Kū-iok Í-se-kiat-su Tē 15 chiuⁿ Pa-khek-lé Siu-tèng-pán Sèng-keng 巴克禮修訂版聖經 Kū-iok Í-se-kiat-su Tē 15 chiuⁿ 舊約 《以西結書》 第十五章 Ezekiel
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 1 chat 第一節 Iâ-hô-hoa ê oē lîm-kàu goá kóng, 耶和華ê話 臨到我講，
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 2 chat 第二節 Jîn-chú ah, phû-tô-chhiū chiū-sī chhiū-nâ-lāi chhiū-ba̍k-tiong ê chi̍t-ki, i pí ta̍k-hō chhiū ū sím-mi̍h khah-iâⁿ? 人子ah，葡萄樹就是 樹林內樹木中ê一支， 伊比ta̍k號樹有甚麼khah贏？
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 3 chat 第三節 Kiám oē thang tùi i chhú chhâ-liāu choè sím-mi̍h lō͘-ēng? á-sī thang ēng i choè khi̍t-á lâi tiàu sím-mi̍h khì-kū mah? Kiám會thang對伊取柴料 做甚麼路用？ á是thang用伊做杙á來 吊甚麼器具mah？
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 4 chat 第四節 Khoàⁿ ah, sī hiat tī hé--nih choè hé-chhâ, siang-thâu í-keng hō͘ hé sio-liáu, tiong-ng ia̍h siū-sio, iáu ū sím-mi̍h lō͘-ēng ah? 看ah，是hiat tī火裡做火柴， 雙頭已經hō͘火燒了， 中央亦受燒， iáu有甚麼路用ah？
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 5 chat 第五節 Khoàⁿ ah, hó-hó ê sî, siōng-chhiáⁿ m̄-ha̍p sím-mi̍h lō͘-ēng, hô-hòng hō͘ hé sio, í-keng pháiⁿ--khì, iáu oē ha̍p sím-mi̍h lō͘-ēng ah? 看ah，好好ê時， 尚且m̄合甚麼路用， 何況hō͘火燒，已經pháiⁿ去， iáu能合甚麼路用ah？
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 6 chat 第六節 Só͘-í Chú Iâ-hô-hoa án-ni kóng, Chhin-chhiūⁿ chhiū-nâ-lāi chiah ê chhiū-tiong ê phû-tô, Goá só͘ kau-hù tī hé-tiong choè hé-chhâ--ê, Goá ia̍h beh chiàu án-ni khoán-thāi Iâ-lō͘-sat-léng khiā-khí ê peh-sìⁿ. 所以主耶和華án-ni講，親像 樹林內chiah-ê樹中ê葡萄， 我所交付tī火中做火柴ê， 我亦beh照án-ni 款待耶路撒冷khiā起ê百姓。
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 7 chat 第七節 Goá beh tùi in pìⁿ-bīn; in tùi hé-tiong chhut-lâi, chóng-sī hé beh sio-bia̍t in. Goá tùi in pìⁿ-bīn ê sî, lín chiū chai Goá sī Iâ-hô-hoa. 我beh對in變面；in tùi火中 出來，總是火beh燒滅in。 我對in變面ê時， lín就知我是耶和華。
Í-se-kiat-su《以西結書》 Ezekiel Tē cha̍p-gō͘ chiuⁿ 第十五章 Tē 8 chat 第八節 Goá beh hō͘ chit só͘-chāi hong-hoè, in-ūi in kiâⁿ tāi-chì lâi hoān-choē; che sī Chú Iâ-hô-hoa kóng--ê. 我beh hō͘ chit所在荒廢， 因為in行tāi-chì來犯罪； 這是主耶和華講ê。