Kū-iok Iok-jiⁿ-su Tē 1 chiuⁿ

Presentation on theme: "Kū-iok Iok-jiⁿ-su Tē 1 chiuⁿ"— Presentation transcript:

1 Kū-iok Iok-jiⁿ-su Tē 1 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Iok-jiⁿ-su Tē 1 chiuⁿ 舊約 《約珥書》 第一章 Joel

2 Iok-jíⁿ-su 《約珥書》 Joel Tē it chiuⁿ 第一章 Tē 1 chat 第一節
Iâ-hô-hoa ê oē lîm-kàu Pí-thó͘-jíⁿ ê kiáⁿ Iok-jíⁿ--ê. 耶和華ê話 臨到Pí-thó͘-jíⁿ ê kiáⁿ 約珥ê。

3 Iok-jíⁿ-su 《約珥書》 Joel Tē it chiuⁿ 第一章 Tē 2 chat 第二節
Lāu-toā lâng ah, lín tio̍h thiaⁿ chit-ê, chit só͘-chāi khiā-khí ê peh-sìⁿ ah, lín tio̍h àⁿ hī-khang, tng lín ê ji̍t á-sī lín ê lia̍t-chó͘ ê ji̍t, bat ū chit ê sū mah? 老大人ah，lín tio̍h聽chit-ê， chit所在khiā起ê百姓ah，lín tio̍h 俯耳孔，當lín ê日á是lín ê列祖ê日， bat有chit-ê事mah？

4 Iok-jíⁿ-su 《約珥書》 Joel Tē it chiuⁿ 第一章 Tē 3 chat第三節
Lín tio̍h chiong chit ê sū thoân hō͘ lín ê kiáⁿ, kiáⁿ thoân hō͘ sun, sun thoân hō͘ āu-tāi. Lín tio̍h將chit-ê事 傳hō͘ lín ê kiáⁿ， kiáⁿ傳hō͘孫， 孫傳hō͘後代。

5 Iok-jíⁿ-su 《約珥書》 Joel Tē it chiuⁿ 第一章 Tē 4 chat第四節
Chháu-meh chia̍h chhun--ê, tē-jī-chéng ê chháu-meh lâi chia̍h i; tē-jī-chéng chia̍h-chhun--ê, tē-saⁿ-chéng ê chháu-meh lâi chia̍h i; tē-saⁿ-chéng chia̍h-chhun-ê, tē-sì-chéng ê chháu-meh lâi chia̍h--i. 草蜢食chhun-ê， 第二種 ê草蜢來食伊； 第二種食chhun-ê， 第三種ê草蜢來食伊； 第三種食chhun-ê， 第四種ê草蜢來食伊。

6 Iok-jíⁿ-su 《約珥書》 Joel Tē it chiuⁿ 第一章 Tē 5 chat第五節
Chiú-chùi ê lâng ah, lín tio̍h chhíⁿ lâi thî-khàu; hò͘ⁿ-chiú ê lâng ah, tio̍h ūi-tio̍h tiⁿ-chiú lâi thî-khàu; in-ūi bô chiú thang koh kàu lí ê chhùi lah. 酒醉ê人ah，lín tio̍h醒來啼哭； 好酒ê人ah， tio̍h為tio̍h甜酒來啼哭； 因為無酒thang koh到你ê嘴lah。

7 Iok-jíⁿ-su 《約珥書》 Joel Tē it chiuⁿ 第一章 Tē 6 chat第六節
In-ūi ū chi̍t-cho̍k chiūⁿ--lâi goá ê toē, kiông-béng koh boē-sǹg-tit; i ê khí chhin-chhiūⁿ sai ê khí, i ê gê chhin-chhiūⁿ bú ê sai ê gê; 因為有一族上來我ê地， 強猛koh boē算得； 伊ê齒親像獅ê齒， 伊ê牙親像母ê獅ê牙；

8 Iok-jíⁿ-su 《約珥書》 Joel Tē it chiuⁿ 第一章 Tē 7 chat第七節
i húi-hoāi goá ê phû-tô-chhiū, pak goá ê bû-hoa-kó chhiū, hō͘ i kng liu-liu, lâi khì-sak i; i ê ki piàn-choè pe̍h. 伊毀壞我ê葡萄樹， 剝我ê無花果樹， hō͘伊光liu-liu，來棄sak伊； 伊ê枝變做白。

9 Iok-jíⁿ-su 《約珥書》 Joel Tē it chiuⁿ 第一章 Tē 8 chat第八節
Lí tio̍h thî-khàu, chhin-chhiūⁿ chāi-sek-lú io hâ moâ-pò͘, ūi-tio̍h siàu-liân ê sî ê tiōng-hu thî-khàu. 你tio̍h啼哭， 親像在室女腰hâ麻布， 為tio̍h少年ê時ê丈夫啼哭。

10 Iok-jíⁿ-su 《約珥書》 Joel Tē it chiuⁿ 第一章 Tē 9 chat第九節
Sò͘-chè kap tiān-chiú, lóng bô thang kàu Iâ-hô-hoa ê tiān; ho̍k-sāi Iâ-hô-hoa ê chè-si lóng pi-ai. 素祭kap奠酒， lóng無thang到耶和華ê殿； 服事耶和華ê祭司lóng悲哀。

11 Iok-jíⁿ-su 《約珥書》 Joel Tē it chiuⁿ 第一章 Tē 10 chat第十節
Chhân pha-hng, toē pi-ai; in-ūi gō͘-kak húi-hoāi, sin-chiú ta--khì, iû iā khiàm-kheh. 田拋荒，地悲哀； 因為五穀毀壞， 新酒乾去，油也欠缺。

