Kū-iok Í-se-kiat-su Tē 41 chiuⁿ

Presentation on theme: "Kū-iok Í-se-kiat-su Tē 41 chiuⁿ"— Presentation transcript:

1 Kū-iok Í-se-kiat-su Tē 41 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-se-kiat-su Tē 41 chiuⁿ 舊約 《以西結書》 第四十一章 Ezekiel

2 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 1 chat 第一節
I koh chhoā goá kàu tiān hia, niû hiah ê thiāu; chit-bīn khoah la̍k-tiú, hit-bīn khoah la̍k-tiú; khoah oe̍h kap pò͘-pîⁿ saⁿ-tâng. 伊koh chhoā我到殿 hia， 量hiah-ê柱；chit面闊六肘， hit面闊六肘； 闊狹kap布棚相同。

3 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 2 chat 第二節
Mn̂g-kháu khoah cha̍p tiú; mn̂g ê siang-pêng-piⁿ, chit-pêng gō͘ tiú, hit-pêng gō͘ tiú, i niû i ê tn̂g sì-cha̍p tiú, khoah jī-cha̍p tiú. 門口闊十肘； 門ê雙pêng邊，chit-pêng五肘， hit-pêng五肘，伊量伊ê長四十肘， 闊二十肘。

4 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 3 chat 第三節
I kàu lāi-bīn, niû mn̂g-kháu ê thiāu, nn̄g tiú; mn̂g-kháu la̍k-tiú, mn̂g-kháu ê khoah chhit tiú. 伊到內面，量門口ê柱， 兩肘；門口六肘， 門口ê闊七肘。

5 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 4 chat 第四節
I niû i ê tn̂g jī-cha̍p tiú, khoah jī-cha̍p tiú, tī tiān ê chêng-bīn; i tùi goá kóng, Che sī chì-sèng-só͘. 伊量伊ê長二十肘， 闊二十肘，tī殿ê前面； 伊對我講，這是至聖所。

6 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 5 chat 第五節
I niû chhù ê chhiûⁿ la̍k tiú, chhù sì-chiu-ûi ê piⁿ-pâng, kok khoah sì tiú. 伊量厝ê牆六肘， 厝四周圍ê邊房， 各闊四肘。

7 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 6 chat 第六節
Piⁿ-pâng ū saⁿ-chàn, chit-chàn tha̍h tī hit-chàn ê téng-bīn, ta̍k-chàn ū saⁿ-cha̍p keng; chit ê chhù lēng-goā ū chi̍t phìⁿ chhiûⁿ, choè sì-ûi piⁿ-pâng ê lō͘-ēng, hō͘ i ê îⁿ-á thang khoà tī-hia, bián-tit khoà tī chhù ê chhiûⁿ. 邊房有三層，chit層疊tī hit層ê頂面，ta̍k層有三十間； chit-ê厝另外有一片牆， 做四圍邊房ê路用，hō͘伊ê楹á thang掛tī-hia，免得掛tī厝ê牆。

8 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 7 chat 第七節
Chiah ê sì-ûi ê piⁿ-pâng, ná-koâiⁿ ná-khoah; in-ūi chhù ê ûi tī chhù ê sì-bīn ná-koâiⁿ, só͘-í chhù ê khoah ti̍t-ti̍t kàu téng-bīn; tùi ē-chàn kàu téng-chàn, tio̍h tùi tiong-chàn chiūⁿ--khì. Chiah-ê四圍ê邊房，ná高ná闊； 因為厝ê圍tī厝ê四面ná高， 所以厝ê闊直直到頂面； Tùi下層到頂層， tio̍h tùi中層上去。

9 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 8 chat 第八節
Goá koh khoàⁿ-kìⁿ chhù ê sì-ûi ū koâiⁿ ê gîm; piⁿ-pâng ê toē-ki, koâiⁿ chiok-chiok chi̍t ko-chhioh, chiū-sī la̍k toā-tiú. 我koh看見厝ê四圍有高ê gîm； 邊房ê地基， 高足足一篙尺， 就是六大肘。

10 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 9 chat 第九節
Piⁿ-pâng goā-bīn ê chhiûⁿ, kāu gō͘ tiú; só͘ chhun ê toē chiū-sī chhù ê piⁿ-pâng ê só͘-chāi. 邊房外面ê牆， 厚五肘；所chhun ê地 就是厝ê邊房ê所在。

11 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 10 chat 第十節
Sì-bīn ûi chhù hiah ê pâng-keng, saⁿ-lī jī-cha̍p tiú ê khoah. 四面圍厝 hiah-ê房間， 相離二十肘ê闊。

12 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 11 chat 第十一節
Piⁿ-pâng ê mn̂g lóng ǹg só͘ chhun ê toē; chi̍t ê mn̂g ǹg-pak, chi̍t ê mn̂g ǹg-lâm; sì-ûi só͘ chhun ê toē, lóng khoah gō͘ tiú. 邊房ê門lóng ǹg所chhun ê地； 一個門ǹg北，一個門ǹg南； 四圍所chhun ê地，lóng闊五肘。

13 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 12 chat 第十二節
Tī sai-pêng lēng-goā keh-khui ê toē thâu-chêng ê chhù-the̍h khoah chhit-cha̍p tiú; i ê chhiûⁿ sì-ûi kāu gō͘ tiú; tn̂g káu-cha̍p tiú. Tī西pêng另外隔開ê地 頭前ê厝宅闊七十肘； 伊ê牆四圍厚五肘； 長九十肘。

14 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 13 chat 第十三節
Án-ni, i niû chhù, tn̂g chi̍t-pah tiú; iā niû keh-khui ê só͘-chāi, kap só͘ khí-chō--ê, kap i ê chhiûⁿ, kiōng tn̂g chi̍t-pah tiú. Án-ni，伊量厝，長一百肘； 也量隔開ê所在， kap所起造ê， kap伊ê牆，共長一百肘。

