Kū-iok Í-se-kiat-su Tē 42 chiuⁿ

Presentation on theme: "Kū-iok Í-se-kiat-su Tē 42 chiuⁿ"— Presentation transcript:

1 Kū-iok Í-se-kiat-su Tē 42 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-se-kiat-su Tē 42 chiuⁿ 舊約 《以西結書》 第四十二章 Ezekiel

2 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 1 chat 第一節
I chhoā goá chhut-lâi kàu goā-īⁿ; koh chhoā goá ji̍p lēng-goā keh-khui ê toē saⁿ-tùi-bīn ê pâng; hit keng pâng ǹg-pak, tī chhù-the̍h ê tùi-bīn. 伊chhoā我出來到外院； koh chhoā我入另外隔開ê地 相對面ê房；hit間房ǹg北， tī厝宅ê對面。

3 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 2 chat 第二節
Tī chi̍t-pah tiú tn̂g, gō͘-cha̍p tiú khoah ê thâu-chêng, ū pak-mn̂g. Tī一百肘長， 五十肘闊ê頭前， 有北門。

4 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 3 chat 第三節
Sio̍k lāi-īⁿ jī-cha̍p tiú ê tùi-bīn, koh sio̍k goā-īⁿ pho͘-chio̍h-toē ê tùi-bīn, ū lâu ê lông tùi lâu ê lông, saⁿ-chàn. 屬內院二十肘ê對面， koh屬外院舖石地ê對面， 有樓ê廊對樓ê廊，三層。

5 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 4 chat 第四節
Tī hiah ê pâng ê thâu-chêng ū chi̍t-tiâu lō͘, khoah cha̍p tiú, ǹg lāi-bīn chi̍t-pah tiú ê lō͘; in ê mn̂g lóng ǹg-pak. Tī hiah-ê房ê頭前有一條路， 闊十肘，ǹg內面一百肘ê路； in ê門lóng ǹg北。

6 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 5 chat 第五節
Téng-chàn ê pâng khah oe̍h, in-ūi hō͘ lâu ê lông chiàm i ê toē; pí tiong-chàn, ē-chàn, chiàm khah-choē. 頂層ê房khah狹， 因為hō͘樓ê廊佔伊ê地； 比中層、下層，佔khah-choē。

7 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 6 chat 第六節
In-ūi i ū saⁿ-chàn, chóng-sī bô thiāu, chhin-chhiūⁿ hiah ê īⁿ ê thiāu; só͘-í i ê téng-chàn pí toē-pîⁿ ê ē-chàn, tiong-chàn khah oe̍h. 因為伊有三層，總是無柱， 親像hiah-ê院ê柱； 所以伊ê頂層 比地平ê下層、中層khah狹。

8 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 7 chat 第七節
Koh tī goā-bīn ê pâng ê piⁿ-thâu, ǹg hit ê pâng ê thâu-chêng ê goā-īⁿ, tn̂g gō͘-cha̍p tiú. Koh tī外面ê房ê邊頭， ǹg hit-ê房ê頭前ê外院， 長五十肘。

9 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 8 chat 第八節
In-ūi goā-īⁿ chiah ê pâng, tn̂g gō͘-cha̍p tiú; khoàⁿ ah, tiān ê thâu-chêng ū chi̍t-pah tiú. 因為外院chiah-ê房， 長五十肘；看ah， 殿 ê頭前有一百肘。

10 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 9 chat 第九節
Tī pâng ê ē-bīn, tùi tang-pêng ū ji̍p-khì ê só͘-chāi; chiū-sī lâng tùi goā-īⁿ oē ji̍p-khì hia. Tī房ê下面， tùi東pêng有入去ê所在； 就是人tùi外院oē入去hia。

11 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 10 chat 第十節
Ǹg-lâm tī īⁿ ê chhiûⁿ ê khoah, tī keh-khui ê só͘-chāi tùi-bīn, iā tī chhù-the̍h ê tùi-bīn, ū hiah ê pâng; Ǹg南tī院ê牆ê闊， tī隔開ê所在對面， 也tī厝宅ê對面，有hiah-ê房；

