Kū-iok Sū-su-kì Tē káu chiuⁿ

Presentation on theme: "Kū-iok Sū-su-kì Tē káu chiuⁿ"— Presentation transcript:

1 Kū-iok Sū-su-kì Tē káu chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Sū-su-kì Tē káu chiuⁿ 舊約 《士師記》 第九章 JUDGES

2 Sū-su-kì 《士師記 》 Judges Tē káu chiuⁿ 第九章 Tē 1 chat 第一節
Iâ-lō͘-pa-le̍k ê kiáⁿ A-pí-bí-le̍k kàu Sī-kiàm, kìⁿ i ê chèng bú-kū, tùi in kap i goā-kong choân-ke ê lâng kóng, 到示劍，見伊ê眾母舅， 對in kap伊外公全家ê人講：

3 Sū-su-kì 《士師記 》 Judges Tē káu chiuⁿ 第九章 Tē 2 chat 第二節
Chhiáⁿ lín kóng hō͘ Sī-kiàm ê chèng-lâng thiaⁿ, khoàⁿ sī Iâ-lō͘-pa-le̍k ê chèng-kiáⁿ, chhit-cha̍p lâng koán lín, á-sī chi̍t-lâng koán lín, tah-lo̍h chi̍t-hāng khah-hó? Lín iā tio̍h siàu-liām goá sī lín ê kut-jio̍k. 請lín講hō͘示劍ê眾人聽， 看是Iâ-lō͘-pa-le̍k ê眾kiáⁿ， 七十人管lín，á是一人管lín， tah落一項khah好？ Lín也tio̍h siàu念我是lín ê骨肉。

4 Sū-su-kì 《士師記 》 Judges Tē káu chiuⁿ 第九章 Tē 3 chat 第三節
I hiah ê bú-kū chiū chiong chit ê it-chhè ê oē, thoè i kóng hō͘ Sī-kiàm ê lâng thiaⁿ; in ê sim chiū kui-ǹg A-pí-bí-le̍k; in-ūi kóng, I sī lán ê hiaⁿ-tī. 伊hiah-ê母舅就將chit-ê一切ê話， 替伊講hō͘示劍ê人聽； in ê心就歸向A-pí-bí-le̍k； 因為講：伊是咱ê兄弟。

5 Sū-su-kì 《士師記 》 Judges Tē káu chiuⁿ 第九章 Tē 4 chat 第四節
Chiū tùi Pa-le̍k-pí-lī-thó͘ ê chhù the̍h chhit-cha̍p ê gûn-á hō͘ A-pí-bí-le̍k; i chiū ēng i lâi kò͘ chiah ê bô hē-lo̍h ê húi-lūi; hiah ê lâng lâi tè i. 就tùi Pa-le̍k-pí-lī-thó͘ ê厝 the̍h七十個銀á hō͘ A-pí-bí-le̍k； 伊就用伊來顧chiah-ê無下落ê匪類； hiah-ê人來tè伊。

6 Sū-su-kì 《士師記 》 Judges Tē káu chiuⁿ 第九章 Tē 5 chat 第五節
I khì Gô-hut-la̍h kàu i ê lāu-pē ê ke, chiong Iâ-lō͘-pa-le̍k ê kiáⁿ, chiū-sī i ê hiaⁿ-tī chhit-cha̍p lâng, lóng thâi-sí tī chi̍t tè chio̍h-poâⁿ-téng; chí-ū Iâ-lō͘-pa-le̍k ê soah-bé kiáⁿ Iok-thán lâu--teh; in-ūi i ū cháu khì bih. 伊去Gô-hut-la̍h到伊ê老父ê家， 將Iâ-lō͘-pa-le̍k ê kiáⁿ，就是伊ê兄弟 七十人，lóng thâi死tī一塊石磐頂； 只有Iâ-lō͘-pa-le̍k ê soah尾kiáⁿ Iok-thán 留teh； 因為伊有走去bih。

