Kū-iok Lia̍t-ông-kì (II) Tē 23 chiuⁿ

Presentation on theme: "Kū-iok Lia̍t-ông-kì (II) Tē 23 chiuⁿ"— Presentation transcript:

1 Kū-iok Lia̍t-ông-kì (II) Tē 23 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Lia̍t-ông-kì (II) Tē 23 chiuⁿ 舊約 《列王紀下》 第二十三章 II Kings

2 Ông chhe lâng chū-chi̍p Iû-tāi kap Iâ-lō͘-sat-léng
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 1 chat 第一節 Ông chhe lâng chū-chi̍p Iû-tāi kap Iâ-lō͘-sat-léng ê chèng tiúⁿ-ló. 王差人聚集 猶大kap耶路撒冷 ê眾長老。

3 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 2 chat 第二節
Ông chiū chiūⁿ-khì Iâ-hô-hoa ê tiān; Iû-tāi chèng lâng kap khiā-khí Iâ-lō͘-sat-léng ê peh-sìⁿ, kap chè-si, sian-ti, kap chèng peh-sìⁿ, bô-lūn toā-soè, lóng kap i khì. Ông chiū chiong Iâ-hô-hoa tiān-lāi ngó͘-jiân tit-tio̍h iok ê chheh it-chhè ê oē, tha̍k hō͘ in thiaⁿ. 王就上去耶和華ê殿；猶大眾人 kap khiā起耶路撒冷ê百姓，kap祭司、 先知，kap眾百姓，無論大細，lóng kap伊去。 王就將耶和華殿內偶然得tio̍h 約ê冊一切ê話，讀hō͘ in聽。

4 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 3 chat 第三節
Ông khiā tī thiāu-piⁿ, tī Iâ-hô-hoa ê bīn-chêng li̍p-iok, beh chīn-sim chīn-sèng sūn-thàn Iâ-hô-hoa, siú I ê kài-bēng, kap kan-chèng ê oē, kap lu̍t-lē, lâi chiâⁿ chit pún chheh só͘ kì li̍p-iok ê oē. Peh-sìⁿ lóng sêng-jīn chit ê iok. 王khiā tī柱邊，tī耶和華ê面前立約， beh盡心盡性順thàn耶和華， 守祂ê誡命，kap干證ê話，kap律例， 來成chit本冊所記立約ê話。 百姓 lóng承認chit-ê約。

5 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 4 chat 第四節
Ông bēng-lēng chè-si-thâu Hi-le̍k-ka, kap tē-jī-kip ê chè-si, kap kò͘-mn̂g ê koaⁿ, chiong ūi-tio̍h Pa-le̍k, kap A-sià-la̍h, kap thiⁿ-téng ê bān-siōng, só͘ chō hiah ê khì-kū, poaⁿ-chhut Iâ-hô-hoa ê tiān, sio i tī Iâ-lō͘-sat-léng goā, Khip-lûn khoe-piⁿ ê chhân, toà i ê hé-hu kàu Pek-te̍k-lī. 王命令祭司頭Hi-le̍k-ka，kap第二級ê祭司， kap顧門ê官，將為tio̍h Pa-le̍k，kap A-sià-la̍h， kap天頂ê萬象，所造hiah-ê器具， 搬出耶和華ê殿，燒伊tī耶路撒冷外， Khip-lûn溪邊ê田，帶伊ê火灰到Pek- te̍k-lī。

6 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 5 chat 第五節
Chêng Iû-tāi lia̍t-ông só͘ siat-li̍p pài ngó͘-siōng ê chè-si, tī Iû-tāi hiah ê siâⁿ, kap Iâ-lō͘-sat-léng sì-ûi ê soaⁿ-thâu-toâⁿ sio-hiuⁿ--ê, taⁿ ông lóng lut i, iā lut hiah ê sio-hiuⁿ tī Pa-le̍k, kap ji̍t, ge̍h, hêng-chhiⁿ, í-ki̍p thiⁿ-téng ê bān-siōng ê. 前猶大列王所設立拜偶像ê祭司， tī猶大hiah-ê城，kap耶路撒冷四圍ê 山頭壇燒香ê，taⁿ王lóng lut伊， 也lut hiah-ê燒香tī Pa-le̍k，kap日、月、行星， 以及天頂ê萬象ê。

