Kū-iok Si-phian Tē 103 phiⁿ

Presentation on theme: "Kū-iok Si-phian Tē 103 phiⁿ"— Presentation transcript:

1 Kū-iok Si-phian Tē 103 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 103 phiⁿ 舊約 《詩篇》 第103篇 Psalms

2 Si-phian《詩篇》 Psalms Tē 103 phiⁿ 第一百零三篇 Tē 1 chat 第一節
(Tāi-pi̍t ê si.) Goá ê sim-sîn ah, lí tio̍h o-ló Iâ-hô-hoa; Hoān-nā tī goá lāi-bīn--ê, ia̍h tio̍h o-ló I ê sèng-miâ. (大衛ê詩。) 我ê心神ah，你tio̍h o-ló耶和華； 凡若tī我內面ê， 亦tio̍h o-ló祂ê聖名。

3 Si-phian《詩篇》 Psalms Tē 103 phiⁿ 第一百零三篇 Tē 2 chat 第二節
Goá ê sim-sîn ah, lí tio̍h o-ló Iâ-hô-hoa; M̄-thang boē-kì-tit I it-chhè ê un-hūi; 我ê心神ah， 你tio̍h o-ló耶和華； M̄-thang boē記得伊一切ê恩惠；

4 Si-phian《詩篇》 Psalms Tē 103 phiⁿ 第一百零三篇 Tē 3 chat 第三節
I sià-bián lí lóng-chóng ê choē; I-hó lí lóng-chóng ê pīⁿ; 祂赦免你lóng總ê罪； 醫好你lóng總ê病；

5 Si-phian《詩篇》 Psalms Tē 103 phiⁿ 第一百零三篇 Tē 4 chat 第四節
I kiù-sio̍k lí ê sìⁿ-miā thoat-lī sí-bô; Ēng jîn-ài kap chû-pi choè lí ê bián-liû; 祂救贖你ê性命脫離死無； 用仁愛kap慈悲 做你ê冕旒；

6 Si-phian《詩篇》 Psalms Tē 103 phiⁿ 第一百零三篇 Tē 5 chat 第五節
Ēng hó-mi̍h chiok lí ê sim-goān; Hō͘ lí ho̍k-tò siàu-liân chhin-chhiūⁿ eng-chiáu. 用好物祝你ê心願； Hō͘你復到少年 親像鷹鳥。

7 Si-phian《詩篇》 Psalms Tē 103 phiⁿ 第一百零三篇 Tē 6 chat 第六節
Iâ-hô-hoa kiâⁿ kong-gī, Ūi-tio̍h it-chhè siū un-khut ê lâng sin-oan. 耶和華行公義， 為tio̍h一切 受冤屈ê人伸冤。

8 Si-phian《詩篇》 Psalms Tē 103 phiⁿ 第一百零三篇 Tē 7 chat 第七節
Ēng I ê tō-lō͘ chí-sī Mô͘-se, Ēng I ê kiâⁿ-choè chí-sī Í-sek-lia̍t lâng. 用祂ê道路指示摩西， 用祂ê行做 指示以色列人。

9 Si-phian《詩篇》 Psalms Tē 103 phiⁿ 第一百零三篇 Tē 8 chat 第八節
Iâ-hô-hoa ū lîn-bín, ū un-tián; Bô khoài-khoài siū-khì, koh ū hong-sēng ê chû-ài. 耶和華有憐憫，有恩典； 無快快受氣， koh有豐盛ê慈愛。

10 Si-phian《詩篇》 Psalms Tē 103 phiⁿ 第一百零三篇 Tē 9 chat 第九節
I bô tn̂g-tn̂g chek-pī, Ia̍h bô éng-oán khǹg siū-khì. 祂無長長責備， 亦無永遠khǹg受氣。

11 Si-phian《詩篇》 Psalms Tē 103 phiⁿ 第一百零三篇 Tē 10 chat 第十節
I bô chiàu lán ê choē-koà khoán-thāi lán, Ia̍h bô chiàu lán ê choē-ok pò-èng lán. 祂無照咱ê罪過 款待咱，亦無 照咱ê罪惡報應咱。

12 Si-phian《詩篇》 Psalms Tē 103 phiⁿ 第一百零三篇 Tē 11 chat 第十一節
In-ūi thiⁿ lī-khui toē hiah--nih koâiⁿ, I ê chû-ài tùi kèng-ùi I ê lâng ia̍h sī hiah--nih toā. 因為天離開地hiah-nih高， 祂ê慈愛對敬畏祂ê人 亦是hiah-nih大。