12 Iok-jíⁿ-su 《約珥書》 Joel Tē it chiuⁿ 第一章 Tē 11 chat第十一節
Choh-chhân lâng ah, lín tio̍h kiàn-siàu, siu-lí phû-tô-hn̂g--ê ah, lín tio̍h ai-kiò, ūi-tio̍h sió-be̍h kap toā-be̍h ê iân-kò͘; in-ūi chhân-hn̂g ê siu-sêng lóng bô--khì. 作田人ah，lín tio̍h見笑， 修理葡萄園ê ah，lín tio̍h哀叫， 為tio̍h小麥kap大麥ê緣故； 因為田園ê收成lóng無去。

13 Iok-jíⁿ-su 《約珥書》 Joel Tē it chiuⁿ 第一章 Tē 12 chat第十二節
Phû-tô-chhiū ta--khì, bû-hoa-kó chhiū ko͘-tâ, sia̍h-liû, chó-chhiū, pîn-kó, liân chhân-iá it-chhè ê chhiū-ba̍k, iā lóng ko͘-tâ; jîn-kan ê khoài-lo̍k lóng siau-bô. 葡萄樹乾去，無花果樹枯焦， 石榴、棗樹、蘋果， 連田野一切ê樹木， 也lóng枯焦；人間ê快樂lóng消無。

14 Iok-jíⁿ-su 《約珥書》 Joel Tē it chiuⁿ 第一章 Tē 13 chat第十三節
Chè-si ah, lín tio̍h hâ moâ-pò͘ thî-khàu; tī chè-toâⁿ ho̍k-sāi--ê ah, lín tio̍h ai-kiò; choè goá ê Siōng-tè chhe-ēng ê lâng ah, lín tio̍h lâi, chhēng moâ-pò͘ kè-mî; in-ūi sò͘-chè kap tiān-chiú, lóng bô thang hiàn tī lín ê Siōng-tè ê tiān. 祭司ah，lín tio̍h hâ麻布啼哭； tī祭壇服事ê ah，lín tio̍h哀叫； 做我ê上帝差用ê人ah，lín tio̍h來， 穿麻布過暝；因為素祭kap奠酒， lóng無thang獻tī lín ê上帝ê殿。

15 Iok-jíⁿ-su 《約珥書》 Joel Tē it chiuⁿ 第一章 Tē 14 chat第十四節
Lín tio̍h siat chi̍t ê kìm-chia̍h ê sèng-ji̍t, tiàu-chi̍p giâm-siok-hoē, chio-chi̍p lāu-toā, kap kok-lāi it-chhè khiā-khí ê peh-sìⁿ, kàu Iâ-hô-hoa lín Siōng-tè ê tiān, ai-kiû Iâ-hô-hoa. Lín tio̍h設一個禁食ê聖日， 召集嚴肅會，招集老大， kap國內一切khiā起ê百姓， 到耶和華lín上帝ê殿，哀求耶和華。

16 Iok-jíⁿ-su 《約珥書》 Joel Tē it chiuⁿ 第一章 Tē 15 chat第十五節
Chhám ah, hit-ji̍t, in-ūi Iâ-hô-hoa ê ji̍t kūn lah, chhin-chhiūⁿ húi-bia̍t beh tùi Choân-lêng--ê lâi. 慘ah，hit日， 因為耶和華ê日近lah， 親像毀滅 beh tùi全能ê來。

17 Iok-jíⁿ-su 《約珥書》 Joel Tē it chiuⁿ 第一章 Tē 16 chat第十六節
Chia̍h-mi̍h kiám-m̄-sī tùi lán ê ba̍k-chêng toān-choa̍t mah? Hoaⁿ-hí khoài-lo̍k kiám-m̄-sī tùi lán ê Siōng-tè ê tiān thêng-chí mah? 食物kiám m̄是 對咱ê目前斷絕mah？ 歡喜快樂kiám m̄是 對咱ê上帝ê殿停止mah？

18 Iok-jíⁿ-su 《約珥書》 Joel Tē it chiuⁿ 第一章 Tē 17 chat第十七節
Chéng-chí noā tī thô͘-lāi; chhek-chhng hong-hoè; chhek-siāⁿ tó-hoāi; in-ūi gō͘-kak ta-la--khì. 種子爛tī土內； 粟倉荒廢； 粟siāⁿ倒壞； 因為五穀乾la去。

19 Iok-jíⁿ-su 《約珥書》 Joel Tē it chiuⁿ 第一章 Tē 18 chat第十八節
Cheng-siⁿ ai-háu kàu cháiⁿ-iūⁿ! gû-kûn hun-loān, in-ūi bô chháu; iûⁿ-kûn iā khùn-khó͘. Cheng-siⁿ 哀哮到怎樣！ 牛群紛亂， 因為無草； 羊群也困苦。

20 Iok-jíⁿ-su 《約珥書》 Joel Tē it chiuⁿ 第一章 Tē 19 chat第十九節
Iâ-hô-hoa ah, goá kiû-kiò Lí; in-ūi hé sio-bia̍t khòng-iá ê chháu-tiûⁿ, hé-iām sio-chīn chhân-iá ê chhiū-ba̍k. 耶和華ah，我求叫你； 因為火燒滅曠野ê草場， 火燄燒盡田野ê樹木。

21 Iok-jíⁿ-su 《約珥書》 Joel Tē it chiuⁿ 第一章 Tē 20 chat第二十節
Chhân-iá ê cháu-siù ǹg Lí teh chhoán; in-ūi khoe-chúi ta--khì, hé iā sio-bia̍t khòng-iá ê chháu-tiûⁿ. 田野ê走獸ǹg你teh喘； 因為溪水乾去， 火也燒滅曠野ê草場。