7 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 6 chat 第六節
I koh toà A-sià-la̍h chhut Iâ-hô-hoa ê tiān, khì Iâ-lō͘-sat-léng goā, kàu Khip-lûn khoe, tī Khip-lûn khoe sio i, tûi i choè hún, ēng hit ê hún iā tī peh-sìⁿ ê bōng. 伊koh帶A-sià-la̍h出耶和華ê殿， 去耶路撒冷外，到Khip-lûn 溪， tī Khip-lûn溪燒伊，搥伊做粉， 用hit-ê粉掖tī百姓ê墓。

8 tiān-lāi loân-tông ê chhù, chiū-sī hū-lú ūi-tio̍h A-sià-la̍h
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 7 chat 第七節 Koh húi Iâ-hô-hoa tiān-lāi loân-tông ê chhù, chiū-sī hū-lú ūi-tio̍h A-sià-la̍h chit pò͘-pîⁿ ê só͘-chāi. Koh毀耶和 華殿內攣童ê厝， 就是婦女為tio̍h A-sià-la̍h 織布棚ê所在。

9 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 8 chat 第八節
Koh tùi Iû-tāi hiah ê siâⁿ toà hiah ê chè-si chhut-khì, phah lâ-sâm chè-si sio-hiuⁿ ê soaⁿ-thâu-toâⁿ, tùi Ka-pa kàu Pia̍t-sī-pa; iā thiah-húi hiah ê mn̂g ê soaⁿ-thâu-toâⁿ, chiū-sī tī koán-siâⁿ--ê Iok-su-a ê mn̂g-chêng, chiū-sī lâng ji̍p siâⁿ-mn̂g ê tò-pêng. Koh tùi猶大hiah-ê城帶hiah-ê祭司出去， phah lâ-sâm祭司燒香ê山頭壇， tùi Ka-pa到別士巴；也拆毀hiah-ê門ê 山頭壇，就是tī管城ê約書亞ê 門前，就是人入城門ê tò-pêng。

10 chóng-sī soaⁿ-thâu-toâⁿ ê chè-si tī Iâ-lō͘-sat-léng,
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 9 chat 第九節 chóng-sī soaⁿ-thâu-toâⁿ ê chè-si tī Iâ-lō͘-sat-léng, bô chiūⁿ Iâ-hô-hoa ê toâⁿ, chí-ū tī in hiaⁿ-tī tiong chia̍h bô-kàⁿ-piáⁿ. 總是山頭壇ê祭司 tī耶路撒冷， 無上耶和華ê壇， 只有tī in兄弟中食無酵餅。

11 tī Piān-him-lùn ê Tô-húi-te̍k,
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 10 chat 第十節 I koh phah lâ-sâm tī Piān-him-lùn ê Tô-húi-te̍k, bián-tit lâng tī-hia hō͘ in ê kiáⁿ cha-bó͘-kiáⁿ keng-kè hé, lâi hiàn hō͘ Mô͘-lo̍k. 伊koh phah lâ-sâm tī Piān-him-lùn ê Tô-húi-te̍k， 免得人tī-hia hō͘ in ê kiáⁿ cha-bó͘-kiáⁿ 經過火，來獻hō͘ Mô͘-lo̍k。

12 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 11 chat 第十一節
Koh tû-khì Iû-tāi lia̍t-ông hiàn hō͘ ji̍t-thâu hiah ê bé, tī ji̍p Iâ-hô-hoa tiān ê só͘-chāi, tī thài-kàm Ná-tan-bí-le̍k oá-kūn léng-lông ê chhù; koh ēng hé sio ji̍t-thâu hiah ê chhia. Koh除去猶大列王獻hō͘日頭 hiah-ê馬，tī入耶和華殿ê所在， tī太監Ná-tan-bí-le̍k oá近léng廊ê厝； koh用火燒日頭hiah-ê車。