12 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 11 chat 第十一節
i ê thâu-chêng ū lō͘, in chhin-chhiūⁿ ǹg-pak ê pâng ê khoán-sit; tn̂g khoah lóng saⁿ-tâng; chhut-ji̍p ê só͘-chāi, lóng chiàu in ê khoán-sit, iā chiàu in ê mn̂g. 伊ê頭前有路， in親像ǹg北ê房ê款式； 長闊lóng相同；出入ê所在， lóng照in ê款式，也照in ê門。

13 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 12 chat 第十二節
Chiàu ǹg-lâm hiah ê pâng ê mn̂g, tī lō͘ ê thâu ū mn̂g, chiū-sī tang--sì ê chhiûⁿ bīn-chêng ê lō͘, tī ji̍p-khì ê só͘-chāi. 照ǹg南hiah-ê房ê門， Tī路ê頭有門， 就是東勢ê牆面前ê路， tī入去ê所在。

14 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 13 chat 第十三節
I kā goá kóng, Keh-khui ê só͘-chāi ê thâu-chêng, chiah ê pak--sì ê pâng, lâm--sì ê pâng, lóng sī sèng ê pâng; chhin-kūn Iâ-hô-hoa ê chè-si beh tī-hia chia̍h chì-sèng ê mi̍h; iā ēng chì-sèng ê mi̍h, chiū-sī sò͘-chè, sio̍k-choē-chè, pó͘-kè-sit ê chè, hē tī hit só͘-chāi, in-ūi chit só͘-chāi sī sèng. 伊kā我講，隔開ê所在ê頭前， chiah-ê北勢ê房，南勢ê房，lóng是聖ê房； 親近耶和華ê祭司beh tī-hia食至聖ê物； 也用至聖ê物，就是素祭、贖罪祭、 補過失ê祭，hē tī hit所在， 因為chit所在是聖。

15 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 14 chat 第十四節
Chè-si ji̍p-khì ê sî, chiū m̄-thang tùi sèng-só͘ chhut-lâi kàu goā-īⁿ; tio̍h tī-hia pàng-hē in kiâⁿ chit-hūn ê sî só͘ chhēng ê saⁿ; in-ūi he sī sèng; tio̍h oāⁿ in ê saⁿ, chiah thang kàu sio̍k tī peh-sìⁿ--ê. 祭司入去ê時， 就m̄-thang tùi聖所出來到外院； tio̍h tī-hia放下in行職份ê時所穿ê衫； 因為he是聖；tio̍h換in ê衫， chiah thang到屬tī百姓ê。

16 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 15 chat 第十五節
I niû lāi-chhù bêng-pe̍k, chiū chhoā goá chhut ǹg-tang ê mn̂g, niû i ê sì-ûi. 伊量內厝明白， 就chhoā我出ǹg東ê門， 量伊ê四圍。

17 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 16 chat 第十六節
I ēng ko-chhioh niû tang-hng, chiū-sī ēng ko-chhioh niû i ê sì-ûi, gō͘-pah ko-chhioh. 伊用篙尺量東方， 就是用篙尺量伊ê四圍， 五百篙尺。

18 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 17 chat 第十七節
I ēng ko-chhioh niû pak-hng, niû i ê sì-ûi, gō͘-pah ko-chhioh. 伊用篙尺量北方， 量伊ê四圍， 五百篙尺。

19 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 18 chat 第十八節
I ēng ko-chhioh niû lâm-hng gō͘-pah ko-chhioh. 伊用篙尺量南方 五百篙尺。

20 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 19 chat 第十九節
I oa̍t kàu sai-hng ēng ko-chhioh niû--i, gō͘-pah ko-chhioh. 伊oa̍t到西方 用篙尺量伊， 五百篙尺。

21 Í-se-kiat-su《以西結書》 Ezekiel Tē sì-cha̍p-jī chiuⁿ 第四十二章 Tē 20 chat 第二十節
I niû i ê sì-hng, sì-ûi ū chhiûⁿ, tn̂g gō͘-pah, khoah gō͘-pah, lâi hun-piat sèng--ê kap pêng-siông--ê. 伊量伊ê四方，四圍有牆， 長五百，闊五百， 來分別聖ê kap平常ê。