2. 聽力測驗 測驗時間：25分鐘 聽力測驗分做「對話」kap「演說」2種題型，攏總21條單選題。 「對話選擇題」有8條問題，每1條問題有3秒ê作答時間。 「演說選擇題」有13條問題，每1條問題有5秒ê作答時間。 請kā答案寫tī答案紙內底。

【對話選擇題1】 胃腸內科-你半冬愛巡一kái肝 〈請聽錄音〉

【對話】 問題第1條：根據對話，醫師建議患者偌久愛巡一kái肝？ (A)3個月 (B)6個月 (C)9個月 (D)1冬 問題第2條：根據對話，下面tó一个描述無正確？ (A)肝炎B古早無藥仔通醫 (B)患者ê肝功能各樣 (C)患者最近袂感覺艱苦 (D)無症頭m̄免巡

【對話選擇題2】 胃腸內科-彼是良性--ê，無要緊 〈請聽錄音〉

【對話第1段】 問題第1條：根據對話，醫師開予患者食ê藥仔，患者吃了胃按怎？ (A)足艱苦 (B)袂艱苦 (C)小可艱苦 (D)無爽快 問題第2條：醫師開予患者食ê藥仔有啥物作用？ (A)止血 (B)較袂吐 (C)較袂生lân-san肉仔 (D)較袂嗽

【對話第2段】 問題第3條：根據對話，下面tó一个描述無正確？ (A)藥仔愛飯前食 (B)有ê人食了胃會艱苦 (C)檢查ê結果是良性--ê (D)藥仔飯後隨食，莫拖傷久 問題第4條：根據對話，討證明書需要tó一種証件？ (A)出入證 (B)學生證 (C)停車證 (D)身份証

【對話選擇題3】 眼科：角膜攏變白--去 〈請聽錄音〉

【對話】 問題第1條：根據對話，下面tó一選項正確？ (A)患者攏無看著影--ah (B)患者ê角膜無反白濁 (C)患者ê烏仁攏白--起來ah (D)患者ê白仁閣紅紅 問題第2條：患者ê目睭有時仔會tiam-tiam，「tiam-tiam」是啥物款ê感覺？ (A)sīnn-sīnn ê感覺 (B)涼涼ê感覺 (C)khê-khê tsha̍k-tsha̍k ê感覺 (D)燒燒ê感覺

【演說選擇題1】 內外科看護學第1章身軀普通ê構造第11、12、13段

【演說第1段】 問題第1條：根據演說，對細胞ê描述，下面tó一項無正確？ (A)細胞kan-tann有一種款式 (B)各部位無相像 (C)作用無相像 (D)有權能通吸收滋養料

【演說第2段】 問題第2條：根據演說，tó 一項講法正確？ (A)黏黏若親像清水ê質叫做細胞核 (B)細胞核tī元形質ê外面 (C)細胞外面有薄薄ê壁 (D)元形質有閣再生ê作用，細胞核無閣再生ê作用

【演說第3段】 【問題第3條】：根據演說，身軀tó一個細胞m̄是吸收滋養料ê作用？ (A)肺ê細胞 (B)腎臟ê細胞 (C)腸ê細胞 (D)胃ê細胞

【演說選擇題2】 內外科看護學第2章論骨系統第3、4、5段

【演說第1段】 問題第1條：根據演說，骨若ngâu到thiám會得著有機成分叫做啥物？ (A)灰 (B)膠 (C)結 (D)鐵 問題第2條：根據演說，人tī啥物時陣骨內面有機成分kap無機成分ê質是對半？ (A)細漢ê時 (B)到青年ê時 (C)到中年ê時 (D)到老ê時

【演說第2段】 問題第3條：根據演說，針對骨ê講法tó一項無正確？ (A) 長骨若浸tī鹽酸幾若日久，無機成分會解溶。 (B)骨是親像鐵不止tēng ê物 (C)骨ê質是tēng閣lūn (D)骨ê質是輕閣有彈力質

【演說選擇題3】 內外科看護學第6章論呼吸器系統第6-8段

【演說第1段】 問題第1條：根據演說，喉頭ê作用是予人會出聲、會吟，koh會怎樣？ (A)予人會看 (B)予人會聽著聲 (C)予人會講話 (D)予人會感覺 問題第2條：根據演說，喉頭ê腔洞是tùi tó位起，至tó位為止？ (A) tùi咽頭喉頭口起，至環狀軟骨下面墘為止 (B) tùi咽頭喉頭口起，至環狀軟骨頂面墘為止 (C) tùi咽頭氣管口起，至環狀軟骨下面墘為止 (D) tùi咽頭氣管口起，至環狀軟骨頂面墘為止

【演說第2段】 問題第3條：根據演說，有關喉頭ê講法，下面tó一个無正確？ (A)喉頭是親像聲音ê箱仔 (B)喉頭有9塊軟骨來做成--ê (C)喉頭ê軟骨有--ê大塊，有--ê細細塊 (D)喉頭ê軟骨攏平大塊

【演說第3段】 問題第4條：根據演說，下面tó一个描述是正確--ê？ (A)環狀軟骨是tī喉頭ê上頂面 (B)甲狀軟骨ê款式是親像手指 (C)環狀軟骨ê形像是親像V字ê款式 (D)Tī環狀軟骨ê後面有2塊軟骨叫做破裂軟骨

演說選擇題4 內外科看護學第7章論泌尿器系統第2段

問題第1條：根據演說，針對腎臟ê講法tó一个正確？ (A)腎臟ê部位是tī腹肚前 (B)脊椎骨ê左右各有1粒 (C)1粒ê重有525 gram (D)腎臟ê色是烏tò͘ 紅 問題第2條：Ma-lu-phi-gi ê小體ê路用是tùi血收無路用ê排泄物，就是啥物？ (A)尿 (B)汗 (C)血 (D)屎

問題第3條：根據演說，下面tó一个描述是無正確--ê？ (A)血tùi絲毬狀血管排泄尿，經過細尿管 (B)細尿管後來相合做集合管 (C)集合管後來排出尿tī腎門 (D)腎門就是輸尿管ê尾