7 Sū-su-kì 《士師記 》 Judges Tē káu chiuⁿ 第九章 Tē 6 chat 第六節
Sī-kiàm lâng kap Bí-lô ê ke, lóng chū-chi̍p, khì siat-li̍p A-pí-bí-le̍k choè-ông, tī Sī-kiàm chhāi-thiāu ê siōng-chhiū-kha. 示劍人kap Bí-lô ê家， lóng聚集， 去設立A-pí-bí-le̍k做王， tī示劍chhāi柱ê橡樹腳。

8 Sū-su-kì 《士師記 》 Judges Tē káu chiuⁿ 第九章 Tē 7 chat 第七節
Ū lâng kā Iok-thán kóng chit ê sū, i chiū khì khiā tī Ki-lī-sim soaⁿ-téng, toā-siaⁿ hoah, kā in kóng, Sī-kiàm lâng ah, lín tio̍h thiaⁿ goá ê oē, hō͘ Siōng-tè iā thiaⁿ lín. 有人kā Iok-thán講chit-ê事，伊就去 khiā tī Ki-lī-sim山頂，大聲hoah， kā in講：示劍人ah， lín tio̍h聽我ê話，hō͘上帝也聽lín。

9 Sū-su-kì 《士師記 》 Judges Tē káu chiuⁿ 第九章 Tē 8 chat 第八節
Bat ū chi̍t-pái, chiah ê chhiū lóng khì, beh siat-li̍p chi̍t châng chhiū choè in ê ông; chiū khì tùi kaⁿ-ná-chhiū kóng, Chhiáⁿ lí choè goán ê ông. Bat有一pái，chiah-ê樹lóng去， beh設立一叢樹做in ê王； 就去對橄欖樹講： 請你做阮ê王。

10 Sū-su-kì 《士師記 》 Judges Tē káu chiuⁿ 第九章 Tē 9 chat 第九節
Kaⁿ-ná-chhiū ìn kóng, Goá kiám thang pàng-sak goá ê iû, chiū-sī lâng só͘ ēng lâi chun-tiōng Siōng-tè kap lâng ê, khì iô tī chèng-chhiū ê téng-bīn mah? 橄欖樹應講， 我kiám thang放sak我ê 油，就是 人所用來尊重上帝kap人ê， 去搖tī眾樹ê頂面mah？

11 Sū-su-kì 《士師記 》 Judges Tē káu chiuⁿ 第九章 Tē 10 chat 第十節
Chiah ê chhiū tùi bû-hoa-kó-chhiū kóng, Lí lâi, lâi choè goán ê ông. chiah-ê樹 對無花果樹講： 你來，來做阮ê王。

12 Sū-su-kì 《士師記 》 Judges Tē káu chiuⁿ 第九章 Tē 11 chat 第十一節
Bû-hoa-kó-chhiū ìn kóng, Goá kiám thang pàng-sak goá ê tiⁿ koh hó ê ké-chí, khì iô tī chèng-chhiū ê téng-bīn mah? 無花果樹應講， 我kiám thang 放sak我ê甜koh好ê果子， 去搖tī眾樹ê頂面mah？

13 Sū-su-kì 《士師記 》 Judges Tē káu chiuⁿ 第九章 Tē 12 chat 第十二節
Chiah ê chhiū tùi phû-tô-chhiū kóng, Lí lâi, lâi choè goán ê ông. chiah-ê樹 對葡萄樹講： 你來，來做阮ê王。

14 Sū-su-kì 《士師記 》 Judges Tē káu chiuⁿ 第九章 Tē 13 chat 第十三節
Phû-tô-chhiū ìn kóng, Goá kiám thang pàng-sak goá ê sin-chiú, chiū-sī hō͘ Siōng-tè kap lâng hoaⁿ-hí-ê khì iô tī chèng-chhiū ê téng-bīn mah? 葡萄樹應講， 我kiám thang放sak我ê新酒， 就是hō͘上帝kap人歡喜ê去搖tī 眾樹ê頂面mah？

15 Sū-su-kì 《士師記 》 Judges Tē káu chiuⁿ 第九章 Tē 14 chat 第十四節
Chiah ê chhiū tùi chhì-á kóng, Lí lâi, lâi choè goán ê ông. Chiah-ê樹 對刺á講： 你來，來做阮ê王。

