Download presentation
Presentation is loading. Please wait.
1
Kū-iok Si-phian Tē 77 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 77 phiⁿ 舊約 《詩篇》 第77篇 Psalms
2
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 1 chat 第一節
(A-sat ê si, chiàu Iâ-tō͘-tùn ê choè-hoat; kau hō͘ Ga̍k-koaⁿ.) Goá beh tùi Siōng-tè chhut-siaⁿ kiû-kiò; Goá tùi Siōng-tè chhut-siaⁿ, I beh àⁿ hī-khang thiaⁿ goá. (A-sat ê詩，照Iâ-tō͘-tùn ê做法； 交hō͘樂官。) 我beh對上帝出聲求叫； 我對上帝出聲， 祂beh àⁿ耳孔聽我。
3
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 2 chat 第二節
Tī goá hoān-lān ê ji̍t goá chhē Chú; Goá tī mî--sî kia̍h-khí chhiú bô thêng, Goá ê sim m̄-khéng siū an-ùi. Tī我患難ê日我chhē主； 我tī暝時kia̍h起手無停， 我ê心m̄肯受安慰。
4
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 3 chat 第三節
Goá siàu-liām Siōng-tè, chiū peh-pak; Goá chēng-chēng siūⁿ, sim-sîn hūn--khì. 我siàu念上帝，就擘腹； 我靜靜想， 心神暈去。
5
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 4 chat 第四節
Lí hō͘ goá ê ba̍k-chiu bô chi̍t-sî khoeh; Goá hoân-ló kàu lóng boē kóng-oē. 祢hō͘我ê目睭無一時khoeh； 我煩惱到lóng boē講話。
6
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 5 chat 第五節
Goá tui-liām kó͘-chá ê ji̍t, Chiū-sī ke̍k-chá ê nî. 我追念古早ê日， 就是極早ê年。
7
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 6 chat 第六節
Goá siūⁿ-khí goá mî-kan ê si-koa, Goá bong-sim ka-kī mn̄g, Goá ê sim-sîn ia̍h siông-sè séng-chhat. 我想起我暝間ê詩歌， 我摸心家己問， 我ê心神亦詳細省察。
8
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 7 chat 第七節
Chú kiám beh éng-oán pàng-sak mah? Bô koh si-un mah? 主kiám beh永遠放sak mah？ 無koh施恩mah？
9
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 8 chat 第八節
I ê chû-ài kiám éng-oán kiông-chīn mah? I ê èng-ún kiám tāi-tāi hoè-bô mah? 祂ê慈愛kiám永遠窮盡mah？ 祂ê應允kiám代代廢無mah？
10
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 9 chat 第九節
Siōng-tè kiám boē-kì-tit si-un mah? Kiám in-ūi siū-khì that-ba̍t I ê chû-pi mah? 上帝kiám boē記得施恩mah？ Kiám因為受氣 塞密祂ê慈悲mah？
11
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 10 chat 第十節
Goá kóng, Che chiū-sī goá ê loán-jio̍k; Chì-koâiⁿ--ê chhun-chhut chiàⁿ-chhiú ê nî, goá beh siàu-liām. 我講，這就是我ê軟弱； 至高ê伸出chiàⁿ手ê年， 我beh siàu念。
12
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 11 chat 第十一節
Goá beh kóng-khí Iâ-hô-hoa ê só͘-kiâⁿ, Siàu-liām I chá-sî ê sîn-jiah. 我beh講起耶和華ê所行， Siàu念祂早時ê神跡。
13
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 12 chat 第十二節
Goá beh chhún-to̍k Lí ê só͘-kiâⁿ, Chēng-chēng siūⁿ Lí ê só͘-choè. 我beh忖度祢ê所行， 靜靜想祢ê所做。
14
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 13 chat 第十三節
Siōng-tè ah, Lí ê lō͘ sī sèng--ê; Ū sím-mi̍h sîn-bêng toā chhin-chhiūⁿ Siōng-tè? 上帝ah，祢ê路是聖ê； 有甚麼神明 大親像上帝？
15
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 14 chat 第十四節
Lí sī kiâⁿ kî-sū ê Siōng-tè; Lí bat tī bān peh-sìⁿ ê tiong-kan, hián-bêng Lí ê koân-lêng. 祢是行奇事ê上帝； 祢bat tī 萬百姓ê中間， 顯明祢ê權能。
16
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 15 chat 第十五節
Lí bat ēng Lí ê chhiú sio̍k-hoê Lí ê peh-sìⁿ, Chiū-sī Ngá-kok kap Iok-sek ê kiáⁿ-sun. 祢bat用祢ê手贖回祢ê百姓， 就是雅各kap約瑟ê kiáⁿ孫。
17
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 16 chat 第十六節
Siōng-tè ah, chiah ê chúi kìⁿ-tio̍h Lí, Chiah ê chúi kìⁿ-tio̍h Lí, lóng kiaⁿ-hiâⁿ, Chhim-ian ia̍h ngia̍uh-ngia̍uh-chhoah. 上帝ah，chiah-ê水見tio̍h祢， Chiah-ê水見tio̍h祢，lóng驚惶， 深淵亦ngia̍uh-ngia̍uh-chhoah。
18
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 17 chat 第十七節
Ba̍t-hûn piàⁿ-chhut chúi, Kiong-chhong chhut-siaⁿ, Lí ê chìⁿ sì-koè siā. 密雲piàⁿ出水， 穹蒼出聲， 祢ê箭四界射。
19
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 18 chat 第十八節
Tī kńg-lê-hong-lāi ū Lí lûi ê siaⁿ; Sih-nà ê kng sih kàu thong sè-kan; Toē ngia̍uh-ngia̍uh-chhoah, koh tín-tāng. Tī捲螺風內有祢雷ê聲； Sih-nà ê光sih到thong世間； 地ngia̍uh-ngia̍uh-chhoah，koh振動。
20
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 19 chat 第十九節
Lí ê tō-lō͘ tī hái-tiong, Lí ê lō͘-kèng tī toā-chúi-tiong, Lí ê kha-jiah bô lâng oē chai. 祢ê道路tī海中， 祢ê路徑tī大水中， 祢ê腳跡無人會知。
21
Si-phian《詩篇》 Psalms Tē chhit-cha̍p-chhit phiⁿ 第七十七篇 Tē 20 chat 第二十節
Chá Lí ēng Mô͘-se A-lûn ê chhiú, Chhoā Lí ê peh-sìⁿ chhin-chhiūⁿ iûⁿ-kûn. 早祢用摩西亞倫ê手， Chhoā祢ê百姓 親像羊群。
Similar presentations
