Kū-iok Sū-su-kì Tē jī chiuⁿ

Presentation on theme: "Kū-iok Sū-su-kì Tē jī chiuⁿ"— Presentation transcript:

1 Kū-iok Sū-su-kì Tē jī chiuⁿ
Pa-khek-lé Siu-tèng-pán Sèng-keng 巴克禮修訂版聖經 舊約 《士師記》 第二章 Kū-iok Sū-su-kì Tē jī chiuⁿ JUDGES

2 Sū-su-kì 《士師記 》 Judges Tē jī chiuⁿ 第二章 Tē 1 chat 第一節
Iâ-hô-hoa ê sù-chiá tùi Kiat-kah chiūⁿ kàu Pho-kim, kóng, Goá hō͘ lín tùi Ai-ki̍p chiūⁿ-lâi, chhoā lín kàu Goá tùi lín lia̍t-chó͘ chiù-choā ê toē; Goá iā bat kóng, só͘ kap lín li̍p ê iok, Goá éng-oán bô ûi-poē; 耶和華ê使者tùi Kiat-kah上到Pho-kim， 講：我hō͘ lín tùi埃及上來，chhoā lín到我 tùi lín列祖chiù-choā ê地；我也bat講： 所kap lín立ê約，我永遠無違背；

3 Sū-su-kì 《士師記 》 Judges Tē jī chiuⁿ 第二章 Tē 2 chat 第二節
lín iā m̄-thang kap chit só͘-chāi khiā-khí ê peh-sìⁿ li̍p-iok; tio̍h thiah-húi in ê toâⁿ. Lín kéng-jiân m̄ thiaⁿ Goá ê oē, sī cháiⁿ-iūⁿ án-ni kiâⁿ ah? lín也m̄-thang kap chit所在 khiā起ê百姓立約；tio̍h拆毀in ê壇。 Lín竟然m̄聽我ê話， 是怎樣án-ni行ah？

4 Sū-su-kì 《士師記 》 Judges Tē jī chiuⁿ 第二章 Tē 3 chat 第三節
In-ūi án-ni Goá koh kóng, Goá bô beh tùi lín ê bīn-chêng koáⁿ-chhut in, in beh choè lín hia̍p-ē ê chhì, in ê siōng-tè beh choè hāi lín ê lô-bāng. 因為án-ni我koh講：我無beh tùi lín ê面前趕出in， in beh做lín hia̍p下ê刺， in ê上帝beh做害lín ê羅網。

5 Sū-su-kì 《士師記 》 Judges Tē jī chiuⁿ 第二章 Tē 4 chat 第四節
Iâ-hô-hoa ê sù-chiá tùi Í-sek-lia̍t chèng-lâng kóng chiah ê oē ê sî, peh-sìⁿ chiū khui-siaⁿ thî-khàu; 耶和華ê使者 對以色列眾人 講chiah-ê話ê時， 百姓就開聲啼哭；

6 Sū-su-kì 《士師記 》 Judges Tē jī chiuⁿ 第二章 Tē 5 chat 第五節
chiū hō hit só͘-chāi ê miâ kiò Pho-kim; in tī-hia hiàn-chè hō͘ Iâ-hô-hoa. 就號hit所在ê名 叫Pho-kim； in tī-hia獻祭hō͘耶和華。

7 Sū-su-kì 《士師記 》 Judges Tē jī chiuⁿ 第二章 Tē 6 chat 第六節
Iok-su-a í-keng chhe Í-sek-lia̍t lâng khì ê sî, in ta̍k-lâng kui in ê gia̍p, lâi tit-tio̍h in ê toē. 約書亞已經差 以色列人去ê時， in ta̍k人歸in ê業， 來得tio̍h in ê地。

8 Sū-su-kì 《士師記 》 Judges Tē jī chiuⁿ 第二章 Tē 7 chat 第七節
Iok-su-a tī-teh ê ji̍t, kap Iok-su-a sí liáu-āu hiah ê khoàⁿ-kìⁿ Iâ-hô-hoa ūi Í-sek-lia̍t lâng só͘ kiâⁿ toā-sū ê tióng-ló iáu tī-teh ê sî, peh-sìⁿ ho̍k-sāi Iâ-hô-hoa. 約書亞tī-teh ê日， kap約書亞死了後hiah-ê看見 耶和華為以色列人所行大事 ê長老iáu tī-teh ê時，百姓服事耶和華。

