Pa-khek-lé Siu-tèng-pán Sèng-keng 巴克禮修訂版聖經

Presentation on theme: "Pa-khek-lé Siu-tèng-pán Sèng-keng 巴克禮修訂版聖經"— Presentation transcript:

1 Pa-khek-lé Siu-tèng-pán Sèng-keng 巴克禮修訂版聖經
舊約 《出埃及記》 第三章 Kū-iok “Chhut Ai-ki̍p Kì” Tē saⁿ chiuⁿ Exodus

2 Mô͘-se kò͘ i ê tiūⁿ-lâng, Bí-tiân ê chè-si,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 1 chat 第一節 Mô͘-se kò͘ i ê tiūⁿ-lâng, Bí-tiân ê chè-si, Ia̍p-thek-lô, ê iûⁿ-kûn, koáⁿ iûⁿ khì khòng-iá ê āu-bīn, kàu Siōng-tè ê soaⁿ, chiū-sī Hô-lia̍t soaⁿ. 摩西顧伊ê丈人，米甸ê祭司， Ia̍p-thek-lô，ê羊群，趕羊去 曠野ê後面，到上帝ê山， 就是何烈山。

3 Iâ-hô-hoa ê sù-chiá tī chhì-phè-lāi
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 2 chat 第二節 Iâ-hô-hoa ê sù-chiá tī chhì-phè-lāi hé-iām-tiong tùi i chhut-hiān, i khoàⁿ-kìⁿ, khoàⁿ ah, chhì-phè hō͘ hé sio, chhì-phè iā bô to̍h-khì. 耶和華ê使者tī刺phè內 火燄中對伊出現，伊看見， 看ah，刺phè hō͘火燒， 刺phè也無to̍h去。

4 Mô͘-se kóng, Goá taⁿ beh oat-kè-khì, khoàⁿ chit-ê toē ê kéng-siōng,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 31 chat 第三節 Mô͘-se kóng, Goá taⁿ beh oat-kè-khì, khoàⁿ chit-ê toē ê kéng-siōng, chit-ê chhì-phè cháiⁿ-iūⁿ bô to̍h-khì ah. 摩西講：我taⁿ beh oat過去， 看chit-ê地ê景象， chit-ê刺phè怎樣無to̍h去ah。

5 “Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 4 chat 第四節
Iâ-hô-hoa khoàⁿ-kìⁿ i oat-khì beh khoàⁿ, Siōng-tè chiū tùi chhì-phè-lāi kiò i kóng, Mô͘-se, Mô͘-se. I chiū kóng, Goá tī-chia. 耶和華看見伊oat去beh看， 上帝就對刺phè內叫伊講： 摩西，摩西。伊就講：我tī-chia。

6 I chiū kóng, Lí bo̍h-tit kūn-oá lâi; tio̍h thǹg lí kha-ni̍h ê oê,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 5 chat 第五節 I chiū kóng, Lí bo̍h-tit kūn-oá lâi; tio̍h thǹg lí kha-ni̍h ê oê, in-ūi lí khiā ê só͘-chāi sī sèng-toē. 伊就講：你莫得近oá來； tio̍h thǹg你腳裡ê鞋， 因為你khiā ê所在是聖地。

7 Koh kóng, Goá sī lí ê chó͘-kong ê Siōng-tè,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 6 chat 第六節 Koh kóng, Goá sī lí ê chó͘-kong ê Siōng-tè, A-pek-la̍h-hán ê Siōng-tè, Í-sat ê Siōng-tè, Ngá-kok ê Siōng-tè. Mô͘-se jia i ê bīn; m̄-káⁿ khoàⁿ Siōng-tè. Koh講：我是你ê祖公ê上帝， 亞伯拉罕ê上帝，以撒ê上帝， 雅各ê上帝。摩西遮伊ê面； m̄敢看上帝。

8 Iâ-hô-hoa kóng, Goá ê peh-sìⁿ khiā-khí tī Ai-ki̍p ê,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 7 chat 第七節 Iâ-hô-hoa kóng, Goá ê peh-sìⁿ khiā-khí tī Ai-ki̍p ê, in ê khùn-khó͘ Goá si̍t-chāi í-keng khoàⁿ-kìⁿ lah; in ūi-tio̍h tok-kang-ê lâi âu-kiò, Goá í-keng thiaⁿ-kìⁿ lah; Goá pún chai in ê thòng-khó͘. 耶和華講：我ê百姓khiā起tī埃及ê， in ê困苦我實在已經看見lah； in為tio̍h督工ê來喉叫，我已經 聽見lah；我本知in ê痛苦。

