Kū-iok Si-phian Tē 98 phiⁿ

Presentation on theme: "Kū-iok Si-phian Tē 98 phiⁿ"— Presentation transcript:

1 Kū-iok Si-phian Tē 98 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 98 phiⁿ 舊約 《詩篇》 第98篇 Psalms

2 Si-phian《詩篇》 Psalms Tē káu-cha̍p-peh phiⁿ 第九十八篇 Tē 1 chat 第一節
(Chi̍t phiⁿ si.) Lín tio̍h ǹg Iâ-hô-hoa chhiùⁿ sin ê koa; In-ūi I bat kiâⁿ kî-biāu ê sū; I ê chiàⁿ-chhiú, kap I sèng ê chhiú-kut, í-keng ūi ka-kī kiâⁿ chín-kiù. (一篇詩。) Lín tio̍h ǹg耶和華唱新ê歌； 因為祂bat行奇妙ê事； 祂ê chiàⁿ手，kap祂聖ê手骨， 已經為家己行拯救。

3 Si-phian《詩篇》 Psalms Tē káu-cha̍p-peh phiⁿ 第九十八篇 Tē 2 chat 第二節
Iâ-hô-hoa hō͘ lâng chai I ê chín-kiù; Tī lia̍t-pang-lâng ê ba̍k-chiu-chêng hián-bêng I ê kong-gī. 耶和華hō͘人知祂ê拯救； Tī列邦人ê目睭前 顯明祂ê公義。

4 Si-phian《詩篇》 Psalms Tē káu-cha̍p-peh phiⁿ 第九十八篇 Tē 3 chat 第三節
I kì-liām I tùi Í-sek-lia̍t ke só͘ hoat-chhut ê chû-ài kap sìn-si̍t; Toē ê sì-kak lóng khoàⁿ-kìⁿ lán ê Siōng-tè ê chín-kiù. 祂記念祂tùi以色列家 所發出ê慈愛kap信實； 地ê四角lóng看見 咱ê上帝ê拯救。

5 Si-phian《詩篇》 Psalms Tē káu-cha̍p-peh phiⁿ 第九十八篇 Tē 4 chat 第四節
Choân-toē lóng tio̍h ǹg Iâ-hô-hoa chhut hoaⁿ-hí ê siaⁿ; Tio̍h chhut toā-siaⁿ hoaⁿ-hí chhiùⁿ-koa o-ló I. 全地lóng tio̍h ǹg耶和華 出歡喜ê聲；Tio̍h出大聲 歡喜唱歌o-ló祂。

6 Si-phian《詩篇》 Psalms Tē káu-cha̍p-peh phiⁿ 第九十八篇 Tē 5 chat 第五節
Tio̍h toâⁿ-khîm chhiùⁿ-koa o-ló Iâ-hô-hoa; Tio̍h toâⁿ-khîm hô si-koa ê siaⁿ o-ló I. Tio̍h彈琴唱歌 o-ló耶和華；Tio̍h彈琴 和詩歌ê聲o-ló祂。

7 Si-phian《詩篇》 Psalms Tē káu-cha̍p-peh phiⁿ 第九十八篇 Tē 6 chat 第六節
Ēng hō-thâu kap sàu-kak ê siaⁿ, Tī Kun-ông Iâ-hô-hoa ê bīn-chêng chhut hoaⁿ-hí ê siaⁿ. 用號頭kap哨角ê聲， Tī君王耶和華ê面前 出歡喜ê聲。

8 Si-phian《詩篇》 Psalms Tē káu-cha̍p-peh phiⁿ 第九十八篇 Tē 7 chat 第七節
Goān hái, kap kî-tiong só͘ chhiong-moá--ê, lóng tio̍h chhut toā-siaⁿ; Sè-kài, kap tiàm tī hit tiong-kan--ê, ia̍h tio̍h chhut-siaⁿ; 願海，kap其中所充滿ê， lóng tio̍h出大聲； 世界，kap tiàm tī hit中間ê， 亦tio̍h出聲；

9 Si-phian《詩篇》 Psalms Tē káu-cha̍p-peh phiⁿ 第九十八篇 Tē 8 chat 第八節
Goān toā-chúi phah chhiú-chiúⁿ, Goān chiah ê soaⁿ tī Iâ-hô-hoa ê bīn-chêng chhut hoaⁿ-hí ê siaⁿ. 願大水phah手掌， 願chiah-ê山tī耶和華 ê面前出歡喜ê聲。

10 Si-phian《詩篇》 Psalms Tē káu-cha̍p-peh phiⁿ 第九十八篇 Tē 9 chat 第九節
In-ūi I lâi beh sím-phoàⁿ choân-toē; I beh chiàu kong-gī sím-phoàⁿ sè-kài, Chiàu I ê chèng-ti̍t sím-phoàⁿ lia̍t-pang. 因為祂來beh審判全地； 祂beh照公義審判世界， 照祂ê正直審判列邦。