15 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 14 chat 第十四節
Chhù ê chêng-bīn, kap ǹg-tang keh-khui ê toē, khoah chi̍t-pah-tiú. 厝ê前面， kap ǹg東隔開ê地， 闊一百肘。

16 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 15 chat 第十五節
I niû āu-bīn keh-khui ê toē thâu-chêng ê chhù-the̍h, í-ki̍p chit-pêng hit-pêng lâu ê lông, tn̂g chi̍t-pah tiú; koh niû lāi-tiān, kap īⁿ ê lông. 伊量後面隔開ê地 頭前ê厝宅， 以及chit-pêng hit-pêng樓ê廊， 長一百肘；koh量內殿，kap院ê廊。

17 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 16 chat 第十六節
I ê hō͘-tēng, i ê koaiⁿ-ba̍t ê thang-á, i ê sì-ûi saⁿ-chàn ê lâu ê lông; tī hō͘-tēng ê tùi-bīn, sì-ûi ê chhiûⁿ lóng áⁿ chhâ-pán; tùi thô͘-kha kàu thang-á, (thang-á lóng ū jia-khàm), 伊ê戶碇，伊ê關密ê窗á， 伊ê四圍三層ê樓ê廊；tī戶碇ê對面， 四圍ê牆lóng áⁿ柴板；tùi土腳 到窗á，(窗á lóng有遮蓋) ，

18 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 17 chat 第十七節
ti̍t-kàu mn̂g ê téng-bīn, chiū-sī kàu lāi-bīn ê chhù kap goā-bīn, lāi-goā sì-ûi ê chhiûⁿ-piah, lóng chiàu chhùn-chhioh. 直到門ê頂面， 就是到內面ê厝kap外面， 內外四圍ê牆壁， lóng照寸尺。

19 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 18 chat 第十八節
Ū khek ki-lō͘-peng kap chang-chhiū, nn̄g ê ki-lō͘-peng ê tiong-kan ū chi̍t-châng ê chang-chhiū; ki-lō͘-peng ta̍k-ê ū nn̄g ê bīn; 有刻ki-lō͘兵kap棕樹， 兩個ki-lō͘兵ê中間 有一叢ê棕樹； ki-lō͘兵ta̍k-ê有兩個面；

20 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 19 chat 第十九節
chit-pêng ū lâng ê bīn, ǹg chang-chhiū, hit-pêng ū sai ê bīn, ǹg chang-chhiū; chhù-lāi sì-ûi lóng sī án-ni. Chit-pêng有人ê面，ǹg棕樹， hit-pêng有獅ê面，ǹg棕樹； 厝內四圍lóng是án-ni。

21 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 20 chat 第二十節
Tùi thô͘-kha kàu mn̂g-téng, lóng ū khek ki-lō͘-peng kap chang-chhiū; tiān ê chhiûⁿ lóng sī án-ni. Tùi土腳到門頂， lóng有刻ki-lō͘兵kap棕樹； 殿 ê牆lóng是án-ni。

22 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 21 chat 第二十一節
Tiān ê mn̂g-khiā sī sù-hong--ê; chì-sèng-só͘ ê chêng-bīn, khoán-sit chhin-chhiūⁿ tiān ê khoán-sit. 殿ê門khiā是四方ê； 至聖所ê前面， 款式親像殿 ê款式。

23 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 22 chat 第二十二節
Toâⁿ sī chhâ-choè--ê, koâiⁿ saⁿ tiú, tn̂g nn̄g tiú, i ê kak, i ê chō, kap i ê sì-piⁿ lóng sī chhâ-choè--ê; i tùi goá kóng, Che sī Iâ-hô-hoa bīn-chêng ê toh. 壇是柴做ê，高三肘， 長兩肘，伊ê角，伊ê座，kap伊ê四邊 lóng是柴做ê；伊對我講， 這是耶和華面前ê桌。

24 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 23 chat 第二十三節
Tiān kap chì-sèng-só͘ ū nn̄g ê mn̂g. 殿kap至聖所 有兩個門。

25 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 24 chat 第二十四節
Ta̍k ê mn̂g ū nn̄g-sìⁿ, chit ê nn̄g-sìⁿ sī oē áu-tit--ê; chit ê mn̂g nn̄g-sìⁿ, hit ê mn̂g iā nn̄g-sìⁿ. Ta̍k-ê門有兩扇， chit-ê兩扇是oē拗得ê； chit-ê門兩扇，hit-ê門也兩扇。

26 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 25 chat 第二十五節
Tiān ê mn̂g-téng ū khek ki-lō͘-peng kap chang-chhiū, kap khek tī chhiûⁿ-téng--ê chi̍t-iūⁿ; tī goā-bīn lông ê thâu-chêng ū kāu ê chhâ-pán. 殿ê門頂 有刻ki-lō͘兵kap棕樹， Kap刻tī牆頂ê一樣； tī外面lông ê頭前有厚ê柴板。

27 Í-se-kiat-su《以西結書》 Ezekiel Tē sì-cha̍p-it chiuⁿ 第四十一章 Tē 26 chat 第二十六節
Lông ê piⁿ-thâu, chit-pêng hit-pêng, lóng ū koaiⁿ-ba̍t ê thang-á kap chang-chhiū; chhù ê piⁿ-pâng, kap kāu ê chhâ-pán, lóng sī án-ni. 廊ê邊頭，chit-pêng hit-pêng， lóng有關密ê窗á kap棕樹； 厝ê邊房，kap厚ê柴板， lóng是án-ni。