Kū-iok Si-phian Tē 99 phiⁿ

Presentation on theme: "Kū-iok Si-phian Tē 99 phiⁿ"— Presentation transcript:

1 Kū-iok Si-phian Tē 99 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 99 phiⁿ 舊約 《詩篇》 第99篇 Psalms

2 Si-phian《詩篇》 Psalms Tē káu-cha̍p-káu phiⁿ 第九十九篇 Tē 1 chat 第一節
Iâ-hô-hoa choè ông, lia̍t-pang tio̍h ngia̍uh-ngia̍uh-chhoah; I chē tī ki-lō͘-peng, toē tio̍h iô-tāng. 耶和華做王， 列邦tio̍h ngia̍uh-ngia̍uh-chhoah； 祂坐tī ki-lō͘兵，地tio̍h搖動。

3 Si-phian《詩篇》 Psalms Tē káu-cha̍p-káu phiⁿ 第九十九篇 Tē 2 chat 第二節
Iâ-hô-hoa tī Sek-an choè toā; I poâⁿ-kè tī bān peh-sìⁿ ê téng-bīn. 耶和華tī錫安做大； 祂poâⁿ過tī 萬百姓ê頂面。

4 Si-phian《詩篇》 Psalms Tē káu-cha̍p-káu phiⁿ 第九十九篇 Tē 3 chat 第三節
In tio̍h o-ló Lí toā koh thang kiaⁿ-ùi ê miâ; I sī chì-sèng. In tio̍h o-ló祢 大koh thang驚畏 ê名； 祂是至聖。

5 Si-phian《詩篇》 Psalms Tē káu-cha̍p-káu phiⁿ 第九十九篇 Tē 4 chat 第四節
Ông ū khùi-la̍t, hoaⁿ-hí kong-pêng; Lí hō͘ chèng-ti̍t kian-kò͘. Tī Ngá-kok tiong kiâⁿ kong-pêng kap gī-lí. 王有氣力，歡喜公平； 祢hō͘正直堅固。 Tī雅各中 行公平kap義理。

6 Si-phian《詩篇》 Psalms Tē káu-cha̍p-káu phiⁿ 第九十九篇 Tē 5 chat 第五節
Lín tio̍h chun-tiōng Iâ-hô-hoa lán ê Siōng-tè, Tī I kha-ta̍h-í ê thâu-chêng kūi-pài; I sī chì-sèng. Lín tio̍h尊重耶和華咱ê 上帝，Tī祂腳踏椅ê頭前 跪拜；祂是至聖。

7 Si-phian《詩篇》 Psalms Tē káu-cha̍p-káu phiⁿ 第九十九篇 Tē 6 chat 第六節
Tī I ê chè-si-tiong, ū Mô͘-se kap A-lûn, Tī kiû-kiò I ê miâ ê lâng ê tiong-kan, ū Sat-bó͘-jíⁿ; In kiû-kiò Iâ-hô-hoa, I chiū thiaⁿ in. Tī祂ê祭司中，有摩西kap亞倫， Tī求叫祂ê名ê人ê中間， 有撒母耳；In求叫耶和華， 祂就聽in。

8 Si-phian《詩篇》 Psalms Tē káu-cha̍p-káu phiⁿ 第九十九篇 Tē 7 chat 第七節
I tī hûn-thiāu ê tiong-kan tùi in kóng-oē; In chun-siú I kan-chèng ê oē, kap I só͘ siúⁿ-sù in ê lu̍t-hoat. 祂tī雲柱ê中間對in講話； In遵守祂干證ê話， kap祂所賞賜in ê律法。

9 Si-phian《詩篇》 Psalms Tē káu-cha̍p-káu phiⁿ 第九十九篇 Tē 8 chat 第八節
Iâ-hô-hoa goán ê Siōng-tè ah, Lí ū ìn--in; Lí sui-jiân chiàu in ê só͘-kiâⁿ pò-èng in, Iáu-kú Lí sī sià-bián in ê Siōng-tè. 耶和華阮ê上帝ah，祢有應in； 祢雖然照in ê所行報應in， Iáu-kú祢是赦免in ê上帝。

10 Si-phian《詩篇》 Psalms Tē káu-cha̍p-káu phiⁿ 第九十九篇 Tē 9 chat 第九節
Lín tio̍h chun-tiōng Iâ-hô-hoa lán ê Siōng-tè, Tī I ê sèng-soaⁿ kūi-pài; In-ūi lán ê Siōng-tè Iâ-hô-hoa sī chì-sèng. Lín tio̍h尊重耶和華 咱ê上帝，Tī祂ê聖山跪拜； 因為咱ê上帝耶和華是至聖。