Tē cha̍p-chhit chiuⁿ 第十七章 Pa-khek-lé Siu-tèng-pán Sèng-keng 巴克禮修訂版聖經 Kū-iok 舊約 Lī-bī-kì 《利未記》 Tē cha̍p-chhit chiuⁿ 第十七章

hoan-hù Mô͘-se kóng, 耶和華 Lī-bī-kì《利未記》 Leviticus Tē cha̍p-chhit chiuⁿ 第十七章 Tē 1 chat 第一節 Iâ-hô-hoa hoan-hù Mô͘-se kóng, 耶和華 吩咐摩西講：

Lí tio̍h hoan-hù A-lûn kap i hiah ê kiáⁿ kap Lī-bī-kì《利未記》 Leviticus Tē cha̍p-chhit chiuⁿ 第十七章 Tē 2 chat 第二節 Lí tio̍h hoan-hù A-lûn kap i hiah ê kiáⁿ kap Í-sek-lia̍t ê chèng-lâng kóng, Iâ-hô-hoa só͘ bēng-lēng-ê chiū-sī án-ni kóng. 你tio̍h吩咐亞倫kap伊hiah-ê kiáⁿ kap 以色列ê眾人講：耶和華所 命令ê就是án-ni講。

Kìⁿ-nā sio̍k Í-sek-lia̍t-ke ê lâng, Lī-bī-kì《利未記》 Leviticus Tē cha̍p-chhit chiuⁿ 第十七章 Tē 3 chat 第三節 Kìⁿ-nā sio̍k Í-sek-lia̍t-ke ê lâng, thâi gû-káng, á-sī mî-iûⁿ-á, á-sī soaⁿ-iûⁿ, bô-lūn thâi tī iâⁿ-lāi á-sī thâi tī iâⁿ-goā, 見若屬以色列家ê人， thâi牛káng，á是綿羊á，á是山羊， 無論thâi tī 營內á是thâi tī營外，

nā bô tāi-seng khan kàu hoē-bō͘ mn̂g-kháu, Lī-bī-kì《利未記》 Leviticus Tē cha̍p-chhit chiuⁿ 第十七章 Tē 4 chat 第四節 nā bô tāi-seng khan kàu hoē-bō͘ mn̂g-kháu, lâi Iâ-hô-hoa ê hoē-bō͘ chêng, hiàn hō͘ Iâ-hô-hoa choè lé-mi̍h, chhiah-huih ê choē beh kui tī hit-lâng, i ū chhiah-huih; hit-lâng beh tùi i ê peh-sìⁿ-tiong chián-tû; 若無事先牽到會幕門口， 來耶和華ê會幕前， 獻hō͘耶和華做禮物，刺血ê罪 beh歸tī hit人，伊有刺血； hit人beh tùi伊ê百姓中剪除；

che sī ūi-tio̍h Í-sek-lia̍t lâng chiong in tī Lī-bī-kì《利未記》 Leviticus Tē cha̍p-chhit chiuⁿ 第十七章 Tē 5 chat 第五節 che sī ūi-tio̍h Í-sek-lia̍t lâng chiong in tī chhân-iá só͘ hiàn ê chè, toà kàu hoē-bō͘ mn̂g-kháu, Iâ-hô-hoa ê bīn-chêng, kau hō͘ chè-si, hiàn hō͘ Iâ-hô-hoa choè siā-un ê chè. 這是為tio̍h以色列人將in tī 田野所獻ê祭，帶到會幕 門口，耶和華ê面前，交hō͘ 祭司，獻hō͘耶和華做謝恩ê祭。

Chè-si tio̍h chiong huih hiù tī hoē-bō͘ Lī-bī-kì《利未記》 Leviticus Tē cha̍p-chhit chiuⁿ 第十七章 Tē 6 chat 第六節 Chè-si tio̍h chiong huih hiù tī hoē-bō͘ mn̂g-kháu Iâ-hô-hoa ê toâⁿ-téng, chiong iû sio choè phang-phang ê bī, hiàn hō͘ Iâ-hô-hoa. 祭司tio̍h將血hiù tī會幕 門口耶和華ê壇頂， 將油燒做芳芳ê味， 獻hō͘耶和華。

In m̄-thang koh hiàn-chè tī in kiâⁿ siâ-îm só͘ thàn ê kúi-koài; Lī-bī-kì《利未記》 Leviticus Tē cha̍p-chhit chiuⁿ 第十七章 Tē 7 chat 第七節 In m̄-thang koh hiàn-chè tī in kiâⁿ siâ-îm só͘ thàn ê kúi-koài; che beh choè in ta̍k sè-tāi éng-oán ê lē. in m̄-thang koh獻祭tī in 行邪淫所thàn ê鬼怪； 這beh做in ta̍k世代永遠ê例。

Kìⁿ-nā sio̍k Í-sek-lia̍t-ke ê lâng, Lī-bī-kì《利未記》 Leviticus Tē cha̍p-chhit chiuⁿ 第十七章 Tē 8 chat 第八節 Lí tio̍h tùi in kóng, Kìⁿ-nā sio̍k Í-sek-lia̍t-ke ê lâng, á-sī kià-kha tī in tiong-kan ê goā-lâng, hiàn sio-chè á-sī chè-mi̍h; 你tio̍h對in講： 見若屬以色列家ê人， á是寄腳tī in中間ê外人， 獻燒祭á是祭物；

nā bô toà kàu hoē-bō͘ mn̂g-kháu, hiàn-hō͘ Iâ-hô-hoa, hit-lâng tio̍h Lī-bī-kì《利未記》 Leviticus Tē cha̍p-chhit chiuⁿ 第十七章 Tē 9 chat 第九節 nā bô toà kàu hoē-bō͘ mn̂g-kháu, hiàn-hō͘ Iâ-hô-hoa, hit-lâng tio̍h tùi i ê peh-sìⁿ-tiong siū chián-tû. 若無帶到會幕門口， 獻hō͘耶和華，hit人tio̍h tùi伊ê百姓中受剪除。

