Kū-iok Lia̍t-ông-kì (I) Tē 19 chiuⁿ

Presentation on theme: "Kū-iok Lia̍t-ông-kì (I) Tē 19 chiuⁿ"— Presentation transcript:

1 Kū-iok Lia̍t-ông-kì (I) Tē 19 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Lia̍t-ông-kì (I) Tē 19 chiuⁿ 舊約 《列王紀上》 第十九章 I Kings

2 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 1 chat 第一節
A-hap chiong Í-lī-a it-chhè só͘-kiâⁿ-ê, kap i ēng to thâi chèng sian-ti ê sū, lóng kā Iâ-sé-piat kóng. A-hap將以利亞一切所行ê， kap伊用刀thâi眾先知ê事， lóng kā Iâ-sé-piat講。

3 Lia̍t-ông-kì (I)《列王紀上》 I Kings Tē cha̍p-káu chiuⁿ 第十九章 Tē 2 chat 第二節
Iâ-sé-piat chiū chhe lâng khì kìⁿ Í-lī-a, kā i kóng, Bîn-á-ji̍t iok-lio̍k chit-sî, goá nā bô hō͘ lí ê sìⁿ-miā chhin-chhiūⁿ in tiong-kan chi̍t-lâng ê sìⁿ-miā chi̍t-iūⁿ, goān hiah ê siōng-tè ka-pē chek-hoa̍t goá. Iâ-sé-piat就差人去見以利亞，kā伊講， 明á日約略chit時，我若無hō͘你ê性命 親像in中間一人ê性命一樣， 願hiah-ê上帝加倍責罰 我。

4 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 3 chat 第三節
Í-lī-a khoàⁿ-kìⁿ án-ni, chiū khí-lâi cháu, lâi tô-miā, kàu Iû-tāi ê Pia̍t-sī-pa, chiong lô͘-po̍k lâu tī-hia. 以利亞看見án-ni，就起來走， 來逃命，到猶大ê別士巴， 將奴僕留tī-hia。

5 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 4 chat 第四節
Ka-kī ji̍p-khì khòng-iá, kiâⁿ chi̍t-ji̍t ê lō͘-chām,kàu chi̍t châng lô-têng-chhiū kha; chiū chē tī-hia kiû sí, kóng, Taⁿ soah--lah; Iâ-hô-hoa ah, kiû Lí chhú goá ê sìⁿ-miā, in-ūi goá bô pí goá ê lia̍t-chó͘ khah-iâⁿ. 家己入去曠野，行一日ê路站，到 一叢羅庭樹腳；就坐tī-hia求死， 講，Taⁿ soah-lah；耶和華ah，求祢取 我ê性命，因為我無比我ê列祖khah贏。

6 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 5 chat 第五節
Chiū tó tī lô-têng-chhiū kha, khùn--khì; ū thiⁿ-sài lâi tah i, kóng, Khí-lâi chia̍h. 就倒tī羅庭樹腳， 睏去；有天使來搭伊， 講，起來食。

7 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 6 chat 第六節
I khoàⁿ i, chiū khoàⁿ-kìⁿ ū piáⁿ pek tī hé-thoàⁿ ê téng-bīn, koh ū chi̍t pân chúi tī i ê thâu-khak piⁿ; i chiū chia̍h chiū lim, koh tó--lo̍h-khì. 伊看伊，就看見有餅 pek tī火炭ê頂面， koh有一瓶水tī伊ê頭殼邊； 伊就食就lim，koh倒落去。

8 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 7 chat 第七節
Iâ-hô-hoa ê thiⁿ-sài tē-jī-pái koh lâi tah i, kóng, Khí-lâi chia̍h ah, in-ūi lō͘ chin hn̄g; lí kiâⁿ bô hoat-tit. 耶和華ê天使第二pái koh來搭伊， 講，起來食ah，因為路真遠； 你行無法得。

9 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 8 chat 第八節
I chiū khí-lâi chia̍h i, lim i; oá-khò chit-pái chia̍h ê la̍t, kiâⁿ sì-cha̍p ji̍t, sì-cha̍p mî, kàu Siōng-tè ê soaⁿ, chiū-sī Hô-lia̍t soaⁿ. 伊就起來食伊，lim伊；oá靠chit-pái 食ê力，行四十日，四十暝， 到上帝ê山，就是何烈山。