13 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 12 chat 第十二節
Iû-tāi lia̍t-ông tī A-hap-su ê lâu-téng ê chhù-koà só͘ khí ê chè-toâⁿ, kap Má-ná-se tī Iâ-hô-hoa tiān nn̄g ê īⁿ-tiong só͘ khí ê toâⁿ, ông lóng húi-hoāi--i, tùi hit só͘-chāi chhian-soá--i, piàⁿ i ê hún tī Khip-lûn khoe. 猶大列王tī A-hap-su ê樓頂ê厝蓋 所起 ê祭壇，kap Má-ná-se tī耶和華殿 兩個院中所起ê壇， 王lóng毀壞伊，tùi hit所在遷徙伊， piàⁿ伊ê粉tī Khip-lûn溪。

14 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 13 chat 第十三節
Chiông-chêng Í-sek-lia̍t ông Só͘-lô-bûn tī Iâ-lō͘-sat-léng ê thâu-chêng, tī siâ-phiah-soaⁿ ê chiàⁿ-pêng, só͘ khí ê soaⁿ-thâu-toâⁿ, ho̍k-sāi Se-tùn lâng khó-ò͘ⁿ ê A-su-tha-lio̍k, Mô͘-ap lâng khó-ò͘ⁿ ê Ki-boa̍t, A-bûn lâng khó-ò͘ⁿ ê Bí-le̍k-kong ê, ông lóng phah lâ-sâm i; 從前以色列王所羅門tī 耶路撒冷ê頭前，tī斜僻山ê chiàⁿ-pêng， 所起 ê山頭壇，服事Se-tùn人可惡ê A-su-tha-lio̍k，Mô͘-ap人可惡ê Ki-boa̍t，A-bûn人 可惡ê Bí-le̍k-kong ê，王lóng phah lâ-sâm伊；

15 koh húi-hoāi hiah ê thiāu-siōng, chhò hiah ê A-sià-la̍h,
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 14 chat 第十四節 koh húi-hoāi hiah ê thiāu-siōng, chhò hiah ê A-sià-la̍h, chiong lâng ê kut-thâu chhiong-moá hiah ê só͘-chāi. koh毀壞hiah-ê柱像， 剉hiah-ê A-sià-la̍h， 將人ê骨頭 充滿hiah-ê所在。

16 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 15 chat 第十五節
Tī Pek-te̍k-lī ê toâⁿ, í-ki̍p Nî-pat ê kiáⁿ Iâ-lô-phò-àm, hō͘ Í-sek-lia̍t hoān-choē--ê, só͘ khí ê soaⁿ-thâu-biō; taⁿ Iok-se-a húi hit ê toâⁿ kap soaⁿ-thâu-biō, koh sio i ê soaⁿ-thâu-biō, tûi i chiâⁿ hún; soà sio hit ê A-sià-la̍h. Tī Pek-te̍k-lī ê壇，以及Nî-pat ê kiáⁿ Iâ-lô-phò-àm， hō͘以色列犯罪ê，所起 ê山頭廟； taⁿ約西亞毀hit-ê壇kap山頭廟， koh 燒伊ê山頭廟，搥伊成粉； 續燒hit-ê A-sià-la̍h。

17 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 16 chat 第十六節
Iok-se-a oa̍t-tńg-sin khoàⁿ-kìⁿ soaⁿ--nih hiah ê bōng, chiū chhe lâng khì the̍h bōng-lāi ê kut-thâu, sio tī toâⁿ-téng, lâi phah lâ-sâm i; chiàu Iâ-hô-hoa só͘ kóng, chiū-sī chêng soan-thoân chiah ê tāi-chì Siōng-tè ê lô͘-po̍k só͘ soan-thoân ê. 約西亞oa̍t-tńg身看見山裡hiah-ê墓， 就差人去the̍h墓內ê骨頭， 燒tī壇頂，來phah lâ-sâm伊； 照耶和華所講，就是前宣傳 chiah-ê tāi-chì上帝ê奴僕所宣傳ê。

