Kū-iok Iok-su-a Kì Tē saⁿ chiuⁿ

Presentation on theme: "Kū-iok Iok-su-a Kì Tē saⁿ chiuⁿ"— Presentation transcript:

1 Kū-iok Iok-su-a Kì Tē saⁿ chiuⁿ
Pa-khek-lé Siu-tèng-pán Sèng-keng 巴克禮修訂版聖經 舊約 《約書亞記》 第三章 Kū-iok Iok-su-a Kì Tē saⁿ chiuⁿ JOSHUA

2 Iok-su-a 《約書亞記》 Joshua Tē saⁿ chiuⁿ 第三章 Tē 1 chat 第一節
Thiⁿ-kng Iok-su-a thàu-chá khí-lâi, kap Í-sek-lia̍t chèng lâng lóng lī-khui Si̍p-têng, lâi kàu Iok-tàn; iáu-bē kè-khì, chiū hioh tī-hia, thèng-hāu kè-hô. 天光約書亞透早起來， kap以色列眾人lóng離開Si̍p-têng， 來到約旦；iáu未過去， 就歇tī-hia，thèng候過河。

3 Iok-su-a 《約書亞記》 Joshua Tē saⁿ chiuⁿ 第三章 Tē 2 chat 第二節
Kè saⁿ-ji̍t, koaⁿ-tiúⁿ piàn-kiâⁿ iâⁿ-tiong; 過三日， 官長遍行營中；

4 Iok-su-a 《約書亞記》 Joshua Tē saⁿ chiuⁿ 第三章 Tē 3 chat 第三節
bēng-lēng peh-sìⁿ kóng, Lín khoàⁿ-kìⁿ Iâ-hô-hoa lín Siōng-tè ê iok-kūi, koh khoàⁿ-kìⁿ chè-si Lī-bī lâng kng i ê sî, tio̍h lī-khui lín ê só͘-chāi, lâi tè in ê āu-bīn. 命令百姓講：Lín看見 耶和華lín上帝ê約櫃， koh看見祭司利未人扛伊ê時， tio̍h離開lín ê所在，來tè in ê後面。

5 Iok-su-a 《約書亞記》 Joshua Tē saⁿ chiuⁿ 第三章 Tē 4 chat 第四節
Chóng-sī lín kap iok-kūi saⁿ-lī, iok-lio̍k tio̍h niû nn̄g-chheng tiú ê hn̄g; m̄-thang pek-kūn i, hō͘ lín chai só͘ tio̍h kiâⁿ ê lō͘; in-ūi lín pêng-sî m̄-bat kiâⁿ chit tiâu lō͘. 總是lín kap約櫃相離，約略tio̍h量 兩千肘ê遠；m̄-thang 逼近伊， hō͘ lín知所tio̍h行ê路；因為lín平時 m̄-bat行chit條路。

6 Iok-su-a 《約書亞記》 Joshua Tē saⁿ chiuⁿ 第三章 Tē 5 chat 第五節
Iok-su-a tùi peh-sìⁿ kóng, Lín tio̍h ka-kī sèng-kiat, in-ūi bîn-á-ji̍t Iâ-hô-hoa beh tī lín tiong-kan kiâⁿ kî-sū. 約書亞對百姓講： Lín tio̍h家己聖潔，因為明á日 耶和華beh tī lín中間行奇事。

7 Iok-su-a 《約書亞記》 Joshua Tē saⁿ chiuⁿ 第三章 Tē 6 chat 第六節
Iok-su-a koh hoan-hù chè-si kóng, Lín kng iok-kūi khí-lâi, tī peh-sìⁿ ê thâu-chêng kiâⁿ; in chiū kng iok-kūi khí-lâi, kiâⁿ tī peh-sìⁿ ê thâu-chêng. 約書亞koh吩咐祭司講： Lín扛約櫃起來，tī百姓ê 頭前行；in就扛約櫃起來， 行tī百姓ê頭前。

8 Iok-su-a 《約書亞記》 Joshua Tē saⁿ chiuⁿ 第三章 Tē 7 chat 第七節
Iâ-hô-hoa tùi Iok-su-a kóng, Tùi kin-á-ji̍t khí, Goá beh hō͘ lí tī Í-sek-lia̍t chèng-lâng ê ba̍k-chiu-chêng choè-toā, hō͘ in chai Goá kap lí tī-teh, chhin-chhiūⁿ chêng kap Mô͘-se tī-teh chi̍t-iūⁿ. 耶和華對約書亞講：Tùi今á日起， 我beh hō͘你tī以色列眾人ê目睭前 做大，hō͘ in知我kap你tī-teh， 親像前kap摩西tī-teh一樣。

9 Iok-su-a 《約書亞記》 Joshua Tē saⁿ chiuⁿ 第三章 Tē 8 chat 第八節
Lí tio̍h hoan-hù kng iok-kūi ê chè-si kóng, Lín kàu Iok-tàn chúi-piⁿ ê sî, tio̍h thêng-kha tī Iok-tàn. 你tio̍h吩咐扛約櫃ê 祭司講：Lín到約旦水邊 ê時，tio̍h停腳tī約旦。

