Kū-iok Í-sài-a-su Tē 40 chiuⁿ

Presentation on theme: "Kū-iok Í-sài-a-su Tē 40 chiuⁿ"— Presentation transcript:

1 Kū-iok Í-sài-a-su Tē 40 chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Í-sài-a-su Tē 40 chiuⁿ 舊約 《以賽亞書》 第四十章 Isaiah

2 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 1 chat 第一節
Lín ê Siōng-tè kóng, Lín tio̍h an-ùi, an-ùi Goá ê peh-sìⁿ. Lín ê上帝講， Lín tio̍h安慰， 安慰我ê百姓。

3 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 2 chat 第二節
Tio̍h tùi Iâ-lō͘-sat-léng kóng hó-oē, koh pò i chai, i ê kau-chiàn í-keng chīn, i ê choē-koà í-keng sià; i ūi-tio̍h i it-chhè ê choē, tùi Iâ-hô-hoa ê chhiú ka-pē siū hêng-hoa̍t. Tio̍h對耶路撒冷講好話， koh報伊知，伊ê交戰已經盡， 伊ê罪過已經赦；伊為tio̍h伊一切ê罪， tùi耶和華ê手加倍受刑罰。

4 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 3 chat 第三節
Ū siaⁿ kiò kóng, Tī khòng-iá pī-pān Iâ-hô-hoa ê lō͘, tī soa-bô͘ ê toē, siu-pîⁿ lán ê Siōng-tè ê toā-lō͘. 有聲叫講， Tī曠野備辦耶和華ê路， tī沙漠ê地， 修平咱ê上帝ê大路。

5 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 4 chat 第四節
Chiah ê soaⁿ-kok lóng beh thūn hō͘ i tīⁿ, toā-soè ê soaⁿ-thâu lóng beh ku̍t hō͘ i kē; oan-oat--ê, beh koé hō͘ i ti̍t, khâm-khia̍t--ê, beh siu hō͘ i pîⁿ. Chiah-ê山谷lóng beh thūn hō͘伊tīⁿ， 大細ê山頭lóng beh掘hō͘伊低； 彎oat-ê，beh改hō͘伊直， 坎坷ê，beh修hō͘伊平。

6 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 5 chat 第五節
Iâ-hô-hoa ê êng-kng tek-khak hián-hiān, hoān-nā ū hiat-khì-ê beh lóng khoàⁿ-kìⁿ; in-ūi che sī Iâ-hô-hoa chhin-chhùi kóng--ê. 耶和華ê榮光的確顯現， 凡若有血氣ê beh lóng看見； 因為這是耶和華親嘴講ê。

7 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 6 chat 第六節
Ū siaⁿ kóng, Lí tio̍h kiò, i kóng, Goá tio̍h kiò sím-mi̍h? kìⁿ-nā ū hiat-khì--ê lóng chhin-chhiūⁿ chháu, i ê êng-kng lóng chhin-chhiūⁿ soaⁿ--nih ê hoe; chháu oē ta, hoe oē siā; 有聲講，你tio̍h叫，伊講， 我tio̍h叫甚麼？見若有血氣ê lóng 親像草，伊ê榮光lóng親像 山裡ê花；草會乾，花會謝；

8 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 7 chat 第七節
in-ūi Iâ-hô-hoa ê khì chhe tī i ê téng-bīn; peh-sìⁿ chin-chiàⁿ sī chháu. 因為耶和華ê氣 吹tī伊ê頂面； 百姓真正是草。

9 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 8 chat 第八節
Chháu oē ta, hoe oē siā; to̍k-to̍k lán ê Siōng-tè ê oē tek-khak éng-oán tī-teh. 草會乾，花會謝； 獨獨咱ê上帝ê話 的確永遠tī-teh。

10 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 9 chat 第九節
Pò hó siau-sit hō͘ Sek-an--ê ah, lí tio̍h chiūⁿ koâiⁿ-soaⁿ; pò hó siau-sit hō͘ Iâ-lō͘-sat-léng--ê ah, lí tio̍h chīn-la̍t chhut lí ê siaⁿ; tio̍h chhut-siaⁿ, m̄-bián kiaⁿ; tùi Iû-tāi ê siâⁿ kóng, Khoàⁿ ah, lín ê Siōng-tè. 報好消息hō͘錫安ê ah，你tio̍h 上高山； 報好消息hō͘耶路撒冷ê ah，你tio̍h盡力 出你ê聲；tio̍h出聲，m̄免驚； 對猶大ê城講，看ah，lín ê上帝。

