Kū-iok Si-phian Tē la̍k phiⁿ

Presentation on theme: "Kū-iok Si-phian Tē la̍k phiⁿ"— Presentation transcript:

1 Kū-iok Si-phian Tē la̍k phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē la̍k phiⁿ 舊約 《詩篇》 第6篇 Psalms

2 Si-phian《詩篇》 Psalms Tē la̍k phiⁿ 第六篇 Tē 1 chat 第一節
(Tāi-pi̍t ê si, kau hō͘ Ga̍k-koaⁿ; ēng si-hiân ê ga̍k-khì; tiāu, ēng tē poeh.) Iâ-hô-hoa ah, m̄-thang tī Lí ê siū-khì-tiong chek-pī goá, Ia̍h m̄-thang tī Lí toā siū-khì-tiong khiàn-chek goá. (大衛ê詩，交hō͘樂官； 用絲絃ê樂器；調用第八。) 耶和華ah， m̄-thang tī祢ê受氣中責備我， 亦m̄-thang tī祢大受氣中譴責我。

3 Si-phian《詩篇》 Psalms Tē la̍k phiⁿ 第六篇 Tē 2 chat 第二節
Iâ-hô-hoa ah, kiû Lí khó-lîn goá, in-ūi goá soe-lám; Iâ-hô-hoa ah, kiû Lí i-tī goá, in-ūi goá ê kut-thâu ngia̍uh-ngia̍uh-chhoah. 耶和華ah，求祢可憐我， 因為我衰lám；耶和華ah， 求祢醫治我，因為我ê骨頭 ngia̍uh-ngia̍uh-chhoah。

4 Si-phian《詩篇》 Psalms Tē la̍k phiⁿ 第六篇 Tē 3 chat 第三節
Goá ê sim toā-toā kiaⁿ-hiâⁿ; Iâ-hô-hoa ah, Lí beh kàu tī-sî chiah kiù goá? 我ê心大大驚惶； 耶和華ah， 祢beh到tī時chiah救我？

5 Si-phian《詩篇》 Psalms Tē la̍k phiⁿ 第六篇 Tē 4 chat 第四節
Iâ-hô-hoa ah, kiû Lí oa̍t-tò-tńg kiù goá ê sìⁿ-miā; Ūi-tio̍h Lí ê chû-ài lâi kiù goá. 耶和華ah， 求祢oa̍t-tò-tńg救我ê性命； 為tio̍h祢ê慈愛來救我。

6 Si-phian《詩篇》 Psalms Tē la̍k phiⁿ 第六篇 Tē 5 chat 第五節
In-ūi sí-bô ê tiong-kan, bô kì-liām Lí; Im-hú ê tiong-kan, chī-chūi kám-siā Lí? 因為死無ê中間，無記念祢； 陰府ê中間， chī-chūi感謝祢？

7 Si-phian《詩篇》 Psalms Tē la̍k phiⁿ 第六篇 Tē 6 chat 第六節
Goá in-ūi haiⁿ-haiⁿ-chhan lâi ià-siān; Goá ta̍k-mî lâu ba̍k-sái, im goá ê bîn-chhn̂g, Sip-thàu goá ê jio̍k-á. 我因為haiⁿ-haiⁿ-chhan來厭倦； 我ta̍k暝流目屎， 淹我ê眠床，濕透我ê褥á。

8 Si-phian《詩篇》 Psalms Tē la̍k phiⁿ 第六篇 Tē 7 chat 第七節
Goá in-ūi iu-būn, ba̍k-chiu phah-pháiⁿ; Koh in-ūi goá it-chhè ê tùi-te̍k, lâi ba̍k-chiu hoe. 我因為憂悶，目睭phah-pháiⁿ； Koh因為我一切ê對敵， 來目睭花。

9 Si-phian《詩篇》 Psalms Tē la̍k phiⁿ 第六篇 Tē 8 chat 第八節
Lín it-chhè choè pháiⁿ ê lâng, tio̍h lī-khui goá; In-ūi Iâ-hô-hoa thiaⁿ-kìⁿ goá thî-khàu ê siaⁿ. Lín一切做pháiⁿ ê人， tio̍h離開我；因為耶和華 聽見我啼哭ê聲。

10 Si-phian《詩篇》 Psalms Tē la̍k phiⁿ 第六篇 Tē 9 chat 第九節
Iâ-hô-hoa ū thiaⁿ goá ê khún-kiû; Iâ-hô-hoa beh chiap-la̍p goá ê kî-tó. 耶和華有聽我ê懇求； 耶和華beh接納我ê祈禱。

11 Si-phian《詩篇》 Psalms Tē la̍k phiⁿ 第六篇 Tē 10 chat 第十節
Goá ê tùi-te̍k lóng beh kiàn-siàu, toā-toā kiaⁿ-hiâⁿ; In beh thè tò-tńg, hut-jiân kiàn-siàu. 我ê對敵lóng beh見笑， 大大驚惶；In beh退tò-tńg， 忽然見笑。