Kū-iok Í-sài-a-su Tē sì chiuⁿ

Presentation on theme: "Kū-iok Í-sài-a-su Tē sì chiuⁿ"— Presentation transcript:

1 Kū-iok Í-sài-a-su Tē sì chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-sài-a-su Tē sì chiuⁿ 舊約 《以賽亞書》 第四章 Isaiah

2 Í-sài-a-su 《以賽亞書》 Isaiah Tē sì chiuⁿ 第四章 Tē 1 chat 第一節
Tī hit-ji̍t chhit ê hū-jîn-lâng beh khîⁿ chi̍t ê ta-po͘-lâng, kóng, Goán chia̍h ka-kī ê bí-niû, chhēng ka-kī ê i-chiûⁿ; to̍k-to̍k kiû lí chún goán kui tī lí ê miâ, lâi tû--khì goán ê kiàn-siàu. Tī hit日七個婦人人beh擒 一個ta-po͘人，講，阮食家己ê米糧， 穿家己ê衣裳；獨獨求你准阮 歸tī你ê名，來除去阮ê見笑。

3 Í-sài-a-su 《以賽亞書》 Isaiah Tē sì chiuⁿ 第四章 Tē 2 chat 第二節
Kàu hit-ji̍t, Iâ-hô-hoa só͘ hoat-siⁿ ê íⁿ beh súi koh êng-kng; thó͘-toē ê chhut-sán beh choè Í-sek-lia̍t tô-thoat ê lâng ê êng-kng thé-biān. 到hit日，耶和華 所發生ê íⁿ beh súi koh榮光； 土地ê出產beh做以色列 逃脫ê人ê榮光體面。

4 Í-sài-a-su 《以賽亞書》 Isaiah Tē sì chiuⁿ 第四章 Tē 3 chat 第三節
Hoān-nā lâu tī Sek-an, chûn tī Iâ-lō͘-sat-léng, kì-chài tī Iâ-lō͘-sat-léng eng-kai tit-tio̍h oa̍h ê lâng lóng beh chheng-choè sèng; 凡若留tī錫安， 存tī耶路撒冷， 記載tī耶路撒冷應該 得tio̍h活ê人lóng beh稱做聖；

5 Í-sài-a-su 《以賽亞書》 Isaiah Tē sì chiuⁿ 第四章 Tē 4 chat 第四節
chiū-sī tī Chú ēng sím-phoàⁿ ê sîn, sio-húi ê sîn, soé-tû Sek-an cha-bó͘-kiáⁿ ê ù-oè, chheng-khì Iâ-lō͘-sat-léng tiong thâi-lâng lâu-huih ê sî. 就是tī主用審判ê神， 燒毀ê神，洗除錫安cha-bó͘-kiáⁿ ê污穢，清氣耶路撒冷中 thâi人流血ê時。

6 Í-sài-a-su 《以賽亞書》 Isaiah Tē sì chiuⁿ 第四章 Tē 5 chat 第五節
Iâ-hô-hoa beh tī Sek-an soaⁿ piàn-toē kap i hiah ê hoē ê téng-bīn, ji̍t--sî khí hûn kap ian, mî--sî ū hé-iām ê kng; in-ūi tī lóng-chóng êng-kng ê téng-bīn, tek-khak ū jia-khàm. 耶和華beh tī錫安山遍地 kap伊hiah-ê會ê頂面，日時起雲kap煙， 暝時有火燄ê光；因為tī lóng總 榮光ê頂面，的確有遮蓋。

7 Í-sài-a-su 《以賽亞書》 Isaiah Tē sì chiuⁿ 第四章 Tē 6 chat 第六節
Beh ū têng-á, ji̍t--sî thang choè ìm-ńg lâi siám-pī joa̍h, iā thang choè tô-siám bih sin ê só͘-chāi, siám-pī kông-hong toā-hō͘. Beh有亭á， 日時thang做蔭影來閃避熱， 也thang做逃閃bih身ê所在， 閃避狂風大雨。