Kū-iok Í-sài-a-su Tē 52 chiuⁿ

Presentation on theme: "Kū-iok Í-sài-a-su Tē 52 chiuⁿ"— Presentation transcript:

1 Kū-iok Í-sài-a-su Tē 52 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-sài-a-su Tē 52 chiuⁿ 舊約 《以賽亞書》 第五十二章 Isaiah

2 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 1 chat 第一節
Sek-an ah, khí-lâi, khí-lâi, chhēng lí ê toā khùi-la̍t; sèng-siâⁿ Iâ-lō͘-sat-léng ah, chhēng lí súi ê i-ho̍k; in-ūi tùi-taⁿ í-āu, bô siū kat-lé, bô chheng-khì-ê, tek-khak bô koh ji̍p lí ê tiong-kan. 錫安ah，起來，起來，穿你ê大氣力； 聖城耶路撒冷ah，穿你súi ê衣服； 因為tùi-taⁿ以後，無受割禮，無清氣ê， 的確無koh入你ê中間。

3 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 2 chat 第二節
Iâ-lō͘-sat-léng ah, tio̍h poāⁿ--khì tîn-ai; khí-lâi chē; Sek-an siū-lia̍h ê peh-sìⁿ ah, tio̍h tháu-khui lí ām-kún ê só-liān. 耶路撒冷ah， tio̍h拌去塵埃； 起來坐；錫安受掠ê百姓ah， tio̍h tháu開你頷頸ê鎖鏈。

4 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 3 chat 第三節
Iâ-hô-hoa án-ni kóng, Lín siū-boē bô the̍h lâng chîⁿ, tit-tio̍h sio̍k-hoê ia̍h bô ēng gûn. 耶和華án-ni講， Lín受賣無the̍h人錢， 得tio̍h贖回亦無用銀。

5 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 4 chat 第四節
Chú Iâ-hô-hoa án-ni kóng, Khí-thâu Goá ê peh-sìⁿ lo̍h-khì Ai-ki̍p, tī-hia kià-kha; koh ū A-su̍t lâng bô iân-kò͘ ap-chè in. 主耶和華án-ni講， 起頭我ê百姓落去埃及， tī-hia寄腳； koh有亞述人無緣故壓制in。

6 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 5 chat 第五節
Iâ-hô-hoa kóng, Goá ê peh-sìⁿ kì-jiân bô in-toaⁿ hō͘ lâng lia̍h--khì, taⁿ Goá tī-chia choè sím-mi̍h ah? Iâ-hô-hoa kóng, Koán-hat in ê lâng hoā-hoā-háu teh kiò, Goá ê miâ thong-ji̍t siū siat-to̍k. 耶和華講，我ê百姓既然無因端 hō͘人掠去，taⁿ我tī-chia做甚麼ah？ 耶和華講，管轄in ê人hoā-hoā哮 teh叫，我ê名thong日受褻瀆。

7 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 6 chat 第六節
Só͘-í Goá ê peh-sìⁿ beh chai Goá ê miâ; kàu hit-ji̍t in beh chai teh-kóng-ê chiū-sī Goá; khoàⁿ ah, sī Goá. 所以我ê百姓beh知我ê名； 到hit日，in beh知 teh講ê就是我； 看ah，是我。

8 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 7 chat 第七節
Pò hó siau-sit, thoân hô-pêng, pò hok-khì ê hó siau-sit, thoân kiù-un-ê, tùi Sek-an kóng, Lí ê Siōng-tè choè-ông lah, chit-lâng ê kha chiūⁿ soaⁿ-téng, kàu chiah súi! 報好消息，傳和平， 報福氣ê好消息，傳救恩ê， 對錫安講，你ê上帝做王lah， Chit人ê腳上山頂，到chiah súi！