16 Sū-su-kì 《士師記 》 Judges Tē káu chiuⁿ 第九章 Tē 15 chat 第十五節
Chhì-á ìn hiah ê chhiū kóng, Lín nā si̍t-chāi siat-li̍p goá choè lín ê ông, chiū tio̍h siám-bih tī goá ê ìm-ńg-ē; nā m̄, goān hé tùi chhì-á chhut, sio-bia̍t Lī-pa-lùn ê pek-hiuⁿ-chhiū. 刺á應hiah-ê樹講： Lín若實在設立我做lín ê王，就tio̍h 閃bih tī我ê蔭影下；若m̄，願火tùi 刺á出，燒滅黎巴嫩ê柏香樹。

17 Sū-su-kì 《士師記 》 Judges Tē káu chiuⁿ 第九章 Tē 16 chat 第十六節
Taⁿ lín siat-li̍p A-pí-bí-le̍k choè-ông, nā chiàu sêng-si̍t kong-gī lâi kiâⁿ, koh hó khoán-thāi Iâ-lō͘-pa-le̍k kap i ê ke, chiàu i ê chhiú só͘ tio̍h-boâ-ê pò-tap i; Taⁿ lín設立A-pí-bí-le̍k做王， 若照誠實公義來行， koh好款待Iâ-lō͘-pa-le̍k kap伊ê家， 照伊ê手所tio̍h磨ê報答伊；

18 Sū-su-kì 《士師記 》 Judges Tē káu chiuⁿ 第九章 Tē 17 chat 第十七節
in-ūi goá ê lāu-pē bat phe-sí, ūi lín kau-chiàn, kiù lín thoat-lī Bí-tiân lâng ê chhiú; 因為我ê老父bat phe死， 為lín交戰， 救lín脫離米甸人ê手；

19 Sū-su-kì 《士師記 》 Judges Tē káu chiuⁿ 第九章 Tē 18 chat 第十八節
lín kin-á-ji̍t khí-lâi kong-kek goá lāu-pē ê ke, thâi-sí i ê kiáⁿ, chhit-cha̍p lâng, tī chi̍t tè chio̍h-poâⁿ-téng, koh siat-li̍p i ê lú-pī ê kiáⁿ A-pí-bí-le̍k choè Sī-kiàm lâng ê ông, in-ūi i sī lín ê hiaⁿ-tī; lín今á日起來攻擊我老父ê家， thâi死伊ê kiáⁿ，七十人， tī一塊石磐頂，koh設立 伊ê女婢ê kiáⁿ A-pí-bí-le̍k做示劍人ê王， 因為伊是lín ê兄弟；

20 Sū-su-kì 《士師記 》 Judges Tē káu chiuⁿ 第九章 Tē 19 chat 第十九節
lín kin-á-ji̍t nā chiàu sêng-si̍t kong-gī khoán-thāi Iâ-lō͘-pa-le̍k kap i ê ke, chiū lín thang tùi A-pí-bí-le̍k lâi hoaⁿ-hí, i iā thang tùi lín lâi hoaⁿ-hí; lín今á日若照誠實公義 款待Iâ-lō͘-pa-le̍k kap伊ê家， 就lín thang tùi A-pí-bí-le̍k來歡喜， 伊也thang tùi lín來歡喜；

21 Sū-su-kì 《士師記 》 Judges Tē káu chiuⁿ 第九章 Tē 20 chat 第二十節
nā bô, goān hé tùi A-pí-bí-le̍k chhut, sio Sī-kiàm lâng kap Bí-lô ê ke; koh goān hé tùi Sī-kiàm lâng kap Bí-lô ê ke chhut, sio A-pí-bí-le̍k. 若無，願火tùi A-pí-bí-le̍k出， 燒示劍人kap Bí-lô ê家； koh願火tùi示劍人 kap Bí-lô ê家出，燒 A-pí-bí-le̍k。

22 Sū-su-kì 《士師記 》 Judges Tē káu chiuⁿ 第九章 Tē 21 chat 第二十一節
Iok-thán, in-ūi kiaⁿ i ê hiaⁿ-tī, chiū tô-cháu; cháu-khì bih tī Pí-jíⁿ, tiàm tī-hia. Iok-thán，因為 驚伊ê兄弟，就逃走； 走去bih tī Pí-jíⁿ，tiàm tī-hia。

