Kū-iok Í-se-kiat-su Tē 25 chiuⁿ

Presentation on theme: "Kū-iok Í-se-kiat-su Tē 25 chiuⁿ"— Presentation transcript:

1 Kū-iok Í-se-kiat-su Tē 25 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-se-kiat-su Tē 25 chiuⁿ 舊約 《以西結書》 第二十五章 Ezekiel

2 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 1 chat 第一節
Iâ-hô-hoa ê oē lîm-kàu goá kóng, 耶和華ê話 臨到我講，

3 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 2 chat 第二節
Jîn-chú ah, lí tio̍h bīn ǹg A-bûn cho̍k, soan-thoân kong-kek in, kóng, Lín tio̍h thiaⁿ Chú Iâ-hô-hoa ê oē; 人子ah，你tio̍h面ǹg A-bûn族， 宣傳攻擊in，講， Lín tio̍h聽主耶和華ê話；

4 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 3 chat 第三節
Chú Iâ-hô-hoa án-ni kóng, Goá ê sèng-só͘ siū phah lâ-sâm, Í-sek-lia̍t toē tú-tio̍h pha-hng, Iû-tāi-ke hō͘ lâng lia̍h; hit-sî lí in-ūi chiah ê sū, ēng oē kong-kek in kóng, Hō͘--chāi! 主耶和華án-ni講，我ê聖所 受phah lâ-sâm，以色列地tú-tio̍h拋荒， 猶大家hō͘人掠；hit時你因為chiah-ê事， 用話攻擊in講，呼哉！

5 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 4 chat 第四節
Khoàⁿ ah, só͘-í Goá beh chiong lí kau hō͘ tang-hng ê lâng choè-gia̍p; in beh tī lí ê só͘-chāi chat-iâⁿ khiā-khí, chia̍h lí ê ké-chí, lim lí ê leng. 看ah，所以我beh將你 交hō͘東方ê人做業； in beh tī你ê所在紮營khiā起， 食你ê果子，lim你ê乳。

6 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 5 chat 第五節
Goá beh hō͘ La̍h-pa choè lo̍k-tô ê tiâu, hō͘ A-bûn cho̍k ê toē choè iûⁿ-kûn tó ê só͘-chāi; lín chiū chai Goá sī Iâ-hô-hoa. 我beh hō͘ La̍h-pa做駱駝ê寮， hō͘ A-bûn族ê地 做羊群倒ê所在； lín就知我是耶和華。

7 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 6 chat 第六節
Chú Iâ-hô-hoa án-ni kóng, In-ūi lí tah-chhiú tǹg-kha, moá-sim biáu-sī, ǹg Í-sek-lia̍t toē hoaⁿ-hí; 主耶和華án-ni講， 因為你搭手頓腳， 滿心藐視， ǹg以色列地歡喜；

8 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 7 chat 第七節
khoàⁿ ah, só͘-í Goá chhun Goá ê chhiú kong-kek lí, chiong lí kau hō͘ lia̍t-kok chhiúⁿ--khì; Goá beh tùi lia̍t-pang-tiong chián-tû lí, hō͘ lí tī bān-kok-tiong pāi-bô; Goá beh tû-bia̍t lí; lí chiū chai Goá sī Iâ-hô-hoa. 看ah，所以我伸我ê手攻擊你， 將你交hō͘列國搶去； 我beh tùi列邦中剪除你， hō͘你tī萬國中敗無；我beh除滅你； 你就知我是耶和華。

9 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 8 chat 第八節
Chú Iâ-hô-hoa án-ni kóng, In-ūi Mô͘-ap kap Se-jíⁿ ū teh kóng, Khoàⁿ ah, Iû-tāi-ke kap chèng-kok bô koh-iūⁿ; 主耶和華án-ni講， 因為Mô͘-ap kap Se-jíⁿ有teh講， 看ah，猶大家kap眾國無各樣；