11 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 10 chat 第十節
Khoàⁿ ah, Chú Iâ-hô-hoa beh chhin-chhiūⁿ toā koân-lêng--ê lîm-kàu , I ê chhiú tek-khak ūi I chiáng-koân; khoàⁿ ah, I ê siúⁿ-sù tī I hia, I ê pò-tap ia̍h tī I ê bīn-chêng. 看ah，主耶和華beh親像 大權能ê臨到，祂ê手的確 為祂掌權；看ah，祂ê賞賜tī祂hia， 祂ê報答亦tī祂ê面前。

12 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 11 chat 第十一節
I beh chhin-chhiūⁿ bo̍k-chiá kò͘ I ê iûⁿ-kûn, I beh ēng chhiú âⁿ-oá iûⁿ-á-kiáⁿ, phō i tī heng-chêng, bān-bān chhoā hiah-ê hō͘ iûⁿ-á suh-lin--ê. 祂beh親像牧者顧祂ê羊群， 祂beh用手âⁿ-oá羊á-kiáⁿ， 抱伊tī胸前， 慢慢chhoā hiah-ê hō͘羊á suh-lin-ê。

13 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 12 chat 第十二節
Chī-chūi bat ēng chhiú-sim niû chiah ê chúi, ēng chhiú-hó͘-kháu niû kiong-chhong, ēng táu toé toā-toē ê thô͘-hún, ēng chhìn chhìn soaⁿ-niá, ēng thian-phêng phêng soaⁿ-thâu ah? Chī-chūi bat用手心量chiah-ê水， 用手虎口量穹蒼，用斗 貯大地ê土粉，用秤秤山嶺， 用天秤秤山頭ah？

14 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 13 chat 第十三節
Chī-chūi bat chhek-to̍k Iâ-hô-hoa ê sim, á-sī choè I ê bô͘-sū lâi chí-kàu I ah? Chī-chūi bat測度 耶和華ê心， á是做祂ê謀士來指教祂ah？

15 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 14 chat 第十四節
I kap chī-chūi siong-liông, chī-chūi kà-sī I, chiong kong-pêng ê lō͘ chí-sī I, koh chiong tì-sek kà-sī I, chiong thong-ta̍t ê tō-lō͘ chí-kàu I ah? 祂kap chī-chūi商量， chī-chūi教示祂，將公平ê路指示祂， koh將智識教示祂， 將通達ê道路指教祂ah？

16 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 15 chat 第十五節
Khoàⁿ ah, bān peh-sìⁿ lóng chhin-chhiūⁿ chúi-tháng ê chi̍t-tih-chúi, koh chhin-chhiūⁿ thian-phêng-téng ê tîn-ai; I the̍h chiah ê hái-sū khí-lâi chhin-chhiūⁿ ke̍k bî-soè ê mi̍h. 看ah，萬百姓lóng親像 水桶ê一滴水，koh親像 天秤頂ê塵埃；祂the̍h chiah-ê海嶼 起來親像極微細ê物。

17 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 16 chat 第十六節
Lī-pa-lùn bô kàu-gia̍h thang choè hé-chhâ, kî-tiong ê cháu-siù bô kàu-gia̍h choè sio-chè. 黎巴嫩無夠額 thang做火柴， 其中ê走獸 無夠額做燒祭。

18 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 17 chat 第十七節
Bān peh-sìⁿ tī I ê bīn-chêng chhin-chhiūⁿ bô mi̍h; hō͘ I khoàⁿ ke̍k-kî bô, chiū-sī khang-khang. 萬百姓tī祂ê面前 親像無物； hō͘祂看極其無， 就是空空。

19 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 18 chat 第十八節
Lín kiù-kèng beh chiong chī-chūi pí-phēng Siōng-tè? ēng sím-mi̍h hêng-siōng kap Siōng-tè pí-phēng ah? Lín究竟beh將chī-chūi 比並上帝？ 用甚麼形象 kap上帝比並ah？

20 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 19 chat 第十九節
Ngó͘-siōng sī sai-hū chù-chō, gûn-chhiūⁿ ēng kim an--i, kā i chù gûn-liān. 偶像是師傅鑄造， 銀匠用金安伊， kā伊鑄銀鍊。

21 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 20 chat 第二十節
Sòng-hiong lâng bô la̍t thang hiàn chit-hō mi̍h, chiū kéng boē-oē hiú-hoāi ê chhâ, ūi i chhē kî-khiáu ê sai-hū, chhāi boē-oē iô-tāng ê ngó͘-siōng. Sòng-hiong人無力thang獻chit號物， 就揀boē會朽壞ê柴， 為伊chhē奇巧ê師傅， chhāi boē能搖動ê偶像。

22 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 21 chat 第二十一節
Lín kiám bē chai mah? lín kiám bē thiaⁿ-kìⁿ mah? tùi khí-thâu kiám bô kā lín kóng mah? tùi siat-li̍p toē ê kun-ki lín kiám bô bêng-pe̍k mah? Lín kiám未知mah？ lín kiám未聽見mah？ tùi起頭kiám無kā lín講mah？ tùi設立地ê根基lín kiám無明白mah？

