Kū-iok Sat-bó-jíⁿ Kì (I) Tē chhit chiuⁿ Pa-khek-lé Siu-tèng-pán Sèng-keng 巴克禮修訂版聖經 Kū-iok Sat-bó-jíⁿ Kì (I) Tē chhit chiuⁿ 舊約 《撒母耳記上》 第七章 I Samuel

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 1 chat 第一節 Ki-lia̍t-iâ-lîm lâng lâi, toà Iâ-hô-hoa ê iok-kūi chiūⁿ-khì, kàu tī soaⁿ-téng A-pí-ná-ta̍t ê chhù, hun-piat i ê kiáⁿ Í-lī-a-sat, kò͘-siú Iâ-hô-hoa ê iok-kūi. Ki-lia̍t-iâ-lîm人來， 帶耶和華ê約櫃上去， 到tī山頂A-pí-ná-ta̍t ê厝，分別 伊ê kiáⁿ Í-lī-a-sat，顧守耶和華ê約櫃。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 2 chat 第二節 Iok-kūi tī Ki-lia̍t-iâ-lîm ji̍t-chí kú-kú, le̍k-kè jī-cha̍p nî; Í-sek-lia̍t choân-ke tui-liām Iâ-hô-hoa. 約櫃tī Ki-lia̍t-iâ-lîm日子久久， 歷過二十年； 以色列全家追念耶和華。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 3 chat 第三節 Sat-bó-jíⁿ kā Í-sek-lia̍t choân-ke kóng, Lín nā chi̍t-sim kui-sūn Iâ-hô-hoa, chiū tio̍h tùi lín tiong-kan tû-khì goā-pang ê siōng-tè kap A-su-tha-lio̍k, kian-sim kui-ǹg Iâ-hô-hoa, toaⁿ-toaⁿ ho̍k-sāi I, I beh kiù lín thoat-lī Hui-lī-sū lâng ê chhiú. 撒母耳kā以色列全家講， Lín若一心歸順耶和華，就tio̍h tùi lín 中間除去外邦ê上帝kap A-su-tha-lio̍k， 堅心歸向耶和華，單單服事伊， 伊beh救lín脫離腓利士人ê手。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 4 chat 第四節 Í-sek-lia̍t lâng chiū tû-khì chiah ê Pa-le̍k kap A-su-tha-lio̍k, toaⁿ-toaⁿ ho̍k-sāi Iâ-hô-hoa. 以色列人就除去chiah-ê Pa-le̍k kap A-su-tha-lio̍k， 單單服事耶和華。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 5 chat 第五節 Sat-bó-jíⁿ kóng, Tio̍h chū-chi̍p Í-sek-lia̍t chèng-lâng tī Bí-su-pa, goá beh thoè lín kî-tó Iâ-hô-hoa. 撒母耳講，Tio̍h聚集 以色列眾人tī Bí-su-pa， 我beh替lín祈禱耶和華。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 6 chat 第六節 In chiū chū-chi̍p tī Bí-su-pa, chhiūⁿ-chúi piàⁿ tī Iâ-hô-hoa ê bīn-chêng, tī hit-ji̍t kìm-chia̍h, tī-hia kóng, Goán ū tek-choē Iâ-hô-hoa. Sat-bó-jíⁿ chiū tī Bí-su-pa phoàⁿ-toàn Í-sek-lia̍t lâng. In就聚集tī Bí-su-pa，上水piàⁿ tī 耶和華ê面前，tī hit日禁食， tī-hia講，阮有得罪耶和華。 撒母耳就tī Bí-su-pa判斷以色列人。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 7 chat 第七節 Hui-lī-sū lâng thiaⁿ-kìⁿ Í-sek-lia̍t lâng chū-chi̍p tī Bí-su-pa. Hui-lī-sū ê siú-léng chiū chiūⁿ-lâi beh kong-kek Í-sek-lia̍t lâng; Í-sek-lia̍t lâng thiaⁿ-kìⁿ chiū kiaⁿ Hui-lī-sū lâng. 腓利士人聽見以色列人 聚集tī Bí-su-pa。腓利士ê首領就 上來beh攻擊以色列人； 以色列人聽見就驚腓利士人。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 8 chat 第八節 Í-sek-lia̍t lâng kā Sat-bó-jíⁿ kóng, Goān lí thoè goán kiû-kiò Iâ-hô-hoa lán ê Siōng-tè bô soah, hō͘ I kiù lán thoat-lī Hui-lī-sū lâng ê chhiú. 以色列人kā撒母耳講， 願你替阮 求叫耶和華咱ê上帝無soah， Hō͘祂救咱脫離腓利士人ê手。