Pa-khek-lé Siu-tèng-pán Sèng-keng 巴克禮修訂版聖經

Presentation on theme: "Pa-khek-lé Siu-tèng-pán Sèng-keng 巴克禮修訂版聖經"— Presentation transcript:

1 Pa-khek-lé Siu-tèng-pán Sèng-keng 巴克禮修訂版聖經
舊約 《申命記》 第三十章 Kū-iok Sin-bēng͘-kì Tē 30 chiuⁿ Deuteronomy

2 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 1 chat 第一節
Chiah ê tāi-chì, chiū-sī góa só͘ pâi-lia̍t tī lí ê bīn-chêng ê chiok-hok kap chiù-chó͘, chiong-lâi kàu tī lí, lí tī Iâ-hô-hoa lí Siōng-tè só͘ kóaⁿ lí kàu ê lia̍t-kok-tiong, Chiah-ê tāi-chì，就是我所排列tī 你ê面前ê祝福kap咒詛， 將來到tī你，你tī耶和華你上帝 所趕你到ê列國中，

3 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 2 chat 第二節
lí ê sim kì-tit i, lí kap lí ê kiáⁿ-sun nā chīn-sim chīn-sèng kui-ǹg Iâ-hô-hoa lí ê Siōng-tè, thiaⁿ-thàn I ê ōe, chiàu góa kin-á-ji̍t it-chhè só͘ bēng-lēng lí ê; 你ê心記得伊，你kap你ê kiáⁿ孫 若盡心盡性歸向耶和華你ê 上帝，聽thàn伊ê話，照我 今á日一切所命令你ê；

4 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 3 chat 第三節
chiū Iâ-hô-hoa lí ê Siōng-tè beh hō͘ lí siū-lia̍h ê lâng tò-tńg-lâi, beh lîn-bín lí, beh tò-tńg-lâi chū-chi̍p lí tùi Iâ-hô-hoa lí Siōng-tè só͘ sì-sòaⁿ lí kàu ê lia̍t-kok lâi. 就耶和華你ê上帝beh hō͘你受掠 ê人tò-tńg來，beh憐憫你，beh tò-tńg來 聚集你tùi耶和華你上帝 所四散你到ê列國來。

5 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 4 chat 第四節
Lí siū kóaⁿ-tio̍k ê, nā ū tī thiⁿ-piⁿ ê, Iâ-hô-hoa lí ê Siōng-tè iā beh tùi hia chū-chi̍p lí, tòa lí tùi hia tò-lâi. 你受趕逐ê，若有tī天邊ê， 耶和華你ê上帝也beh tùi hia 聚集你，帶你tùi hia tò來。

6 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 5 chat 第五節
Iâ-hô-hoa lí ê Siōng-tè beh chhōa lí ji̍p lí ê lia̍t-chó͘ só͘ sêng-chiap ê tōe, lí iā sêng-chiap i; I iā beh hó khoán-thāi lí, hō͘ lí ê lâng-gia̍h ke-thiⁿ pí lí ê lia̍t-chó͘ khah-chōe. 耶和華你ê上帝beh chhōa你 入你ê列祖所承接ê地， 你也承接伊；伊也beh好款待你， hō͘你ê人額加添比你ê列祖khah-chōe。

7 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 6 chat 第六節
Iâ-hô-hoa lí ê Siōng-tè beh tī lí ê sim, kap lí ê hō͘-è ê sim, kiâⁿ kat-lé, hō͘ lí chīn-sim chīn-sèng thiàⁿ Iâ-hô-hoa lí ê Siōng-tè, hō͘ lí thang tit-tio̍h oa̍h. 耶和華你ê上帝beh tī你ê心， kap你ê後裔ê心，行割禮，hō͘你盡心 盡性疼耶和華你ê上帝， hō͘你thang得tio̍h活。

8 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 7 chat 第七節
Iâ-hô-hoa lí ê Siōng-tè beh chiong che it-chhè ê chiù-chó͘ hē tī lí ê tùi-te̍k, kap oàn-hūn lí khún-pek lí ê lâng ê sin-chiūⁿ; 耶和華你ê上帝beh將這 一切ê咒詛hē tī你ê對敵， kap怨恨你窘迫 你ê人ê身上；

9 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 8 chat 第八節
lí beh tò-tńg thiaⁿ-thàn Iâ-hô-hoa ê ōe, kiâⁿ I it-chhè ê kài-bēng, chiū-sī góa kin-á-ji̍t só͘ bēng-lēng lí ê. 你beh tò-tńg聽thàn耶和華ê話， 行祂一切ê誡命， 就是我今á日所命令你ê。

10 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 9 chat 第九節
Lí nā thiaⁿ-thàn Iâ-hô-hoa lí Siōng-tè ê ōe, chip-siú chit ê lu̍t-hoat só͘ kì ê kài-bēng lu̍t-lē, koh chīn-sim chīn-sèng kui-ǹg Iâ-hô-hoa lí ê Siōng-tè, Iâ-hô-hoa lí ê Siōng-tè beh hō͘ lí ê chhiú só͘ chòe it-chhè ê sū, kap lí ê seng-khu só͘-siⁿ-ê, cheng-siⁿ só͘-chhut-ê, thó͘-tōe só͘-chhut-ê, chhiong-chiok ū chhun; in-ūi Iâ-hô-hoa beh koh hoaⁿ-hí lí, sù-hok lí, chhin-chhiūⁿ chêng hoaⁿ-hí lí ê lia̍t-chó͘ chi̍t-iūⁿ. 你若聽thàn耶和華你上帝ê話，執守chit-ê律法所 記ê誡命律例，koh盡心盡性歸向耶和華你ê上帝， 耶和華你ê上帝beh hō͘你ê手所做一切ê事， kap你ê身軀所生ê，cheng-siⁿ所出ê，土地所出ê， 充足有chhun；因為耶和華beh koh歡喜你，賜福你， 親像前歡喜你ê列祖一樣。