9 Taⁿ Goá lo̍h-lâi beh kiù in thoat-lī Ai-ki̍p lâng
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 8 chat 第八節 Taⁿ Goá lo̍h-lâi beh kiù in thoat-lī Ai-ki̍p lâng ê chhiú, chhoā in chhut hit-ê toē, kàu pûi-súi khui-khoah ê toē, kàu lâu lin kap bi̍t ê toē, chiū-sī Ka-lâm, Hek, A-mô͘-lī, Pí-lī-sé, Hi-bī, Iâ-pò͘-su, hiah-ê cho̍k ê só͘-chāi. Taⁿ我落來beh救in脫離埃及人 ê手，chhoā in出hit-ê地，到肥súi 開闊ê地，到流奶kap蜜ê地， 就是迦南、Hek、A-mô͘-lī、Pí-lī-sé、 Hi-bī、Iâ-pò͘-su、hiah-ê族ê所在。

10 Taⁿ Í-sek-lia̍t lâng âu-kiò ê siaⁿ kàu hō͘ Goá thiaⁿ-kìⁿ;
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 9 chat 第九節 Taⁿ Í-sek-lia̍t lâng âu-kiò ê siaⁿ kàu hō͘ Goá thiaⁿ-kìⁿ; Goá iā khoàⁿ-kìⁿ Ai-ki̍p lâng khó͘-chhó͘ in ê kan-khó͘. Taⁿ以色列人喉叫ê聲 到hō͘我聽見； 我也看見埃及人 苦楚in ê艱苦。

11 Taⁿ lí lâi, Goá beh chhe lí khì kìⁿ Hoat-ló, chhoā Goá ê peh-sìⁿ
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 10 chat 第十節 Taⁿ lí lâi, Goá beh chhe lí khì kìⁿ Hoat-ló, chhoā Goá ê peh-sìⁿ Í-sek-lia̍t lâng chhut Ai-ki̍p. Taⁿ你來，我beh差你 去見法老， chhoā我ê百姓 以色列人出埃及。

12 Mô͘-se tùi Siōng-tè kóng, Goá sī sím-mi̍h lâng thang khì kìⁿ Hoat-ló,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 11 chat 第十一節 Mô͘-se tùi Siōng-tè kóng, Goá sī sím-mi̍h lâng thang khì kìⁿ Hoat-ló, chhoā Í-sek-lia̍t lâng chhut Ai-ki̍p ah? 摩西對上帝講： 我是甚麼人 thang去見法老， chhoā以色列人出埃及ah？

13 I kóng, Goá si̍t-chāi beh kap lí tī-teh;
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 10 chat 第十二節 I kóng, Goá si̍t-chāi beh kap lí tī-teh; lí chhoā peh-sìⁿ chhut Ai-ki̍p liáu-āu, lín beh tī chit-ê soaⁿ ho̍k-sāi Siōng-tè; che beh choè Goá chhe lí ê chèng-kù. 伊講：我實在beh kap你tī-teh； 你chhoā百姓出埃及了後， lín beh tī chit-ê山服事上帝； 這beh做我差你ê證據。

14 Mô͘-se tùi Siōng-tè kóng, Khoàⁿ ah,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 13 chat 第十三節 Mô͘-se tùi Siōng-tè kóng, Khoàⁿ ah, goá kàu Í-sek-lia̍t lâng hia,tùi in kóng, Lín chó͘-kong ê Siōng-tè chhe goá lâi lín chia; in nā mn̄g goá kóng, I kiò sím-mi̍h miâ? goá beh kā in kóng sím-mi̍h ah? 摩西對上帝講：看ah， 我到以色列人hia，對in講： Lín祖公ê上帝差我來lín chia； in若問我講：伊叫甚麼名？ 我beh kā in講甚麼ah？

15 Siōng-tè tùi Mô͘-se kóng, Goá sī Chū-jiân Jî-jiân-ê; koh kóng,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 14 chat 第十四節 Siōng-tè tùi Mô͘-se kóng, Goá sī Chū-jiân Jî-jiân-ê; koh kóng, Lí tio̍h kā Í-sek-lia̍t lâng án-ni kóng, Chū-jiân-ê chhe goá kàu lín chia. 上帝對摩西講： 我是自然而然ê；koh講： 你tio̍h kā以色列人án-ni講： 自然ê差我到lín chia。

16 Siōng-tè koh tùi Mô͘-se kóng,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 15 chat 第十五節 Siōng-tè koh tùi Mô͘-se kóng, Lí tio̍h tùi Í-sek-lia̍t lâng án-ni kóng, Chhe goá kàu lín chia ê, chiū-sī Iâ-hô-hoa, lín chó͘-kong ê Siōng-tè, A-pek-la̍h-hán ê Siōng-tè, Í-sat ê Siōng-tè, Ngá-kok ê Siōng-tè; che sī Goá éng-oán ê miâ, che sī Goá ê kì-liām kàu bān-tāi. 上帝koh對摩西講： 你tio̍h對以色列人án-ni講： 差我到lín chia ê，就是耶和華， lín祖公ê上帝，亞伯拉罕ê上帝， 以撒ê上帝，雅各ê上帝；這是 我永遠ê名，這是我ê記念到萬代。

