Pa-khek-lé Siu-tèng-pán Sèng-keng 巴克禮修訂版聖經

Presentation on theme: "Pa-khek-lé Siu-tèng-pán Sèng-keng 巴克禮修訂版聖經"— Presentation transcript:

1 Pa-khek-lé Siu-tèng-pán Sèng-keng 巴克禮修訂版聖經
Kū-iok “Chhòng-sè-kì” Tē cha̍p-jī chiuⁿ 舊約 創世記 第十二章 Genesis

2 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 1 chat 第一節
Iâ-hô-hoa tùi A-pek-lân kóng, Lí tio̍h lī-khui pún-toē, pún-cho̍k, lāu-pē ê ke, khì Goá só͘ beh chí-sī lí ê toē. 耶和華對亞伯蘭講， 你tio̍h離開本地、 本族，老父ê家， 去我所beh指示你ê地。

3 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 2 chat 第二節
Goá beh hō͘ lí chiâⁿ-choè toā-kok, Goá beh sù-hok lí, hō͘ lí ê miâ choè toā, lí ia̍h beh hō͘ lâng tit-tio̍h hok-khì; 我beh hō͘你成做大國， 我beh賜福你，hō͘你ê名做大， 你亦beh hō͘人得tio̍h福氣；

4 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 3 chat 第三節
chiok-hok lí-ê, Goá beh sù-hok hō͘ in; chiù-chó͘ lí-ê, Goá beh chek-hoa̍t i; toē-chiūⁿ bān-cho̍k beh in-ūi lí tit-tio̍h hok-khì. 祝福你ê，我beh賜福hō͘ in； 咒詛你ê，我beh責罰伊； 地上萬族beh因為你 得tio̍h福氣。

5 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 4 chat 第四節
A-pek-lân chiàu Iâ-hô-hoa hoan-hù ê oē, chiū khì; Lô-tek ia̍h kap i khì. A-pek-lân chhut Hap-lân ê sî chhit-cha̍p-gō͘ hè. 亞伯蘭照耶和華 吩咐ê話，就去；羅得亦kap伊去。 亞伯蘭出哈蘭ê時 七十五歲。

6 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 5 chat 第五節
A-pek-lân toà i ê bó͘ Sat-lāi, kap i ê ti̍t-á Lô-tek; í-ki̍p in tī Hap-lân só͘ chek-chū ê châi-bu̍t, só͘ tit-tio̍h ê lâng-gia̍h; in chiū chhut-khì, beh khì Ka-lâm toē; in chiū kàu Ka-lâm toē. 亞伯蘭帶伊ê bó͘撒萊，kap伊ê姪á羅得； 以及in tī哈蘭所積聚ê財物， 所得tio̍h ê人額；in就出去， beh去迦南地；in就到迦南地。

7 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 6 chat 第六節
A-pek-lân keng-kè hit ê toē, kàu tī Sī-kiàm ê só͘-chāi, kàu Mô͘-lí ê siōng-chhiū; hit-sî Ka-lâm cho̍k iáu teh toà. 亞伯蘭經過hit-ê地， 到tī示劍ê所在， 到Mô͘-lí ê橡樹； hit時迦南族iáu teh toà。

8 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 7 chat 第七節
Iâ-hô-hoa tùi A-pek-lân chhut-hiān kóng, Goá beh chiong chit ê toē-hng siúⁿ-sù lí ê hō͘-è; i chiū tī-hia ūi-tio̍h tùi i chhut-hiān ê Iâ-hô-hoa khí chi̍t chō toâⁿ. 耶和華對亞伯蘭出現講， 我beh將chit-ê地方賞賜你ê後裔； 伊就tī-hia為tio̍h tùi伊出現ê 耶和華起一座壇。

9 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 8 chat 第八節
Tùi hia i soá kàu Pek-te̍k-lī tang-sì ê soaⁿ, tah pò͘-pîⁿ; sai-sì sī Pek-te̍k-lī, tang-sì sī Ai; tī-hia ūi-tio̍h Iâ-hô-hoa khí chi̍t chō toâⁿ, kiû-kiò Iâ-hô-hoa ê miâ. Tùi hia伊徙到Pek-te̍k-lī東勢ê山， 搭布棚；西勢是Pek-te̍k-lī，東勢是Ai； tī-hia為tio̍h耶和華起一座壇， 求叫耶和華 ê名。

10 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 9 chat 第九節
A-pek-lân chiām-chiām soá-khì lâm-sì ê toē. 亞伯蘭漸漸 徙去南勢ê地。