23 Sū-su-kì 《士師記 》 Judges Tē káu chiuⁿ 第九章 Tē 22 chat 第二十二節
A-pí-bí-le̍k koán Í-sek-lia̍t saⁿ-nî. A-pí-bí-le̍k管 以色列三年。

24 Sū-su-kì 《士師記 》 Judges Tē káu chiuⁿ 第九章 Tē 23 chat 第二十三節
Siōng-tè chhe pháiⁿ-sîn tī A-pí-bí-le̍k kap Sī-kiàm lâng ê tiong-kan. Sī-kiàm lâng chiū ēng khúi-chà khoán-thāi A-pí-bí-le̍k; 上帝差pháiⁿ神tī A-pí-bí-le̍k kap示劍人ê中間。 示劍人就用詭詐 款待A-pí-bí-le̍k；

25 Sū-su-kì 《士師記 》 Judges Tē káu chiuⁿ 第九章 Tē 24 chat 第二十四節
lâi pò-èng Iâ-lō͘-pa-le̍k chhit-cha̍p ê kiáⁿ só͘ siū ê chân-hāi; iā hō͘ in ê huih kui tī thâi-sí in ê, chiū-sī in ê hiaⁿ-tī A-pí-bí-le̍k, iā kui tī Sī-kiàm lâng, chiū-sī chān i ê chhiú thâi-sí i ê hiaⁿ-tī ê. 來報應Iâ-lō͘-pa-le̍k七十個kiáⁿ 所受ê殘害；也hō͘ in ê血歸tī thâi死in ê， 就是in ê兄弟A-pí-bí-le̍k，也歸tī示劍人， 就是贊伊ê手thâi死伊ê兄弟ê。

26 Sū-su-kì 《士師記 》 Judges Tē káu chiuⁿ 第九章 Tē 25 chat 第二十五節
Sī-kiàm lâng tī soaⁿ-téng siat bâi-ho̍k, lâi tng-tán i; kìⁿ-nā tùi hit tiâu lō͘ kè ê lâng, in chiū chhiúⁿ I; ū lâng chiū chiong che sū khì pò A-pí-bí-le̍k. 示劍人tī山頂設埋伏， 來當等伊；見若tùi hit條路過ê人， in就搶伊；有人 就將這事去報A-pí-bí-le̍k。

27 Sū-su-kì 《士師記 》 Judges Tē káu chiuⁿ 第九章 Tē 26 chat 第二十六節
Í-piat ê kiáⁿ Ka-le̍k, kap i ê hiaⁿ-tī, lâi kàu Sī-kiàm; Sī-kiàm lâng lóng sìn-khò i. Í-piat ê kiáⁿ迦勒， kap伊ê兄弟，來到示劍； 示劍人lóng信靠伊。

28 Sū-su-kì 《士師記 》 Judges Tē káu chiuⁿ 第九章 Tē 27 chat 第二十七節
In chhut-khì hn̂g--nih, siu phû-tô-hn̂g, lâi ta̍h chiú, siat iân-sia̍h, ji̍p in ê siōng-tè ê biō lim-chia̍h, chiù-chó͘ A-pí-bí-le̍k. In出去園裡，收葡萄園， 來踏酒，設筵席， 入in ê上帝ê廟lim食， 咒詛A-pí-bí-le̍k。

29 Sū-su-kì 《士師記 》 Judges Tē káu chiuⁿ 第九章 Tē 28 chat 第二十八節
Í-piat ê kiáⁿ Ka-le̍k kóng, A-pí-bí-le̍k sī chī-chūi, Sī-kiàm sī chī-chūi, hō͘ lán ho̍k-sāi i ah? i kiám m̄-sī Iâ-lō͘-pa-le̍k ê kiáⁿ mah? i ê kun-tiúⁿ kiám m̄-sī Se-pò͘-le̍k mah? lín tio̍h ho̍k-sāi Sī-kiàm ê lāu-pē Hap-boa̍t ê lâng; lán siáⁿ-sū ho̍k-sāi i ah? Í-piat ê kiáⁿ迦勒講：A-pí-bí-le̍k是chī-chūi， 示劍是chī-chūi，hō͘咱服事伊ah？ 伊kiám m̄是Iâ-lō͘-pa-le̍k ê kiáⁿ mah？伊ê軍長 kiám m̄是Se-pò͘-le̍k mah？lín tio̍h服事示劍ê 老父Hap-boa̍t ê人；咱啥事服事伊ah？