10 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 9 chat 第九節
khoàⁿ ah, in-ūi án-ni, Goá beh khui Mô͘-ap ê pian-kài tùi chiah ê siâⁿ, tùi i pian-kài chiah ê siâⁿ, choè i pún-kok ê êng-kng--ê, chiū-sī Pek-iâ-se-boa̍t, Pa-le̍k-bián, Ki-lia̍t-têng, 看ah，因為án-ni，我beh 開 Mô͘-ap ê邊界tùi chiah-ê城， tùi伊邊界chiah-ê城， 做伊本國ê榮光ê，就是 Pek-iâ-se-boa̍t，Pa-le̍k-bián，Ki-lia̍t-têng，

11 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 10 chat 第十節
hō͘ i kap A-bûn cho̍k lóng kau tī tang-hng ê peh-sìⁿ choè-gia̍p, hō͘ A-bûn cho̍k bô koh siū kì-liām tī lia̍t-pang-tiong. Hō͘伊kap A-bûn族lóng 交tī東方ê百姓做業， hō͘ A-bûn族無koh受記念 tī列邦中。

12 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 11 chat 第十一節
Goá iā beh sím-phoàⁿ Mô͘-ap; in chiū chai Goá sī Iâ-hô-hoa. 我也beh審判Mô͘-ap； in就知我是耶和華。

13 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 12 chat 第十二節
Chú Iâ-hô-hoa án-ni kóng, In-ūi Í-tong ê só͘-kiâⁿ, chiū-sī kong-kek Iû-tāi-ke lâi pò-siû, tùi in ê pò-siû lâi hoān tāng-choē; 主耶和華án-ni講， 因為Í-tong ê所行， 就是攻擊猶大家來報仇， tùi in ê報仇來犯重罪；

14 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 13 chat 第十三節
só͘-í Chú Iâ-hô-hoa án-ni kóng, Goá beh chhun Goá ê chhiú kong-kek Í-tong, chián-tû in hia ê lâng kap cheng-siⁿ; hō͘ i pha-hng tùi Thê-bān; kàu Tí-tàn lâng lóng sí tī to-ē. 所以主耶和華án-ni講， 我beh伸我ê手攻擊Í-tong， 剪除in hia ê人kap cheng-siⁿ； hō͘伊拋荒tùi Thê-bān； 到Tí-tàn人lóng死tī刀下。

15 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 14 chat 第十四節
Koh Goá beh ēng Goá ê peh-sìⁿ Í-sek-lia̍t ê chhiú, lâi pò Goá ê kiû-siû tī Í-tong; in beh chiàu Goá ê siū-khì, chiàu Goá ê toā siū-khì, lâi kiâⁿ tī Í-tong; chiū in beh chai Goá ê pò-siû; che sī Chú Iâ-hô-hoa kóng--ê. Koh我beh用我ê百姓以色列ê手， 來報我ê仇讎tī Í-tong；in beh 照我ê受氣，照我ê大受氣， 來行tī Í-tong；就in beh知我ê報仇； 這是主耶和華講ê。

16 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 15 chat 第十五節
Chú Iâ-hô-hoa án-ni kóng, In-ūi Hui-lī-sū lâng kiâⁿ pò-siû, chûn-sim biáu-sī lâi pò-siû, kiat sí-oàn beh châu-bia̍t--in; 主耶和華án-ni講， 因為腓利士人行報仇， 存心藐視來報仇， 結死怨beh剿滅in；

17 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 16 chat 第十六節
só͘-í Chú Iâ-hô-hoa án-ni kóng, Khoàⁿ ah, Goá beh chhun Goá ê chhiú kong-kek Hui-lī-sū lâng; Goá beh chián-tû Ki-thê lâng, bia̍t-bô iân-hái só͘ chhun ê peh-sìⁿ. 所以主耶和華án-ni講， 看ah，我beh伸我ê手 攻擊腓利士人； 我beh剪除Ki-thê人， 滅無沿海所chhun ê百姓。

18 Í-se-kiat-su《以西結書》 Ezekiel Tē jī-cha̍p-gō͘ chiuⁿ 第二十五章 Tē 17 chat 第十七節
Goá beh ēng toā siū-khì ê chek-hoa̍t, tùi in kiâⁿ toā ê pò-siû; Goá tùi in pò-siû ê sî, in chiū chai Goá sī Iâ-hô-hoa. 我beh用大受氣ê責罰， tùi in行大ê報仇； 我tùi in報仇ê時， in就知我是耶和華。