11 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 10 chat 第十節
Hit ê toē tú-tio̍h ki-hng, A-pek-lân lo̍h-khì Ai-ki̍p, beh tī-hia chiām-sî khiā-khí; in-ūi hit ê toē ki-hng chin toā. Hit-ê地tú-tio̍h飢荒， 亞伯蘭落去埃及， beh tī-hia暫時khiā起； 因為hit-ê地飢荒真大。

12 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 11 chat 第十一節
Chiong-kūn ji̍p Ai-ki̍p, chiū tùi i ê bó͘ Sat-lāi kóng, Goá chai lí sī bīn-māu hó-khoàⁿ ê hū-jîn-lâng; 將近入埃及， 就對伊ê bó͘撒萊講， 我知你是面貌 好看ê婦人人；

13 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 12 chat 第十二節
Ai-ki̍p lâng khoàⁿ-kìⁿ lí ê sî beh kóng, Chit-ê sī i ê bó͘, in beh thâi-sí goá, lâi lâu lí oa̍h-teh. 埃及人看見你ê時beh講， Chit-ê是伊ê bó͘，in beh thâi死我， 來留你活teh。

14 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 13 chat 第十三節
Kiû lí tio̍h kóng, lí sī goá ê sió-bē, hō͘ goá in-ūi lí tit-tio̍h pêng-an; goá ê sìⁿ-miā ia̍h tùi lí lâi tit-tio̍h oa̍h. 求你tio̍h講，你是我ê小妹， hō͘我因為你得tio̍h平安； 我ê性命亦對你來得tio̍h活。

15 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 14 chat 第十四節
A-pek-lân kàu Ai-ki̍p ê sî, Ai-ki̍p lâng khoàⁿ-kìⁿ hit ê hū-jîn-lâng ke̍k-kî súi. 亞伯蘭到埃及ê時， 埃及人看見hit-ê 婦人人極其súi。

16 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 15 chat 第十五節
Hoat-ló ê jîn-sîn khoàⁿ-kìⁿ i, chiū tùi Hoat-ló o-ló i; hit ê hū-jîn-lâng chiū hō͘ lâng toà i ji̍p Hoat-ló ê ông-kiong. 法老ê人臣看見伊， 就對法老o-ló伊； hit-ê婦人人就hō͘人 toà伊入法老ê王宮。

17 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 16 chat 第十六節
Hoat-ló in-ūi chit ê hū-jîn-lâng chiū hó khoán-thāi A-pek-lân; A-pek-lân chiū tit-tio̍h iûⁿ, gû, kang ê lû, lô͘-po̍k, lú-pī, bú ê lû, í-ki̍p lo̍k-tô. 法老因為chit-ê婦人人 就好款待亞伯蘭； 亞伯蘭就得tio̍h羊、牛、公ê驢、 奴僕、女婢、母ê驢，以及駱駝。

18 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 17 chat 第十七節
Iâ-hô-hoa in-ūi A-pek-lân ê bó͘ Sat-lāi ê iân-kò͘, kàng toā chai-ē tī Hoat-ló kap i choân-ke. 耶和華因為亞伯蘭 ê bó͘撒萊ê緣故，降大災禍 tī法老kap伊全家。

19 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 18 chat 第十八節
Hoat-ló chiū kiò A-pek-lân lâi kóng, Lí tùi goá só͘-choè-ê sī sím-mi̍h sū? siáⁿ-sū bô kā goá kóng i sī lí ê bó͘? 法老就叫亞伯蘭來講， 你對我所做ê是甚麼事？ 啥事無kā我講伊是你ê bó͘？

20 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 19 chat 第十九節
Siáⁿ-sū chheng i choè sió-bē? tì-kàu goá chiong i chhoā lâi choè goá ê bó͘; taⁿ lí ê bó͘ tī-chia, thang chhoā i, choè lí khì. 啥事稱伊做小妹？ 致到我將伊娶來 做我ê bó͘；taⁿ你ê bó͘ tī-chia， thang chhoā伊，做你去。

21 “Chhòng-sè-kì”《創世記》Genesis Tē cha̍p-jī chiuⁿ 第十二章 Tē 20 chat 第二十節
Tùi hit-tia̍p Hoat-ló ūi-tio̍h i Lâi hoan-hù lâng; in chiū chiong i kap i ê bó͘ kap i só͘-ū-ê, lóng sàng i khì. Tùi hit-tia̍p法老為tio̍h伊 來吩咐人；in就將 伊kap伊ê bó͘ kap伊所有ê， lóng送伊去。