23 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 22 chat 第二十二節
Chú chē tī toē ê toā-khoân, toē-chiūⁿ khiā-khí ê peh-sìⁿ chhin-chhiūⁿ chháu-meh; I tián-khui thiⁿ chhin-chhiūⁿ tiùⁿ-pak, an-tì i, chhin-chhiūⁿ thang khiā-khí ê pò͘-pîⁿ. 主坐tī地ê大環，地上 khiā起ê百姓親像草蜢； 祂展開天親像帳幅， 安置伊，親像thang khiā起ê布棚。

24 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 23 chat 第二十三節
I hō͘ kun-ông kui tī bô; hō͘ toē-chiūⁿ ê sím-phoàⁿ-koaⁿ chiâⁿ-choè khang-hu. 祂hō͘君王歸tī無； hō͘地上ê審判官 成做空虛。

25 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 24 chat 第二十四節
In sī tú-á chai, tú-á chèng; i ê châng tú-á tèng-kun tī toē--nih; I chi̍t-ē chhe tī i téng-bīn, chiū lóng ko͘-tâ, kńg-lê-hong chiong i chhe--khì, chhin-chhiūⁿ chháu-iù chi̍t-iūⁿ. In是tú-á栽，tú-á種；伊ê叢tú-á 釘根tī地裡；祂一下吹tī伊頂面， 就lóng枯焦，捲螺風將伊吹去， 親像草幼一樣。

26 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 25 chat 第二十五節
Chì-sèng-ê kóng, Lín beh ēng chī-chūi pí-phēng Goá, hō͘ Goá kap i pîⁿ ah? 至聖ê講， Lín beh用chī-chūi比並我， hō͘我kap伊平ah？

27 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 26 chat 第二十六節
Lín kia̍h-ba̍k khoàⁿ téng-bīn, khoàⁿ chī-chūi chhòng-chō chiah-ê, chiàu siàu-ba̍k chhoā hiah ê bān-kun chhut-lâi; I chi̍t-ê chi̍t-ê chheng in ê miâ; in-ūi I ê koân-lêng, koh in-ūi I ê toā koân-lêng, toā khùi-la̍t, liân chi̍t-ê ia̍h bô khiàm. Lín kia̍h目看頂面，看chī-chūi 創造chiah-ê，照賬目chhoā hiah-ê 萬軍出來；祂一個一個稱in ê名； 因為祂ê權能，koh因為祂ê大權能， 大氣力，連一個亦無欠。

28 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 27 chat 第二十七節
Ngá-kok ah, lí siáⁿ-sū kóng, Í-sek-lia̍t ah, lí siáⁿ-sū kóng, Goá ê tō-lō͘ ún-ba̍t tī Iâ-hô-hoa, goá ê àn-kiāⁿ bô tit-tio̍h Siōng-tè liāu-lí. 雅各ah，你啥事講， 以色列ah，你啥事講， 我ê道路隱密tī耶和華， 我ê案件無得tio̍h上帝料理。

29 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 28 chat 第二十八節
Lí kiám bē chai mah? Lí kiám bē thiaⁿ-kìⁿ mah? éng-éng tī-teh ê Siōng-tè, Iâ-hô-hoa, chhòng-chō toē-ke̍k--ê, I bô ià, ia̍h bô siān; I ê tì-hūi bô thang chhek-to̍k. 你kiám未知mah？你kiám未聽見mah？ 永永tī-teh ê上帝，耶和華， 創造地極ê，祂無厭，亦無倦； 祂ê智慧無thang測度。

30 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 29 chat 第二十九節
Ià-siān--ê I hō͘ i lêng-le̍k; nńg-chiáⁿ-ê, I ke-thiⁿ i ê khùi-la̍t. 厭倦ê祂hō͘伊能力； 軟chiáⁿ-ê，祂加添伊ê氣力。

31 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 30 chat 第三十節
Siàu-liân lâng ia̍h oē ià oē siān, ióng-chòng ê lâng ia̍h oē poa̍h-tó. 少年人亦會厭會倦， 勇壯ê人亦會跋倒。

32 Í-sài-a-su 《以賽亞書》 Isaiah Tē sì-cha̍p chiuⁿ 第四十章 Tē 31 chat 第三十一節
To̍k-to̍k oá-khò Iâ-hô-hoa--ê beh tit-tio̍h sin ê khùi-la̍t; in beh chhin-chhiūⁿ eng-chiáu thí-si̍t pe-koâiⁿ; in cháu, ia̍h bô ià; kiâⁿ ia̍h bô siān. 獨獨oá靠耶和華ê beh得tio̍h 新ê氣力；in beh親像鷹鳥 thí翼飛高；in走，亦無厭； 行亦無倦。