30 Sū-su-kì 《士師記 》 Judges Tē káu chiuⁿ 第九章 Tē 29 chat 第二十九節
Goān chiah ê peh-sìⁿ kui goá ê chhiú-ē, goá chiū tû A-pí-bí-le̍k; i chiū kā A-pí-bí-le̍k kóng, Ke-thiⁿ lí ê kun-peng chhut-lâi. 願chiah-ê百姓歸我ê手下， 我就除A-pí-bí-le̍k； 伊就kā A-pí-bí-le̍k講： 加添你ê軍兵出來。

31 Sū-su-kì 《士師記 》 Judges Tē káu chiuⁿ 第九章 Tē 30 chat 第三十節
Siâⁿ-siú Se-pò͘-le̍k thiaⁿ-kìⁿ Í-piat ê kiáⁿ Ka-le̍k ê oē, chiū siū-khì; 城守Se-pò͘-le̍k聽見 Í-piat ê kiáⁿ迦勒ê話， 就受氣；

32 Sū-su-kì 《士師記 》 Judges Tē káu chiuⁿ 第九章 Tē 31 chat 第三十一節
àm-chīⁿ chhe lâng khì kìⁿ A-pí-bí-le̍k, kóng, Í-piat ê kiáⁿ Ka-le̍k kap i ê hiaⁿ-tī kàu Sī-kiàm, iú-he̍k siâⁿ-lāi ê peh-sìⁿ kong-kek lí; 暗靜差人去見A-pí-bí-le̍k， 講：Í-piat ê kiáⁿ迦勒 kap伊ê兄弟到示劍， 誘惑城內ê百姓攻擊你；

33 Sū-su-kì 《士師記 》 Judges Tē káu chiuⁿ 第九章 Tē 32 chat 第三十二節
só͘-í lí kap tè lí ê lâng, tio̍h thàu-mî khí-lâi, bâi-ho̍k tī chhân--nih; 所以你kap tè你ê人， tio̍h透暝起來， 埋伏tī田裡；

34 Sū-su-kì 《士師記 》 Judges Tē káu chiuⁿ 第九章 Tē 33 chat 第三十三節
chá-khí-sî, ji̍t tú-á chhut; lí tio̍h chá-chá khí-lâi, chhiong-oá kong siâⁿ; Ka-le̍k kap tè i ê lâng chhut-lâi kong-kek lí ê sî, lí chiū thang siòng ki-hoē lâi khoán-thāi in. 早起時，日tú-á出； 你tio̍h早早起來，衝oá攻城； 迦勒kap tè伊ê人出來攻擊你ê時， 你就thang siòng機會來款待in。

35 Sū-su-kì 《士師記 》 Judges Tē káu chiuⁿ 第九章 Tē 34 chat 第三十四節
A-pí-bí-le̍k kap tè i ê chèng-lâng thàu-mî khí-lâi, pun choè sì-tūi, ǹg Sī-kiàm bâi-ho̍k. A-pí-bí-le̍k kap tè伊ê眾人 透暝起來，分做四隊， ǹg示劍埋伏。

36 Sū-su-kì 《士師記 》 Judges Tē káu chiuⁿ 第九章 Tē 35 chat 第三十五節
Í-piat ê kiáⁿ Ka-le̍k chhut-khì, khiā tī siâⁿ-mn̂g-kháu; A-pí-bí-le̍k kap tè ê lâng tùi bâi-ho̍k ê só͘-chāi khí-lâi. Í-piat ê kiáⁿ迦勒出去， khiā tī城門口； A-pí-bí-le̍k kap tè ê人 tùi埋伏ê所在起來。

