Kū-iok A-mô͘-su-su Tē 3 chiuⁿ

Presentation on theme: "Kū-iok A-mô͘-su-su Tē 3 chiuⁿ"— Presentation transcript:

1 Kū-iok A-mô͘-su-su Tē 3 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok A-mô͘-su-su Tē 3 chiuⁿ 舊約 《阿摩司書》 第三章 Amos

2 A-mô͘-su-su 《阿摩司書》 Amos Tē saⁿ chiuⁿ 第三章 Tē 1 chat 第一節
Í-sek-lia̍t lâng ah, tio̍h thiaⁿ Iâ-hô-hoa só͘ kóng kong-kek lín ê oē, chiū-sī kong-kek Goá só͘ chhoā chhut Ai-ki̍p toē ê choân-ke ê oē. 以色列人ah，tio̍h聽耶和華 所講攻擊lín ê話， 就是攻擊我所chhoā出 埃及地ê全家ê話。

3 A-mô͘-su-su 《阿摩司書》 Amos Tē saⁿ chiuⁿ 第三章 Tē 2 chat 第二節
Tī toē-chiūⁿ bān-cho̍k-tiong, Goá chí-ū bat lín; só͘-í Goá beh pān lín it-chhè ê choē-koà. Tī地上萬族中， 我只有bat lín； 所以我beh辦lín一切ê罪過。

4 A-mô͘-su-su 《阿摩司書》 Amos Tē saⁿ chiuⁿ 第三章 Tē 3 chat 第三節
Nn̄g-lâng nā bô saⁿ-iok, kiám oē saⁿ-kap kiâⁿ? 兩人若無相約， kiám會相kap行？

5 A-mô͘-su-su 《阿摩司書》 Amos Tē saⁿ chiuⁿ 第三章 Tē 4 chat 第四節
Sai nā bô kā-tio̍h mi̍h, kiám oē tī chhiū-nâ-lāi háu mah? Soè chiah ióng ê sai nā bô só͘ tit-tio̍h, kiám oē tùi hia̍t-lāi chhut-siaⁿ mah? 獅若無咬tio̍h物， kiám會tī樹林內哮mah？ 細隻勇ê獅若無所得tio̍h， kiám會tùi 穴內出聲mah？

6 A-mô͘-su-su 《阿摩司書》 Amos Tē saⁿ chiuⁿ 第三章 Tē 5 chat 第五節
Nā bô tiuⁿ oa̍h-tauh, chiáu-á kiám oē hām-lo̍h toē-chiūⁿ ê lô-bāng mah? lô-bāng nā bô só͘ tit-tio̍h, kiám oē tùi toē-chiūⁿ hoan-khí-lâi mah? 若無張活tauh，鳥á kiám會陷落地上ê羅網mah？ 羅網若無所得tio̍h， kiám會tùi地上翻起來mah？

7 A-mô͘-su-su 《阿摩司書》 Amos Tē saⁿ chiuⁿ 第三章 Tē 6 chat 第六節
Siâⁿ-lāi nā pûn sàu-kak, peh-sìⁿ kiám bô kiaⁿ-hiâⁿ mah? Chai-ē nā kàu chi̍t ê siâⁿ, kiám-m̄-sī Iâ-hô-hoa só͘ kàng-lo̍h--ê mah? 城內若pûn哨角， 百姓kiám無驚惶mah？ 災厄若到一個城， kiám m̄是耶和華所降落ê mah？

8 A-mô͘-su-su 《阿摩司書》 Amos Tē saⁿ chiuⁿ 第三章 Tē 7 chat 第七節
Chú Iâ-hô-hoa, nā bô ēng I pì-bi̍t ê ì-sù chí-sī I ê lô͘-po̍k chiah ê sian-ti, chiū lóng bô só͘ kiâⁿ. 主耶和華，若無用祂祕密ê意思 指示伊ê奴僕chiah-ê先知， 就lóng無所行。

9 A-mô͘-su-su 《阿摩司書》 Amos Tē saⁿ chiuⁿ 第三章 Tē 8 chat 第八節
Sai teh háu, chī-chūi bô kiaⁿ? Chú Iâ-hô-hoa í-keng kóng, chī-chūi bô kóng sian-ti ê oē? 獅teh哮，chī-chūi無驚？ 主耶和華已經講， chī-chūi無講先知ê話？

