Pa-khek-lé Siu-tèng-pán Sèng-keng 巴克禮修訂版聖經

Presentation on theme: "Pa-khek-lé Siu-tèng-pán Sèng-keng 巴克禮修訂版聖經"— Presentation transcript:

1 Pa-khek-lé Siu-tèng-pán Sèng-keng 巴克禮修訂版聖經
Kū-iok “Chhòng-sè-kì” Tē poeh chiuⁿ 舊約 創世記 第八章 Genesis

2 “Chhòng-sè-kì”《創世記》Genesis Tē peh chiuⁿ 第八章 Tē 1 chat 第一節
Siōng-tè kì-tit Ná-a, kap it-chhè ê oa̍h-mi̍h, í-ki̍p kap i tī toā-chûn it-chhè ê cheng-siⁿ; Siōng-tè hō͘ hong chhe toē, chúi chiū chiām-chiām siau-si̍h. 上帝記得挪亞，kap一切ê活物， 以及kap伊tī大船一切ê cheng-siⁿ； 上帝hō͘風吹地， 水就漸漸消蝕。

3 “Chhòng-sè-kì”《創世記》Genesis Tē peh chiuⁿ 第八章 Tē 2 chat 第二節
Chhim-ian ê chúi-goân, kap thiⁿ ê khang-khiah, lóng koaiⁿ-ba̍t; thiⁿ-ni̍h ê hō͘ ia̍h soah. 深淵ê水源， kap天ê空隙，lóng關密； 天裡ê雨亦soah。

4 “Chhòng-sè-kì”《創世記》Genesis Tē peh chiuⁿ 第八章 Tē 3 chat 第三節
Chúi tùi toē-chiūⁿ ti̍t-ti̍t thè; chi̍t-pah gō͘-cha̍p ji̍t āu, chúi chiū chiām-chiām siau. 水tùi地上直直退； 一百五十日後， 水就漸漸消。

5 “Chhòng-sè-kì”《創世記》Genesis Tē peh chiuⁿ 第八章 Tē 4 chat 第四節
Chhit-ge̍h cha̍p chhit ji̍t, chûn khoà tī A-la̍h-lia̍p ê soaⁿ. 七月十七日， 船掛tī A-la̍h-lia̍p ê山。

6 “Chhòng-sè-kì”《創世記》Genesis Tē peh chiuⁿ 第八章 Tē 5 chat 第五節
Chúi koh chiām-chiām siau, ti̍t-ti̍t kàu cha̍p-ge̍h. Cha̍p-ge̍h chhoe-it ji̍t, soaⁿ-thâu chiah chhut-hiān. 水koh漸漸消， 直直到十月。 十月初一日， 山頭chiah出現。

7 “Chhòng-sè-kì”《創世記》Genesis Tē peh chiuⁿ 第八章 Tē 6 chat 第六節
Kè sì-cha̍p ji̍t, Ná-a khui i só͘ choè toā-chûn ê thang-á; 過四十日， 挪亞開伊所做 大船ê窗á；

8 “Chhòng-sè-kì”《創世記》Genesis Tē peh chiuⁿ 第八章 Tē 7 chat 第七節
pàng chi̍t chiah o͘-a chhut-khì; o͘-a pe-lâi pe-khì, ti̍t-ti̍t kàu toē-chiūⁿ ê chúi ta. 放一隻烏鴉出去； 烏鴉飛來飛去， 直直到地上ê水乾。

9 “Chhòng-sè-kì”《創世記》Genesis Tē peh chiuⁿ 第八章 Tē 8 chat 第八節
I koh pàng chi̍t chiah chíⁿ-á chhut-khì, beh khoàⁿ chúi tùi toē-chiūⁿ thè á-bē. 伊koh放一隻 鴿á出去， beh看水tùi地上退á-bē。

10 “Chhòng-sè-kì”《創世記》Genesis Tē peh chiuⁿ 第八章 Tē 9 chat 第九節
Chóng-sī chíⁿ-á chhē bô hioh-kha ê só͘-chāi, chiū tò-tńg lâi toā-chûn Ná-a hia; in-ūi piàn-toē-bīn iáu ū chúi; Ná-a chhun-chhiú chih i, lia̍h ji̍p toā-chûn. 總是鴿á chhē無歇腳ê所在， 就tò-tńg來大船挪亞hia； 因為遍地面iáu有水； 挪亞伸手接伊，掠入大船。

11 “Chhòng-sè-kì”《創世記》Genesis Tē peh chiuⁿ 第八章 Tē 10 chat 第十節
I koh thèng-hāu chhit-ji̍t, koh pàng chíⁿ-á chhut toā-chûn. 伊koh thèng候七日， koh放鴿á出大船。

12 “Chhòng-sè-kì”《創世記》Genesis Tē peh chiuⁿ 第八章 Tē 11 chat 第十一節
Kàu ê-hng chíⁿ-á tò-lâi i hia, chhùi kā chi̍t-hio̍h sin ê kaⁿ-ná-hio̍h; Ná-a chiah chai chúi tùi toē-chiūⁿ thè lah. 到ê-hng鴿á tò來伊hia， 嘴咬一葉新ê橄欖葉； 挪亞chiah知水tùi地上退lah。

13 “Chhòng-sè-kì”《創世記》Genesis Tē peh chiuⁿ 第八章 Tē 12 chat 第十二節
I koh thèng-hāu chhit-ji̍t, pàng chíⁿ-á chhut-khì; chíⁿ-á lóng bô koh tò-lâi. 伊koh thèng候七日， 放鴿á出去； 鴿á lóng無koh tò來。

