Kū-iok Ngá-ko Tē la̍k chiuⁿ

Presentation on theme: "Kū-iok Ngá-ko Tē la̍k chiuⁿ"— Presentation transcript:

1 Kū-iok Ngá-ko Tē la̍k chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Ngá-ko Tē la̍k chiuⁿ 舊約 《雅歌》 第六章 Song of Songs

2 Ngá-ko《雅歌》 Song of Songs Tē la̍k chiuⁿ 第六章 Tē 1 chat 第一節
Lí chit ê lú-kài-tiong tē-it súi-ê ah, Lí só͘ loân-ài--ê khì toh-lo̍h? Lí só͘ loân-ài--ê oa̍t-tńg khì toh-lo̍h, Hō͘ goán thang kap lí khì chhē i? 你chit-ê女界中第一súi-ê ah， 你所戀愛ê氣toh-lo̍h？ 你所戀愛ê oa̍t-tńg去toh-lo̍h， Hō͘阮thang kap你去chhē伊？

3 Ngá-ko《雅歌》 Song of Songs Tē la̍k chiuⁿ 第六章 Tē 2 chat 第二節
Goá só͘ loân-ài-ê lo̍h--khì i ê hn̂g, Kàu phang-hoe kui-pâi, tī hn̂g-lāi chhī iûⁿ-kûn, Koh bán pek-ha̍p-hoe. 我所戀愛ê落去伊ê園， 到芳花kui排， tī園內飼羊群， Koh挽百合花。

4 Ngá-ko《雅歌》 Song of Songs Tē la̍k chiuⁿ 第六章 Tē 3 chat 第三節
Goá sio̍k goá só͘ loân-ài-ê, goá só͘ loân-ài-ê iā sio̍k goá; I tī pek-ha̍p-hoe ê tiong-kan chhī iûⁿ-kûn. 我屬我所戀愛ê， 我所戀愛ê也屬我； 伊tī百合花ê中間飼羊群。

5 Ngá-ko《雅歌》 Song of Songs Tē la̍k chiuⁿ 第六章 Tē 4 chat 第四節
Goá só͘-thiàⁿ-ê ah, lí súi chhin-chhiūⁿ Tek-sat, Siⁿ-choè hó chhin-chhiūⁿ Iâ-lō͘-sat-léng, Ui-gî chhin-chhiūⁿ kia̍h toā-kî ê kun-tūi. 我所疼ê ah， 你súi親像Tek-sat， 生做好親像耶路撒冷， 威儀親像kia̍h大旗ê軍隊。

6 Ngá-ko《雅歌》 Song of Songs Tē la̍k chiuⁿ 第六章 Tē 5 chat 第五節
Lí ê ba̍k-chiu m̄-thang khoàⁿ goá, In-ūi oē toa̍t goá ê sim-sîn; Lí ê thâu-mn̂g chhin-chhiūⁿ soaⁿ-iûⁿ kui-tīn, Tó tī Ki-lia̍t ê soaⁿ-piⁿ. 你ê目睭m̄-thang看我， 因為會奪我ê心神； 你ê頭毛親像山羊kui陣， 倒tī Ki-lia̍t ê山邊。

7 Ngá-ko《雅歌》 Song of Songs Tē la̍k chiuⁿ 第六章 Tē 6 chat 第六節
Lí ê chhùi-khí chhin-chhiūⁿ kui-tīn ê iûⁿ-bú, Soé chheng-khì chiūⁿ-lâi; Ta̍k-chiah ū siang-siⁿ kiáⁿ, Bô chi̍t-chiah sit-lo̍h i ê kiáⁿ. 你ê嘴齒親像kui陣ê羊母， 洗清氣上來； Ta̍k隻有雙生kiáⁿ， 無一隻失落伊ê kiáⁿ。

