Kū-iok Si-phian Tē 138 phiⁿ

Presentation on theme: "Kū-iok Si-phian Tē 138 phiⁿ"— Presentation transcript:

1 Kū-iok Si-phian Tē 138 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 138 phiⁿ 舊約 《詩篇》 第138篇 Psalms

2 Si-phian《詩篇》 Psalms Tē 138 phiⁿ 第一百三十八篇 Tē 1 chat 第一節
(Tāi-pi̍t ê si.) Goá beh choan-sim kám-siā Lí, Tī chiah ê siōng-tè ê bīn-chêng beh chhiùⁿ-koa o-ló Lí. (大衛ê詩。) 我beh專心感謝祢， tī chiah-ê上帝 ê面前 beh唱歌o-ló祢。

3 Si-phian《詩篇》 Psalms Tē 138 phiⁿ 第一百三十八篇 Tē 2 chat 第二節
Goá beh ǹg Lí ê sèng-tiān kūi-pài, In-ūi Lí ê chû-ài kap sêng-si̍t, o-ló Lí ê miâ; In-ūi Lí hō͘ Lí ê oē choè toā, iâⁿ-kè Lí só͘ ū ê miâ. 我beh ǹg祢ê聖殿跪拜， 因為祢ê慈愛kap誠實， o-ló祢ê名； 因為祢hō͘祢ê話做大， 贏過祢所有ê名。

4 Si-phian《詩篇》 Psalms Tē 138 phiⁿ 第一百三十八篇 Tē 3 chat 第三節
Goá kiû-kiò ê ji̍t Lí chiū ìn goá, Kó͘-bú goá, hō͘ goá ê sim ū khùi-la̍t. 我求叫ê日祢就應我， 鼓舞我， hō͘我ê心有氣力。

5 Si-phian《詩篇》 Psalms Tē 138 phiⁿ 第一百三十八篇 Tē 4 chat 第四節
Iâ-hô-hoa ah, sè-chiūⁿ ê kun-ông lóng beh kám-siā Lí, In-ūi in ū thiaⁿ-kìⁿ Lí ê chhùi só͘ kóng ê oē. 耶和華ah，世上ê君王lóng beh感謝祢， 因為in有聽見 祢ê嘴所講ê話。

6 Si-phian《詩篇》 Psalms Tē 138 phiⁿ 第一百三十八篇 Tē 5 chat 第五節
In beh chhiùⁿ-koa o-ló Iâ-hô-hoa ê kiâⁿ-choè, In-ūi Iâ-hô-hoa ê êng-kng chin-toā. In beh唱歌 o-ló耶和華ê行做， 因為耶和華ê榮光真大。

7 Si-phian《詩篇》 Psalms Tē 138 phiⁿ 第一百三十八篇 Tē 6 chat 第六節
Iâ-hô-hoa sui-jiân chin koâiⁿ, iáu-kú khoàⁿ-kò͘ pi-bî ê lâng; Chóng-sī I tùi hn̄g-hn̄g khoàⁿ-chhut kiau-ngō͘ ê lâng. 耶和華雖然真高， iáu-kú看顧卑微ê人； 總是祂tùi遠遠 看出驕傲ê人。

8 Si-phian《詩篇》 Psalms Tē 138 phiⁿ 第一百三十八篇 Tē 7 chat 第七節
Goá sui-jiân kiâⁿ tī hoān-lān-tiong, Lí beh hō͘ goá oa̍h; Goá ê tùi-te̍k siū-khì, Lí beh chhun-chhiú lâi tí-tng i, Lí ê chiàⁿ-chhiú ia̍h beh kiù goá. 我雖然行tī患難中， 祢beh hō͘我活；我ê對敵受氣， 祢beh伸手來抵擋伊， 祢ê chiàⁿ手亦beh救我。

9 Si-phian《詩篇》 Psalms Tē 138 phiⁿ 第一百三十八篇 Tē 8 chat 第八節
Koan-hē goá ê sū, Iâ-hô-hoa beh chiâⁿ--i; Iâ-hô-hoa ah, Lí ê chû-ài éng-oán tī-teh; Kiû Lí bo̍h-tit pàng-sak Lí ê chhiú só͘ chō--ê. 關係我ê事，耶和華beh成伊； 耶和華ah，祢ê慈愛永遠tī-teh； 求祢莫得放sak 祢ê手所造ê。