Kū-iok Si-phian Tē 72 phiⁿ

Presentation on theme: "Kū-iok Si-phian Tē 72 phiⁿ"— Presentation transcript:

1 Kū-iok Si-phian Tē 72 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 72 phiⁿ 舊約 《詩篇》 第72篇 Psalms

2 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 1 chat 第一節
(Só͘-lô-bûn ê si) Siōng-tè ah, kiû Lí chiong Lí ê phoàⁿ-toàn siúⁿ-sù ông, Chiong Lí ê kong-gī siúⁿ-sù ông ê kiáⁿ. (所羅門ê詩) 上帝ah， 求祢將祢ê判斷賞賜王， 將祢ê公義賞賜王ê kiáⁿ。

3 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 2 chat 第二節
I beh chiàu kong-gī sím-phoàⁿ Lí ê peh-sìⁿ, Chiàu kong-pêng phoàⁿ-toàn Lí hiah ê khùn-khó͘ ê lâng. 伊beh照公義審判 祢ê百姓，照公平判斷 祢hiah-ê困苦ê人。

4 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 3 chat 第三節
Toā-soaⁿ beh in-ūi kong-gī, hō͘ peh-sìⁿ pêng-an, Soaⁿ-á iā beh án-ni. 大山 beh因為公義， hō͘百姓平安， 山á也beh án-ni。

5 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 4 chat 第四節
I beh kā peh-sìⁿ-tiong khùn-khó͘ ê lâng phoàⁿ-toàn, I beh kiù sòng-hiong ê lâng, I beh teh-chhùi pō-gio̍k ê lâng. 祂beh kā百姓中 困苦ê人判斷， 祂beh救sòng-hiong ê人， 祂beh teh碎暴虐ê人。

6 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 5 chat 第五節
Lâng beh kèng-ùi Lí ji̍t-kú ge̍h-tn̂g, Ti̍t-kàu bān sè-tāi. 人beh敬畏祢 日久月長， 直到萬世代。

7 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 6 chat 第六節
I beh kàng-lîm chhin-chhiūⁿ hō͘ lo̍h tī í-keng koah ê chháu, Chhin-chhiūⁿ ki̍p-sî ê hō͘ lūn-te̍k thó͘-toē. 祂beh降臨親像 雨落tī已經割ê草， 親像及時ê雨潤澤土地。

8 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 7 chat 第七節
Tī i ê ji̍t-chí gī-lâng beh heng-ōng; Toā-toā pêng-an kap ge̍h pîⁿ kú. Tī祂ê日子義人beh興旺； 大大平安kap月平久。

9 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 8 chat 第八節
I beh chiáng-koân tùi chit ê hái kàu hit ê hái, Tùi Toā-hô kàu toē-ke̍k. 祂beh掌權 tùi chit-ê海到hit-ê海， Tùi大河到地極。

10 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 9 chat 第九節
Khiā-khí tī khòng-iá-ê beh kūi-pài tī i ê bīn-chêng; I ê tùi-te̍k beh chī thô͘-hún. Khiā起tī曠野ê beh跪拜tī伊ê面前； 祂ê對敵beh舐土粉。

11 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 10 chat 第十節
Tha-si kap hái-sū ê lia̍t-ông beh chìn-kòng; Sī-pa kap Se-pa ê ông beh hiàn lé-mi̍h. Tha-si kap海嶼ê列王beh進貢； Sī-pa kap Se-pa ê王beh獻禮物。

12 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 11 chat 第十一節
Lia̍t-ông lóng beh phak-lo̍h pài i, Bān-kok lóng beh ho̍k-sāi i. 列王lóng beh仆落拜伊， 萬國lóng beh服事伊。

13 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 12 chat 第十二節
In-ūi sòng-hiong lâng kiû-kiò ê sî, i beh kiù i; Khùn-khó͘ bô i-oá ê lâng i iā beh kiù. 因為sòng-hiong人求叫ê時， 伊beh救伊； 困苦無依oá ê人 伊也beh救。

14 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 13 chat 第十三節
I beh lîn-bín chheng-tām sòng-hiong ê lâng, I beh chín-kiù sòng-hiong lâng ê sìⁿ-miā. 祂beh憐憫清淡sòng-hiong ê人， 祂beh拯救sòng-hiong人ê性命。

15 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 14 chat 第十四節
I beh kiù-sio̍k in ê sìⁿ-miā thoat-lī ap-pek kap pō-gio̍k; I beh khoàⁿ in ê huih choè pó-poè. 祂beh救贖in ê性命 脫離壓迫kap暴虐； 祂beh看in ê血做寶貝。

16 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 15 chat 第十五節
I beh oa̍h--teh; beh chiong Sī-pa ê kim hō͘ i, Beh siông-siông ūi i kî-tó, Thong-ji̍t o-ló i. 伊beh活teh； beh將Sī-pa ê金hō͘伊， Beh常常為伊祈禱， thong日o-ló伊。

17 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 16 chat 第十六節
Tī toē--nih, tī soaⁿ-téng, gō͘-kak tek-khak bō͘-sēng, Só͘ kiat ê gō͘-kak beh iô-tāng, chhin-chhiūⁿ Lī-pa-lùn ê chhiū; Siâⁿ-lāi ê lâng beh heng-ōng, chhin-chhiūⁿ toē-chiūⁿ ê chháu. Tī地裡，tī山頂，五穀的確 茂盛，所結ê五穀beh搖動， 親像黎巴嫩ê樹；城內ê人 beh興旺，親像地上ê草。

18 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 17 chat 第十七節
I ê miâ beh lâu kàu éng-oán; I ê miâ beh liû-thoân chhin-chhiūⁿ ji̍t ê kú; Lâng beh in-ūi i lâi tit-tio̍h hok-khì; Bān-kok beh chheng-ho͘ i ū hok-khì. 伊ê名beh留到永遠； 伊ê名beh流傳親像日ê久； 人beh因為伊來得tio̍h福氣； 萬國beh稱呼伊有福氣。

19 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 18 chat 第十八節
Iâ-hô-hoa Siōng-tè, chiū-sī Í-sek-lia̍t ê Siōng-tè, Chí-ū I kiâⁿ kî-īⁿ ê sū, eng-kai o-ló I. 耶和華上帝， 就是以色列ê上帝， 只有祂行奇異ê事，應該o-ló祂。

20 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 19 chat 第十九節
Goān I êng-kng ê miâ éng-oán siū o-ló; Goān I ê êng-kng chhiong-moá choân-toē. A-bēng, koh A-bēng. 願祂榮光ê名永遠受o-ló； 願祂ê榮光充滿全地。 A-bēng，koh A-bēng。

21 Si-phian《詩篇》 Psalms Tē chhit-cha̍p-jī phiⁿ 第七十二篇 Tē 20 chat 第二十節
Iâ-se ê kiáⁿ Tāi-pi̍t ê kî-tó bêng-pe̍k. 耶西ê kiáⁿ 大衛ê祈禱明白。