 第二章 Tē 8 chat 第八節
Jîn-chú ah, lí tio̍h thiaⁿ Goá tùi lí só͘ kóng ê oē; lí m̄-thang poē-ge̍k, chhin-chhiūⁿ hit ê poē-ge̍k ê ke; lí tio̍h khui-chhùi, chia̍h Goá só͘ hō͘ lí ê. 人子ah，你tio̍h聽我對你所講ê話； 你m̄-thang悖逆， 親像hit-ê悖逆ê家； 你tio̍h開嘴，食我所hō͘你ê。

10 Í-se-kiat-su《以西結書》 Ezekiel Tē jī chiuⁿ 第二章 Tē 9 chat 第九節
Hit-sî goá khoàⁿ, khoàⁿ ah, ū chi̍t ki chhiú chhun ǹg goá chia lâi; khoàⁿ ah, chhiú-lāi ū chi̍t kńg chheh; Hit時我看，看ah， 有一支手伸ǹg我chia來； 看ah，手內有一卷冊；

11 Í-se-kiat-su《以西結書》 Ezekiel Tē jī chiuⁿ 第二章 Tē 10 chat 第十節
I chiong hit pún hian-khui tī goá ê bīn-chêng; lāi-goā lóng ū siá-jī; hí téng-bīn só͘ siá-ê ū ai-siong, thó͘-khùi, chai-ē ê oē. 伊將hit本掀開tī我ê面前； 內外lóng有寫字； hit頂面所寫ê有哀傷， 吐氣，災厄ê話。