37 Sū-su-kì 《士師記 》 Judges Tē káu chiuⁿ 第九章 Tē 36 chat 第三十六節
Ka-le̍k khoàⁿ-kìⁿ hiah ê lâng, chiū tùi Se-pò͘-le̍k kóng, Khoàⁿ ah, ū lâng tùi soaⁿ-téng lo̍h--lâi. Se-pò͘-le̍k kóng, Lí khoàⁿ-kìⁿ soaⁿ ê iáⁿ, lia̍h-choè sī lâng. 迦勒看見hiah-ê人，就對 Se-pò͘-le̍k講：看ah，有人tùi山頂 落來。Se-pò͘-le̍k講： 你看見山ê影，掠做是人。

38 Sū-su-kì 《士師記 》 Judges Tē káu chiuⁿ 第九章 Tē 37 chat 第三十七節
Ka-le̍k koh kóng, Khoàⁿ ah, ū lâng tùi koâiⁿ-toē lo̍h-lâi, koh ū chi̍t-tūi tùi Bí-ok-nî-nî siōng-chhiū ê lō͘ chiūⁿ-lâi. 迦勒koh講： 看ah，有人tùi高地落來， koh有一隊tùi Bí-ok-nî-nî 橡樹ê路上來。

39 Sū-su-kì 《士師記 》 Judges Tē káu chiuⁿ 第九章 Tē 38 chat 第三十八節
Se-pò͘-le̍k tùi i kóng, Lí bat kóng, A-pí-bí-le̍k sī chī-chūi, hō͘ lán ho̍k-sāi i, lí kóng chiah ê oē ê chhùi tī tah-lo̍h? che kiám m̄-sī lí só͘ biáu-sī ê peh-sìⁿ mah? lí taⁿ tio̍h chhut-khì, kap in kau-chiàn. Se-pò͘-le̍k對伊講， 你bat講：A-pí-bí-le̍k是chī-chūi， hō͘咱服事伊，你講chiah-ê話ê嘴tī tah落？ 這kiám m̄是你所藐視ê百姓mah？ 你taⁿ tio̍h出去，kap in交戰。

40 Sū-su-kì 《士師記 》 Judges Tē káu chiuⁿ 第九章 Tē 39 chat 第三十九節
Ka-le̍k chiū tùi Sī-kiàm lâng ê thâu-chêng chhut-khì, kap A-pí-bí-le̍k kau-chiàn. 迦勒就tùi 示劍人ê頭前出去， kap A-pí-bí-le̍k交戰。

41 Sū-su-kì 《士師記 》 Judges Tē káu chiuⁿ 第九章 Tē 40 chat 第四十節
A-pí-bí-le̍k tui-koáⁿ i; i tī i ê bīn-chêng tô-cháu, ū choē-choē lâng tio̍h-siong tó--teh, ti̍t-kàu siâⁿ-mn̂g-kháu. A-pí-bí-le̍k追趕伊； 伊tī伊ê面前逃走， 有choē-choē人tio̍h傷倒teh， 直到城門口。

42 Sū-su-kì 《士師記 》 Judges Tē káu chiuⁿ 第九章 Tē 41 chat 第四十一節
A-pí-bí-le̍k tiàm tī A-ló͘-má; Se-pò͘-le̍k koáⁿ Ka-le̍k kap i ê hiaⁿ-tī, m̄-chún i tiàm tī Sī-kiàm. A-pí-bí-le̍k tiàm tī A-ló͘-má； Se-pò͘-le̍k趕迦勒kap伊ê兄弟， m̄准伊tiàm tī示劍。

43 Sū-su-kì 《士師記 》 Judges Tē káu chiuⁿ 第九章 Tē 42 chat 第四十二節
Keh-ji̍t peh-sìⁿ chhut-khì kàu chhân--nih; ū lâng kā A-pí-bí-le̍k kóng. 隔日百姓 出去到田裡； 有人kā A-pí-bí-le̍k講。

