Kū-iok Si-phian Tē 86 phiⁿ

Presentation on theme: "Kū-iok Si-phian Tē 86 phiⁿ"— Presentation transcript:

1 Kū-iok Si-phian Tē 86 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 86 phiⁿ 舊約 《詩篇》 第86篇 Psalms

2 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 1 chat 第一節
(Tāi-pi̍t ê kî-tó) Iâ-hô-hoa ah, kiû Lí àⁿ hī-khang thiaⁿ goá; In-ūi goá sī khùn-khó͘ sòng-hiong ê. (大衛ê祈禱) 耶和華ah， 求祢àⁿ耳孔聽我； 因為我是困苦sòng-hiong ê。

3 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 2 chat 第二節
Kiû Lí pó-chûn goá ê sìⁿ-miā, in-ūi goá sī khiân-sêng ê lâng. Goá ê Siōng-tè ah, Lí ê lô͘-po̍k oá-khò Lí; kiû Lí chín-kiù i. 求祢保存我ê性命，因為我是 虔誠ê人。我ê上帝ah， 祢ê奴僕oá靠祢；求祢拯救伊。

4 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 3 chat 第三節
Chú ah, kiû Lí lîn-bín goá; In-ūi goá thong-ji̍t kiû-kiò Lí. 主ah，求祢憐憫我； 因為我thong日求叫祢。

5 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 4 chat 第四節
Chú ah, kiû Lí hō͘ Lí ê lô͘-po̍k sim hoaⁿ-hí; In-ūi goá ēng goá ê sim gióng-bōng Lí. 主ah， 求祢hō͘祢ê奴僕心歡喜； 因為我用我ê心仰望祢。

6 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 5 chat 第五節
Chú ah, in-ūi Lí sī hó, hoaⁿ-hí sià-bián lâng; Ū hong-sēng ê chû-ài, siúⁿ-sù hoān-nā kiû-kiò Lí ê lâng. 主ah，因為祢是好， 歡喜赦免人；有豐盛ê慈愛， 賞賜凡若求叫祢ê人。

7 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 6 chat 第六節
Iâ-hô-hoa ah, kiû Lí àⁿ hī-khang thiaⁿ goá ê kî-tó; Àⁿ-lo̍h thiaⁿ goá khún-kiû ê siaⁿ. 耶和華ah， 求祢àⁿ耳孔聽我ê祈禱； Àⁿ落聽我懇求ê聲。

8 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 7 chat 第七節
Tī goá hoān-lān ê ji̍t, beh kiû-kiò Lí; Lí beh ìn goá. Tī我患難ê日， beh求叫祢； 祢beh 應我。

9 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 8 chat 第八節
Chú ah, chiah ê siōng-tè ê tiong-kan, bô chi̍t-ê oē pí-tit Lí; Lí ê só͘ choè ia̍h bô thang pí-phēng. 主ah，chiah-ê上帝 ê中間， 無一個會比得祢； 祢ê所做亦無thang比並。

10 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 9 chat 第九節
Chú ah, Lí só͘ chō ê bān-pang lóng beh lâi phak-pài tī Lí ê bīn-chêng; In ia̍h beh êng-kng Lí ê miâ. 主ah，祢所造ê萬邦 lóng beh來仆拜tī祢ê面前； In亦beh榮光祢ê名。

11 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 10 chat 第十節
In-ūi Lí choè toā, koh kiâⁿ kî-biāu ê sū; Chí-ū Lí sī Siōng-tè. 因為祢做大， koh行奇妙ê事； 只有祢是上帝。

12 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 11 chat 第十一節
Iâ-hô-hoa ah, kiû Lí chiong Lí ê tō-lō͘ chí-sī goá; goá beh chiàu Lí ê chin-lí lâi kiâⁿ; Hō͘ goá choan-it ê sim kèng-ùi Lí ê miâ. 耶和華ah， 求祢將祢ê道路指示我； 我beh照祢ê真理來行； Hō͘我專一ê心敬畏祢ê名。

13 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 12 chat 第十二節
Chú, goá ê Siōng-tè ah, goá beh choân-sim o-ló Lí; Goá beh êng-kng Lí ê miâ kàu éng-oán. 主，我ê上帝ah， 我beh全心o-ló祢； 我beh榮光祢ê名到永遠。

14 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 13 chat 第十三節
In-ūi Lí tùi goá hoat-chhut toā ê chû-ài, Lí kiù goá ê sìⁿ-miā bián lo̍h ke̍k-chhim ê im-kan. 因為祢對我發出大ê慈愛， 祢救我ê性命 免落極深ê陰間。

15 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 14 chat 第十四節
Siōng-tè ah, kiau-ngō͘ ê lâng khí-lâi kong-kek goá; Koh ū kiông-pō ê tóng siàu-siūⁿ goá ê sìⁿ-miā; In bô kèng-hōng Lí tī in ê bīn-chêng. 上帝ah，驕傲ê人起來 攻擊我；Koh有強暴ê黨 siàu想我ê性命； In無敬奉祢tī in ê面前。

16 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 15 chat 第十五節
Chú ah, Lí sī jîn-chû un-tián ê Siōng-tè; Bô khoài-khoài siū-khì, koh ū hong-sēng ê chû-ài kap sêng-si̍t. 主ah，祢是仁慈恩典ê上帝； 無快快受氣， koh有豐盛ê慈愛kap誠實。

17 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 16 chat 第十六節
Kiû Lí oa̍t--kè-lâi khoàⁿ goá, khó-lîn goá; Chiong Lí ê khùi-la̍t siúⁿ-sù Lí ê lô͘-po̍k, Kiù Lí ê lú-pī ê kiáⁿ. 求祢oa̍t過來看我，可憐我； 將祢ê氣力賞賜祢ê奴僕， 救祢ê女婢ê kiáⁿ。

18 Si-phian《詩篇》 Psalms Tē peh-cha̍p-la̍k phiⁿ 第八十六篇 Tē 17 chat 第十七節
Kiû Lí hián-chhut un-tián goá ê pîn-kù, Hō͘ oàn-hūn goá ê lâng khoàⁿ-kìⁿ lâi kiàn-siàu; In-ūi Iâ-hô-hoa Lí pang-chān goá, an-ùi goá. 求祢顯出恩典我ê憑據， Hō͘怨恨我ê人看見 來見笑；因為耶和華 祢幫贊我，安慰我。