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 9 chat 第九節 Sat-bó-jíⁿ chiū ēng chi̍t chiah chia̍h-lin ê iûⁿ-á, kui-chiah sio hiàn-hō͘ Iâ-hô-hoa choè sio-chè; Sat-bó-jíⁿ thoè Í-sek-lia̍t lâng kiû-kiò Iâ-hô-hoa; Iâ-hô-hoa ìn i. 撒母耳就用一隻食奶 ê羊á， kui隻燒獻hō͘耶和華做燒祭； 撒母耳替以色列人求叫耶和華； 耶和華應伊。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 10 chat 第十節 Sat-bó-jíⁿ teh hiàn sio-chè ê sî, Hui-lī-sū lâng chìn-chêng lâi, beh kap Í-sek-lia̍t lâng kau-chiàn; tī hit-ji̍t Iâ-hô-hoa khí toā-siaⁿ ê lûi kong-kek Hui-lī-sū lâng, phah-loān in; in chiū thâi-su tī Í-sek-lia̍t lâng ê bīn-chêng. 撒母耳teh獻燒祭ê時，腓利士人 進前來，beh kap以色列人交戰； tī hit日耶和華起大聲ê雷 攻擊腓利士人，phah亂in； in就thâi輸tī以色列人ê面前。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 11 chat 第十一節 Í-sek-lia̍t lâng tùi Bí-su-pa chhut-lâi, tui-koáⁿ Hui-lī-sū lâng, phah in ti̍t-kàu Pek-kah ê ē-bīn. 以色列人tùi Bí-su-pa出來， 追趕腓利士人， phah in直到Pek-kah ê下面。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 12 chat 第十二節 Sat-bó-jíⁿ ēng chi̍t tè chio̍h khiā tī Bí-su-pa kap Siān ê tiong-kan, kiò i ê miâ Í-piān-í-siā, kóng, Kàu chit-tia̍p Iâ-hô-hoa pang-chān lán. 撒母耳用一塊石 khiā tī Bí-su-pa kap Siān ê中間， 叫伊ê名Í-piān-í-siā，講， 到chit-tia̍p耶和華幫贊咱。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 13 chat 第十三節 Tùi chit-tia̍p Hui-lī-sū lâng chiū khut-ho̍k, m̄-káⁿ koh ji̍p Í-sek-lia̍t lâng ê kéng-lāi; Sat-bó-jíⁿ it-seng ê ji̍t, Iâ-hô-hoa ê chhiú kong-kek Hui-lī-sū lâng. Tùi chit-tia̍p，腓利士人就屈服， m̄敢koh入以色列人ê境內； 撒母耳一生ê日， 耶和華ê手攻擊腓利士人。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 14 chat 第十四節 Hui-lī-sū lâng só͘ ū chhú Í-sek-lia̍t lâng ê siâⁿ, tùi Í-kek-lûn kàu Ka-te̍k, lóng hêng Í-sek-lia̍t lâng; in hiah ê kéng-kài Í-sek-lia̍t lâng iā tùi Hui-lī-sū lâng ê hhiú siu tò-tńg; hit-sî Í-sek-lia̍t lâng kap A-mô͘-lī lâng hô-hó. 腓利士人所有取以色列人ê城， tùi Í-kek-lûn到Ka-te̍k，lóng還以色列人； in hiah-ê境界以色列人也tùi腓利士人ê手 收tò-tńg；hit時以色列人kap A-mô͘-lī人和好。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 15 chat 第十五節 Sat-bó-jíⁿ it-seng choè Í-sek-lia̍t ê sū-su. 撒母耳一生 做以色列ê士師。

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 16 chat 第十六節 I ta̍k-nî sûn-sī Pek-te̍k-lī, Kiat-kah, Bí-su-pa chiah ê só͘-chāi phoàⁿ-toàn Í-sek-lia̍t lâng; 伊ta̍k年巡視Pek-te̍k-lī、Kiat-kah、 Bí-su-pa chiah-ê所在 判斷以色列人；

Sat-bó-jíⁿ Kì (I) 《撒母耳記上》 I Samuel Tē chhit chiuⁿ 第七章 Tē 17 chat 第十七節 chiū tò-tńg-khì, kàu La̍h-má, in-ūi i ê ke tī-hia; iā tī hia phoàⁿ-toàn Í-sek-lia̍t lâng; iā tī-hia kā Iâ-hô-hoa khí chi̍t chō toâⁿ. 就tò-tńg去，到La̍h-má， 因為伊ê家tī-hia； 也tī hia判斷以色列人； 也tī-hia kā耶和華起一座壇。