13 Si-phian《詩篇》 Psalms Tē 103 phiⁿ 第一百零三篇 Tē 12 chat 第十二節
Tang lī-khui sai ū joā-hn̄g, I hō͘ lán ê choē-koà lī-khui lán ia̍h sī hiah hn̄g. 東離開西有joā遠， 祂hō͘咱ê罪過離開咱 亦是hiah遠。

14 Si-phian《詩篇》 Psalms Tē 103 phiⁿ 第一百零三篇 Tē 13 chat 第十三節
Lāu-pē cháiⁿ-iūⁿ lîn-bín i ê kiáⁿ-jî, Iâ-hô-hoa lîn-bín kèng-ùi I ê lâng ia̍h sī án-ni. 老父怎樣憐憫伊ê kiáⁿ兒， 耶和華憐憫敬畏祂ê人 亦是án-ni。

15 Si-phian《詩篇》 Psalms Tē 103 phiⁿ 第一百零三篇 Tē 14 chat 第十四節
In-ūi I chai lán ê thé-chit, Siàu-liām lán sī thô͘-hún. 因為祂知咱ê體質， Siàu念咱是土粉。

16 Si-phian《詩篇》 Psalms Tē 103 phiⁿ 第一百零三篇 Tē 15 chat 第十五節
Lūn-kàu lâng, i ê ji̍t-chí chhin-chhiūⁿ chháu, I ê heng-ōng chhin-chhiūⁿ soaⁿ--nih ê hoe. 論到人，伊ê日子 親像草，祂ê興旺 親像山裡ê花。

17 Si-phian《詩篇》 Psalms Tē 103 phiⁿ 第一百零三篇 Tē 16 chat 第十六節
Keng-kè hong chi̍t-ē chhe, chiū bô--khì; I ê goân-ūi boē koh jīn--tit. 經過風一下吹， 就無去； 祂ê原位boē koh認得。

18 Si-phian《詩篇》 Psalms Tē 103 phiⁿ 第一百零三篇 Tē 17 chat 第十七節
Chóng-sī Iâ-hô-hoa ê chû-ài kui tī kèng-ùi I ê lâng, tùi éng-oán kàu éng-oán; I ê kong-gī iā kui tī kiáⁿ-kiáⁿ sun-sun; 總是耶和華ê慈愛 歸tī敬畏祂ê人， tùi永遠到永遠； 祂ê公義也歸tī kiáⁿ-kiáⁿ孫孫；

19 Si-phian《詩篇》 Psalms Tē 103 phiⁿ 第一百零三篇 Tē 18 chat 第十八節
Chiū-sī hiah ê chun-siú I ê iok, Kì-liām I ê kà-sī lâi chun-thàn ê lâng. 就是hiah-ê遵守祂ê約， 記念祂ê教示 來遵thàn ê人。

20 Si-phian《詩篇》 Psalms Tē 103 phiⁿ 第一百零三篇 Tē 19 chat 第十九節
Iâ-hô-hoa tī thiⁿ-téng siat-li̍p I ê pó-chō, I ê kok-koân koán-hat bān-hāng-ū. 耶和華tī天頂 設立祂ê寶座， 祂ê國權管轄萬項有。

21 Si-phian《詩篇》 Psalms Tē 103 phiⁿ 第一百零三篇 Tē 20 chat 第二十節
Lín chiah ê ū toā koân-lêng ê thiⁿ-sài ah, Thiaⁿ I ê siaⁿ, chiâⁿ I ê bēng-lēng ê, Lóng tio̍h o-ló Iâ-hô-hoa. Lín chiah-ê有大權能ê天使ah， 聽祂ê聲，成祂ê命令ê， Lóng tio̍h o-ló耶和華。

22 Si-phian《詩篇》 Psalms Tē 103 phiⁿ 第一百零三篇 Tē 21 chat 第二十一節
Lín chiah ê choè I ê chèng kun-peng, choè I ê chhe-sài, kiâⁿ I só͘ hoaⁿ-hí--ê, Lóng tio̍h o-ló Iâ-hô-hoa. Lín chiah-ê做祂ê眾軍兵， 做祂ê差使，行祂所歡喜ê， Lóng tio̍h o-ló耶和華。

23 Si-phian《詩篇》 Psalms Tē 103 phiⁿ 第一百零三篇 Tē 22 chat 第二十二節
Lín it-chhè siū I chhòng-chō--ê, tī I só͘ koán-lí ê ta̍k-ūi, Lóng tio̍h o-ló Iâ-hô-hoa. Goá ê sim-sîn ah, lí tio̍h o-ló Iâ-hô-hoa. Lín一切受祂創造ê， tī祂所管理ê ta̍k位， Lóng tio̍h o-ló耶和華。 我ê心神ah，你tio̍h o-ló耶和華。