Kū-iok Ngá-ko Tē saⁿ chiuⁿ

Presentation on theme: "Kū-iok Ngá-ko Tē saⁿ chiuⁿ"— Presentation transcript:

1 Kū-iok Ngá-ko Tē saⁿ chiuⁿ
Pa-khek-lé Siu-tèng-pán Sèng-keng 巴克禮修訂版聖經 Kū-iok Ngá-ko Tē saⁿ chiuⁿ 舊約 《雅歌》 第三章 Song of Songs

2 Ngá-ko《雅歌》 Song of Songs Tē saⁿ chiuⁿ 第三章 Tē 1 chat 第一節
Goá mî--sî the tī goá ê bîn-chhn̂g, chhē goá ê sim só͘-thiàⁿ--ê, Goá chhē i, iā chhē-boē-tio̍h. 我暝時the tī我ê眠床， chhē我ê心所疼ê， 我chhē伊，也chhē-boē-tio̍h。

3 Ngá-ko《雅歌》 Song of Songs Tē saⁿ chiuⁿ 第三章 Tē 2 chat 第二節
Taⁿ goá beh khí-lâi sì-koè kiâⁿ tī siâⁿ-lāi, Tī koe-lō͘, tī khoan-khoah ê só͘-chāi, Goá beh chhē goá ê sim só͘-thiàⁿ-ê; Goá chhē i iā chhē-boē-tio̍h. Taⁿ我beh起來四界行tī城內， Tī街路，tī寬闊ê所在， 我beh chhē我ê心所疼ê； 我chhē伊也chhē-boē-tio̍h。

4 Ngá-ko《雅歌》 Song of Songs Tē saⁿ chiuⁿ 第三章 Tē 3 chat 第三節
Siâⁿ-lāi sûn-cha ê lâng tú-tio̍h goá, Goá mn̄g in kóng, Lín ū khoàⁿ-kìⁿ goá sim só͘-thiàⁿ-ê á-bô? 城內巡查ê人tú-tio̍h我， 我問in講， Lín有看見我心所疼ê á無？

5 Ngá-ko《雅歌》 Song of Songs Tē saⁿ chiuⁿ 第三章 Tē 4 chat 第四節
Goá lī-khui in bô joā-hn̄g, Chiū tú-tio̍h goá ê sim só͘-thiàⁿ-ê, Goá khîⁿ i, m̄ hō͘ i khì; Thèng-hāu goá chhoā i ji̍p goá lāu-bú ê ke, Chiū-sī siⁿ-goá-ê ê pâng-lāi. 我離開in無joā遠， 就tú-tio̍h我ê心所疼ê，我擒伊， m̄ hō͘伊去；thèng候我chhoā伊 入我老母ê家，就是生我ê ê房內。

6 Ngá-ko《雅歌》 Song of Songs Tē saⁿ chiuⁿ 第三章 Tē 5 chat 第五節
Iâ-lō͘-sat-léng ê chèng cha-bó͘-gín-ná ah, Goá kí lêng-iông í-ki̍p tiân-iá ê lo̍k-bú, chhiat-chhiat hoan-hù lí, Bo̍h-tit phah-chhíⁿ i, bo̍h-tit kiáu-jiáu goá só͘-thiàⁿ-ê; Thèng-hāu i ka-kī chêng-goān. 耶路撒冷ê眾cha-bó͘-gín-ná ah， 我kí羚羊以及田野ê鹿母， 切切吩咐你，莫得phah醒伊， 莫得攪擾我所疼ê； thèng候伊家己情願。

7 Ngá-ko《雅歌》 Song of Songs Tē saⁿ chiuⁿ 第三章 Tē 6 chat 第六節
Hit ê tùi khòng-iá--nih lâi, hêng-chōng chhin-chhiūⁿ hé-hun ê thiāu, Ēng bu̍t-io̍h kap jú-hiuⁿ, í-ki̍p seng-lí lâng ta̍k-iūⁿ ê phang-hún lâi hō͘ i phang-ê, Sī chī-chūi ah? Hit-ê tùi曠野裡來，形狀 親像火薰ê柱，用沒藥 kap乳香，以及seng-lí人ta̍k樣ê 芳粉來hō͘伊芳ê，是chī-chūi ah？

8 Ngá-ko《雅歌》 Song of Songs Tē saⁿ chiuⁿ 第三章 Tē 7 chat 第七節
Khoàⁿ ah, sī Só͘-lô-bûn ê kiō, Sì-ûi ū la̍k-cha̍p ê ióng-sū, Lóng sī tùi Í-sek-lia̍t ióng-sū-tiong kéng--ê. 看ah， 是所羅門ê轎， 四圍有六十個勇士， lóng是tùi以色列勇士中揀ê。

9 Ngá-ko《雅歌》 Song of Songs Tē saⁿ chiuⁿ 第三章 Tē 8 chat 第八節
In lóng oē hiáu ēng kiàm, gâu kau-chiàn, Lâng-lâng pē to tī io--nih, Tî-hông mî--sî ê gûi-hiám. In lóng會曉用劍， gâu交戰， 人人背刀tī腰裡， 持防暝時ê危險。

10 Ngá-ko《雅歌》 Song of Songs Tē saⁿ chiuⁿ 第三章 Tē 9 chat 第九節
Só͘-lô-bûn ông ēng Lī-pa-lùn ê chhâ, Ūi ka-kī choè chi̍t téng kim-lián. 所羅門王用黎巴嫩ê柴， 為家己做一頂金輦。

11 Ngá-ko《雅歌》 Song of Songs Tē saⁿ chiuⁿ 第三章 Tē 01 chat 第十節
I ê thiāu sī ēng gûn choè--ê, I ê toé sī ēng kim choè ê, I ê tiām sī chí-sek-ê, Kî-tiong sī ēng Iâ-lō͘-sat-léng ê chèng cha-bó͘-gín-ná ê ài-chêng pho͘--ê. 伊ê柱是用銀做ê， 伊ê 底是用金做ê，伊ê墊是紫色ê， 其中是用耶路撒冷ê 眾cha-bó͘-gín-ná ê愛情鋪ê。

12 Ngá-ko《雅歌》 Song of Songs Tē saⁿ chiuⁿ 第三章 Tē 11 chat 第十一節
Sek-an ê chèng cha-bó͘-gín-ná ah, lín tio̍h chhut-khì khoàⁿ Só͘-lô-bûn ông, I tì bián-liû, chiū-sī tī i ha̍p-hun ê ji̍t, i ê sim hoaⁿ-hí ê ji̍t, I ê lāu-bú kā i tì--ê. 錫安ê眾cha-bó͘-gín-ná ah， lín tio̍h出去看所羅門王， 伊戴冕旒，就是tī伊合婚ê日， 伊ê心歡喜ê日，伊ê老母kā伊戴ê。