Kū-iok Sat-bó-jíⁿ Kì (I) Tē 19 chiuⁿ

Presentation on theme: "Kū-iok Sat-bó-jíⁿ Kì (I) Tē 19 chiuⁿ"— Presentation transcript:

1 Kū-iok Sat-bó-jíⁿ Kì (I) Tē 19 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Sat-bó-jíⁿ Kì (I) Tē 19 chiuⁿ 舊約 《撒母耳記上》 第十九章 I Samuel

2 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 1 chat 第一節
Sò-lô tùi i ê kiáⁿ Iok-ná-tan kap chèng jîn-sîn kóng, Tio̍h thâi-sí Tāi-pi̍t; chóng-sī Sò-lô ê kiáⁿ Iok-ná-tan put-chí hoaⁿ-hí Tāi-pi̍t. 掃羅對伊ê kiáⁿ約拿單kap眾人臣 講，Tio̍h thâi死大衛； 總是掃羅ê kiáⁿ約拿單 不止歡喜大衛。

3 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 2 chat 第二節
Iok-ná-tan kā Tāi-pi̍t kóng, Goá ê lāu-pē Sò-lô siūⁿ beh thâi lí; só͘-í bîn-á-chá-khí lí tio̍h sió-sim, kàu chi̍t-ê phian-phiah ê só͘-chāi, ka-kī bih. 約拿單kā大衛講， 我ê老父掃羅想beh thâi你； 所以明á早起你tio̍h小心， 到一個偏僻ê所在，家己bih。

4 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 3 chat 第三節
Goá beh khì lí só͘ bih ê chhân, khiā tī goá ê lāu-pē sin-piⁿ; goá kap goá ê lāu-pē gī-lūn lí ê sū, goá só͘ khoàⁿ-kìⁿ ê goá beh kā lí kóng. 我beh去你所bih ê田， khiā tī我ê老父身邊； 我kap我ê老父議論你ê事， 我所看見ê我beh kā你講。

5 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 4 chat 第四節
Iok-ná-tan tùi i ê lāu-pē Sò-lô lūn Tāi-pi̍t, thoè i kóng hó-oē, kóng, Ông m̄-thang tek-choē lí ê lô͘-po̍k Tāi-pi̍t, in-ūi i bē bat tek-choē lí; i tùi lí só͘-kiâⁿ-ê, lóng sī hó; 約拿單對伊ê老父掃羅論大衛， 替伊講好話，講， 王m̄-thang得罪你ê奴僕大衛，因為 伊未bat得罪你；伊對你所行ê，lóng是好；

6 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 5 chat 第五節
in-ūi i bat piàⁿ-miā thâi-sí hit ê Hui-lī-sū lâng, Iâ-hô-hoa ūi Í-sek-lia̍t chèng-lâng toā kiâⁿ chín-kiù; hit-sî lí khoàⁿ-kìⁿ, put-chí hoaⁿ-hí; taⁿ siáⁿ-sū bô iân-kò͘ beh thâi-sí Tāi-pi̍t, lâu bô-choē ê lâng ê huih, lâi hoān-choē ah? 因為伊bat拚命thâi死hit-ê腓利士人， 耶和華為以色列眾人大行拯救； hit時你看見，不止歡喜；taⁿ啥事無緣故beh thâi死大衛，流無罪ê人ê血，來犯罪ah？

7 Sò-lô thiaⁿ Iok-ná-tan ê oē;
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 6 chat 第六節 Sò-lô thiaⁿ Iok-ná-tan ê oē; Sò-lô kí Iâ-hô-hoa ê oa̍h lâi chiù-choā kóng, Goá bô beh hō͘ i sí. 掃羅聽約拿單ê話； 掃羅kí耶和華ê活來chiù-choā講， 我無beh hō͘伊死。

8 Iok-ná-tan kiò Tāi-pi̍t lâi;
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 7 chat 第七節 Iok-ná-tan kiò Tāi-pi̍t lâi; Iok-ná-tan chiong che it-chhè ê oē kā i kóng; Iok-ná-tan chhoā Tāi-pi̍t khì kìⁿ Sò-lô; i iû-goân khiā tī Sò-lô ê bīn-chêng. 約拿單叫大衛來； 約拿單將這一切ê話kā伊講； 約拿單chhoā大衛去見掃羅； 伊猶原khiā tī掃羅ê面前。