Kìⁿ-nā sio̍k Í-sek-lia̍t-ke ê lâng, á-sī kià-kha tī Lī-bī-kì《利未記》 Leviticus Tē cha̍p-chhit chiuⁿ 第十七章 Tē 10 chat 第十節 Kìⁿ-nā sio̍k Í-sek-lia̍t-ke ê lâng, á-sī kià-kha tī in tiong-kan ê goā-lâng, nā chia̍h sím-mi̍h huih, Goá beh tùi hit ê chia̍h-huih ê lâng pìⁿ-bīn, tùi i ê peh-sìⁿ-tiong chián-tû i. 見若屬以色列家ê人，á是寄腳tī in中間ê外人，若食甚麼血， 我beh 對hit-ê食血ê人變面， tùi伊ê百姓中剪除伊。

In-ūi bah ê oa̍h-miā chāi tī huih, Lī-bī-kì《利未記》 Leviticus Tē cha̍p-chhit chiuⁿ 第十七章 Tē 11 chat 第十一節 In-ūi bah ê oa̍h-miā chāi tī huih, Goá ēng i siúⁿ-sù lín, thang tī toâⁿ-téng ūi lín ê oa̍h-miā sio̍k-choē; in-ūi huih-lāi ū oa̍h-miā, só͘-í oē sio̍k-choē. 因為肉ê活命在tī血， 我用伊賞賜lín，thang tī壇頂 為lín ê活命贖罪； 因為血內有活命，所以能贖罪。

Só͘-í Goá tùi Í-sek-lia̍t lâng kóng, Lín Lī-bī-kì《利未記》 Leviticus Tē cha̍p-chhit chiuⁿ 第十七章 Tē 12 chat 第十二節 Só͘-í Goá tùi Í-sek-lia̍t lâng kóng, Lín lóng m̄-thang chia̍h huih; kià-kha tī lín tiong-kan ê goā-lâng iā m̄-thang chia̍h huih. 所以我對以色列人講：Lín lóng m̄-thang食血；寄腳tī lín 中間ê外人也m̄-thang食血。

Kìⁿ-nā Í-sek-lia̍t lâng, á-sī kià-kha tī in Lī-bī-kì《利未記》 Leviticus Tē cha̍p-chhit chiuⁿ 第十七章 Tē 13 chat 第十三節 Kìⁿ-nā Í-sek-lia̍t lâng, á-sī kià-kha tī in tiong-kan ê goā-lâng, nā phah-la̍h tit-tio̍h oē-chia̍h-tit ê khîm-siù, tio̍h chhiah i ê huih chhut-lâi, ēng thô͘ khàm i. 見若以色列人，á是寄腳tī in 中間ê外人，若phah獵得tio̍h 能食得ê禽獸，tio̍h刺 伊ê血出來，用土蓋伊。

Lūn-kàu it-chhè ū jio̍k-sin ê oa̍h-miā, i ê huih Lī-bī-kì《利未記》 Leviticus Tē cha̍p-chhit chiuⁿ 第十七章 Tē 14 chat 第十四節 Lūn-kàu it-chhè ū jio̍k-sin ê oa̍h-miā, i ê huih chiū-sī i ê oa̍h-miā; só͘-í Goá tùi Í-sek-lia̍t lâng kóng, Bô-lūn sím-mi̍h jio̍k-sin ê huih lín lóng m̄-thang chia̍h; in-ūi it-chhè jio̍k-sin ê oa̍h-miā chiū-sī i ê huih; kìⁿ-nā chia̍h i ê lâng tek-khak siū chián-tû. 論到一切有肉身ê活命，伊ê血 就是伊ê活命；所以我對以色列人講： 無論甚麼肉身ê血lín lóng m̄-thang食； 因為一切肉身ê活命就是伊ê血； 見若食伊ê人的確受剪除。

Kìⁿ-nā chia̍h ka-kī sí ê mi̍h, á-sī hō͘ iá-siù thiah-li̍h ê, Lī-bī-kì《利未記》 Leviticus Tē cha̍p-chhit chiuⁿ 第十七章 Tē 15 chat 第十五節 Kìⁿ-nā chia̍h ka-kī sí ê mi̍h, á-sī hō͘ iá-siù thiah-li̍h ê, bô-lūn sī pún-toē lâng, á-sī goā-lâng, tek-khak bô chheng-khì kàu ê-hng, lóng tio̍h soé i ê saⁿ, ēng chúi soé seng-khu, kàu ê-hng chiah chheng-khì. 見若食家己死ê物，á是hō͘野獸拆裂ê， 無論是本地人，á是外人，的確 無清氣到ê-hng，lóng tio̍h洗伊ê衫， 用水洗身軀，到ê-hng chiah清氣。

Chóng-sī i nā bô soé-saⁿ, chiū tio̍h tam-tng i ê choē-koà. 總是伊若無洗衫， Lī-bī-kì《利未記》 Leviticus Tē cha̍p-chhit chiuⁿ 第十七章 Tē 16 chat 第十六節 Chóng-sī i nā bô soé-saⁿ, soé seng-khu, chiū tio̍h tam-tng i ê choē-koà. 總是伊若無洗衫， 洗身軀， 就tio̍h擔當伊ê罪過。