9 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 8 chat 第八節
Thiaⁿ ah, lí siú-bāng ê lâng ê siaⁿ! in chhut toā-siaⁿ, saⁿ-kap chhiùⁿ-koa; in-ūi Iâ-hô-hoa tò--lâi Sek-an ê sî, in beh tng-thâu tùi-bīn khoàⁿ-kìⁿ. 聽ah，你守望ê人ê聲！ in出大聲，相kap唱歌； 因為耶和華tò來錫安ê時， in beh當頭對面看見。

10 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 9 chat 第九節
Iâ-lō͘-sat-léng pha-hng ê só͘-chāi ah, tio̍h chhut hoaⁿ-hí ê siaⁿ, saⁿ-kap chhiùⁿ-koa; in-ūi Iâ-hô-hoa an-ùi I ê peh-sìⁿ, kiù-sio̍k Iâ-lō͘-sat-léng. 耶路撒冷拋荒ê所在ah， tio̍h出歡喜ê聲，相kap唱歌； 因為耶和華安慰祂ê百姓， 救贖耶路撒冷。

11 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 10 chat 第十節
Iâ-hô-hoa tī bān-kok ê ba̍k-chiu-chêng lu̍t I ê sèng-chhiú; toē-ke̍k ê lâng lóng khoàⁿ-kìⁿ lán ê Siōng-tè ê chín-kiù. 耶和華tī萬國ê 目睭前lu̍t伊ê聖手； 地極ê人lóng看見 咱ê上帝ê拯救。

12 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 11 chat 第十一節
Lín tio̍h lī-khui i, lī-khui i, tùi-hia chhut-lâi, bo̍h-tit bong bô chheng-khì ê mi̍h; tùi in tiong-kan chhut-lâi; lín kng Iâ-hô-hoa khì-kū ê lâng ah, tio̍h ka-kī chheng-khì. Lín tio̍h離開伊，離開伊，tùi-hia出來， 莫得摸無清氣ê物； tùi in中間出來；lín扛耶和華 器具ê人ah，tio̍h家己清氣。

13 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 12 chat 第十二節
Lín chhut-lâi m̄-bián tio̍h-kip, iā m̄-bián tô-cháu; in-ūi Iâ-hô-hoa tek-khak tī lín ê thâu-chêng kiâⁿ, Í-sek-lia̍t ê Siōng-tè tek-khak choè lín āu-bīn ê pó-hō͘. Lín出來m̄免著急， 也m̄免逃走；因為耶和華 的確tī lín ê頭前行，以色列ê 上帝的確做lín後面ê保護。

14 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 13 chat 第十三節
Khoàⁿ ah, goá ê lô͘-po̍k beh ēng tì-hūi kiâⁿ tāi-chì, beh siū kú-khí seng-koâiⁿ, koh beh chiâⁿ-choè chin koâiⁿ. 看ah，我ê奴僕 beh用智慧行tāi-chì， beh受舉起升高， koh beh成做真高。

15 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 14 chat 第十四節
Choē-choē lâng ūi lí gông-ngia̍h, ( i ê bīn-māu pí pa̍t-lâng khah ū sún-siong, i ê hêng-chōng pí sè-kan lâng khah ū sún-hāi;) Choē-choē人為你gông-ngia̍h， (伊ê面貌比別人khah有損傷， 伊ê形狀比世間人 khah有損害；)

16 Í-sài-a-su 《以賽亞書》 Isaiah Tē gō͘-cha̍p-jī chiuⁿ 第五十二章 Tē 15 chat 第十五節
chhin-chhiūⁿ án-ni i iā beh kek-tōng choē-choē kok ê peh-sìⁿ; lia̍t-ông beh tùi i lâi ng in ê chhùi; in-ūi só͘ bē-bat tùi in kóng--ê, in beh khoàⁿ-kìⁿ; bē-bat thiaⁿ-kìⁿ--ê, in beh bêng-pe̍k. 親像án-ni伊也beh激動choē-choē 國ê百姓；列王beh對伊來掩in ê嘴； 因為所bē-bat對in講ê，in beh看見； bē-bat聽見ê，in beh明白。