11 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 9 chat 第九節
(Ha̍p-pēng tī téng-chat) (合併tī頂節）

12 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 11 chat 第十一節
In-ūi góa kin-á-ji̍t só͘ bēng-lēng lí ê kài-bēng, m̄-sī lí só͘ chòe-bōe-kàu-ê, iā bô tī hn̄g-hn̄g. 因為我今á日所命令 你ê誡命，m̄是你所做bōe到ê， 也無tī遠遠。

13 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 12 chat 第十二節
M̄-sī tī thiⁿ-ni̍h, tì-kàu lí kóng, Chī-chūi ūi goán chiūⁿ-thiⁿ, tòa-lâi goán chia, hō͘ goán thiaⁿ lâi kiâⁿ i ah? m̄是tī天裡，致到你講， Chī-chūi為阮上天，帶來 阮chia，hō͘阮聽來行伊ah？

14 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 13 chat 第十三節
Iā m̄-sī tī hái-gōa, tì-kàu lí kóng, Chī-chūi ūi goán kè-hái tòa-lâi goán chia, hō͘ goán thiaⁿ lâi kiâⁿ i ah? 也m̄是tī海外，致到你講， Chī-chūi為阮過海帶來阮chia， hō͘阮聽來行伊ah？

15 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 14 chat 第十四節
Chit ê ōe kap lí chin kūn, chiū-sī tī lí ê chhùi tī lí ê sim, hō͘ lí thang lâi kiâⁿ i. Chit-ê話kap你真近， 就是tī你ê嘴tī你ê心， hō͘你thang來行伊。

16 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 15 chat 第十五節
Khòaⁿ ah, góa kin-á-ji̍t ū ēng oa̍h kap hok-khì, sí kap chai-ē, pâi-lia̍t tī lí ê bīn-chêng; 看ah，我今á日有用活 kap福氣，死kap災厄， 排列tī你ê面前；

17 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 16 chat 第十六節
chiū-sī góa kin-á-ji̍t bēng-lēng lí thiàⁿ Iâ-hô-hoa lí ê Siōng-tè, kiâⁿ I ê tō-lō͘, siú I ê kài-bēng, lu̍t-lē, hoat-tō͘, hō͘ lí thang oa̍h-teh, ke-thiⁿ lâng-gia̍h, Iâ-hô-hoa lí Siōng-tè chiū beh tī lí só͘ beh ji̍p-khì sêng-chiap ê tōe sù-hok lí. 就是我今á日命令你疼耶和華 你ê上帝，行祂ê道路，守祂ê誡命、律例、 法度，hō͘你thang活teh，加添人額， 耶和華你上帝就beh tī你所beh 入去承接ê地賜福你。

18 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 17 chat 第十七節
Siat-sú lí ê sim pōe-biū m̄ thiaⁿ-thàn, koh siū iú-he̍k, khì kèng-pài pa̍t ê Siōng-tè ho̍k-sāi i; 設使你ê心悖謬m̄聽thàn， koh受誘惑，去敬拜 別ê上帝服事伊；

19 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 18 chat 第十八節
góa kin-á-ji̍t chiū bêng-bêng kā lín kóng, lín tek-khak beh bia̍t-bô; tī lí kè Iok-tàn ji̍p-khì sêng-chiap ê tōe, lí ê ji̍t-chí bōe-ōe kú-tn̂g. 我今á日就明明kā lín講： lín的確beh滅無；tī你過約旦 入去承接ê地， 你ê日子bōe會久長。

20 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 19 chat 第十九節
Góa kin-á-ji̍t kiò thiⁿ kiò tōe tùi lín chòe kan-chèng, góa ēng siⁿ-sí, chiok-hok chiù-chó͘, pâi-lia̍t tī lí ê bīn-chêng; só͘-í lí tio̍h kéng oa̍h-miā, hō͘ lí kap lí ê hō͘-è lóng ōe oa̍h-teh; 我今á日叫天叫地對lín做干證， 我用生死，祝福咒詛，排列tī 你ê面前；所以你tio̍h揀活命， hō͘你kap你ê後裔lóng會活teh；

21 Sin-bēng-kì《申命記》 Deuteronomy Tē saⁿ-cha̍p chiuⁿ 第三十章 Tē 20 chat 第二十節
lâi thiàⁿ Iâ-hô-hoa lí ê Siōng-tè, thiaⁿ I ê ōe, kiat-liân tī I; in-ūi I sī lí ê oa̍h-miā, lí ê ji̍t-chí kú-tn̂g iā chāi tī I; hō͘ lí thang khiā-khí tī Iâ-hô-hoa tùi lí ê lia̍t-chó͘ A-pek-la̍h-hán, Í-sat, Ngá-kok, chiù-chōa só͘ beh siúⁿ-sù in ê tōe. 來疼耶和華你ê上帝，聽祂ê話，結聯tī祂； 因為祂是你ê活命，你ê日子久長也在tī祂；hō͘你 thang khiā起tī耶和華對你ê列祖亞伯拉罕、 以撒、雅各，chiù-chōa所beh賞賜in ê地。