Kū-iok Si-phian Tē 40 phiⁿ

Presentation on theme: "Kū-iok Si-phian Tē 40 phiⁿ"— Presentation transcript:

1 Kū-iok Si-phian Tē 40 phiⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 40 phiⁿ 舊約 《詩篇》 第40篇 Psalms

2 Si-phian《詩篇》 Psalms Tē sì-cha̍p phiⁿ 第四十篇 Tē 1 chat 第一節
(Tāi-pi̍t ê si, kau hō͘ Ga̍k-koaⁿ.) Goá bat thun-lún thèng-hāu Iâ-hô-hoa; I àⁿ-lo̍h ǹg goá, thiaⁿ goá ê kiû-kiò. (大衛ê詩，交hō͘樂官。) 我bat吞忍thèng候耶和華； 祂àⁿ落ǹg我，聽我ê求叫。

3 Si-phian《詩篇》 Psalms Tē sì-cha̍p phiⁿ 第四十篇 Tē 2 chat 第二節
I tùi thang kiaⁿ ê hām-khiⁿ, tùi thô͘-bê tiong, khan goá khí-lâi; Hō͘ goá ê kha khiā tī chio̍h-poâⁿ-téng, hō͘ goá ê kha-pō͘ chāi-ngó͘. 祂tùi thang驚ê陷坑，tùi土糜中， 牽我起來；Hō͘我ê腳khiā tī 石磐頂，hō͘我ê腳步在伍。

4 Si-phian《詩篇》 Psalms Tē sì-cha̍p phiⁿ 第四十篇 Tē 3 chat 第三節
I hō͘ goá ê chhùi chhiùⁿ sin ê koa, chiū-sī o-ló goán ê Siōng-tè--ê; Choē-choē lâng beh khoàⁿ-kìⁿ lâi kiaⁿ-ùi, Ia̍h beh oá-khò Iâ-hô-hoa. 祂hō͘我ê嘴唱新ê歌， 就是o-ló阮ê上帝ê； Choē-choē人beh看見來驚畏， 亦beh oá靠耶和華。

5 Si-phian《詩篇》 Psalms Tē sì-cha̍p phiⁿ 第四十篇 Tē 4 chat 第四節
To̍k-to̍k oá-khò Iâ-hô-hoa, bô chhap hiah ê kiau-ngō͘, í-ki̍p phian-ǹg hu-ké ê lâng, Chit-hō lâng ū hok-khì. 獨獨oá靠耶和華， 無chhap hiah-ê驕傲， 以及偏ǹg虛假ê人， Chit號人有福氣。

6 Si-phian《詩篇》 Psalms Tē sì-cha̍p phiⁿ 第四十篇 Tē 5 chat 第五節
Iâ-hô-hoa goá ê Siōng-tè ah, Lí só͘ kiâⁿ ê kî-sū, Í-ki̍p Lí tùi goán só͘ chûn ê liām-thâu chin-choē; Boē-oē tùi Lí pâi-lia̍t; Goá nā beh thê-khí lâi kóng, Hit ê siàu-gia̍h sǹg-boē-liáu. 耶和華我ê上帝ah，祢所行ê奇事， 以及祢對阮所存ê念頭真choē； Boē能對祢排列；我若beh提起來講， Hit-ê數額算boē了。

7 Si-phian《詩篇》 Psalms Tē sì-cha̍p phiⁿ 第四十篇 Tē 6 chat 第六節
Chè-sū kap lé-mi̍h Lí bô hoaⁿ-hí; Lí ū khui goá ê hī-khang; Sio-chè kap sio̍k-choē-chè, Lí bô ài-ti̍h: 祭祀kap禮物你無歡喜； 祢有開我ê耳孔； 燒祭kap贖罪祭，祢無ài-ti̍h：

8 Si-phian《詩篇》 Psalms Tē sì-cha̍p phiⁿ 第四十篇 Tē 7 chat 第七節
Hit-sî goá kóng, Lí khoàⁿ, Goá lâi lah; Goá ê sū í-keng kì tī chheh--nih. Hit時我講， 祢看，我來lah； 我ê事已經記tī冊裡。

9 Si-phian《詩篇》 Psalms Tē sì-cha̍p phiⁿ 第四十篇 Tē 8 chat 第八節
Goá ê Siōng-tè ah, Lí ê chí-ì goá hoaⁿ-hí thàn; Lí ê lu̍t-hoat tī goá ê sim-lāi. 我ê上帝ah， 祢ê旨意我歡喜thàn； 祢ê律法tī我ê心內。