8 Ngá-ko《雅歌》 Song of Songs Tē la̍k chiuⁿ 第六章 Tē 7 chat 第七節
Lí ê pìn-piⁿ tī phè-lāi, Chhin-chhiūⁿ chi̍t-tè sia̍h-liû. 你ê鬢邊tī phè內， 親像一塊石榴。

9 Ngá-ko《雅歌》 Song of Songs Tē la̍k chiuⁿ 第六章 Tē 8 chat 第八節
Ū la̍k-cha̍p ê ông-hō͘, poeh-cha̍p ê pīn-hui, Iā ū sǹg-boē-liáu ê kiong-lú. 有六十ê王后， 八十個嬪妃， 也有算boē了ê宮女。

10 Ngá-ko《雅歌》 Song of Songs Tē la̍k chiuⁿ 第六章 Tē 9 chat 第九節
Goá ê kap, goá ê sûn-choân-ê, sī to̍k-it ê; I sī i ê lāu-bú to̍k-siⁿ ê, Sī siⁿ--i-ê só͘ te̍k-pia̍t thiàⁿ; Chiah ê cha-bó͘-gín-ná khoàⁿ-kìⁿ, chiū o-ló i ū hok-khì; Ông-hō͘ pīn-hui khoàⁿ-kìⁿ, iā o-ló i. 我ê鴿，我ê純全ê，是獨一ê； 伊是伊ê老母獨生ê，是生伊ê所特別疼； chiah-ê cha-bó͘-gín-ná看見，就 o-ló伊有福氣；王后嬪妃看見，也o-ló伊。

11 Ngá-ko《雅歌》 Song of Songs Tē la̍k chiuⁿ 第六章 Tē 01 chat 第十節
Hit-ê ǹg goā-bīn khoàⁿ--chhut-lâi, chhin-chhiūⁿ chá-khí-sî ê kng, Súi chhin-chhiūⁿ ge̍h, chheng-kiat chhin-chhiūⁿ ji̍t, Ui-gî chhin-chhiūⁿ kia̍h toā-kî ê kun-tūi ê, Sī chī-chūi ah? Hit-ê ǹg外面看出來，親像 早起時ê光，Súi親像月， 清潔親像日，威儀親像 kia̍h大旗ê軍隊ê，是chī-chūi ah？

12 Ngá-ko《雅歌》 Song of Songs Tē la̍k chiuⁿ 第六章 Tē 11 chat 第十一節
Goá lo̍h-khì ngī-khak ê ké-chí-hn̂g, Beh khoàⁿ soaⁿ-kok-tiong chhiⁿ-chhùi ê si̍t-bu̍t, Beh khoàⁿ phû-tô hoat-íⁿ á-bē, Sia̍h-liû khui-hoe á-bē. 我落去硬殼ê果子園， Beh看山谷中青翠ê植物， Beh看葡萄發íⁿ á-bē， 石榴開花á-bē。

13 Ngá-ko《雅歌》 Song of Songs Tē la̍k chiuⁿ 第六章 Tē 12 chat 第十二節
Bô phah-sǹg ê sî, goá ê sim an-tì goá, Tī chun-kùi ê lâng ê chhia. 無phah算ê時， 我ê心安置我， Tī尊貴ê人ê車。

14 Ngá-ko《雅歌》 Song of Songs Tē la̍k chiuⁿ 第六章 Tē 13 chat 第十三節
Tò-lâi ah, tò-lâi ah, Su-la̍h-bi̍t ah, Tò-lâi, tò-lâi, hō͘ goán khoàⁿ-kìⁿ lí. Lín ūi-hô beh khoàⁿ Su-la̍h-bi̍t, Chhin-chhiūⁿ khoàⁿ Má-hap-liām ê thiàu-bú ah? 倒來ah， 倒來ah，Su-la̍h-bi̍t ah， 倒來， 倒來，hō͘阮看見你。 Lín為何beh看Su-la̍h-bi̍t， 親像看Má-hap-liām ê跳舞ah？