Kū-iok Si-phian Tē 42 phiⁿ

Presentation on theme: "Kū-iok Si-phian Tē 42 phiⁿ"— Presentation transcript:

1 Kū-iok Si-phian Tē 42 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 42 phiⁿ 舊約 《詩篇》 第42篇 Psalms

2 Si-phian《詩篇》 Psalms Tē sì-cha̍p-jī phiⁿ 第四十二篇 Tē 1 chat 第一節
(Khó-la̍h hō͘-è kà-sī ê si, kau hō͘ Ga̍k-koaⁿ) Siōng-tè ah, goá ê sim chhiat-chhiat him-bō͘ Lí, Chhin-chhiūⁿ lo̍k chhiat-chhiat him-bō͘ khoe-chúi. (Khó-la̍h後裔教示ê詩，交hō͘樂官) 上帝ah，我ê心 切切欣慕祢，親像鹿 切切欣慕溪水。

3 Si-phian《詩篇》 Psalms Tē sì-cha̍p-jī phiⁿ 第四十二篇 Tē 2 chat 第二節
Goá ê sim chhùi-ta, him-bō͘ Siōng-tè, chiū-sī oa̍h ê Siōng-tè; Goá siáⁿ-sî oē kàu Siōng-tè bīn-chêng, lâi kìⁿ I ah? 我ê心嘴乾，欣慕上帝， 就是活ê上帝；我啥時能到 上帝面前，來見祂ah？

4 Si-phian《詩篇》 Psalms Tē sì-cha̍p-jī phiⁿ 第四十二篇 Tē 3 chat 第三節
Goá mî-ji̍t ēng goá ê ba̍k-sái chún pn̄g chia̍h, In tùi goá kóng bô soah, Lí ê Siōng-tè tī toh-lo̍h? 我暝日用我ê目屎 chún飯食，In對我講無soah， 你ê上帝tī toh落？

5 Si-phian《詩篇》 Psalms Tē sì-cha̍p-jī phiⁿ 第四十二篇 Tē 4 chat 第四節
Goá chá-chêng kap chèng-lâng choè-tīn khì, chhoā in kàu Siōng-tè ê chhù; Ēng hoaⁿ-hí o-ló ê siaⁿ, tāi-ke siú choeh; Goá tui-liām chiah ê sū, goá ê sim ke̍k-kî pi-siong. 我早前kap眾人做陣去， chhoā in到上帝ê厝；用歡喜 o-ló ê聲，大家守節；我追念 chiah-ê事，我ê心極其悲傷。

6 Si-phian《詩篇》 Psalms Tē sì-cha̍p-jī phiⁿ 第四十二篇 Tē 5 chat 第五節
Goá ê sim ah, lí siáⁿ-sū ut-chut? Siáⁿ-sū tī goá ê lāi-bīn tio̍h-kip? Lí tio̍h ǹg-bāng Siōng-tè, In-ūi I ê bīn ǹg goá, lâi chín-kiù goá; só͘-í goá iáu-kú beh o-ló I. 我ê心ah，你啥事鬱卒？ 啥事tī我ê內面著急？ 你tio̍h ǹg望上帝，因為祂ê面ǹg我， 來拯救我；所以我iáu-kú beh o-ló祂。

7 Si-phian《詩篇》 Psalms Tē sì-cha̍p-jī phiⁿ 第四十二篇 Tē 6 chat 第六節
Goá ê Siōng-tè ah, goá ê sim tī goá ê lāi-bīn ut-chut; Só͘-í goá tùi Iok-tàn ê toē kap Hek-bûn, Ia̍h tùi Bí-sat ê soaⁿ kì-liām Lí. 我ê上帝ah， 我ê心tī我ê內面鬱卒； 所以我tùi約旦ê地kap Hek-bûn， 亦tùi Bí-sat ê山記念祢。

8 Si-phian《詩篇》 Psalms Tē sì-cha̍p-jī phiⁿ 第四十二篇 Tē 7 chat 第七節
Lí ê pho̍k-pò͘ chhut-siaⁿ, chiū chhim-ian kap chhim-ian saⁿ kiò ìn; Lí ê pho-lōng, Lí ê toā-éng, lóng im-ba̍t goá. 祢ê 瀑布出聲，就深淵 kap深淵相叫應；祢ê波浪， 祢ê大湧，lóng淹密我。

9 Si-phian《詩篇》 Psalms Tē sì-cha̍p-jī phiⁿ 第四十二篇 Tē 8 chat 第八節
Chóng-sī Iâ-hô-hoa ji̍t--sî beh si-chhut I ê chû-ài; Mî--sî I hō͘ goá chhiùⁿ-koa, Lâi kiû siúⁿ-sù goá oa̍h-miā ê Siōng-tè. 總是耶和華 日時beh施出祂ê慈愛； 暝時祂hō͘我唱歌， 來求賞賜我活命ê上帝。

10 Si-phian《詩篇》 Psalms Tē sì-cha̍p-jī phiⁿ 第四十二篇 Tē 9 chat 第九節
Goá beh tùi Siōng-tè, goá ê chio̍h-poâⁿ, kóng, Lí siáⁿ-sū boē-kì-tit goá? Goá siáⁿ-sū in-ūi tùi-te̍k ê ap-pek, iu-būn lâi kiâⁿ ah? 我beh對上帝，我ê石磐， 講，祢啥事boē記得我？ 我啥事因為對敵ê壓迫， 憂悶來行ah？

11 Si-phian《詩篇》 Psalms Tē sì-cha̍p-jī phiⁿ 第四十二篇 Tē 10 chat 第十節
Goá ê tùi-te̍k ki-chhì goá, chhin-chhiūⁿ phah-chhùi goá ê kut-thâu; In tùi goá kóng bô soah, Lí ê Siōng-tè tī toh-lo̍h? 我ê對敵譏刺我， 親像phah碎我ê骨頭； In對我講無soah， 你ê上帝tī toh落？

12 Si-phian《詩篇》 Psalms Tē sì-cha̍p-jī phiⁿ 第四十二篇 Tē 11 chat 第十一節
Goá ê sim ah, lí siáⁿ-sū ut-chut? Siáⁿ-sū tī goá ê lāi-bīn tio̍h-kip? Lí tio̍h ǹg-bāng Siōng-tè; in-ūi goá iáu-kú beh o-ló I; I sī goá ê bīn ê êng-kng, ia̍h sī goá ê Siōng-tè. 我ê心ah，你啥事鬱卒？啥事tī 我ê內面著急？你tio̍h ǹg望 上帝；因為我iáu-kú beh o-ló祂；祂是 我ê面ê榮光，亦是我ê上帝。