Kū-iok Si-phian Tē 66 phiⁿ Pa-khek-lé Siu-tèng-pán Sèng-keng 巴克禮修訂版聖經 Kū-iok Si-phian Tē 66 phiⁿ 舊約 《詩篇》 第66篇 Psalms

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 1 chat 第一節 (Chi̍t phiⁿ si-koa, kau hō͘ Ga̍k-koaⁿ.) Choân-toē lóng tio̍h tùi Siōng-tè lâi chhut hoaⁿ-hí ê siaⁿ; (一篇詩歌，交hō͘樂官。) 全地lóng tio̍h tùi上帝來出歡喜ê聲；

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 2 chat 第二節 Chhiùⁿ-koa o-ló I ê miâ ê êng-kng; Ēng o-ló ê oē lâi hián-bêng I ê êng-kng. 唱歌o-ló祂ê名ê榮光； 用o-ló ê話來 顯明祂ê榮光。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 3 chat 第三節 Tio̍h tùi Siōng-tè kóng, Lí ê só͘-choè kàu hiah thang kiaⁿ! In-ūi Lí ê toā koân-lêng, Lí ê tùi-te̍k beh hâng-ho̍k Lí. Tio̍h對上帝講， 祢ê所做到hiah thang驚！ 因為祢ê大權能， 祢ê對敵beh降服祢。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 4 chat 第四節 Choân-toē beh kèng-pài Lí, Gîm-si o-ló Lí; Beh gîm-si o-ló Lí ê miâ. 全地beh敬拜祢， 吟詩o-ló祢； Beh吟詩o-ló祢ê名。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 5 chat 第五節 Lín tio̍h lâi, lâi khoàⁿ Siōng-tè só͘-kiâⁿ ê sū, I tùi sè-kan-lâng só͘-choè--ê, put-chí thang kiaⁿ. Lín tio̍h來， 來看上帝所行ê事， 祂對世間人所做ê， 不止thang驚。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 6 chat 第六節 I chiong hái piàn-choè ta-toē; In pō͘-kiâⁿ kè-hô; Tī-hia goán in-ūi I lâi hoaⁿ-hí. 祂將海變做乾地； In步行過河； Tī-hia阮因為祂來歡喜。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 7 chat 第七節 I ēng I ê koân tī-lí, ti̍t kàu éng-oán; I ê ba̍k-chiu kàm-chhat lia̍t-pang; Poē-ge̍k ê lâng m̄-thang chū-ko. 祂用祂ê權治理，直到永遠； 祂ê目睭鑑察列邦； 悖逆ê人m̄-thang自高。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 8 chat 第八節 Bān peh-sìⁿ ah, lín tio̍h o-ló goán ê Siōng-tè; Hō͘ lâng thiaⁿ-kìⁿ o-ló I ê siaⁿ. 萬百姓ah， lín tio̍h o-ló阮ê上帝； Hō͘人聽見o-ló祂ê聲。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 9 chat 第九節 hō͘ goán ê sìⁿ-miā oa̍h-teh; Ia̍h bô hō͘ goán ê kha iô-tāng. 祂hō͘阮ê性命活teh； 亦無hō͘阮ê腳搖動。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 10 chat 第十節 Siōng-tè ah, Lí bat chhì-giām goán; Thoàn-liān goán chhin-chhiūⁿ thoàn-liān gûn chi̍t-iūⁿ. 上帝ah， 祢bat試驗阮；鍛鍊阮 親像鍛鍊銀一樣。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 11 chat 第十一節 Lí hō͘ goán ji̍p lô-bāng; Ēng tāng-tàⁿ hē tī goán ê sin-chiūⁿ. 祢hō͘阮入羅網； 用重擔hē tī阮ê身上。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 12 chat 第十二節 Lí hō͘ lâng chē-chhia, poâⁿ-kè goán ê thâu-khak; Goán keng-kè chúi-hé. Chóng-sī Lí hō͘ goán kàu pù-ū ê só͘-chāi. 祢hō͘人坐車， poâⁿ過阮ê頭殼； 阮經過水火。 總是祢hō͘阮到富有ê所在。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 13 chat 第十三節 Goá beh ēng sio-chè chìn-ji̍p Lí ê chhù; Goá beh tùi Lí siā goá ê goān, 我beh用燒祭 進入祢ê厝； 我beh對祢謝我ê願，

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 14 chat 第十四節 Chiū-sī tī goá hoān-lān ê sî, goá ê chhùi-tûn só͘ kóng--ê, Goá ê chhùi só͘ hē ê goān. 就是tī我患難ê時， 我ê嘴唇所講ê， 我ê嘴所hē ê願。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 15 chat 第十五節 Goá beh ēng pûi ê cheng-siⁿ ê sio-chè, Kap kang-iûⁿ ê phang-bī, hiàn hō͘ Lí; Koh ēng kang ê gû, kang ê soaⁿ-iûⁿ, lâi hiàn. 我beh用肥ê cheng-siⁿ ê燒祭， Kap公羊ê芳味，獻hō͘祢；Koh 用公ê牛，公ê山羊，來獻。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 16 chat 第十六節 Hoān-nā kèng-ùi Siōng-tè ê lâng, lín lóng tio̍h lâi thiaⁿ; Goá beh kóng-khí I ūi goá só͘ kiâⁿ ê sū. 凡若敬畏上帝ê人， lín lóng tio̍h來聽； 我beh講起祂為我所行ê事。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 17 chat 第十七節 Goá bat ēng goá ê chhùi kiû-kiò I; Ēng goá ê chi̍h o-ló I choè koâiⁿ. 我bat用我ê嘴求叫祂； 用我ê舌o-ló祂做高。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 18 chat 第十八節 Goá nā sim-lāi chù-tiōng choē-ok, Chú tek-khak bô beh thiaⁿ; 我若心內注重罪惡， 主的確無beh聽；

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 19 chat 第十九節 Chóng-sī Siōng-tè si̍t-chāi ū thiaⁿ-kìⁿ; Í-keng àⁿ-lo̍h thiaⁿ goá kî-tó ê siaⁿ. 總是上帝實在有聽見； 已經àⁿ落聽我祈禱ê聲。

Si-phian《詩篇》 Psalms Tē la̍k-cha̍p-la̍k phiⁿ 第六十六篇 Tē 20 chat 第二十節 Siōng-tè sī eng-kai o-ló--ê, I bē-bat the-sî goá ê kî-tó, ia̍h bē-bat hō͘ I ê chû-ài lī-khui goá. 上帝是應該o-ló-ê， 祂bē-bat推辭我ê祈禱，亦bē-bat hō͘祂ê慈愛離開我。