10 Si-phian《詩篇》 Psalms Tē sì-cha̍p phiⁿ 第四十篇 Tē 9 chat 第九節
Goá tī toā chū-hoē ê tiong-kan, soan-thoân kong-gī ê hó siau-sit; Goá bô beh thêng-chí goá ê chhùi-tûn; Iâ-hô-hoa ah, che sī Lí só͘ chai ê. 我tī大聚會ê中間， 宣傳公義ê好消息； 我無beh停止我ê嘴唇； 耶和華ah，這是祢所知ê。

11 Si-phian《詩篇》 Psalms Tē sì-cha̍p phiⁿ 第四十篇 Tē 10 chat 第十節
Goá bē-bat chiong Lí ê kong-gī khàm-ba̍t tī goá ê sim-lāi; Goá í-keng pâi-lia̍t Lí ê sìn-si̍t, kap Lí ê kiù-un. Goá tùi toā chū-hoē bē-bat ún-khǹg Lí ê chû-ài kap sêng-si̍t. 我bē-bat將祢ê公義蓋密tī 我ê心內；我已經排列祢ê信實， kap祢ê救恩。我對大聚會bē-bat 隱khǹg祢ê慈愛kap誠實。

12 Si-phian《詩篇》 Psalms Tē sì-cha̍p phiⁿ 第四十篇 Tē 11 chat 第十一節
Iâ-hô-hoa ah, kiû Lí m̄-thang tùi goá thêng-chí Lí ê chû-pi; Goān Lí ê chû-ài kap sêng-si̍t siông-siông pó-hō͘ goá. 耶和華ah，求祢m̄-thang對我 停止祢ê慈悲；願祢ê慈愛kap 誠實常常保護我。

13 Si-phian《詩篇》 Psalms Tē sì-cha̍p phiⁿ 第四十篇 Tē 12 chat 第十二節
In-ūi ū boē-sǹg-tit ê chai-ē ûi-khùn goá; Goá ê choē-ok jip-tio̍h goá, hō͘ goá boē-oē kia̍h-ba̍k; Chiah ê choē-ok pí goá ê thâu-mn̂g khah-choē; goá ê sim soà lī-khui goá. 因為有boē算得ê災厄圍困我； 我ê罪惡jip-tio̍h我，hō͘我boē能 kia̍h目；Chiah-ê罪惡比我ê頭毛 khah-choē；我ê心續離開我。

14 Si-phian《詩篇》 Psalms Tē sì-cha̍p phiⁿ 第四十篇 Tē 13 chat 第十三節
Iâ-hô-hoa ah, kiû Lí hoaⁿ-hí chín-kiù goá; kiû Lí kín-kín pang-chān goá. 耶和華ah， 求祢歡喜拯救我； 耶和華ah， 求祢緊緊幫贊我。

15 Si-phian《詩篇》 Psalms Tē sì-cha̍p phiⁿ 第四十篇 Tē 14 chat 第十四節
Goān hiah ê siàu-siūⁿ beh hāi goá sìⁿ-miā--ê choè chi̍t-ē kiàn-siàu, làu-khùi; Goān hiah ê hoaⁿ-hí goá siū hām-hāi--ê, oa̍t-tò-tńg siū lêng-jio̍k. 願hiah-ê siàu想beh害我性命ê 做一下見笑，漏氣； 願hiah-ê歡喜我受陷害ê， oa̍t倒tńg受凌辱。

16 Si-phian《詩篇》 Psalms Tē sì-cha̍p phiⁿ 第四十篇 Tē 15 chat 第十五節
Goān hiah ê tùi goá kóng, Ho͘h--chāi, Ho͘h--chāi ê, In-ūi kiàn-siàu lâi pāi-bô. 願hiah-ê對我講， Ho͘h-chāi，Ho͘h-chāi ê， 因為見笑來敗無。

17 Si-phian《詩篇》 Psalms Tē sì-cha̍p phiⁿ 第四十篇 Tē 16 chat 第十六節
Goān it-chhè chhē Lí ê, in-ūi Lí lâi hoaⁿ-hí khoài-lo̍k; Goān hiah ê him-bō͘ Lí kiù-un--ê siông-siông kóng, Tio̍h chun Iâ-hô-hoa choè toā. 願一切chhē祢ê， 因為祢來歡喜快樂；願hiah-ê 欣慕祢救恩ê常常講， Tio̍h尊耶和華做大。

18 Si-phian《詩篇》 Psalms Tē sì-cha̍p phiⁿ 第四十篇 Tē 17 chat 第十七節
Chóng-sī goá sī khùn-khó͘ sòng-hiong--ê, Chú iáu-kú siàu-liām goá; Lí sī pang-chān goá--ê, chín-kiù goá--ê; Goá ê Siōng-tè ah, kiû Lí m̄-thang iân-chhiân. 總是我是困苦sòng-hiong-ê， 主iáu-kú siàu念我；祢是幫贊 我ê，拯救我ê；我ê上帝ah， 求祢m̄-thang 延chhiân。