44 Sū-su-kì 《士師記 》 Judges Tē káu chiuⁿ 第九章 Tē 43 chat 第四十三節
I chiū chiong i ê lâng pun choè saⁿ-tūi, bâi-ho̍k tī chhân--nih; khoàⁿ-kìⁿ Sī-kiàm lâng tùi siâⁿ--nih chhut-lâi, chiū khí-lâi kong-kek in, thâi in. 伊就將伊ê人分做三隊， 埋伏tī田裡； 看見示劍人tùi城裡出來， 就起來攻擊in，thâi in。

45 Sū-su-kì 《士師記 》 Judges Tē káu chiuⁿ 第九章 Tē 44 chat 第四十四節
A-pí-bí-le̍k kap tè i hit chi̍t-tūi chhiong chìn-chêng, khiā tī siâⁿ-mn̂g-kháu; hit nn̄g-tūi ti̍t-ti̍t chhiong kàu chhân--nih hiah ê lâng, lâi thâi in. A-pí-bí-le̍k kap tè伊hit一隊 衝進前，khiā tī城門口； hit兩隊直直衝到田裡 hiah-ê人，來thâi in。

46 Sū-su-kì 《士師記 》 Judges Tē káu chiuⁿ 第九章 Tē 45 chat 第四十五節
A-pí-bí-le̍k thong-ji̍t kong-kek siâⁿ; chhú hit ê siâⁿ, thâi-sí hí lāi-bīn ê peh-sìⁿ; thiah-húi hit ê siâⁿ, ēng iâm iā i. A-pí-bí-le̍k thong日攻擊城； 取hit-ê城，thâi死hit內面ê百姓； 拆毀hit-ê城，用鹽掖伊。

47 Sū-su-kì 《士師記 》 Judges Tē káu chiuⁿ 第九章 Tē 46 chat 第四十六節
Tiàm tī Sī-kiàm tâi ê lâng thiaⁿ-kìⁿ, chiū siám-ji̍p Pa-le̍k-pí-lī-thó͘ ê chhù ê oē-só͘. Tiàm tī示劍台ê人 聽見，就閃入 Pa-le̍k-pí-lī-thó͘ ê厝ê衛所。

48 Sū-su-kì 《士師記 》 Judges Tē káu chiuⁿ 第九章 Tē 47 chat 第四十七節
Ū lâng kā A-pí-bí-le̍k kóng, Sī-kiàm tâi ê lâng lóng chū-chi̍p tī chi̍t só͘-chāi. 有人kā A-pí-bí-le̍k講： 示劍台ê人 lóng聚集tī一所在。

49 Sū-su-kì 《士師記 》 Judges Tē káu chiuⁿ 第九章 Tē 48 chat 第四十八節
A-pí-bí-le̍k kap tè i ê lâng chiū lóng chiūⁿ Sat-bûn soaⁿ; A-pí-bí-le̍k chhiú the̍h pó͘-thâu, chhò chi̍t châng chhiū-ki, giâ tī keng-thâu-téng; tùi tè i ê lâng kóng, Lín khoàⁿ goá só͘-kiâⁿ-ê, iā tio̍h kín-kín o̍h goá lâi kiâⁿ. A-pí-bí-le̍k kap tè伊ê人就lóng 上 Sat-bûn山； A-pí-bí-le̍k手the̍h斧頭，剉一叢 樹枝，giâ tī肩頭頂； 對tè伊ê人講：Lín看我所行ê， 也tio̍h緊緊學我來行。

50 Sū-su-kì 《士師記 》 Judges Tē káu chiuⁿ 第九章 Tē 49 chat 第四十九節
Chèng-lâng chiū ta̍k-ê chhò chi̍t-ki, lâi tè A-pí-bí-le̍k, chiong chhiū-ki thia̍p tī oē-só͘, pàng-hé sio oē-só͘ tī hiah ê lâng ê téng-bīn, tì-kàu Sī-kiàm tâi ê lâng lóng sí; lâm-lú iok-lio̍k chi̍t-chheng lâng. 眾人就ta̍k-ê剉一支， 來tè A-pí-bí-le̍k，將樹枝疊tī衛所， 放火燒衛所tī hiah-ê人ê頂面， 致到示劍台ê人lóng死； 男女約略一千人。