18 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 17 chat 第十七節
Iok-se-a kóng, Goá só͘ khoàⁿ-kìⁿ ê chio̍h-pi sī sím-mi̍h? Hit ê siâⁿ ê lâng kā i kóng, Chêng ū Siōng-tè ê lô͘-po̍k tùi Iû-tāi lâi, tāi-seng kóng lí hiān-kim só͘ choè ê sū lâi kong-kek Pek-te̍k-lī ê toâⁿ--ê; chit-ê sī i ê bōng. 約西亞講， 我所看見ê石碑是甚麼？ hit-ê城ê人kā伊講，前有上帝ê奴僕 tùi猶大來，事先講你現今所做ê事 來攻擊Pek-te̍k-lī ê壇ê；chit-ê是伊ê墓。

19 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 18 chat 第十八節
I kóng, Bo̍h-tit chhap i, lâng m̄-thang chhian-soá i ê kut-thâu. In chiū bô tāng-tio̍h i ê kut-thâu, iā bô tāng-tio̍h tùi Sat-má-lī-a lâi hit ê sian-ti ê kut-thâu. 伊講，莫得chhap伊，人m̄-thang 遷徙伊ê骨頭。In就無動tio̍h 伊ê骨頭，也無動tio̍h tùi撒馬利亞來hit-ê先知ê骨頭。

20 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 19 chat 第十九節
Sat-má-lī-a hiah ê siâⁿ-lāi soaⁿ-thâu ê chhù, chiū-sī chêng Í-sek-lia̍t chiah ê ông só͘ khí lâi kek Iâ-hô-hoa ê siū-khì-ê, taⁿ Iok-se-a húi i; chiàu i só͘ kiâⁿ tī Pek-te̍k-lī--ê lâi kiâⁿ tī in; 撒馬利亞hiah-ê城內山頭ê厝， 就是前以色列chiah-ê王所起來 激耶和華ê受氣ê，taⁿ約西亞毀伊； 照伊所行tī Pek-te̍k-lī ê來行tī in；

21 koh thâi-sí hit só͘-chāi soaⁿ-thâu-biō ê chè-si tī toâⁿ-téng;
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 20 chat 第二十節 koh thâi-sí hit só͘-chāi soaⁿ-thâu-biō ê chè-si tī toâⁿ-téng; iā sio lâng ê kut-thâu tī toâⁿ-téng; chiah tò-khì Iâ-lō͘-sat-léng. koh thâi死hit所在 山頭廟ê祭司tī壇頂； 也燒人ê骨頭tī壇頂； chiah tò去耶路撒冷。

22 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 21 chat 第二十一節
Ông bēng-lēng chèng peh-sìⁿ kóng, Tio̍h siú poâⁿ-kè-choeh lâi ho̍k-sāi Iâ-hô-hoa lín ê Siōng-tè, chiàu chit ê iok ê chheh só͘-kì-ê. 王命令眾百姓講， Tio̍h守poâⁿ過節 來服事耶和華lín ê上帝， 照chit-ê約ê冊所記ê。

23 Tùi sū-su tī-lí Í-sek-lia̍t ê sî,
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 22 chat 第二十二節 Tùi sū-su tī-lí Í-sek-lia̍t ê sî, kap Í-sek-lia̍t-ông, Iû-tāi lia̍t-ông ê sî, si̍t-chāi bē ū siú chhin-chhiūⁿ chit-hō ê poâⁿ-kè-choeh. Tùi士師治理以色列ê時， kap以色列王，猶大列王ê時， 實在bē有守親像 chit號ê poâⁿ過節。

24 Chí-ū Iok-se-a ông cha̍p-poeh nî
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 23 chat 第二十三節 Chí-ū Iok-se-a ông cha̍p-poeh nî tī Iâ-lō͘-sat-léng siú chit ê poâⁿ-kè-choeh ho̍k-sāi Iâ-hô-hoa. 只有約西亞王十八年 tī耶路撒冷守chit-ê poâⁿ過節 服事耶和華。

25 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 24 chat 第二十四節
Iû-tāi toē kap Iâ-lō͘-sat-léng só͘ ū thiàu-tâng--ê, choè sai-kong-ê, kap ke-lāi ê ngó͘-siōng, kap sîn-pu̍t, kap it-chhè khó-ò͘ⁿ ê mi̍h, Iok-se-a lóng tû i, lâi chiâⁿ lu̍t-hoat ê oē, sī kì tī chè-si Hi-le̍k-ka tī Iâ-hô-hoa ê tiān só͘ tit-tio̍h ê chheh só͘ kì ê. 猶大地kap耶路撒冷所有跳童ê， 做司公ê，kap家內ê偶像，kap神佛， kap一切可惡ê物，約西亞lóng除伊， 來成律法ê話，是記tī祭司Hi- le̍k-ka tī耶和華ê殿所得tio̍h ê冊所記ê。