9 Í-āu koh ū kau-chiàn; Tāi-pi̍t chhut-khì kap
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 8 chat 第八節 Í-āu koh ū kau-chiàn; Tāi-pi̍t chhut-khì kap Hui-lī-sū lâng kau-chiàn, toā-toā thâi-sí in; in chiū tī i ê bīn-chêng tô-cháu. 以後koh有交戰；大衛出去kap 腓利士人交戰，大大thâi死in； in就tī伊ê面前逃走。

10 Sò-lô chē tī chhù-lāi, chhiú kia̍h chhiuⁿ;
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 9 chat 第九節 Sò-lô chē tī chhù-lāi, chhiú kia̍h chhiuⁿ; hit-sî tùi Iâ-hô-hoa hia lâi ê pháiⁿ-sîn koh lîm-kàu i; Tāi-pi̍t ēng chhiú toâⁿ-khîm. 掃羅坐tī厝內，手kia̍h鎗； hit時tùi耶和華hia來ê pháiⁿ神koh臨到伊； 大衛用手彈琴。

11 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 10 chat 第十節
Sò-lô beh ēng chhiuⁿ chhì Tāi-pi̍t, tèng i tī piah-nih; i chiū tùi Sò-lô ê bīn-chêng siám-khui; hit ki chhiuⁿ chha̍k-ji̍p piah. Hit-mî Tāi-pi̍t chiū cháu lâi siám-pī i. 掃羅beh用鎗刺大衛，釘伊tī壁裡； 伊就tùi掃羅ê面前閃開； hit支鎗鑿入壁。 Hit暝大衛就走來閃避伊。

12 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 11 chat 第十一節
Sò-lô chhe lâng kàu Tāi-pi̍t ê chhù siú i, thèng-hāu thiⁿ-kng beh thâi i. Tāi-pi̍t ê bó͘ Bí-kah tùi i kóng, Lí kim-mî nā bô tô-miā, bîn-á-ji̍t lí beh siū-thâi. 掃羅差人到大衛ê厝守伊， thèng候天光beh thâi伊。 大衛ê bó͘ Bí-kah對伊講， 你今暝若無逃命，明á日你beh受thâi。

13 Bí-kah chiū tùi thang-á tūi Tāi-pi̍t lo̍h-khì;
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 12 chat 第十二節 Bí-kah chiū tùi thang-á tūi Tāi-pi̍t lo̍h-khì; i chiū cháu-khì, lâi siám-pī. Bí-kah就tùi窗á 墜大衛落去； 伊就走去，來閃避。

14 Bí-kah ēng ke-lāi ê ngó͘-siōng hē tī bîn-chhn̂g,
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 13 chat 第十三節 Bí-kah ēng ke-lāi ê ngó͘-siōng hē tī bîn-chhn̂g, thâu-khak khoà tī soaⁿ-iûⁿ-mn̂g ê chím-thâu, ēng phē khàm i. Bí-kah用家內ê偶像hē tī眠床， 頭殼khoà tī山羊毛ê枕頭， 用被蓋伊。

15 Sò-lô chhe lâng khì lia̍h Tāi-pi̍t; Bí-kah kóng, I phoà-pīⁿ. 掃羅差人去掠大衛；
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 14 chat 第十四節 Sò-lô chhe lâng khì lia̍h Tāi-pi̍t; Bí-kah kóng, I phoà-pīⁿ. 掃羅差人去掠大衛； Bí-kah講，伊破病。

16 Sò-lô koh chhe lâng khì khoàⁿ Tāi-pi̍t,
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 15 chat 第十五節 Sò-lô koh chhe lâng khì khoàⁿ Tāi-pi̍t, kóng, Liân bîn-chhn̂g kng-lâi goá chia, goá thang thâi-sí i. 掃羅koh差人去看大衛， 講，連眠床扛來我chia， 我thang thâi死伊。

17 khoàⁿ-kìⁿ chhn̂g-nih ū ngó͘-siōng, soaⁿ-iûⁿ-mn̂g ê chím-thâu. 使者入去，
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 16 chat 第十六節 Sù-chiá ji̍p-khì, khoàⁿ-kìⁿ chhn̂g-nih ū ngó͘-siōng, thâu-khak khoà tī soaⁿ-iûⁿ-mn̂g ê chím-thâu. 使者入去， 看見床裡有偶像， 頭殼khoà tī 山羊毛ê枕頭。