9 Sū-su-kì 《士師記 》 Judges Tē jī chiuⁿ 第二章 Tē 8 chat 第八節
Iâ-hô-hoa ê lô͘-po̍k, Lùn ê kiáⁿ Iok-su-a, chi̍t-pah it-cha̍p hè, chiū sí. 耶和華ê奴僕， Lùn ê kiáⁿ約書亞， 一百一十歲，就死。

10 Sū-su-kì 《士師記 》 Judges Tē jī chiuⁿ 第二章 Tē 9 chat 第九節
In chiū bâi-chòng i tī i ê gia̍p ê kài-lāi, chiū-sī tī Í-hoat-liân soaⁿ-toē ê Têng-ná-hi-lia̍t, tī Ka-si̍t soaⁿ ê pak--sì. In就埋葬伊tī伊ê業ê界內， 就是tī Í-hoat-liân山地 ê Têng-ná-hi-lia̍t， tī Ka-si̍t山ê北勢。

11 Sū-su-kì 《士師記 》 Judges Tē jī chiuⁿ 第二章 Tē 10 chat 第十節
Hit-tāi ê lâng lóng tò-chó͘; í-āu koh chi̍t-tāi ê lâng heng-khí, m̄-chai Iâ-hô-hoa, iā m̄-chai ūi Í-sek-lia̍t lâng só͘ kiâⁿ ê sū. Hit代ê人lóng tò祖； 以後koh一代 ê人興起， m̄知耶和華， 也m̄知為以色列人所行ê事。

12 Sū-su-kì 《士師記 》 Judges Tē jī chiuⁿ 第二章 Tē 11 chat 第十一節
Í-sek-lia̍t lâng kiâⁿ Iâ-hô-hoa khoàⁿ-choè pháiⁿ ê sū, khì ho̍k-sāi Pa-le̍k; 以色列人行耶和華 看做pháiⁿ ê事， 去服事Pa-le̍k；

13 Sū-su-kì 《士師記 》 Judges Tē jī chiuⁿ 第二章 Tē 12 chat 第十二節
khì-sak in lia̍t-chó͘ ê Siōng-tè Iâ-hô-hoa, chiū-sī chhoā in chhut Ai-ki̍p toē ê; khì tè pa̍t ê siōng-tè, chiū-sī sì-ûi hiah ê peh-sìⁿ ê siōng-tè kūi-pài in, lâi jiá Iâ-hô-hoa ê toā siū-khì. 棄sak in列祖ê上帝耶和華， 就是chhoā in出埃及地ê； 去tè別ê上帝， 就是四圍hiah-ê百姓ê上帝跪拜in， 來惹耶和華ê大受氣。

14 Sū-su-kì 《士師記 》 Judges Tē jī chiuⁿ 第二章 Tē 13 chat 第十三節
In iā khì-sak Iâ-hô-hoa, khì ho̍k-sāi Pa-le̍k kap A-su-tha-lio̍k. In也棄sak耶和華， 去服事Pa-le̍k kap A-su-tha-lio̍k。

15 Sū-su-kì 《士師記 》 Judges Tē jī chiuⁿ 第二章 Tē 14 chat 第十四節
Iâ-hô-hoa siū-khì Í-sek-lia̍t ê lâng, chiong in kau tī chhiúⁿ-lia̍h in ê lâng ê chhiú, in chiū chhiúⁿ in; I koh boē in hō͘ sì-ûi tùi-te̍k ê chhiú; tì-kàu in tī in ê tùi-te̍k ê thâu-chêng bô koh khiā-oē-tiâu; 耶和華受氣以色列ê人，將in交tī 搶掠in ê人ê手，in就搶in； 祂koh賣in hō͘四圍對敵ê手；致到 in tī in ê對敵ê頭前無koh khiā話頭；

16 Sū-su-kì 《士師記 》 Judges Tē jī chiuⁿ 第二章 Tē 15 chat 第十五節
in bô-lūn khì toh-lo̍h, Iâ-hô-hoa chhun-chhiú kàng chai-ē hō͘ in, chiàu Iâ-hô-hoa só͘ kóng ê oē, koh chiàu Iâ-hô-hoa tùi in só͘ chiù-choā ê; in chiū ke̍k khùn-khó͘. in無論去toh落，耶和華伸手 降災厄hō͘ in，照耶和華所講ê話， koh照耶和華對in所chiù-choā ê； in就極困苦。

17 Sū-su-kì 《士師記 》 Judges Tē jī chiuⁿ 第二章 Tē 16 chat 第十六節
Iâ-hô-hoa chiū heng-khí sū-su; in chiū kiù peh-sìⁿ thoat-lī chhiúⁿ-lia̍h in ê lâng ê chhiú. 耶和華就興起士師； in就救百姓 脫離搶掠in ê人ê手。