10 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 9 chat 第九節
I kàu hia, ji̍p chi̍t ê tōng, chiū tiàm hit-lāi; khoàⁿ ah, Iâ-hô-hoa ê oē lîm-kàu i, kā i kóng, Í-lī-a ah, lí tī-chia chhòng sím-mi̍h? 伊到hia，入一個洞， 就tiàm hit內；看ah， 耶和華ê話臨到伊，kā伊講， 以利亞ah，你tī-chia chhòng甚麼？

11 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 10 chat 第十節
I ìn kóng, Goá ūi-tio̍h Iâ-hô-hoa bān-kun ê Siōng-tè toā jia̍t-sim; in-ūi Í-sek-lia̍t lâng khì-sak Lí ê iok, húi-hoāi Lí hiah ê toâⁿ, ēng to thâi Lí hiah ê sian-ti, chí-ū chhun goá chi̍t-lâng; in iáu siàu-siūⁿ goá ê sìⁿ-miā, beh chhú i. 伊應講，我為tio̍h耶和華萬軍ê上帝 大熱心；因為以色列人棄sak祢ê約， 毀壞祢hiah-ê壇，用刀thâi祢hiah-ê先知， 只有chhun我 一人； in iáu siàu想我ê性命，beh取伊。

12 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 11 chat 第十一節
Kóng, Lí chhut-lâi khiā tī soaⁿ--nih, tī Iâ-hô-hoa ê bīn-chêng. Khoàⁿ ah, Iâ-hô-hoa keng-kè, ū toā koh thàu ê hong, phoà-li̍h chiah ê soaⁿ, phah-chhùi chiah ê chio̍h tī Iâ-hô-hoa ê bīn-chêng; chóng-sī Iâ-hô-hoa bô tī hong ê lāi-bīn; hong liáu-āu ū toē-tāng; Iâ-hô-hoa iā bô tī toē-tāng ê tiong-kan. 講，你出來khiā tī山裡，tī耶和華ê面前。 看ah，耶和華經過，有大koh透ê風，破裂 chiah-ê山，phah碎chiah-ê石tī耶和華ê面前； 總是耶和華無 tī風ê內面；風了後 有地動；耶和華也無tī地動ê中間。

13 Iâ-hô-hoa iā bô tī hé-tiong; hé liáu-āu,
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 12 chat 第十二節 Toē-tāng liáu-āu ū hé; Iâ-hô-hoa iā bô tī hé-tiong; hé liáu-āu, ū soè koh khin ê siaⁿ. 地動了後有火； 耶和華也無tī火中；火了後， 有細koh輕ê聲。

14 Í-lī-a thiaⁿ-kìⁿ, chiū ēng goā-saⁿ tà-bīn,
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 13 chat 第十三節 Í-lī-a thiaⁿ-kìⁿ, chiū ēng goā-saⁿ tà-bīn, chhut-khì khiā tī tōng-kháu. Khoàⁿ ah, ū siaⁿ lîm-kàu i kóng, Í-lī-a ah, lí tī-chia chhòng sím-mi̍h? 以利亞聽見，就用外衫罩面， 出去khiā tī洞口。看ah， 有聲臨到伊講，以利亞ah， 你tī-chia chhòng甚麼？

15 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 14 chat 第十四節
I kóng, Goá ūi-tio̍h Iâ-hô-hoa bān-kun ê Siōng-tè toā jia̍t-sim; in-ūi Í-sek-lia̍t lâng khì-sak Lí ê iok, húi-hoāi Lí hiah ê toâⁿ, ēng to thâi Lí hiah ê sian-ti; chí-ū chhun goá chi̍t-lâng, in iáu siàu-siūⁿ goá ê sìⁿ-miā, beh chhú i. 伊講，我為tio̍h耶和華萬軍ê上帝 大熱心；因為以色列人棄sak祢ê約，毀壞 祢hiah-ê壇，用刀thâi祢hiah-ê先知；只有chhun 我一 人，in iáu siàu想我ê性命，beh取伊。