17 Lí khì chio-chi̍p Í-sek-lia̍t ê tiúⁿ-ló, kā in kóng,
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 16 chat 第十六節 Lí khì chio-chi̍p Í-sek-lia̍t ê tiúⁿ-ló, kā in kóng, Iâ-hô-hoa, lín chó͘-kong ê Siōng-tè, chiū-sī A-pek-la̍h-hán, Í-sat, Ngá-kok ê Siōng-tè, tùi goá chhut-hiān, kóng, Goá si̍t-chāi koàn-kò͘ lín, lâng tī Ai-ki̍p só͘ khoán-thāi lín ê, Goá iā ū khoàⁿ-kìⁿ. 你去招集以色列ê長老，kā in講： 耶和華，lín祖公ê上帝，就是亞伯拉罕、 以撒、雅各ê上帝，對我出現，講： 我實在眷顧lín，人tī埃及 所款待lín ê，我也有看見。

18 Goá iā bat kóng, Goá beh chhoā lín
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 17 chat 第十七節 Goá iā bat kóng, Goá beh chhoā lín chhut Ai-ki̍p ê kan-khó͘, kàu Ka-lâm, Hek, A-mô͘-lī, Pí-lī-sé, Hi-bī, Iâ-pò͘-su, hiah-ê cho̍k ê toē, kàu lâu lin kap bi̍t ê toē. 我也bat講：我beh chhoā lín 出埃及ê艱苦，到迦南，Hek， A-mô͘-lī，Pí-lī-sé，Hi-bī，Iâ-pò͘-su， hiah-ê族ê地，到流奶kap蜜ê地。

19 In beh thiaⁿ lí ê oē; lí kap Í-sek-lia̍t ê tiúⁿ-ló tio̍h khì
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 18 chat 第十八節 In beh thiaⁿ lí ê oē; lí kap Í-sek-lia̍t ê tiúⁿ-ló tio̍h khì kìⁿ Ai-ki̍p ông, kā i kóng, Hi-pek-lâi lâng ê Siōng-tè Iâ-hô-hoa í-keng tú-tio̍h goán; taⁿ kiû lí iông-ún goán khì khòng-iá, kiâⁿ saⁿ-ji̍t ê lō͘-chām, beh chè-sū Iâ-hô-hoa, goán ê Siōng-tè. In beh聽你ê話；你kap以色列ê長老tio̍h去 見埃及王，kā伊講：希伯來人ê上帝 耶和華已經tú-tio̍h阮；taⁿ求你容允 阮去曠野，行三日ê 路站， beh祭祀耶和華，阮ê上帝。

20 Ai-ki̍p ông iā m̄ hō͘ lín khì. 我知雖然用
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 19 chat 第十九節 Goá chai sui-jiân ēng toā koân-lêng ê chhiú, Ai-ki̍p ông iā m̄ hō͘ lín khì. 我知雖然用 大權能ê手， 埃及王也m̄ hō͘ lín去。

21 Goá beh chhun Goá ê chhiú, ēng Goá tī Ai-ki̍p-tiong só͘ beh
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 20 chat 第二十節 Goá beh chhun Goá ê chhiú, ēng Goá tī Ai-ki̍p-tiong só͘ beh kiâⁿ it-chhè ê kî-sū lâi phah i; jiân-āu i chiah chún lín khì. 我beh伸我ê手， 用我tī埃及中所beh 行一切ê奇事來phah伊； 然後伊chiah准lín去。

22 Goá beh hō͘ chit-ê peh-sìⁿ tit-tio̍h
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 21 chat 第二十一節 Goá beh hō͘ chit-ê peh-sìⁿ tit-tio̍h un-tián tī Ai-ki̍p lâng ê bīn-chêng, hō͘ lín chhut-khì ê sî, bô khang-chhiú khì; 我beh hō͘ chit-ê百姓得tio̍h 恩典tī埃及人ê面前， hō͘ lín出去ê時， 無空手去；

23 chiah-ê hū-jîn-lâng ta̍k-ê beh tùi i ê chhù-piⁿ
“Chhut Ai-ki̍p Kì” 《出埃及記》 Exodus Tē saⁿ chiuⁿ 第三章 Tē 22 chat 第二十二節 chiah-ê hū-jîn-lâng ta̍k-ê beh tùi i ê chhù-piⁿ kap toà tī i ê ke-lāi ê hū-jîn-lâng thó gûn-khì, kim-khì, kap i-ho̍k, thang hō͘ lí ê kiáⁿ cha-bó͘-kiáⁿ ēng; án-ni lín beh chhiúⁿ Ai-ki̍p lâng. chiah-ê婦人人ta̍k-ê beh對伊ê厝邊 kap toà tī伊ê家內ê婦人人討銀器、 金器，kap衣服，thang hō͘你ê kiáⁿ cha-bó͘-kiáⁿ用；án-ni lín beh搶埃及人。