18 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 17 chat 第十七節
Sò-lô tùi Bí-kah kóng, Lí siáⁿ-sū án-ni phiàn goá, pàng goá ê tùi-te̍k tô-cháu ah? Bí-kah ìn kóng, I kā goá kóng, Lí pàng goá khì, goá kiám tio̍h thâi-sí lí mah? 掃羅對Bí-kah講，你啥事án-ni騙我， 放我ê對敵逃走ah？Bí-kah應講， 伊kā我講，你放我去， 我kiám tio̍h thâi死你mah？

19 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 18 chat 第十八節
Tāi-pi̍t cháu-khì, tô-siám kàu La̍h-má, kìⁿ Sat-bó-jíⁿ, chiong Sò-lô tùi i só͘ kiâⁿ ê sū, lóng-chóng kā i kóng. I kap Sat-bó-jíⁿ chiū khì Ná-iok khiā-khí. 大衛走去，逃閃到La̍h-má， 見撒母耳，將掃羅對伊所行ê事， lóng總kā伊講。 伊kap撒母耳就去Ná-iok khiā起。

20 Ū lâng kā Sò-lô kóng, Khoàⁿ ah,
Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 19 chat 第十九節 Ū lâng kā Sò-lô kóng, Khoàⁿ ah, Tāi-pi̍t tī La̍h-má ê Ná-iok. 有人kā掃羅講，看ah， 大衛tī La̍h-má ê Ná-iok。

21 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 20 chat 第二十節
Sò-lô chhe sù-chiá khì lia̍h Tāi-pi̍t; in khoàⁿ-kìⁿ chi̍t tīn sian-ti teh kóng sian-ti oē, koh Sat-bó-jíⁿ khiā tī in tiong-kan kam(**kàm)-tok in, Siōng-tè ê Sîn lîm-kàu Sò-lô ê sù-chiá, in iā kóng sian-ti oē. 掃羅差使者去掠大衛；i in看見一陣先知teh講先知話， koh撒母耳khiā tī in中間監督in， 上帝ê神臨到掃羅ê使者， in也講先知話。

22 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 21 chat 第二十一節
Ū lâng chiong chit ê sū kā Sò-lô kóng; i chiū chhe pa̍t ê sù-chiá khì; in iā kóng sian-ti oē. Sò-lô tē-saⁿ pái chhe sù-chiá khì, in iā kóng sian-ti oē. 有人將chit-ê事kā掃羅講； 伊就差別ê使者去；in也講先知話。 掃羅第三pái差使者去， in也講先知話。

23 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 22 chat 第二十二節
Āu-lâi i pún-sin iā khì La̍h-má; kàu Se-ko͘ ê toā-chíⁿ hia, mn̄g lâng kóng, Sat-bó-jíⁿ kap Tāi-pi̍t tī toh-lo̍h? Ū lâng kā i kóng, Khoàⁿ ah, tī La̍h-má ê Ná-iok. 後來伊本身也去La̍h-má； 到Se-ko͘ ê大井hia，問人講， 撒母耳kap大衛tī toh落？ 有人kā伊講，看ah，tī La̍h-má ê Ná-iok。

24 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 23 chat 第二十三節
I chiū khì La̍h-má ê Ná-iok; Siōng-tè ê Sîn iā lîm-kàu i; i ná-kiâⁿ ná-kóng sian-ti oē, ti̍t-kàu La̍h-má ê Ná-iok. 伊就去La̍h-má ê Ná-iok； 上帝ê神也臨到伊； 伊ná行ná講先知話， 直到La̍h-má ê Ná-iok。

25 Sat-bó-jíⁿ Kì (I) 《撒母耳記上》 I Samuel Tē cha̍p-káu chiuⁿ 第十九章 Tē 24 chat 第二十四節
I chiū thǹg-saⁿ, tī Sat-bó-jíⁿ ê bīn-chêng kóng sian-ti oē; thong-ji̍t thong-mî thǹg-theh tó-teh; tùi án-ni lâng teh kóng, Sò-lô iā lia̍t tī sian-ti tiong mah? 伊就thǹg衫，tī撒母耳ê面前 講先知話；thong日thong暝 thǹg-theh倒teh；tùi án-ni，人teh講， 掃羅也列tī先知中mah？