16 Iâ-hô-hoa kā i kóng, Khì ah, lí tò-khì, kàu
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 15 chat 第十五節 Iâ-hô-hoa kā i kóng, Khì ah, lí tò-khì, kàu Tāi-má-sek ê khòng-iá; í-keng kàu, chiū tio̍h ēng iû boah Hap-siat choè A-lân ông; 耶和華kā伊講，去ah，你tò去，到 大馬色ê曠野；已經到，就 tio̍h用油抹Hap-siat做A-lân王；

17 koh boah Lêng-sī ê sun Iâ-hō͘ choè
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 16 chat 第十六節 koh boah Lêng-sī ê sun Iâ-hō͘ choè Í-sek-lia̍t ông; koh boah A-pek-bí-hô-la̍h lâng Sa-hoat ê kiáⁿ Í-lī-sa choè sian-ti soà-chiap lí. koh抹Lêng-sī ê孫Iâ-hō͘做 以色列王；koh抹A-pek-bí-hô-la̍h人 Sa-hoat ê kiáⁿ以利沙做先知續接你。

18 Āu-lâi thoat-lī Hap-siat ê to ê,
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 17 chat 第十七節 Āu-lâi thoat-lī Hap-siat ê to ê, Iâ-hō͘ beh thâi i; thoat-lī Iâ-hō͘ ê to ê, Í-lī-sa beh thâi i. 後來脫離Hap-siat ê刀ê， Iâ-hō͘ beh thâi伊；脫離Iâ-hō͘ ê刀ê， 以利沙beh thâi伊。

19 Chóng-sī Goá tī Í-sek-lia̍t tiong lâu
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 18 chat 第十八節 Chóng-sī Goá tī Í-sek-lia̍t tiong lâu chhit-chheng lâng, i ê kha-thâu-u bē-bat kūi Pa-le̍k, i ê chhùi bē-bat chim i. 總是我tī以色列中留 七千人，伊ê腳頭u bē-bat跪Pa-le̍k，伊ê嘴bē-bat chim伊。

20 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 19 chat 第十九節
Í-lī-a chiū lī-khui hia khì; tú-tio̍h Sa-hoat ê kiáⁿ Í-lī-sa, i teh loê-chhân; tī i ê thâu-chêng ū cha̍p-jī tùi gû, ka-kī koáⁿ tē cha̍p-jī tùi; Í-lī-a keng-kè i hia, chiong ka-kī ê saⁿ phoa̍h tī i ê sin-chiūⁿ. 以利亞就離開hia去；tú-tio̍h Sa-hoat ê kiáⁿ 以利沙，伊teh犁田；tī伊ê頭前有十二 對牛，家己趕第十二對；以利亞經過 伊hia，將家己ê衫phoa̍h tī伊ê身上。

21 Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 20 chat 第二十節
Í-lī-sa chiū lī-khui hiah ê gû, cháu kàu Í-lī-a ê āu-bīn, kóng, Kiû lí chún goá tāi-seng chim goá ê pē-bú, jiân-āu goá chiū tè lí. Í-lī-a kā i kóng, Lí tò-khì, goá tùi lí ū choè sím-mi̍h ah? 以利沙就離開hiah-ê牛，走到 以利亞ê後面，講，求你准我事先 chim我ê父母，然後我就tè你。以利亞kā伊 講，你tò去，我對你有做甚麼ah？

22 Í-lī-sa chiū tùi i hia tò-khì,
Lia̍t-ông-kì (I) 《列王紀上》 I Kings Tē cha̍p-káu chiuⁿ 第十九章 Tē 21 chat 第二十一節 Í-lī-sa chiū tùi i hia tò-khì, thâi chi̍t-tùi gû, ēng thò gû ê khì-kū chú bah, hō͘ peh-sìⁿ; in chiū chia̍h i. I chiū khí-lâi tè Í-lī-a, lâi ho̍k-sāi i. 以利沙就對伊hia tò去， thâi一對牛，用套牛ê器具煮肉， hō͘百姓；in就食伊。 伊就起來tè以利亞，來服事伊。