10 A-mô͘-su-su 《阿摩司書》 Amos Tē saⁿ chiuⁿ 第三章 Tē 9 chat 第九節
Tio̍h tī A-si̍t-tu̍t ê kiong-tiān, kap Ai-ki̍p toē ê kiong-tiān, pò-iông kóng, Lín tio̍h chū-chi̍p tī Sat-má-lī-a chiah ê soaⁿ, chiū khoàⁿ-kìⁿ kî-tiong ê toā jiáu-loān, kap hit lāi-bīn pō-gio̍k ê sū. Tio̍h tī A-si̍t-tu̍t ê宮殿， kap埃及地ê宮殿，報揚講， Lín tio̍h聚集tī撒馬利亞chiah-ê山， 就看見其中ê大擾亂， kap hit內面暴虐ê事。

11 A-mô͘-su-su 《阿摩司書》 Amos Tē saⁿ chiuⁿ 第三章 Tē 10 chat 第十節
In-ūi in boē-hiáu-tit kiâⁿ chèng-ti̍t, chiū-sī ēng kiông-pō kap chhiúⁿ-kiap ê mi̍h, chek-chū tī in ê kiong-tiān-lāi: che sī Iâ-hô-hoa kóng--ê. 因為in boē曉得行正直， 就是用強暴kap搶劫ê物， 積聚tī in ê宮殿內： 這是耶和華講ê。

12 A-mô͘-su-su 《阿摩司書》 Amos Tē saⁿ chiuⁿ 第三章 Tē 11 chat 第十一節
Só͘-í Chú Iâ-hô-hoa án-ni kóng, Beh ū tùi-te̍k lâi ûi-khùn chit ê toē, hō͘ lí ê sè-le̍k soe-bî, chhiúⁿ lí ê kiong-tiān. 所以主耶和華án-ni講， Beh有對敵來圍困chit-ê地， hō͘你ê勢力衰微， 搶你ê宮殿。

13 A-mô͘-su-su 《阿摩司書》 Amos Tē saⁿ chiuⁿ 第三章 Tē 12 chat 第十二節
Iâ-hô-hoa án-ni kóng, Chhin-chhiūⁿ bo̍k-chiá tùi sai ê chhùi, chhiúⁿ-chhut nn̄g-ki kha, á-sī poàⁿ-tè hī-á, án-ni tiàm Sat-má-lī-a ê Í-sek-lia̍t lâng, the tī bîn-chhn̂g-kak, á-sī chhu siù-hoe-thán ê bîn-chhn̂g--ê, in ê tit-tio̍h kiù, ia̍h put-kò sī án-ni. 耶和華án-ni講， 親像牧者tùi獅ê嘴， 搶出兩支腳，á是半塊耳á， án-ni tiàm撒馬利亞ê以色列人， the tī眠床角，á是chhu繡花毯ê眠床ê， in ê得tio̍h救，亦不過是án-ni。

14 A-mô͘-su-su 《阿摩司書》 Amos Tē saⁿ chiuⁿ 第三章 Tē 13 chat 第十三節
Chú Iâ-hô-hoa, bān-kun ê Siōng-tè, kóng, Lín tio̍h thiaⁿ chit ê oē, ia̍h tio̍h kan-chèng tī Ngá-kok ke. 主耶和華，萬軍ê上帝， 講，Lín tio̍h聽chit-ê話， 亦tio̍h干證tī雅各家。

15 A-mô͘-su-su 《阿摩司書》 Amos Tē saⁿ chiuⁿ 第三章 Tē 14 chat 第十四節
Goá pān Í-sek-lia̍t choē-koà ê ji̍t, iā beh pān Pek-te̍k-lī ê chè-toâⁿ; toâⁿ-kak beh siū chhò-chi̍h, tūi-lo̍h toē. 我辦以色列罪過ê日， 也beh辦Pek-te̍k-lī ê祭壇； 壇角beh受剉折，墮落地。

16 A-mô͘-su-su 《阿摩司書》 Amos Tē saⁿ chiuⁿ 第三章 Tē 15 chat 第十五節
Goá beh húi i tang-thiⁿ ê chhù, hē-thiⁿ ê chhù; chhiūⁿ-gê ê chhù iā beh húi-bia̍t, toā-chhù ia̍h lóng bô--khì; che sī Iâ-hô-hoa kóng--ê. 我beh毀伊冬天ê厝，夏天ê厝； 象牙ê厝也beh毀滅， 大厝亦lóng無去； 這是耶和華講ê。