Kū-iok Sat-ka-lī-a-su Tē 3 chiuⁿ

Presentation on theme: "Kū-iok Sat-ka-lī-a-su Tē 3 chiuⁿ"— Presentation transcript:

1 Kū-iok Sat-ka-lī-a-su Tē 3 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Sat-ka-lī-a-su Tē 3 chiuⁿ 舊約 《撒迦利亞書》 第三章 Zechariah

2 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 1 chat 第一節
I koh hō͘ goá khoàⁿ-kìⁿ chè-si-thâu Iok-su-a khiā tī Iâ-hô-hoa sù-chiá ê bīn-chêng, Sat-tàn ia̍h khiā tī i ê chiàⁿ-pêng, choè i ê tùi-te̍k. 伊koh hō͘我看見祭司頭約書亞 khiā tī耶和華使者ê面前， 撒旦亦khiā tī伊ê chiàⁿ-pêng， 做伊ê對敵。

3 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 2 chat 第二節
Iâ-hô-hoa tùi Sat-tàn kóng, Sat-tàn ah, Iâ-hô-hoa chek-pī lí, chiū-sī kéng-soán Iâ-lō͘-sat-léng ê Iâ-hô-hoa chek-pī lí; che kiám-m̄-sī tùi hé-tiong pu̍ih--chhut-lâi ê chi̍t tè chhâ mah? 耶和華對撒旦講， 撒旦ah，耶和華責備你， 就是揀選耶路撒冷ê耶和華 責備你；這kiám-m̄是tùi火中 拔出來ê一塊柴 mah？

4 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 3 chat 第三節
Iok-su-a chhēng ù-oè ê saⁿ, khiā tī sù-chiá ê bīn-chêng. 約書亞穿污穢ê衫， khiā tī使者ê面前。

5 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 4 chat 第四節
I ìn khiā tī i ê bīn-chêng-ê kóng, Lín tio̍h thǹg i ù-oè ê saⁿ. Koh tùi i kóng, Khoàⁿ ah, Goá hō͘ lí thoat-lī lí ê choē-ok, beh hō͘ lí chhēng súi ê saⁿ. 伊應khiā tī伊ê面前ê講， Lín tio̍h thǹg伊污穢ê衫。Koh對伊講， 看ah，我hō͘你脫離你ê罪惡， beh hō͘你穿súi ê衫。

6 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 5 chat 第五節
Goá koh kóng, Ēng súi ê bō tì tī i ê thâu-khak; in chiū ēng súi ê bō tì tī i ê thâu-khak, kā i chhēng-saⁿ; Iâ-hô-hoa ê sù-chiá khiā tī piⁿ-á. 我koh講， 用súi ê帽戴tī伊ê頭殼； in就用súi ê帽戴tī伊ê頭殼， kā伊穿衫； 耶和華ê使者khiā tī邊á。

7 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 6 chat 第六節
Iâ-hô-hoa ê sù-chiá kéng-kài Iok-su-a kóng, 耶和華ê使者 警戒約書亞講，

8 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 7 chat 第七節
Bān-kun ê Iâ-hô-hoa án-ni kóng, Lí nā kiâⁿ Goá ê lō͘, siú Goá só͘ kau-thok lí--ê, lí chiū thang koán-lí Goá ê ke, kò͘-siú Goá ê īⁿ; Goá ia̍h beh hō͘ lí tī chiah-ê khiā-teh ê lâng tiong-kan ū chhut-ji̍p ê lō͘. 萬軍ê耶和華án-ni講， 你若行我ê路，守我所交託你ê， 你就thang管理我ê家，顧守我ê院； 我亦beh hō͘你tī chiah-ê khiā-teh ê人中間 有出入ê路。

9 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 8 chat 第八節
Chè-si-thâu Iok-su-a ah, lí kap chē tī lí ê bīn-chêng ê tâng-phoāⁿ lóng tio̍h thiaⁿ; in sī choè tiāu-thâu ê lâng; khoàⁿ ah, Goá beh hō͘ Goá ê lô͘-po̍k chheng-choè Chhiū-ki--ê lâi. 祭司頭約書亞ah， 你kap坐tī你ê面前ê同伴 lóng tio̍h聽；in是做兆頭ê人； 看ah，我beh hō͘我ê奴僕 稱做樹枝ê來。

10 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 9 chat 第九節
Khoàⁿ ah, Goá só͘ hē tī Iok-su-a bīn-chêng ê chio̍h, tī chi̍t tè chio̍h ū chhit lúi ba̍k-chiu; bān-kun ê Iâ-hô-hoa kóng, Khoàⁿ ah, Goá beh tiau-khek só͘ tiau-khek--ê, ia̍h beh tī chi̍t-ji̍t ê tiong-kan tû-khì chit ê toē-hng ê choē-ok. 看ah，我所hē tī約書亞面前ê石， tī一塊石有七蕊目睭； 萬軍ê耶和華講，看ah， 我beh雕刻所雕刻ê，亦beh tī一日ê中間除去chit-ê地方ê罪惡。

11 Sat-ka-lī-a-su 《撒迦利亞書》 Zechariah Tē saⁿ chiuⁿ 第三章 Tē 10 chat 第十節
Tng hit-ji̍t, lín ta̍k-lâng beh chhiáⁿ chhù-piⁿ lâi kàu phû-tô-chhiū-ē, kap bû-hoa-kó chhiū-ē; che sī bān-kun ê Iâ-hô-hoa kóng--ê. 當hit日，lín ta̍k人beh請厝邊 來到葡萄樹下， kap無花果樹下； 這是萬軍ê耶和華講ê。