14 “Chhòng-sè-kì”《創世記》Genesis Tē peh chiuⁿ 第八章 Tē 13 chat 第十三節
Kàu Ná-a la̍k-pah liân chi̍t hè, chiaⁿ-ge̍h chhoe-it ji̍t, toē-chiūⁿ ê chúi lóng ta; Ná-a chiū hian-khui toā-chûn ê koà, lâi khoàⁿ; chiū khoàⁿ-kìⁿ toē-bīn í-keng ta. 到挪亞六百連一歲， 正月初一日，地上ê水lóng乾； 挪亞就掀開大船ê蓋，來看； 就看見地面已經乾。

15 “Chhòng-sè-kì”《創世記》Genesis Tē peh chiuⁿ 第八章 Tē 14 chat 第十四節
Jī-ge̍h jī-chhit-ji̍t, thô͘-toē lóng ta. 二月二七日， 土地lóng乾。

16 “Chhòng-sè-kì”《創世記》Genesis Tē peh chiuⁿ 第八章 Tē 15 chat 第十五節
Siōng-tè tùi Ná-a kóng, 上帝對挪亞講，

17 “Chhòng-sè-kì”《創世記》Genesis Tē peh chiuⁿ 第八章 Tē 16 chat 第十六節
Lí kap lí ê bó͘, lí ê kiáⁿ, lí ê sim-pū, lóng tio̍h chhut toā-chûn. 你kap你ê bó͘， 你ê kiáⁿ，你ê新婦， lóng tio̍h出大船。

18 “Chhòng-sè-kì”《創世記》Genesis Tē peh chiuⁿ 第八章 Tē 17 chat 第十七節
Tī lí hia kìⁿ-ū jio̍k-thé ê oa̍h-mi̍h, chiū-sī pe-chiáu, cheng-siⁿ, kap it-chhè sô tī toē-chiūⁿ ê thâng-thoā, lóng tio̍h toà in chhut; hō͘ in heng-ōng tī toē-ni̍h, siⁿ-thoàⁿ chin-choē. Tī你hia見有肉體ê活物， 就是飛鳥、cheng-siⁿ， kap一切sô tī地上ê蟲thoā， lóng tio̍h帶in出； hō͘ in興旺tī地裡，生湠真choē。

19 “Chhòng-sè-kì”《創世記》Genesis Tē peh chiuⁿ 第八章 Tē 18 chat 第十八節
Tùi hit-tia̍p Ná-a kap i ê kiáⁿ, i ê bó͘, i ê sim-pū, lóng chhut-lâi. Tùi hit-tia̍p挪亞kap伊ê kiáⁿ， 伊ê bó͘，伊ê新婦， lóng出來。

20 “Chhòng-sè-kì”《創世記》Genesis Tē peh chiuⁿ 第八章 Tē 19 chat 第十九節
It-chhè ê cháu-siù, it-chhè ê thâng-thoā, it-chhè ê pe-chiáu, kìⁿ-nā toē-chiūⁿ só͘ ū ê tōng-bu̍t, kok chiàu i ê cho̍k-lūi, ia̍h lóng chhut toā-chûn. 一切ê走獸，一切ê蟲thoā， 一切ê飛鳥，見若地上 所有ê動物，各照伊ê族類， 亦lóng出大船。

21 “Chhòng-sè-kì”《創世記》Genesis Tē peh chiuⁿ 第八章 Tē 20 chat 第二十節
Ná-a ūi-tio̍h Iâ-hô-hoa khí chi̍t chō toâⁿ; tùi ta̍k-iūⁿ chheng-khì ê cheng-siⁿ, ta̍k-iūⁿ chheng-khì ê pe-chiáu, chhú lâi hiàn tī toâⁿ-téng choè sio-chè. 挪亞為tio̍h耶和華起一座壇； tùi ta̍k樣清氣ê cheng-siⁿ， ta̍k樣清氣ê飛鳥， 取來獻tī壇頂做燒祭。

22 “Chhòng-sè-kì”《創世記》Genesis Tē peh chiuⁿ 第八章 Tē 21 chat 第二十一節
Iâ-hô-hoa phīⁿ i ê phang-bī; Iâ-hô-hoa sim-lāi chiū kóng, Goá bô koh in-ūi lâng ê iân-kò͘ chiù-chó͘ toē, in-ūi lâng tùi soè-hàn ê sî, sim só͘ siūⁿ chiū pháiⁿ; Goá bô beh chiàu Goá só͘ ū kiâⁿ-ê, koh bia̍t kok-chéng ê oa̍h-mi̍h. 耶和華phīⁿ伊ê芳味；耶和華心內就講， 我無koh因為人ê緣故咒詛地， 因為人tùi細漢ê時，心所想就pháiⁿ； 我無beh照我所有行ê， koh滅各種ê活物。

23 “Chhòng-sè-kì”《創世記》Genesis Tē peh chiuⁿ 第八章 Tē 22 chat 第二十二節
Toē iáu tī-teh ê sî, chai-chèng siu-sêng, koâⁿ joa̍h, tang-thiⁿ, hē-thiⁿ, ji̍t mî, lóng bô hioh. 地iáu tī-teh ê時， 栽種收成，寒熱、 冬天、夏天、日暝， lóng無歇。