18 Sū-su-kì 《士師記 》 Judges Tē jī chiuⁿ 第二章 Tē 17 chat 第十七節
Chóng-sī in bô thiaⁿ-thàn in ê sū-su, kéng-jiân kiâⁿ siâ-îm, tè pa̍t ê siōng-tè lâi kūi-pài in; in ê lia̍t-chó͘ thàn Iâ-hô-hoa ê bēng-lēng só͘ kiâⁿ ê lō͘, in kín-kín oai-chhoa̍h i, bô chiàu án-ni kiâⁿ. 總是in無聽thàn in ê士師，竟然 行邪淫，tè別ê上帝來跪拜in； in ê列祖thàn耶和華ê命令所行ê路， in緊緊歪chhoa̍h伊，無照án-ni行。

19 Sū-su-kì 《士師記 》 Judges Tē jī chiuⁿ 第二章 Tē 18 chat 第十八節
Iâ-hô-hoa kā in heng-khí sū-su ê sî, Iâ-hô-hoa chiū kap sū-su tī-teh; iā tī sū-su oa̍h tī--teh it-chhè ê ji̍t, kiù in thoat-lī tùi-te̍k ê chhiú; in in-ūi siū ap-chè khó͘-chhó͘, chiū thó͘-khùi, só͘-í Iâ-hô-hoa chiū thè-hoé. 耶和華kā in興起士師ê時， 耶和華就kap士師tī-teh； 也tī士師活tī-teh一切ê日， 救in脫離對敵ê手； in因為受壓制苦楚，就吐氣， 所以耶和華就 退悔。

20 Sū-su-kì 《士師記 》 Judges Tē jī chiuⁿ 第二章 Tē 19 chat 第十九節
Kàu sū-su sí-liáu, in chiū oa̍t-tńg khì kiâⁿ, pí in ê pē-kong koh khah-pháiⁿ, tè pa̍t ê siōng-tè lâi ho̍k-sāi in, kūi-pài in, lóng bô koé in ê só͘-kiâⁿ kap in kò͘-chip ê lō͘. 到士師死了，in就oa̍t-tńg去行， 比in ê父公koh khah-pháiⁿ， tè別ê上帝來服事in，跪拜in， lóng無改in ê所行kap in固執ê路。

21 Sū-su-kì 《士師記 》 Judges Tē jī chiuⁿ 第二章 Tē 20 chat 第二十節
Iâ-hô-hoa chiū siū-khì Í-sek-lia̍t lâng, kóng, In-ūi chit ê peh-sìⁿ ûi-poē Goá ê iok, chiū-sī Goá só͘ bēng-lēng in ê lia̍t-chó͘ ê, iā bô thiaⁿ-thàn Goá ê oē; 耶和華就受氣以色列人， 講：因為chit-ê百姓違背我ê約， 就是我所命令in ê列祖ê， 也無聽thàn我ê話；

22 Sū-su-kì 《士師記 》 Judges Tē jī chiuⁿ 第二章 Tē 21 chat 第二十一節
só͘-í Iok-su-a sí ê sî só͘ chhun ê ta̍k-cho̍k, í-āu Goá bô beh koh tī in ê bīn-chêng koáⁿ-chhut chi̍t-cho̍k; 所以約書亞死ê時 所chhun ê ta̍k族， 以後我無beh koh tī in ê面前 趕出一族；

23 Sū-su-kì 《士師記 》 Judges Tē jī chiuⁿ 第二章 Tē 22 chat 第二十二節
thang ēng chiah-ê lâi chhì-giām Í-sek-lia̍t lâng, khoàⁿ in khéng chip-siú Iâ-hô-hoa ê tō-lō͘ lâi kiâⁿ i, chhin-chhiūⁿ in ê lia̍t-chó͘ bat siú i, á-bô. thang用chiah-ê來試驗 以色列人，看in肯執守 耶和華ê道路來行伊， 親像in ê列祖bat守伊，á無。

24 Sū-su-kì 《士師記 》 Judges Tē jī chiuⁿ 第二章 Tē 23 chat 第二十三節
Só͘-í Iâ-hô-hoa lâu chiah ê cho̍k, bô kín-kín koáⁿ in chhut, iā bô chiong in kau tī Iok-su-a ê chhiú. 所以耶和華留chiah-ê族， 無緊緊趕in出， 也無將in交tī 約書亞ê手。