Kū-iok Thoân-tō -su Tē it chiuⁿ

Presentation on theme: "Kū-iok Thoân-tō -su Tē it chiuⁿ"— Presentation transcript:

1 Kū-iok Thoân-tō -su Tē it chiuⁿ
Pa-khek-lé Siu-tèng-pán Sèng-keng 巴克禮修訂版聖經 舊約 《傳道書》 第一章 Kū-iok Thoân-tō -su Tē it chiuⁿ

2 Thoân-tō -su《傳道書》 Ecclesiastes Tē it chiuⁿ 第一章 Tē 1 chat 第一節
Tī Iâ-lō͘-sat-léng choè-ông, Tāi-pi̍t ê kiáⁿ, Thoân-tō ê oē. Tī耶路撒冷做王， 大衛ê kiáⁿ，傳道ê話。

3 Thoân-tō -su《傳道書》 Ecclesiastes Tē it chiuⁿ 第一章 Tē 2 chat 第二節
Thoân-tō--ê kóng, Khang-hu ê khang-hu; khang-hu ê khang-hu; hoān-sū lóng sī khang-hu. 傳道ê講， 空虛ê空虛； 凡事lóng是空虛。

4 Thoân-tō -su《傳道書》 Ecclesiastes Tē it chiuⁿ 第一章 Tē 3 chat 第三節
Lâng it-chhè ê tio̍h-boâ, chiū-sī i tī ji̍t-kng ê ē-bīn só͘ tio̍h-boâ-ê ū sím-mi̍h lī-ek ah? 人一切ê tio̍h磨， 就是伊tī日光ê下面 所tio̍h磨ê有甚麼利益ah？

5 Thoân-tō -su《傳道書》 Ecclesiastes Tē it chiuⁿ 第一章 Tē 4 chat 第四節
Chi̍t-tāi kè-khì, koh chi̍t-tāi lâi, chóng-sī toē iû-goân tī-teh. 一代過去， koh一代來， 總是地猶原tī-teh。

6 Thoân-tō -su《傳道書》 Ecclesiastes Tē it chiuⁿ 第一章 Tē 5 chat 第五節
Ji̍t-chhut, ji̍t-lo̍h, kín-kín cháu tò-tńg i só͘ chhut-lâi ê só͘-chāi. 日出，日落， 緊緊走倒tńg 伊所出來ê所在。

7 Thoân-tō -su《傳道書》 Ecclesiastes Tē it chiuⁿ 第一章 Tē 6 chat 第六節
Hong chhe ǹg lâm, koh tò-tńg ǹg pak, tńg-se̍h bô soah, iā tò-tńg tī i tńg-se̍h ê khoân. 風吹ǹg南， Koh倒tńg ǹg北， 轉旋無soah， 也倒tńg tī伊轉旋ê環。

8 Thoân-tō -su《傳道書》 Ecclesiastes Tē it chiuⁿ 第一章 Tē 7 chat 第七節
Kang-hô lóng lâu-lo̍h hái, chóng-sī hái iā bô moá; kang-hô lâu kàu toh-lo̍h, chiū koh lâu kàu hia. 江河lóng流落海， 總是海也無滿； 江河流到toh落， 就koh流到hia。

9 Thoân-tō -su《傳道書》 Ecclesiastes Tē it chiuⁿ 第一章 Tē 8 chat 第八節
Bān-sū lô-khó͘ kàu-ke̍k, lâng kóng boē chīn; ba̍k-chiu khoàⁿ, khoàⁿ boē pá, hī-khang thiaⁿ, thiaⁿ boē tīⁿ. 萬事勞苦到極， 人講boē盡； 目睭看，看boē飽， 耳孔聽，聽boē tīⁿ。

10 Thoân-tō -su《傳道書》 Ecclesiastes Tē it chiuⁿ 第一章 Tē 9 chat 第九節
Só͘ beh ū ê, sī chêng í-keng ū, só͘ beh choè--ê sī chêng í-keng choè; tī ji̍t-kng ê ē-bīn bô ū sin ê sū. 所beh有ê， 是前已經有， 所beh做ê是前已經做； tī日光ê下面無有新ê事。

