Kū-iok Iok-pek-kì Tē 23 chiuⁿ

Presentation on theme: "Kū-iok Iok-pek-kì Tē 23 chiuⁿ"— Presentation transcript:

1 Kū-iok Iok-pek-kì Tē 23 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Iok-pek-kì Tē 23 chiuⁿ 舊約 《約伯記》 第二十三章 Job

2 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 1 chat 第一節
Iok-pek ìn kóng, 約伯應講，

3 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 2 chat 第二節
Taⁿ goá ê ai-oàn sǹg-choè poē-ge̍k; Goá só͘ siū ê chek-hoa̍t khah-tāng tī goá ê thó͘-khùi. Taⁿ我ê哀怨算做悖逆； 我所受ê責罰 khah重tī我ê吐氣。

4 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 3 chat 第三節
Goān goá oē chai tùi cháiⁿ-iūⁿ chhē Siōng-tè, Hō͘ goá thang kàu I ê chō-ūi! 願我會知 tùi怎樣chhē上帝， hō͘我thang到祂ê座位！

5 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 4 chat 第四節
Goá beh pâi-lia̍t àn-kiāⁿ tī I ê bīn-chêng, Goá ê chhùi kàu-gia̍h thang piān-bêng. 我beh排列案件 tī祂ê面前， 我ê嘴夠額thang辯明。

6 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 5 chat 第五節
Goá iā tit-tio̍h chai I ìn goá ê oē, Iā bêng-pe̍k I tùi goá só͘-kóng-ê. 我也得tio̍h知祂應我ê話， 也明白祂對我所講ê。

7 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 6 chat 第六節
I kiám beh ēng toā koân-lêng kap goá kè-kàu mah? Tek-khak bô án-ni; I beh àⁿ-lo̍h thiaⁿ goá. 祂kiám beh用大權能 kap我計較mah？的確 無án-ni；祂beh àⁿ落聽我。

8 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 7 chat 第七節
Tī-hia chèng-ti̍t--ê oē kap I piān-lūn, Án-ni, goá beh éng-oán thoat-lī sím-phoàⁿ goá ê. Tī-hia正直ê會kap祂辯論， án-ni，我beh永遠 脫離審判我ê。

9 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 8 chat 第八節
Khoàⁿ ah, goá chìn-chêng khì, I bô tī-hia; Goá thè-āu khì, iā bô khoàⁿ-kìⁿ I; 看ah， 我進前去，祂無tī-hia； 我退後去，也無看見祂；

10 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 9 chat 第九節
Tī tò-pêng I teh kiâⁿ tāi-chì, goá bô khoàⁿ-kìⁿ I; Tī chiàⁿ-pêng I tiàm-ba̍t, goá iā bô khoàⁿ-kìⁿ I. Tī tò-pêng祂teh行tāi-chì， 我無看見祂； tī chiàⁿ-pêng祂tiàm密， 我也無看見祂。

11 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 10 chat 第十節
Chóng-sī I chai goá só͘ kiâⁿ ê lō͘; I chhì-liān goá liáu-āu, goá beh chhin-chhiūⁿ kè thoàn-liān ê kim. 總是祂知我所行ê路； 祂試煉我了後， 我beh親像過鍛鍊ê金。

12 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 11 chat 第十一節
Goá ê kha tè I ê kha-pō͘; Goá chip-siú I ê lō͘, iā bô phian-chhoa̍h. 我ê腳tè祂ê腳步； 我執守祂ê路， 也無偏chhoa̍h。

13 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 12 chat 第十二節
I chhùi-tûn ê bēng-lēng goá bē bat ûi-poē; Goá tùi-tiōng I chhùi-lāi ê oē, iâⁿ-kè goá só͘ tio̍h ēng ê bí-niû. 祂嘴唇ê命令，我未bat違背； 我對重祂嘴內ê話， 贏過我所tio̍h用ê米糧。

14 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 13 chat 第十三節
I ū it-tēng ê sim-chì, chī-chūi oē kā I oa̍t-tńg ah? I ê sim só͘ ài-ê, chiū kiâⁿ i. 祂有一定ê心志， chī-chūi能kā祂oa̍t-tńg ah？ 祂ê心所ài-ê，就行伊。

15 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 14 chat 第十四節
Só͘ kā goá tiāⁿ-tio̍h--ê, I beh chiâⁿ i; Chit hō ê sū I iáu ū choē-choē. 所kā我定tio̍h-ê， 祂beh成伊； chit號ê事祂iáu有choē-choē。

16 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 15 chat 第十五節
Só͘-í goá tī I ê bīn-chêng gī-gī-chhoah; Goá siūⁿ-tio̍h chiū kiaⁿ. 所以我tī祂ê面前 gī-gī-chhoah； 我想tio̍h就驚。

17 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 16 chat 第十六節
In-ūi Siōng-tè hō͘ goá sit-táⁿ, Choân-lêng--ê hō͘ goá gī-gī-chhoah; 因為上帝hō͘我失膽， 全能ê hō͘我gī-gī-chhoah；

18 Iok-pek-kì《約伯記》 Job Tē jī-cha̍p-saⁿ chiuⁿ 第二十三章 Tē 17 chat 第十七節
In-ūi goá ê kiaⁿ-hiâⁿ m̄-sī ūi-tio̍h o͘-àm, Iā m̄-sī in-ūi o͘-àm jia-khàm goá ê bīn. 因為我ê驚惶 m̄是為tio̍h烏暗， 也m̄是因為烏暗遮蓋我ê面。