10 Iok-su-a 《約書亞記》 Joshua Tē saⁿ chiuⁿ 第三章 Tē 9 chat 第九節
Iok-su-a tùi Í-sek-lia̍t lâng kóng, Lín kūn-chêng lâi, thiaⁿ Iâ-hô-hoa lín Siōng-tè ê oē. 約書亞對以色列人講： Lín近前來，聽耶和華 lín上帝ê話。

11 Iok-su-a 《約書亞記》 Joshua Tē saⁿ chiuⁿ 第三章 Tē 10 chat 第十節
Iok-su-a koh kóng, Tùi án-ni, lín thang chai oa̍h ê Siōng-tè tī lín tiong-kan, beh tī lín ê thâu-chêng koáⁿ-tio̍k Ka-lâm lâng, Hek lâng, Hi-bī lâng, Pí-lī-sé lâng, Kek-ka-sat lâng, A-mô͘-lī lâng, Iâ-pò͘-su lâng. 約書亞koh講：Tùi án-ni，lín thang知活ê上帝 tī lín中間，beh tī lín ê頭前趕逐 迦南人，Hek人、Hi-bī人、Pí-lī-sé人、 Kek-ka-sat人、A-mô͘-lī人、Iâ-pò͘-su人。

12 Iok-su-a 《約書亞記》 Joshua Tē saⁿ chiuⁿ 第三章 Tē 11 chat 第十一節
Khoàⁿ ah, phó͘-thiⁿ-ē ê Chú-cháiⁿ ê iok-kūi beh tī lín ê thâu-chêng kè-khì, ji̍p Iok-tàn. 看ah，普天下ê主宰ê 約櫃beh tī lín ê頭前 過去，入約旦。

13 Iok-su-a 《約書亞記》 Joshua Tē saⁿ chiuⁿ 第三章 Tē 12 chat 第十二節
Lín taⁿ tio̍h tùi Í-sek-lia̍t chi-phài-tiong kéng cha̍p-jī lâng, múi chi-phài chi̍t ê lâng; Lín taⁿ tio̍h tùi以色列 支派中揀十二人， 每支派一個人；

14 Iok-su-a 《約書亞記》 Joshua Tē saⁿ chiuⁿ 第三章 Tē 13 chat 第十三節
kàu kng phó͘-thiⁿ-ē ê Chú Iâ-hô-hoa ê iok-kūi ê chè-si, in ê kha khiā tī Iok-tàn hô ê chúi, Iok-tàn hô ê chúi, chiū-sī tùi téng-bīn lâu-lo̍h-lâi ê chúi, beh chia̍t-tn̄g, khiā-khí-lâi kui-tui. 到扛普天下ê主耶和華ê約櫃ê 祭司，in ê腳khiā tī約旦河ê水， 約旦河ê水，就是tùi頂面流落來 ê水，beh截斷，khiā起來kui堆。

15 Iok-su-a 《約書亞記 》 Joshua Tē saⁿ chiuⁿ 第三章 Tē 14 chat 第十四節
Peh-sìⁿ lī-khui pò͘-pîⁿ, beh kè Iok-tàn ê sî, chè-si chiū kng iok-kūi tī peh-sìⁿ ê thâu-chêng. 百姓離開布棚，beh過約旦 ê時，祭司就扛約櫃tī 百姓ê頭前。

16 Iok-su-a 《約書亞記》 Joshua Tē saⁿ chiuⁿ 第三章 Tē 15 chat 第十五節
Tī siu-sêng ê sî, Iok-tàn ê chúi siông-siông poâⁿ-kè i ê hoāⁿ. Kng iok-kūi-ê kàu Iok-tàn, kng iok-kūi ê chè-si, Tī收成ê時，約旦ê水 常常poâⁿ過伊ê岸。 扛約櫃ê到約旦， 扛約櫃ê祭司，

17 Iok-su-a 《約書亞記》 Joshua Tē saⁿ chiuⁿ 第三章 Tē 1 6chat 第十六節
kha chi̍t-ē ùn-tio̍h chúi, hit-ê tùi téng-bīn lâu-lo̍h-lâi ê chúi, chiū khiā-khí-lâi kui-tui, saⁿ-lī chin-hn̄g, tī Sat-la̍h-tàn piⁿ-thâu ê A-tong siâⁿ; hit ê lâu tī A-la̍h-pa hái, chiū-sī Iâm-hái, hiah ê chúi choân-jiân chia̍t-tn̄g; peh-sìⁿ chiū tī Iâ-lī-ko ê tùi-bīn kè-khì. 腳一下ùn-tio̍h水，hit-ê tùi頂面流落來 ê水，就khiā起來kui堆，相離真遠， tī Sat-la̍h-tàn邊頭ê亞當城；hit-ê流tī A-la̍h-pa海，就是鹽海，hiah-ê水全然 截斷；百姓就tī耶利哥ê對面過去。

18 Iok-su-a 《約書亞記》 Joshua Tē saⁿ chiuⁿ 第三章 Tē 1 7chat 第十七節
Kng Iâ-hô-hoa iok-kūi ê chè-si tī Iok-tàn ê ta-toē tiāⁿ-tiāⁿ khiā-teh; Í-sek-lia̍t chèng-lâng lóng tùi ta-toē kè-khì, ti̍t-kàu peh-sìⁿ it-chīn kè Iok-tàn. 扛耶和華約櫃ê祭司tī約旦ê乾地 定定khiā-teh；以色列眾人lóng tùi 乾地過去，直到百姓一盡過約旦。