11 Thoân-tō -su《傳道書》 Ecclesiastes Tē it chiuⁿ 第一章 Tē 10 chat 第十節
Kiám ū sím-mi̍h sū, lâng thang kí i kóng, Lí khoàⁿ chit-ê sī sin ê? Tī lán í-chêng ê sè-tāi, chá-chá í-keng ū lah. kiám有甚麼事， 人thang kí伊講， 你看chit-ê是新ê？ Tī咱以前ê世代，早早已經有lah。

12 Thoân-tō -su《傳道書》 Ecclesiastes Tē it chiuⁿ 第一章 Tē 11 chat 第十一節
Í-keng kè ê sè-tāi, bô lâng kì-tit; chiong-lâi ê sè-tāi, āu-lâi ê lâng iā boē-kì-tit. 已經過ê世代， 無人記得； 將來ê世代， 後來ê人也boē記得。

13 Thoân-tō -su《傳道書》 Ecclesiastes Tē it chiuⁿ 第一章 Tē 12 chat 第十二節
Goá Thoân-tō--ê, bat tī Iâ-lō͘-sat-léng choè Í-sek-lia̍t ông. 我傳道ê， bat tī耶路撒冷 做以色列王。

14 Thoân-tō -su《傳道書》 Ecclesiastes Tē it chiuⁿ 第一章 Tē 13 chat 第十三節
Goá choan-sim ēng tì-hūi gián-kiù chhâ-khó thiⁿ-ē só͘ choè it-chhè ê sū, chiū chai Siōng-tè só͘ hō͘ lâng tio̍h-boâ--ê sī khó͘-thàng ê tio̍h-boâ. 我專心用智慧 研究查考天下所做一切ê事， 就知上帝所hō͘人tio̍h磨ê 是苦痛ê tio̍h磨。

15 Thoân-tō -su《傳道書》 Ecclesiastes Tē it chiuⁿ 第一章 Tē 14 chat 第十四節
Goá khoàⁿ-kìⁿ ji̍t-kng ê ē-bīn só͘ choè it-chhè ê sū; khoàⁿ ah, lóng sī khang-hu, lóng sī lia̍h-hong. 我看見日光ê下面 所做一切ê事； 看ah，lóng是空虛， lóng是掠風。

16 Thoân-tō -su《傳道書》 Ecclesiastes Tē it chiuⁿ 第一章 Tē 15 chat 第十五節
Oan-khiau--ê boē-oē hō͘ i ti̍t, khoat-hām--ê boē-oē sǹg--tit. 彎曲ê boē能hō͘伊直， 缺陷ê boē能算得。

17 Thoân-tō -su《傳道書》 Ecclesiastes Tē it chiuⁿ 第一章 Tē 16 chat 第十六節
Goá ê sim-lāi siūⁿ kóng, Khoàⁿ ah, goá tit-tio̍h toā tì-hūi, iâⁿ-kè goá í-chêng it-chhè tī Iâ-lō͘-sat-léng ê lâng; koh goá sim le̍k-kè choē-choē tì-sek kap chai-bat. 我ê心內想講， 看ah，我得tio̍h大智慧， 贏過我以前一切tī耶路撒冷ê人； koh我心歷過choē-choē智識kap知bat。

18 Thoân-tō -su《傳道書》 Ecclesiastes Tē it chiuⁿ 第一章 Tē 17 chat 第十七節
Goá choan-sim tì-ì ài chai tì-hūi, ài chai tian-kông kap gû-gōng, chiū chai che iā-sī lia̍h-hong. 我專心致意ài知智慧， ài知顛狂kap愚戇， 就知這也是掠風。

19 Thoân-tō -su《傳道書》 Ecclesiastes Tē it chiuⁿ 第一章 Tē 18 chat 第十八節
In-ūi choē-choē tì-hūi chiū choē-choē hoân-ló, ke-thiⁿ chai-bat chiū ke-thiⁿ iu-siong. 因為choē-choē智慧 就choē-choē煩惱， 加添知bat就加添憂傷。