26 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 25 chat 第二十五節
Tī Iok-se-a í-chêng bô ū ông chhin-chhiūⁿ i chīn-sim chīn-sèng chīn-la̍t kui-ǹg Iâ-hô-hoa, chiàu Mô͘-se it-chhè ê lu̍t-hoat; tī i í-āu, iā bô chhut chi̍t ê ông chhin-chhiūⁿ i. Tī約西亞以前無有王親像伊 盡心盡性盡力歸向耶和華， 照摩西一切ê律法； tī伊以後，也無出一個王親像伊。

27 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 26 chat 第二十六節
Chóng-sī Iâ-hô-hoa bô soah I béng-lia̍t ê toā siū-khì, chiū-sī I tùi Iû-tāi hoat-chhut ê siū-khì, sī in-ūi Má-ná-se só͘ kek-tio̍h I siū-khì hiah ê sū. 總是耶和華無soah伊猛烈 ê大受氣，就是伊對猶大 發出ê受氣，是因為Má-ná-se 所激tio̍h伊受氣hiah-ê事。

28 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 27 chat 第二十七節
Iâ-hô-hoa kóng, Goá beh chhian-soá Iû-tāi lī-khui Goá ê bīn-chêng, chhin-chhiūⁿ chhian-soá Í-sek-lia̍t chi̍t-iūⁿ; Goá beh khì-sak Goá só͘ kéng chit ê siâⁿ, chiū-sī Iâ-lō͘-sat-léng, kap chit keng tiān, chiū-sī Goá chí i lâi kóng, goá ê miâ beh tī-hia--ê. 耶和華講，我beh遷徙猶大 離開我ê面前，親像遷徙 以色列一樣；我beh棄sak我所揀chit-ê城， 就是耶路撒冷，kap chit間殿， 就是我指伊來講，我ê名beh tī-hia ê。

29 Iû-tāi lia̍t-ông ê kì-lio̍k mah? 約西亞其餘ê事，
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 28 chat 第二十八節 Iok-se-a kî-û ê sū, kìⁿ i só͘ kiâⁿ ê, kiám bô lóng kì tī Iû-tāi lia̍t-ông ê kì-lio̍k mah? 約西亞其餘ê事， 見伊所行ê， kiám無lóng記tī 猶大列王ê記錄mah？

30 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 29 chat 第二十九節
Iok-se-a ê nî-kan, Ai-ki̍p ông Hoat-ló-nî-ko chiūⁿ Pek-la̍h hô, kong-kek A-su̍t ông, Iok-se-a khì tí-tng i; Ai-ki̍p ông tú-tio̍h Iok-se-a tī Bí-kiat-to chiū thâi i. 約西亞ê年間，埃及王Hoat-ló-nî-ko 上Pek-la̍h河，攻擊亞述王， 約西亞去抵擋伊；埃及王tú-tio̍h 約西亞tī Bí-kiat-to就thâi伊。

31 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 30 chat 第三十節
I ê jîn-sîn ēng chhia chài i ê sin-si tùi Bí-kiat-to, toà i kàu Iâ-lō͘-sat-léng, bâi-chòng tī i pún-sin ê bōng. Kok-bîn chiong Iok-se-a ê kiáⁿ Iok-hap-su ēng iû boah i, siat-li̍p i choè ông, soà-chiap i ê lāu-pē. 伊ê人臣用車載伊ê身屍tùi Bí-kiat-to， 帶伊到耶路撒冷，埋葬tī伊本身ê墓。 國民將約西亞ê kiáⁿ Iok-hap-su用油抹伊， 設立伊做王，續接伊ê老父。

