Kū-iok Si-phian Tē 62 phiⁿ

Presentation on theme: "Kū-iok Si-phian Tē 62 phiⁿ"— Presentation transcript:

1 Kū-iok Si-phian Tē 62 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 62 phiⁿ 舊約 《詩篇》 第62篇 Psalms

2 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 1 chat 第一節
(Tāi-pi̍t ê si, chiàu Iâ-tō͘-tùn ê choè-hoat; kau hō͘ Ga̍k-koaⁿ.) Goá ê sim chēng-chēng, choan-bū thèng-hāu Siōng-tè, Goá ê chín-kiù sī tùi I lâi. (大衛ê詩，照Iâ-tō͘-tùn ê做法； 交hō͘樂官。) 我ê心靜靜，專務thèng候 上帝，我ê拯救是祂來。

3 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 2 chat 第二節
To̍k-to̍k I sī goá ê chio̍h-poâⁿ, chín-kiù goá-ê; I sī goá ê koâiⁿ-tâi, goá boē toā iô-tāng. 獨獨祂是我ê石磐， 拯救我ê；祂是我ê高台， 我boē大搖動。

4 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 3 chat 第三節
Lín tāi-ke kong-kek lâng, Chiong i húi-hoāi, Chhin-chhiūⁿ húi-hoāi khi-chhiâ ê chhiûⁿ, beh tó ê piah, beh kàu tī-sî ah? Lín大家攻擊人， 將伊毀壞， 親像毀壞khi斜ê牆， beh倒ê壁，beh到tī時ah？

5 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 4 chat 第四節
In saⁿ-kap kè-bô͘ choan-bū beh tùi i chun-kùi ê ūi kā i chhia--lo̍h-khì, In hoaⁿ-hí pe̍h-chha̍t; In chhùi chiok-hok, sim chiù-chó͘. In相kap計謀專務beh 對伊尊貴ê位kā伊chhia落去， In歡喜白賊； In嘴祝福，心咒詛。

6 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 5 chat 第五節
Goá ê sîn ah, lí tio̍h chēng-chēng, choan-bū thèng-hāu Siōng-tè; In-ūi goá ê ǹg-bāng sī tùi I lâi. 我ê神ah，你tio̍h靜靜， 專務thèng候上帝； 因為我ê ǹg望是tùi祂來。

7 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 6 chat 第六節
To̍k-to̍k I sī goá ê chio̍h-poâⁿ, sī chín-kiù goá ê; I sī goá ê koâiⁿ-tâi, goá boē iô-tāng. 獨獨祂是我ê石磐， 是拯救我ê； 祂是我ê高台，我boē搖動。

8 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 7 chat 第七節
Goá ê chín-kiù, goá ê êng-kng, chāi-tī Siōng-tè; Goá ê khùi-la̍t ê chio̍h-poâⁿ, goá ê siám-pī ê só͘-chāi, ia̍h chāi-tī Siōng-tè. 我ê拯救，我ê榮光，在tī 上帝；我ê氣力ê石磐， 我ê閃避ê所在，亦在tī上帝。

9 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 8 chat 第八節
Lín chèng peh-sìⁿ, tio̍h sî-sî oá-khò I; Tī I ê bīn-chêng piàⁿ-chhut lín ê sim; Siōng-tè sī lán tô-siám ê só͘-chāi. Lín眾百姓，tio̍h時時oá靠祂； Tī祂ê面前piàⁿ出lín ê心； 上帝是咱逃閃ê所在。

10 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 9 chat 第九節
Pi-bî ê lâng chin-chiàⁿ sī khang-hu, chun-kùi ê lâng iā sī hu-ké; Hē tī thian-phêng-oáⁿ, tek-khak phû--khí-lâi, In it-khài pí ho͘-khip ê khì khah-khin. 卑微ê人真正是空虛， 尊貴ê人也是虛假； Hē tī天秤碗，的確浮起來， In一概比呼吸ê氣khah輕。

11 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 10 chat 第十節
M̄-thang oá-khò pō-gio̍k; M̄-thang in-ūi chhiúⁿ-the̍h lâi kiau-ngō͘; Nā châi-pó ke-thiⁿ, m̄-thang chù-ì tī-hia. M̄-thang oá靠暴虐； M̄-thang因為搶the̍h來驕傲； 若財寶加添，m̄-thang注意tī-hia。

12 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 11 chat 第十一節
Siōng-tè kóng chi̍t-pái, Goá ū thiaⁿ-kìⁿ nn̄g-hāng; Chiū-sī koân-lêng sio̍k tī Siōng-tè. 上帝講一pái， 我有聽見兩項； 就是權能屬tī上帝。

13 Si-phian《詩篇》 Psalms Tē la̍k-cha̍p-jī phiⁿ 第六十二篇 Tē 12 chat 第十二節
Chú ah, chû-ài ia̍h sī sio̍k tī Lí; In-ūi Lí chiàu ta̍k-lâng ê só͘-kiâⁿ lâi pò-èng i. 主ah，慈愛亦是屬tī祢； 因為祢照ta̍k人ê所行 來報應伊。