Kū-iok Sat-ka-lī-a-su Tē 4 chiuⁿ

Presentation on theme: "Kū-iok Sat-ka-lī-a-su Tē 4 chiuⁿ"— Presentation transcript:

1 Kū-iok Sat-ka-lī-a-su Tē 4 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Sat-ka-lī-a-su Tē 4 chiuⁿ 舊約 《撒迦利亞書》 第四章 Zechariah

2 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 1 chat 第一節
Hit-ê kap goá kóng-oē ê sù-chiá koh lâi kiò goá chhíⁿ, chhin-chhiūⁿ lâng teh khùn siū kiò-chhíⁿ chi̍t-iūⁿ. Hit-ê kap我講話ê使者 koh來叫我醒， 親像人teh睏 受叫醒一樣。

3 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 2 chat 第二節
I kā goá kóng, Lí khoàⁿ-kìⁿ sím-mi̍h? Goá kóng, Goá khoàⁿ-kìⁿ, khoàⁿ ah, ū chi̍t ê teng-tâi, sī kui-ki ēng kim choè--ê, téng-bīn ū chi̍t-ê iû-kūi, teng-tâi téng ū chhit choáⁿ teng; téng-bīn ê teng-choáⁿ, ū chhit-tiâu-kńg; 伊kā我講，你看見甚麼？ 我講，我看見，看ah，有一個燈台， 是kui支用金做ê，頂面有一個油櫃， 燈台頂有七盞燈； 頂面ê燈盞，有七條管；

4 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 3 chat 第三節
koh ū nn̄g-châng ê kaⁿ-ná-chhiū, chi̍t-châng tī iû-kūi ê chiàⁿ-pêng, chi̍t-châng tī iû-kūi ê tò-pêng. koh有兩叢ê橄欖樹， 一叢tī油櫃ê chiàⁿ-pêng， 一叢tī油櫃ê tò-pêng。

5 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 4 chat 第四節
Goá mn̄g kap goá kóng-oē ê sù-chiá kóng, Goá ê chú ah, chiah-ê sī sím-mi̍h? 我問kap我講話ê使者 講，我ê主ah， chiah-ê是甚麼？

6 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 5 chat 第五節
Kap goá kóng-oē ê sù-chiá ìn goá kóng, Lí m̄-chai chiah-ê sī sím-mi̍h mah? Goá kóng, Goá ê chú ah, goá m̄-chai. Kap我講話ê使者應我講， 你m̄知chiah-ê是甚麼mah？ 我講，我ê主ah，我m̄知。

7 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 6 chat 第六節
I ìn goá kóng, Che sī Iâ-hô-hoa hoan-hù Só͘-lô-pa-pek ê oē kóng, M̄-sī ēng koân-sè, m̄-sī ēng lêng-le̍k, chiū-sī ēng Goá ê Sîn; che sī bān-kun ê Iâ-hô-hoa kóng--ê. 伊應我講，這是耶和華吩咐 Só͘-lô-pa-pek ê話講，M̄是用權勢， m̄是用能力，就是用我ê神； 這是萬軍ê耶和華講ê。

8 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 7 chat 第七節
Toā-soaⁿ ah, lí sī sím-mi̍h? tī Só͘-lô-pa-pek ê bīn-chêng, lí beh chiâⁿ-choè pîⁿ-toē; i beh hō͘ chhù-kak-thâu ê chio̍h chhut-lâi, koh ū toā hoaⁿ-hí ê siaⁿ kiò kóng, Un-hūi, un-hūi kui i. 大山ah，你是甚麼？ tī Só͘-lô-pa-pek ê面前，你beh成做平地； 伊beh hō͘厝角頭ê石出來， koh有大歡喜ê聲叫講， 恩惠，恩惠歸伊。

9 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 8 chat 第八節
Iâ-hô-hoa ê oē koh lîm-kàu goá kóng, 耶和華ê話 koh臨到我講，

10 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 9 chat 第九節
Só͘-lô-pa-pek ê chhiú ū hē chit keng tiān ê toē-ki, i ê chhiú ia̍h beh oân chit ê kang; lí chiū chai bān-kun ê Iâ-hô-hoa chhe goá kàu lín chia. Só͘-lô-pa-pek ê手有hē chit間殿ê地基， 伊ê手亦beh完chit-ê工； 你就知萬軍ê耶和華 差我到lín chia。

11 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 10 chat 第十節
Chī-chūi khoàⁿ-khin chit ê sió-khoá sū ê ji̍t ah? Chí(Chit) chhit-ê, sī Iâ-hô-hoa ê ba̍k-chiu, óng-lâi tī choân-toē, khoàⁿ-kìⁿ Só͘-lô-pa-pek ê chhiú the̍h chîn-soàⁿ, chiū hoaⁿ-hí. Chī-chūi看輕chit-ê小khoá事ê日ah？ Chit七個，是耶和華ê目睭， 往來tī全地，看見 Só͘-lô-pa-pek ê手the̍h繩線，就歡喜。

12 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 11 chat 第十一節
Goá koh mn̄g i kóng, Chit ê teng-tâi chó-iū nn̄g châng kaⁿ-ná-chhiū sī sím-mi̍h ì-sù? 我koh問伊講， chit-ê燈台左右 兩叢橄欖樹是甚麼意思？

13 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 12 chat 第十二節
Goá koh mn̄g i kóng, Kaⁿ-ná-chhiū ê nn̄g-ki, tùi nn̄g-tiâu kim ê kńg lâu-chhut kim-iû, sī sím-mi̍h ì-sù? 我koh問伊講， 橄欖樹ê兩支， tùi兩條金ê管流出金油， 是甚麼意思？

14 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 13 chat 第十三節
I ìn goá kóng, Lí m̄-chai chiah-ê sī sím-mi̍h ì-sù mah? Goá kóng, Goá ê chú ah, goá m̄-chai. 伊應我講， 你m̄知chiah-ê是甚麼意思mah？ 我講，我ê主ah，我m̄知。

15 Sat-ka-lī-a-su 《撒迦利亞書》 Zechariah Tē sì chiuⁿ 第四章 Tē 14 chat 第十四節
I kóng, Che sī nn̄g ê siū-boah-iû--ê, khiā tī phó͘ thiⁿ-ē ê Chú ê piⁿ-á. 伊講， 這是兩個受抹油ê， khiā tī普天下ê主ê邊á。