32 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 31 chat 第三十一節
Iok-hap-su chē-ūi ê sî, jī-cha̍p-saⁿ hè, tī Iâ-lō͘-sat-léng choè ông saⁿ-ge̍h-ji̍t. I ê lāu-bú miâ Hap-bó͘-tha, sī Li̍p-ná lâng Iâ-lī-bí ê cha-bó͘-kiáⁿ. Iok-hap-su坐位ê時，二十三歲， tī耶路撒冷做王三月日。 伊ê老母名Hap-bó͘-tha， 是Li̍p-ná人耶利米ê cha-bó͘-kiáⁿ。

33 só͘ khoàⁿ-choè pháiⁿ ê sū,
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 32 chat 第三十二節 I kiâⁿ Iâ-hô-hoa só͘ khoàⁿ-choè pháiⁿ ê sū, chiàu i ê lia̍t-chó͘ it-chhè só͘ kiâⁿ--ê. 伊行耶和華 所看做pháiⁿ ê事， 照伊ê列祖一切所行ê。

34 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 33 chat 第三十三節
Hoat-ló-nî-ko koaiⁿ-kìm i tī Hap-má toē ê Lī-pí-la̍h, hō͘ i bô choè ông tī Iâ-lō͘-sat-léng; koh hō͘ hit-kok chìn-kòng gûn chi̍t-pah tha-liân-tek, kim chi̍t tha-liân-tek. Hoat-ló-nî-ko關禁伊tī Hap-má地ê Lī-pí-la̍h， hō͘伊無做王tī耶路撒冷；koh hō͘ hit國 進貢銀一百tha-liân-tek， 金一tha-liân-tek。

35 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 34 chat 第三十四節
Hoat-ló-nî-ko siat-li̍p Iok-se-a ê kiáⁿ Í-lī-a-kèng soà-chiap i ê lāu-pē Iok-se-a choè ông, kā i koé-miâ kiò Iok-ngá-kèng; iā toà Iok-hap-su kàu Ai-ki̍p; i chiū sí tī-hia. Hoat-ló-nî-ko設立約西亞ê kiáⁿ Í-lī-a-kèng續接伊ê老父約西亞做王， kā伊改名叫Iok-ngá-kèng； 也帶Iok-hap-su到埃及；伊就死tī-hia。

36 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 35 chat 第三十五節
Iok-ngá-kèng ēng gûn kap kim hō͘ Hoat-ló, chiàu Hoat-ló ê bēng-lēng, tùi hit toē-hng siu gûn lâi hō͘ i, kiông-thiu hit toē-hng peh-sìⁿ ê kim-gûn, ta̍k-lâng chiàu só͘ phài tiāⁿ-tio̍h--ê, lâi hō͘ Hoat-ló-nî-ko. Iok-ngá-kèng用銀kap金hō͘法老， 照法老ê命令， tùi hit地方收銀來hō͘伊， 強抽hit地方百姓ê金銀， ta̍k人照所派定tio̍h ê，來hō͘ Hoat-ló-nî-ko。

37 Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 36 chat 第三十六節
Iok-ngá-kèng chē-ūi ê sî, jī-cha̍p-gō͘ hè, tī Iâ-lō͘-sat-léng choè ông, kiōng cha̍p-it nî. I ê lāu-bú miâ kiò Se-pò͘-tāi, sī Ló͘-má lâng Pì-tāi-ngá ê cha-bó͘-kiáⁿ. Iok-ngá-kèng坐位ê時，二十五歲， tī耶路撒冷做王，共十一年。 伊ê老母名叫Se-pò͘-tāi， 是Ló͘-má人Pì-tāi-ngá ê cha-bó͘-kiáⁿ。

38 kiâⁿ Iâ-hô-hoa só͘ khoàⁿ-choè pháiⁿ ê sū,
Lia̍t-ông-kì（II）《列王紀下》 II Kings Tē jī-cha̍p-saⁿ chiuⁿ 第二十三章 Tē 37 chat 第三十七節 Iok-ngá-kèng kiâⁿ Iâ-hô-hoa só͘ khoàⁿ-choè pháiⁿ ê sū, chiàu i ê lia̍t-chó͘ it-chhè só͘ kiâⁿ ê. Iok-ngá-kèng 行耶和華所看做pháiⁿ ê事， 照伊ê列祖一切所行ê。