Kū-iok Sat-ka-lī-a-su Tē 2 chiuⁿ

Presentation on theme: "Kū-iok Sat-ka-lī-a-su Tē 2 chiuⁿ"— Presentation transcript:

1 Kū-iok Sat-ka-lī-a-su Tē 2 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Sat-ka-lī-a-su Tē 2 chiuⁿ 舊約 《撒迦利亞書》 第二章 Zechariah

2 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 1 chat 第一節
Goá koh kia̍h-ba̍k koan-khoàⁿ, khoàⁿ ah, ū chi̍t-lâng chhiú the̍h chîn-soh; 我koh kia̍h目觀看， 看ah， 有一人手the̍h繩索；

3 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 2 chat 第二節
goá kóng, Lí beh khì toh-lo̍h? I kā goá kóng, Beh khì niû Iâ-lō͘-sat-léng, khoàⁿ i ū joā-khoah, ū joā-tn̂g. 我講，你beh去toh-lo̍h？ 伊kā我講，beh去量耶路撒冷， 看伊有joā闊，有joā長。

4 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 3 chat 第三節
Khoàⁿ ah, kap goá kóng-oē ê sù-chiá chhut-khì, koh ū chi̍t-ūi sù-chiá chhut-lâi ngiâ-chih i, 看ah， kap我講話ê使者出去， koh有一位使者出來迎接伊，

5 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 4 chat 第四節
tùi i kóng, Lí cháu--khì kā hit ê siàu-liân lâng kóng, kóng, Iâ-lō͘-sat-léng beh ū lâng khiā-khí, chhin-chhiūⁿ bô siâⁿ-chhiûⁿ ê hiuⁿ-lí, in-ūi hit tiong-kan lâng kap cheng-siⁿ chin-choē. 對伊講，你走去kā hit-ê少年人講， 講，耶路撒冷beh有人khiā起， 親像無城牆ê鄉里， 因為hit中間人kap cheng-siⁿ真choē。

6 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 5 chat 第五節
Iâ-hô-hoa kóng, Goá beh choè i sì-ûi ê hé-siâⁿ, Goá ia̍h beh choè in tiong-kan ê êng-kng. 耶和華講， 我beh做伊四圍ê火城， 我亦beh做in中間ê榮光。

7 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 6 chat 第六節
Iâ-hô-hoa kóng, Eh! Eh! lín tio̍h tùi pak-hng ê toē tô-cháu, in-ūi Goá í-keng sì-soàⁿ lín, chhin-chhiūⁿ tī thiⁿ--nih sì-bīn ê hong; che sī Iâ-hô-hoa kóng--ê. 耶和華講， Eh！Eh！lín tio̍h tùi北方ê地逃走， 因為我已經四散lín， 親像tī天裡四面ê風； 這是耶和華講ê。

8 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 7 chat 第七節
Eh! Sek-an ah, kap Pa-pí-lûn ê peh-sìⁿ khiā-khí--ê ah, lí tio̍h tô-thoat. Eh！錫安ah， kap巴比倫ê百姓khiā起ê ah， 你tio̍h逃脫。

9 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 8 chat 第八節
Bān-kun ê Iâ-hô-hoa kóng, Tī êng-kng ê liáu-āu, chhe goá kàu hiah-ê chhiúⁿ-lia̍h lín ê lia̍t-kok; hoān-tio̍h lín--ê sī hoān-tio̍h I ba̍k-chiu-tiong ê tông-chú. 萬軍ê耶和華講， Tī榮光ê了後， 差我到hiah-ê搶掠lín ê列國； 犯tio̍h lín-ê 是犯tio̍h伊目睭中ê瞳子。

10 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 9 chat 第九節
Khoàⁿ ah, Goá beh tī in ê téng-bīn bú Goá ê chhiú, in chiū beh hō͘ in ê lô͘-po̍k chhiúⁿ-kiap, lín chiū chai bān-kun ê Iâ-hô-hoa chhe goá lah. 看ah， 我beh tī in ê頂面舞我ê手， in就beh hō͘ in ê奴僕搶劫， lín就知萬軍ê耶和華差我lah。

11 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 10 chat 第十節
Sek-an ê peh-sìⁿ ah, tio̍h chhiùⁿ-koa hoaⁿ-hí; khoàⁿ ah, in-ūi Goá beh lâi, beh tiàm tī lín tiong-kan; che sī Iâ-hô-hoa kóng--ê. 錫安ê百姓ah，tio̍h唱歌歡喜； 看ah，因為我beh來， beh tiàm tī lín中間； 這是耶和華講ê。

12 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 11 chat 第十一節
Hit-ji̍t beh ū choē-choē kok kui-oá Iâ-hô-hoa, choè Goá ê peh-sìⁿ; koh Goá beh tiàm-tī lí ê tiong-kan, lí chiū chai bān-kun ê Iâ-hô-hoa chhe goá kàu lí hia. Hit日beh有choē-choē國歸oá耶和華， 做我ê百姓； koh我beh tiàm-tī你ê中間， 你就知萬軍ê耶和華 差我到你hia。

13 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 12 chat 第十二節
Iâ-hô-hoa beh tit-tio̍h Iû-tāi choè I ê gia̍p tī sèng-toē; ia̍h beh koh kéng-soán Iâ-lō͘-sat-léng. 耶和華beh得tio̍h猶大 做祂ê業tī聖地； 亦beh koh揀選耶路撒冷。

14 Sat-ka-lī-a-su 《撒迦利亞書》 Zechariah Tē jī chiuⁿ 第二章 Tē 13 chat 第十三節
Kìⁿ-nā ū hiat-khì--ê, tī Iâ-hô-hoa ê bīn-chêng lóng tio̍h chēng-chēng; in-ūi I tùi sèng ê só͘-chāi khí--lâi. 見若有血氣ê， tī耶和華ê面前 lóng tio̍h靜靜； 因為祂tùi聖ê所在起來。