51 Sū-su-kì 《士師記 》 Judges Tē káu chiuⁿ 第九章 Tē 50 chat 第五十節
A-pí-bí-le̍k khì kàu Thê-pī-su, chat-iâⁿ tī Thê-pī-su, lâi chhú i. A-pí-bí-le̍k去到Thê-pī-su， 紮營tī Thê-pī-su， 來取伊。

52 Sū-su-kì 《士師記 》 Judges Tē káu chiuⁿ 第九章 Tē 51 chat 第五十一節
Siâⁿ-lāi ū kian-kò͘ ê tâi; siâⁿ-lāi ê chèng-lâng, bô-lūn lâm-lú, lóng cháu-khì hia, koaiⁿ-mn̂g, chiūⁿ tâi-téng. 城內有堅固ê台； 城內ê眾人，無論男女， lóng走去hia， 關門，上台頂。

53 Sū-su-kì 《士師記 》 Judges Tē káu chiuⁿ 第九章 Tē 52 chat 第五十二節
A-pí-bí-le̍k kàu hit ê tâi kong-kek i, oá-kūn tâi-mn̂g, beh ēng hé sio i. A-pí-bí-le̍k到hit-ê台攻擊伊， oá近台門， beh用火燒伊。

54 Sū-su-kì 《士師記 》 Judges Tē káu chiuⁿ 第九章 Tē 53 chat 第五十三節
Ū chi̍t ê hū-jîn-lâng chiong chi̍t-tè téng-tún ê bō-chio̍h, tìm-tio̍h A-pí-bí-le̍k ê thâu-khak, phah-phoà i ê thâu-khak-oáⁿ; 有一個婦人人 將一塊téng-tún ê磨石， tìm-tio̍h A-pí-bí-le̍k ê頭殼， phah破伊ê頭殼碗；

55 Sū-su-kì 《士師記 》 Judges Tē káu chiuⁿ 第九章 Tē 54 chat 第五十四節
i chiū kín-kín kiò kia̍h i ê kun-khì ê siàu-liân lâng, kā i kóng, Pu̍ih lí ê to thâi goá, bián-tit lâng kóng goá, I sī hū-jîn-lâng só͘ thâi-ê; siàu-liân lâng chiū kā i chha̍k-thàu, i chiū sí. 伊就緊緊叫kia̍h伊ê軍器ê少年人， kā伊講，拔你ê刀thâi我，免得 人講我，伊是婦人人所thâi-ê； 少年人就kā伊鑿透，伊就死。

56 Sū-su-kì 《士師記 》 Judges Tē káu chiuⁿ 第九章 Tē 55 chat 第五十五節
Í-sek-lia̍t lâng khoàⁿ-kìⁿ A-pí-bí-le̍k í-keng sí, ta̍k-ê chiū tò-khì i ê só͘-chāi. 以色列人 看見A-pí-bí-le̍k已經死， ta̍k-ê就tò去伊ê所在。

57 Sū-su-kì 《士師記 》 Judges Tē káu chiuⁿ 第九章 Tē 56 chat 第五十六節
Án-ni, Siōng-tè pò-èng A-pí-bí-le̍k ǹg i ê lāu-pē só͘ kiâⁿ ê pháiⁿ, chiū-sī thâi-sí i ê hiaⁿ-tī chhit-cha̍p lâng. Án-ni，上帝報應 A-pí-bí-le̍k ǹg伊ê老父所行ê pháiⁿ， 就是thâi死伊ê兄弟七十人。

58 Sū-su-kì 《士師記 》 Judges Tē káu chiuⁿ 第九章 Tē 57 chat 第五十七節
Sī-kiàm lâng it-chhè ê pháiⁿ, Siōng-tè iā lóng pò-èng tī in ê thâu-khak-téng; Iâ-lō͘-pa-le̍k ê kiáⁿ Iok-thán ê chiù-chó͘ kui tī in ê téng-bīn. 示劍人一切ê pháiⁿ， 上帝也lóng報應tī in ê頭殼頂； Iâ-lō͘-pa-le̍k ê kiáⁿ Iok-thán ê咒詛 歸tī in ê頂面。